Fréttablaðið - 24.06.2010, Blaðsíða 44

24. júní 2010 FIMMTUDAGUR
SHERRY STRINGFIELD ER 43 ÁRA
„Það hlýst margt gott af frægð-
inni, en það var ekki fyrr en
hún hafði orðið prinsessu að
bana að fræga fólkið fór að tala
um hversu dýrkeypt hún er.“
Leikkonan Sherry Stringfield er
þekktust fyrir hlutverk sitt sem
Dr. Susan Lewis í ER, en fyrir það
hlaut hún margar Emmy- og Gold-
en Globe-tilnefningar.
Appólónía Schwartzkopf, norsk
heitkona amtmannsins á Bessa-
stöðum, lést skyndilega á Bessa-
stöðum fyrir 286 árum. Hún
kom til Íslands 1722 eftir að hafa
kært Niels Fuhrmann amtmann
fyrir heitrof. Hann var dæmdur
í Hæstarétti til að eiga hana og
sjá fyrir henni, og bjó hún hjá
honum á Bessastöðum uns hún
andaðist þar úr undarlegum
sjúkdómi. Á sama tíma voru á Bessastöðum danskar mæðgur, Katr-
ín og Karen Holm. Þegar Appólónía lést voru mæðgurnar grunaðar
um að hafa orðið henni að bana með eitri, en ekki tókst að færa
sönnur á það við rannsókn. Skáldsaga Guðmundar Daníelssonar,
Hrafnhetta frá 1958, og leikrit Þórunnar Sigurðardóttur, Haustbrúð-
ur sem sýnt var í Þjóðleikhúsinu 1989, fjalla bæði um Appólóníu.
ÞETTA GERÐIST 24. JÚNÍ 1724
Harmræn ástarsögulok
„Okkur langaði að láta kvenleg sjónarmið ráða í bókaútgáfu,
þar sem okkur fannst skorta á þau í karlaveldinu Máli og
menningu, þar sem við störfuðum áður,“ segir Hildur Her-
móðsdóttir, eigandi og framkvæmdastjóri Sölku, sem fagn-
ar tíu ára afmæli í dag. Hildur stofnaði Sölku ásamt Þóru
Sigríði Ingólfsdóttur árið 2000, en með ung börn ákvað Þóra
að selja Hildi hlut sinn tveimur árum síðar.
„Upphaflega ætluðum við bara að gefa út bækur eftir
konur fyrir konur og um konur, en síðan hafa höfundar af
báðum kynjum sótt til okkar um útgáfu og upphaflegt mark-
mið breyst því oft fáum við eitthvað freistandi í hendurnar
sem við viljum ekki missa af og látum þá ekki aftra okkur
að höfundurinn sé karl,“ segir Hildur hláturmild og bætir
við að hún sé lítið fyrir að gefast upp.
„Ég var alltaf ákveðin í að gera Sölku að stórfyrirtæki
og held það sé að takast. Síðustu tvö ár hafa verið sérstak-
lega uppgangssöm og nú erum við með fjórar af okkar nýj-
ustu bókum á metsölulista. Það er rífandi gangur og þótt
kreppan hafi fyrst skotið mér skelk í bringu hefur óttinn
verið ástæðulaus því fólk hefur leitað í gömul gildi eins og
bóklestur og hyggur inn á við, en okkar bækur gefa gjarn-
an gott í sálina,“ segir Hildur sem sótti nafn útgáfunnar til
Sölku Völku; sterkrar og sjálfstæðrar söguhetju Halldórs
Laxness.
„Salka starfa í anda Leyndarmálsins, hefur trú á því
sem hún gerir, stefnir ótrauð á takmörk sín og starfar í
jákvæðum anda,“ segir Hildur og vísar til metsölubókar-
innar Leyndarmálsins þar sem stendur: Hið hugsanlega er
mögulegt.
„En þetta er erfiður bransi og þarf mikið til að ríða feit-
um hesti frá. Það þarf að breyta bóksölukerfi á Íslandi því
við setjum allt í umboðssölu bókaverslana þar sem þær hafa
mjög langan greiðslufrest og mega til baka skila öllu sem
ekki selst. Það þarf maður að kreditfæra, sem er ósann-
gjarnt með hliðsjón af annarri smásölu. Bókaútgáfur borga
þungan kostnað án þess að fá krónu til baka í rekstur sinn
fyrr en löngu seinna þegar bækur sitja mánuðum saman í
búðum án þess að fyrir þær fáist greitt. Ég segi því stundum
að bókaútgáfa sé eftir-á-bisness, en auðvitað ættu bókaversl-
anir að kaupa af okkur bækur á heildsöluverði og lækka
síðan verðið eins og með aðra vöru sem ekki selst og fer þá
á útsölu.“
Hildur segir bókaútgáfur vinna gríðarstórt menningar-
starf.
„Bókaútgáfur skaffa lesendum lesefni og halda menning-
arverðmætum til haga með því að gefa út bækur, en fá afar
lítinn stuðning eða ívilnanir frá hinu opinbera til að standa
í því öllu saman. Ég vil sjá Landsbókasafnið, sem við erum
skyldug til að gefa fjögur eintök af öllum útgefnum bókum,
kaupa þau eintök því hafi maður gefið út 200 bækur um dag-
ana hefur maður fært þeim 800 bækur að gjöf. Það munar
um minna og ætti að vera sjálfsagður stuðningur við það
sem forlögin gera,“ segir Hildur sem þrátt fyrir allt lítur
björtum augum fram á veginn.
