Fréttablaðið - 25.06.2010, Blaðsíða 2

2 25. júní 2010 FÖSTUDAGUR
FERÐALÖG „Stærstu helgarnar hafa
verið fyrsta helgin í júlí og versl-
unarmannahelgin en umferð í
júní hefur verið að aukast. Álags-
tímabilið er því frá lokum júní til
verslunarmannahelgar,“ segir
Guðbrandur Sigurðsson, aðal-
varðstjóri umferðardeildar lög-
reglunnar á höfuðborgarsvæð-
inu.
Undanfarin fimm til tíu ár
hefur umferð til og frá höfuð-
borginni á sumrin aukist til mik-
illa muna. Hefur hún raunar verið
svo mikil að vegakerfi höfuðborg-
arsvæðisins og nágrennis hefur
illa ráðið við hana. „Vegirnir bera
ekki meira en þeir eru hannaðir
til. Þeir eru hannaðir fyrir dags
daglega umferð en ekki toppana,“
segir Guðbrandur.
Helgin sem hefst í dag, sú síð-
asta í júní, hefur oft verið fyrsta
stóra ferðahelgin. Árið 2007 sköp-
uðust sunnudagskvöldið 24. júní
raðir upp á tugi kílómetra að
Reykjavík. Á Vesturlandsvegi náði
bílaröð alla leið frá Grundartanga
að Mosfellsbæ og á Suðurlands-
vegi náði hún frá Hveradölum að
Reykjavík. Í fyrra skapaðist mikil
umferðarteppa við lok 2+1 kaflans
á Suðurlandsvegi á Hellisheiði
sunnudagskvöldið 28. júní.
Aðspurður hvernig komast
mætti hjá því að lenda í umferð-
arteppum sagði Guðbrandur
enga töfralausn vera til stað-
ar. Á venjulegri ferðahelgi færu
flestir úr bænum á sama tíma,
eftir að vinnu lýkur á föstudegi,
og svo væru flestir á sama tíma
á leiðinni til borgarinnar aftur á
sunnudagskvöldi. „Þeir sem vilja
losna við umferðarteppur leggja
fyrr af stað. Fara heim á hádegi á
sunnudag og taka sér jafnvel frí
eftir tólf í vinnunni á föstudegi
og leggja fyrr af stað,“ sagði Guð-
brandur enn fremur.
Skýringin á aukinni umferð
undanfarin ár er aðallega sú
mikla fjölgun skráðra ökutækja
sem varð allt fram að bankahrun-
inu haustið 2008. Annað sem hefur
haft áhrif er aukinn straumur
ferðamanna til landsins, en þeir
leigja margir bílaleigubíla, og gíf-
urleg fjölgun ferðavagna svo sem
fellihýsa í eigu Íslendinga.
Mikil umferð hefur ekki í för
með sér meiri slysahættu því
umferðin verður þung og hæg.
Lögreglan varar hins vegar ein-
dregið við glæfralegum fram-
úrakstri við þessar aðstæður og
biður fólk að hafa eftirfarandi
spakmæli í huga: minni hraði,
minni skaði.
magnusl@frettabladid.is
Styttist óðum í stóru
ferðahelgarnar
Undanfarin ár hafa orðið til langar umferðarteppur á álagstímum við jaðra
höfuðborgarsvæðisins. Þeim sem vilja sleppa við umferðarteppur er ráðlagt að
leggja af stað fyrr út úr bænum á föstudegi og fyrr af stað heim á sunnudegi.
Á kortinu má sjá þá staði þar sem umferðarteppur hafa oftast myndast
undanfarin ár. Mesta álagið er þar sem Suðurlands- og Vesturlandsvegur
tengjast höfuðborgarsvæðinu en eins geta myndast raðir við gjaldhlið Hval-
fjarðarganganna og jafnvel austur á Selfossi.
Treysti fólk sér til þess er hægt að fara aðrar leiðir að höfuðborginni svo sem
í gegnum Þorlákshöfn og svo Krýsuvíkurleiðina inn í Hafnarfjörð frá Suður-
landi eða Bláfjallaveginn frá Suðurlandsvegi og inn í Hafnarfjörð en þar er
um að ræða malarvegi að hluta sem bera ekki mikla umferð.
