Fréttablaðið - 24.06.2010, Blaðsíða 34
24. JÚNÍ 2010 FIMMTUDAGUR8 ● metan
Ný skoðunarbók með viðbæti
um metanknúna bíla kemur út
1. ágúst.
„Það hefur verið að ýmsu að
hyggja við gerð nýrra skoðunar-
reglna vegna metanknúinna bif-
reiða,“ segir Kristófer Kristóf-
ersson, verkefnastjóri tæknimála
ökutækja hjá Umferðarstofu, um
nýju skoðunarbókina sem skoð-
unarstöðvar fá nú mánaðartíma
til að kynna sér svo vinnuaðferð-
ir um allt land séu samræmdar
frá og með 1. ágúst.
„Langur tími hefur farið í að
fastsetja hversu langt við eigum
að ganga í kröfum,“ segir Krist-
ófer. „Við förum fram á að breyt-
ingar yfir í metanknúna bíla fari
fram hérlendis. Eftir að búnaður
hefur verið settur í bíla þarf Um-
ferðarstofa vottorð um alla íhluti
sem settir voru í bílinn og því
næst fer hann á skoðunarstöð þar
sem hann fær viðurkenningu eða
ekki. Þaðan fáum við svo pappíra
um að bíllinn hafi gengist undir
skoðun og setjum athugasemd í
skírteini bílsins um að hann sé
einnig knúinn metangasi.“
Að sögn Kristófers skapaði
þyngd gaskúta vandamál í nýju
skoðunarhandbókinni.
„Lítill bíll með takmark-
að burðarþol getur auðveldlega
misst út farþega ef þungur gas-
kútur er kominn í bílinn, en við
megum aldrei hrófla við eigin
þyngd bíls eða ófrávíkjanlegu
burðarþoli hans frá framleið-
enda,“ segir Kristófer og ítrek-
ar markmið Umferðarstofu að
vinna fyrst og fremst að umferð-
aröryggi, því allt snúist þetta um
mannslíf á endanum.
„Við viljum ekki sjá óþarfa
slys vegna ólöglegra þyngda
eða slakra festinga á kútum. Því
þurfa kútar að snúa þversum í
farmrými til að lenda ekki í baki
farþega við aftanákeyrslu.“
Eftir 1. ágúst geta aðilar með
fullt leyfi tekið að sér breyting-
ar á bílum en þurfa fyrst að skila
til Umferðarstofu viðurkenningu
um að þeir hafi lært að skipta um
búnað og breyta bílum.
Jón Hjalti Ásmundsson,
tæknilegur framkvæmdastjóri
Frumherja, breytti fjölskyldu-
bílnum svo hann gengi fyrir
metangasi.
„Við fjölskyldan fengum okkur
nýjan Toyota Tundra í fyrrasumar
en hann eyðir miklu bensíni og hafði
ég strax áhuga á að gera hann met-
anknúinn. Ég hef fylgst með þróun
metanmála hérlendis frá upphafi og
komst að því að Vélamiðstöðin, sem
er frumkvöðull í breytingum á Ís-
landi, skorti enn reglur til að vinna
eftir. Því hóf ég,
í samstarfi við
Vélamiðstöðina
og Umferðar-
stofu, vinnu við
útfærslu reglna
sem um þetta
gilda,“ segir Jón
Hjalti, sem var
um árabil yfir-
maður bílaskoð-
unar hjá Frumherja og vann að sam-
ræmingu regluverks bílaskoðana.
Á bíl Jóns Hjalta hefur tveimur
kútum verið komið fyrir á palli bíls-
ins. Svo þurfti viðbótarstykki á vél-
ina sem blæs inn metani í stað bens-
íns. „Allir bensínbílar með beina
innspýtingu geta orðið metanknún-
ir, en kútastærð fer eftir eyðslu bíls-
ins. Erlendis er mikil þróun í kúta-
framleiðslu og við munum sjá trefja-
kúta hér sem eru léttari. Kútana
má setja undir bíla, í farmrými og
víðar,“ segir Jón Hjalti, sem finnur
mun á seðlaveskinu eftir að Toyotan
gekkst við metani. „Metan er í gas-
formi á bílum. Orkuinnihald færist
yfir í lítra af bensíni, en lítrinn af
metani útleggst á rúmar 100 krónur,
sem er mikill sparnaður ef maður
notar bílinn mikið. Ég er með tvo
70 lítra kúta og kemst langt á þeim.
Bíllinn fer í gang á bensíni en skipt-
ir yfir í metan þegar hann er orðinn
heitur. Metanbúnaðurinn er þannig
auka orkugjafi,“ segir Jón Hjalti
sem finnur engan mun á krafti bíls-
ins þegar hann er metanknúinn.
„Ég bíð spenntur eftir að kom-
ast í ókeypis bílastæði miðbæjarins
því þeir sem menga undir ákveðn-
um mörkum mega leggja frítt. Svo
smitar metanlífsstíllinn út frá sér
því alltaf koma tveir til þrír að for-
vitnast og uppveðrast þegar ég tek
eldsneyti á kútana. Þetta er enda
mjög freistandi, ekki síst þegar elds-
neytisverð hækkar.“
Lífsstíllinn smitar frá sér
Kristófer Kristófersson er verk-
efnastjóri tæknimála ökutækja hjá
Umferðarstofu, þar sem nú er lögð
lokahönd á útgáfu nýrrar skoðunar-
bókar. FRÉTTABLAÐIÐ/STEFÁN
Jón Hjalti
Ásmundsson
Bókin kemur út í sumar
Laugavegi 170-174 · 590 5000 · hekla.is · hekla@hekla.isÞjónustuver og þjónustumóttökur: Opið frá 8-17 alla virka daga · Pantanasími 590 5030 · thjonusta@hekla.is. Netspjall á www.hekla.is.
Vaxtalaust 100% þjónustulánVið gerum þinn Škoda
kláran fyrir sumarið
Það kostar minna en þú heldur að nýta þér þjónustu Magga og félaga á þjónustu-
verkstæði Škoda. Þú færð líka vaxtalaust 100% lán fyrir því sem þarf til að gera
Škoda bílinn þinn kláran fyrir sumarið. Við lánum með sveigjanlegum greiðslum til
allt að tólf mánaða*. Láttu okkur gera betur við bílinn þinn.
Val um upprunalega eða ódýrari varahluti Sérstök hraðþjónusta í boði Ókeypis forgreining
F
í
t
o
n
/
S
Í
A
*Lán geta numið að hámarki 500 þús, að lágmarki 60 þús. Lántökugjald: 3%.
Þjónustulán
0% vextir
Jón Hjalti gerði endurbætur á bílnum sem gengur nú fyrir metangasi.