„Með þessu áframhaldi sé ég Sölku orðna að stórveldi
eftir tíu ár; og að sjálfsögðu í anda Leyndarmálsins.“
thordis@frettabladid.is
BÓKAÚTGÁFAN SALKA: ER TÍU ÁRA
Hið hugsanlega
er mögulegt
MEÐ KJARK OG TRÚ Hildur Hermóðsdóttir, bókaútgefandi hjá Sölku.
Elskulegur bróðir minn og frændi
okkar,
Sumarliði Maríasson
lést á líknardeild Landspítalans í Kópavogi þriðju-
daginn 15. júní. Útförin fer fram frá Fossvogskirkju
mánudaginn 28. júní kl. 13.00.
Matthildur Maríasdóttir
og frændsystkini.
Ástkær bróðir okkar og mágur
Grétar Breiðfjörð
Álfhólsvegi 109
lést 15. júní sl. Útför hans fer fram frá Fossvogskirkju
föstudaginn 25. júní kl. 13.00. Blóm og kransar vinsam-
legast afþakkaðir. Þeim sem vilja minnast hans er bent
á líknarfélög
Kolbrún Jónsdóttir Jörgen Tomasson
Ævar Breiðfjörð Ásta Guðjónsdóttir
Ragnar Breiðfjörð Jóna S. Kristinsdóttir
Dorothy M. Breiðfjörð Daníel Guðmundsson
Óskar Breiðfjörð
Margrét Breiðfjörð
Kristín Breiðfjörð Jón Emil Hermannsson
Móðir mín,
Laufey Sigurðardóttir
áður til heimilis að Espigerði 4,
lést á Hrafnistu sunnudaginn 20. júní. Útför hennar fer
fram frá Fossvogskirkju mánudaginn 28. júní kl. 15.00.
Fyrir hönd aðstandenda,
Lísa Thomsen.
Okkar ástkæra
Lilja Bernhöft
áður til heimilis að Meistaravöllum 11
í Reykjavík,
lést á dvalarheimilinu Grund við Hringbraut mánu-
daginn 21. júní. Útförin fer fram frá Fossvogskapellu
miðvikudaginn 30. júní kl. 11.
Baldur Sigurðsson Eva Benediktsdóttir
Gísli Sigurðsson Guðrún Hólmgeirsdóttir
Sigríður Bjarnadóttir Guðmundur Bjarnason
og Þóra Bjarnadóttir
Ástkær eiginkona mín, móðir okkar,
tengdamóðir, amma og langamma,
Matthildur Þórhallsdóttir
húsfreyja í Ártúni Grýtubakkahreppi,
lést fimmtudaginn 17. júní á Sjúkrahúsinu á Akureyri.
Jarðsungið verður frá Laufáskirkju laugardaginn
26. júní kl. 11.00. Blóm og kransar afþakkaðir, en
þeim sem vilja minnast hennar er bent á Lyflækninga-
deild 1 Sjúkrahúss Akureyrar. Fyrir mína hönd
og annarra vandamanna,
Sveinn Sigurbjörnsson.
Elskulegur eiginmaður minn,
faðir okkar og tengdafaðir,
Njörður Tryggvason
byggingaverkfræðingur,
lést á Landspítalanum Fossvogi föstudaginn 18. júní.
Útförin fer fram frá Akraneskirkju fimmtudaginn
24. júní kl. 14.00.
Kristrún Jónsdóttir
Jón Tryggvi Njarðarson Elisabeth Eigenberg
Hróðný Njarðardóttir Snorri Gunnarsson
Ástkær faðir minn,
Kristján Benedikt
Hjartarson
frá Knarrarhöfn, Dalabyggð,
andaðist á Vífilsstöðum 9. júní. Útför hans hefur farið
fram.
F.h. fjölskyldunnar,
Ingunn Hjördís Kristjánsdóttir.
Innilegar þakkir sendum við öllum
þeim sem auðsýndu okkur samúð og
vinarhug við andlát og útför elskulegs
eiginmanns, föður okkar, tengdaföður
og afa,
Björns Nielsen
Þverárseli 6, Reykjavík.
Þórdís Andrésdóttir
Hildur Nielsen Sigurður Sigurjónsson
Andrés Nielsen Ásta Guðrún Jóhannsdóttir
og barnabörn.
Ástkær frænka okkar,
Ingibjörg Jónsdóttir
Sléttuvegi 11, Reykjavík,
lést á Landspítala háskólasjúkrahúsi 10. júní. Útför
hennar fer fram frá Bústaðakirkju 28. júní kl. 13.00.
Jón Jósefsson
Anna Guðrún Jósefsdóttir
Sesselja Ingibjörg Jósefsdóttir
Jón Ingvar Ragnarsson
Guðmundur Ragnarsson
og fjölskyldur.
timamot@frettabladid.is
FR
ÉT
TA
B
LA
Ð
IÐ
/S
TE
FÁ
N