Álagspunktar og krókaleiðir
Inn
Sunnudaga
9
5
Út
Föstudaga
10
6
9
6
Út
Föstudaga
Inn
Sunnudaga
10
6
Inn
Sunnudaga
9
6
Út
Föstudaga
10
6
Álagspunktar
Malarvegir
Akranes
Reykjavík
Reykjanesbær
„Þorgerður, er gengið á eftir
ykkur með grasið í skónum?“
„Já, og í öllum náttúrunnar litum.“
Þorgerður Hlöðversdóttir textíllistakona
heldur námskeið í jurtalitun ásamt Sig-
rúnu Helgadóttur, líf- og umhverfisfræð-
ingi. Í vor og sumar hefur orðið algjör
sprenging í áhuga á jurtalitun og anna
þær varla eftirspurn.
EFNAHAGSMÁL Farið var yfir stöðu
mála vegna dóms Hæstaréttar
um gengistryggingu lána á fundi í
stjórnarráðinu í gærkvöldi, segir
Gylfi Magnússon viðskiptaráð-
herra.
Gylfi, Jóhanna Sigurðardóttir
forsætisráðherra og Steingrím-
ur J. Sigfússon fjármálaráðherra
funduðu með fulltrúum Fjármála-
eftirlitsins, Seðlabankans, vinnu-
markaðarins, verkalýðhreyfingar-
innar og atvinnurekenda.
„Það var aldrei ætlunin að
taka neinar ákvarðanir á þessum
fundi,“ segir Gylfi. Hann segir
alla sem að fundinum komu vilja
greiða úr þeim flækjum og þeirri
óvissu sem hafi skapast vegna
dómsins. - þeb/sjá síðu 12
Dómur Hæstaréttar ræddur:
Funduðu í
stjórnarráðinu
HESTAMENNSKA Stefnt er að því að hefja hrossaút-
flutning á nýjan leik um miðjan ágúst segir Krist-
inn Guðnason, formaður Félags hrossabænda. Það
verði þó ekki gert nema heilsufar hrossanna sé
komið í fullkomið lag en útflutningur hefur legið
niðri vegna hóstaveiki sem herjað hefur á velflest
hross hér á landi undanfarið. Þetta var niðurstaða
fundar hagsmunaaðila sem haldinn var í gær.
„Það sem er að gerast núna er að þeim fer fjölg-
andi hrossunum sem eru að ná sér,“ sagði Kristinn
í gær og kvaðst vera bjartsýnni en áður. Spurður
um stöðu hrossaræktenda í landinu sagði Krist-
inn að góður gangur væri í folaldafæðingum og
menn færu óhikað með hryssur sínar undir hesta.
„En staða fjármála hjá þeim sem eru einkum að
vinna við hross og hafa tekjur af þeim er mjög
slæm. Margt af þessu fólki er ungt og með miklar
fjárhagsskuldbindingar. Sumir eru að byggja upp
og aðrir með dýra staði á leigu en hafa litlar sem
engar tekjur.“
Hann sagði þrjár kynbótasýningar nú fyrirhug-
aðar. Búið sé að skrá tæp 200 hross í þær. Þegar
væri búið að sýna um 240 hross í sumar, en á sama
tíma landsmótsárið 2008 hefði verið búið að sýna
um 1.500 hross á sama tíma.
Kristinn sagði að það væru skýr skilaboð frá
Matvælastofnun að aðgát yrði höfð við lengri
hestaferðir sem nú væru að hefjast og héraðsdýra-
læknar fylgdust með hrossunum. -jss
Hrossarækt Folaldafæðingar hafa verið í góðu lagi í vor og
sumar. FRÉTTABLAÐIÐ/STEFÁN
Hross óðum að ná sér segir formaður hagsmunasamtaka í hestamennsku:
Stefnt að hrossaútflutningi í ágúst
ALÞINGI Siv Friðleifsdóttir, þingmaður
Framsóknarflokksins, lagði fram laga-
frumvarp á Alþingi í gær um þingsköp
Alþingis. Frumvarpið á að bæta umræðu-
hefð þingmanna og koma í veg fyrir mál-
þóf. Siv sækir fyrirmyndina til norska
þingsins þar sem hún segir að málþóf sé
hætt og umræðuhefðin mun betri.
