Samtíðin - 01.10.1970, Blaðsíða 18

14
SAMTlÐlN
Hún leit á mig þessum djúpu, myrku aug-
um, og ég skildi ekki, hvað í svip hennar
bjó. Svo mýktust andlitsdrættir hennar ör-
lítið. „Þakk yður innilega fyrir,“ svaraði hún
lágt. „Það var hræðilegur missir.“
Ég gerði mig blíðan og nærgætinn. „Hann
var dásamlegur maður,“ sagði ég. „Iðkaði
hann nokkurn tíma glímu? Aldrei hef ég séð
jafn þróttmikla handleggi á nokkrum manni.“
Hún hristi rólega höfuðið. Mér þótti leitt
að hafa orðið til að rifja upp viðkvæmar
minningar. Ég er ekki kvalari að eðlisfari.
En þessi inngangur var nauðsynlegur. „Hann
var ekki glímumaður,“ sagði hún, „en var
fjarska sterkur.“
„Mig minnir, að hann segði mér einu sinni,
að hann vera ættaður frá Spörtu,“ sagði ég.
„Já,“ svaraði hún, „Kostas var Spartverji.“
„Auðvitað,“ sagði ég. „Hvernig gæti annað
verið. Sparta merkir þrek og þor.“
„Við vorum komin að götuhorninu. Þar
nam hún staðar og leit aftur á mig. „Hann
hefði orðið glaður við að heyra yður segja
þetta,“ mælti hún. „Þakk yður fyrir, herra
ií
„Larakis,“ sagði ég, „Mike Larakis.“
„Þakk yður fyrir, herra Larakis,“ sagði
hún. „Nú fer ég þessa leið.“
Ég andvarpaði. Hér yrði að fara að öllu
með gát. Flas er ekki til fagnaðar. „Frú Ang-
ela,“ sagði ég, „þér megið ekki væna mig
um virðingarleysi. Ég hef bara ekki verið
hér í bænum nema stuttan tíma. Gömlu vin-
irnir mínir eru fluttir héðan og horfnir. Vitið
þér, hvernig það er að vera einmana?"
Þarni hitti ég markið. Ég sá bara skaftið
á örinni standa út úr brjóstinu á konunni.
Framh. i næsta blaði.
Lögregla: „Hvemig varö áreksturinn?“
ökuniðingur: „Það varð alls enginn
árekstur. Ég bremsaði bara til að hleypa
honum yfir gatnamótin, og þá varð hann
svo hissa, að það leið yfir hann,“
MERKINGAR ORÐA á bls. 11.
1. Varkár, 2. fjallskilaseðill, 3. klunnalegur
maður, 4. skæðadrífa, 5 heimsslit, 6. lieimafólk,
7. kirkjugarðshlið, 8 súr mjólk, 9 seigmeti, 10.
unglingur á gelgjuskeiði.
Rödd forsætisráðherrans
Emilio Colombo, forsætisráðherra Ítalíu, nýt-
ur mikils álits vegna hæfileika sinna, mennt-
unar og ekki sízt hagnýtrar reynslu. Hann er
fimmtugur og hefur átt sæti í ríkisstjórnum
Ítalíu undanfarin 17 ár, en verið þingmaður,
siðan hann var 26 ára. Colombo hefur áður
gegnt embætti fjármálaráðherra, enda sérfræð-
ingur í efnahagsmálum og hefur oft verið full-
trúi lands síns í alþjóðaumræðum um efnahags-
mál. Þegar hann varð forsætisráðherra í sumar,
var uppi ríkur orðrómur um, að gengi ítalska
gjaldmiðilsins, lírunnar, yrði fellt. Colombo
svaraði fyrirspurnum fransks blaðamanns um
þetta þannig:
„Að fella gengi lírunnar væru mjög al-
varleg mistök, sem myndu grafa undan
efnahagslegu jafnvægi ítölsku þjóðarinn-
ar. Okkur langar ekki í frekari verðbólgu
en orðin er hér í landi“.
Aldursmet í Evrópu?
ÚTLIT er fyrir, að langlífasti maður Evr-
ópu hafi verið ítali nokkur, sem átti heima
í Appennínafjöllunum. Hann lézt fyrir xæp-
um 300 árum 150 ára gamall. Svolátandi heim-
ild um þetta fannst nýlega í skjölum kirkju
einnar þarna suður frá: '
Á því herrans ári, 1671, hinn 19. septem-
ber, gaf Domenico Zanardi í Castellucci hér-
aði, 150 ára gamall, upp öndina til Guðs með
huggun heilagrar kirkju Guðs móður.
Áður héldu menn, að Alexander Filipof>
sem lézt í Varna í Búlgaríu 122ja ára gamall,
hefði orðið elztur allra Evrópumanna.
• SÉRHVER fjölskylda þarfnast fjölbreytts
og skemmtilegs heimilisblaðs. SAMTÍÐlN
kappkostar að veita íslendingum þá þjónustu.
MINJAGRIPIR DG GJAFAVÖRUR
VIÐ ALLRA HÆFI.
Skartgripaverzlunin CIMAIL
HAFNARSTRÆTI 7 - SIMI Z-D4-75