Samtíðin - 01.09.1970, Blaðsíða 20

16
SAMTÍÐIN
unar með því að lesa gamalt hrós um verk
sín. Það, sem Johnson tekur orðrétt upp eftir
Sibeliusi, eru einkum almenn ummæli hans
um landslagið kringum bústað hans Járven-
páá eða tónlistarstarf sjálfs hans, sem hann
reyndi að gera sem dularfyllst.
Sannarlega gat þessi óskasonur finnsku
þjóðarinnar í aðgerðarleysi síðustu áratuga
ævinnar litið um öxl til frábærs listastarfs
síns á yngri árum. Sú goðsögn, sem umvafði
hann í ellinni, mun loða við þau verk, er
einkum halda nafni hans uppi: sjö sinfóníur,
fiðlukonsertinn, Tapiola og Dóttir Pohjolas,
svo að nefnd séu nokkur þeirra tónverka, er
einna bezt lýsa þúsund vatna landinu og
börnum þess í blíðu og stríðu.
Börn í sjúkrahúsum
DANSKUR yfirlæknir, P. W. Bræstrup
dr. med., hefur skrifað bók, sem hann nefn-
ir: „Hvað er að barninu mínu?“ (Hvad fejler
mit barn?). Hann víkur þar m. a. að því, hve
hæfilegt sé, að maður eyði löngum tíma í
heimsóknir til barna sinna, er þau dveljast
í sjúkrahúsum. Niðurstöður yfirlæknisins
eru á þessa leið:
Nauðsynlegt er að banna börnum sjúkra-
vitjanir vegna sýkingarhættu. Heppilegt er,
að mæður fari daglega í sjúkraheimsóknir
til barna sinna, en ekki er ráðlegt, að pær
hafi langa dvöl hjá þeim í hvert skipti. Það
er að öðru jöfnu óheppilegt, að mæður líti
á heimsóknir sínar sem e. k. barnagæzlu
eða grípi inn í hjúkrunarstarf spítalanna.
Heima hjá sér myndu þær hvort eð er ekki
eyða löngum tíma í einu við rúmstokk veikra
barna sinna. Börn þreytast fljótt á sjúkra-
heimsóknum. Því ætti fólk ekki að dveljast
hjá þeim nema hálftíma eða í mesta lagi
klukkutíma í senn, og ekki ættu aðrir að vitja
barnanna en þeir, sem eru gagnkunnugir
þeim, þ. e. foreldrar þeirra og ef til vill af-
ar og ömmur. Mikilsvert er, að börnum finn-
ist heimsóknin eðlileg, en ekki óvænt.
að vanmáttarkennd sé stundum sprottin
af fávíslegu ofmati á öðru fólki.
♦
að háttvísi karlmanns við konu sé oft í
því fólgin að vernda hana fyrir öðr-
um en sjálfum sér.
♦
að munurinn á stjórnmálaskörungi og
pólitíkusi sé meða! annars sá, að hinn
fyrrnefndi miðar starf sitt við næstu
kynslóðir, en sá síðarnefndi við næstu
kosningar.
♦
að draumadís sé kona, sem lætur draum
karlmannsins rætast.
♦
að gengislækkun sé hagfræðileg kollsteypa
þjóðfélagsins, sem leiði eignarnám,
verðbólgu og verkföll yfir þjóðirnar.
— Hvað merkja þessi r-=
ORÐ?
1. Gagnhollur, 2. gangári, 3. laggari, 4. kald-
ambur, 5. gasi, G. hafii, 7. hagalagður, 8. rafa-
belti, 9. ráðbani, 10. rakleið.
Merkingarnar eru á bls. 29.
★ Skófatnaður í f jölbreyttu úrvali.
★ KaupiS skóna þar, sem úrvalíð er mest.
SKÓVERZLUN PÉTURS ANDRÉSSONAR
Laugavegi 17 — Laugavégi 96 — Framnesvegi 2