„Áður en umræða hefst er ákveðið
hvað hún á að standa lengi, en þó má ekki
takmarka ræðutíma svo mikið að hann
standi skemur en þrjá tíma,“ segir Siv.
„Með þessu myndi málþóf leggjast af og
umræðurnar yrðu markvissari og skil-
virkari.“
Siv segist finna fyrir nokkrum mótbyr
gagnvart frumvarpinu meðal þingmanna
og sé hann reistur á þeim rökum að mál-
þóf hafi verið tæki stjórnarandstöðunnar
til að ná fram árangri.
„Því hefur alltaf verið beitt, af öllum
flokkum, og það er tilhneiging fólks að
vilja ekki sleppa því sem hefur virkað
áður,“ segir hún.
Undantekningar eru í breytingartillög-
unum, en ekki er farið fram á takmarkað-
an umræðutíma á frumvörpum um breyt-
ingar á stjórnarskrá eða til fjárlaga.
„Ferskir vindar blása nú um Alþingi,“
segir Siv. „Það verður að koma til móts
við bæði þingmenn og almenning með því
að bæta umræðuhefðina.“ - sv
Siv Friðleifsdóttir leggur fram frumvarp um að umræðutími verði styttur og umræðuhefðin bætt á Alþingi:
Málþófið á Alþingi heyri sögunni til
SIV FRIÐLEIFSDÓTTIR vill takmarka umræðutíma þingmanna.
FR
ÉT
TA
B
LA
Ð
IÐ
/G
VA
UMFERÐ Hvítar málningarslettur á
Suðurlandsveginum, rétt hjá Litlu
kaffistofunni, skemmdu hátt í
tuttugu bíla í gær. Sumir bílanna
urðu óökufærir. Málningin hafði
hellst á veginn úr fötu við vegar-
kantinn og biðu ökumenn í meira
en tvo tíma eftir aðstoð lögregl-
unnar.
Talið er að málningarfatan hafi
dottið af bíl á veginn. Lögreglan
gaf eigendum bílanna þau svör að
tjónið væri á þeirra ábyrgð, þar
sem enginn sökudólgur fannst.
Að sögn lögreglunnar er ólíklegt
að málið leysist í bráð. - sv
Málning á Suðurlandsvegi:
Skemmdir á
tuttugu bílum
BANDARÍKIN, AP Bandaríkjamenn
og Rússar ætla að styrkja efna-
hagsleg tengsl og auka samvinnu
í baráttunni gegn hryðjuverk-
um. Þetta sagði Barack Obama
Bandaríkjaforseti að loknum
fundi með Dmitry Medvedev
Rússlandsforseta í gær.
Forsetarnir funduðu í um sjö
klukkustundir í Washington í
gær. Þeir tilkynntu að þeim hefði
tekist að „endurræsa“ samskipt-
in milli ríkjanna. Þá gaf Obama
það út að Rússar ættu að vera
hluti af Alþjóðaviðskiptastofnun-
inni. Rússar hafa lengi viljað ger-
ast aðilar að stofnuninni. - þeb
Fundur forseta tókst vel:
Bæta samband
milli ríkjanna
FERÐAMÁL Svandís Svavarsdóttir
umhverfisráðherra tók Snæfells-
stofu á Skriðuklaustri í notkun í
gær. Snæfellsstofa er ný gesta-
stofa fyrir austursvæði Vatnajök-
ulsþjóðgarðs og í tilefni dagsins
var einnig opnuð umhverfis-
fræðslusýningin Veraldarhjólið í
stofunni.
Vatnajökulsþjóðgarður var
friðlýstur hinn 7. júní 2008 og er
Snæfellsstofa fyrsta umhverfis-
vottaða húsbygging á Íslandi, en
framkvæmdir hófust fyrir rúmu
ári. Stofan er um 700 fermetrar
og kostnaður framkvæmda um
350 milljónir króna. - sv
Snæfellsstofa opnuð í gær:
Umhverfisvæn
húsbygging
LYKLINUM HAMPAÐ Anna Kristín Ólafs-
dóttir stjórnarformaður Vatnajökulsþjóð-
garðs, Svandís Svavarsdóttir og Agnes
Brá Birgisdóttir þjóðgarðsvörður.
OBAMA OG MEDVEDEV Ánægðir með
fund sinn. NORDICPHOTOS/AFP
SPURNING DAGSINS