Fréttablaðið - 25.06.2010, Blaðsíða 22
25. júní 2010 FÖSTUDAGUR4
„Molinn er ungmennahús, rekið af
Kópavogsbæ og tók til starfa 2008,
fyrir krakka á aldrinum 16-25 ára,“
útskýrir Íris Björk Kristjánsdóttir,
ein þriggja umsjónarmanna Molans.
Hún segir skapandi starfið í Molan-
um byggjast upp á umsóknum frá
bæði einstaklingum og hópum sem
fari fyrir bæjarráð. Umsóknin verði
að innihalda lýsingu á verkefninu og
verkáætlun og þurfi að bjóða upp á
samfélagslegan ávinning.
„Verkefnin eru sérstaklega mörg
í ár og fjölbreytt, allt frá skrifum og
tónlistaratriðum til dans- og mynd-
listarsýninga. Hér í Molanum er
mjög góð aðstaða fyrir fundahöld
og klúbbastarfsemi og til að hittast.
Starfið hefur blómstrað enda erum
við vel studd af Kópavogsbæ.“
Þeir félagarnir Hjörtur Freyr
Jónsson og Róbert Dan Sigurðs-
son voru í hópi þeirra sem sóttu
um og fengu skapandi sumarstarf
hjá Molanum. Meðal verkefna sem
þeir vinna að í sumar er að talsetja
kvikmyndina Rocky 4 á íslensku
og taka ljósmyndir á heimagerða
myndavél.
„Við tölum sjálfir fyrir meirihluta
persónanna, með bjagaðri rödd en
svo fengum við fleiri til að tala inn
á. Reyndar þurftum við að skipta um
Rocky í miðri mynd en það er allt í
lagi, þetta á ekkert að vera grafal-
varlegt,“ segir Hjörtur en stefnt er
á að sýna myndina í Molanum í dag.
Strákarnir fengu einnig aðstöðu til
að vinna að ljósmyndaverkefnum
og hafa meðal annars tekið mynd-
ir víða um Kópavog með Mackin-
tosh-bauk.
„Í raun er hægt að nota hvaða
myrka hlut sem er, bora á hann
gat og líma ljósnæman pappír aft-
ast. Svo opnar maður fyrir gatið í
nokkrar sekúndur og lokar aftur til
að taka mynd. Við fengum líka að
útbúa eitt klósettið í Molanum sem
myrkraherbergi og framköllum
myndirnar sjálfir þar.“
Hjörtur og Róbert eru mjög
ánægðir með starfið og aðstöðuna
sem boðið er upp á í Molanum en
þeir sýna vinnu sína þar jafnóðum.
Hóparnir í skapandi starfinu hitt-
ast alla mánudaga og gera eitthvað
skemmtilegt saman og oft verður
til samvinna milli hópa. „Til dæmis
langaði okkur að vinna myndband
og þá var annar hópur sem vantaði
myndband við tónlistaratriði og við
fórum þá í samstarf við þann hóp,“
segir Hjörtur.
Nánar má kynna sér starfið í
Molanum á síðunni www.molinn.is
heida@frettabladid.is
Skapandi starf í
ungmennahúsi
Molinn býður upp á aðstöðu fyrir ungt fólk í Kópavogi til að vinna
að ýmsum verkefnum og til að hanga. Skapandi sumarstarf er eitt
verkefna Molans sem ungt fólk með eigin hugmyndir sækir um.
Hjörtur Freyr Jónsson og Róbert Dan
Sigurðsson taka myndir á heimatilbúnar
myndavélar og sýna í Molanum.
Starfið hefur blómstrað með dyggum stuðningi Kópavogsbæjar segir Íris Björg Kristj-
ánsdóttir, ein umsjónarmanna Molans. FRÉTTABLAÐIÐ/ARNÞÓR
OXXO boutique ehf • Hamraborg 5 • 200 Kópavogi • Sími: 561 2300
Ekta heimilismatur í hádeginu súpa,
brauð og kaffi á 1.200 kr.
Fjölbreyttur matseðill
og gott verð
Lifandi danstónlist
allar helgar
Veislusalur
til útleigu
HM á skjánum alla daga
HM tilboð í mat og drykk
Hamraborg 11 • 200 Kópavogur • s.554 2166
Hringdu í síma
ef blaðið berst ekki
Elsta ritaða heimild-
in um byggð í landi
Kópavogs er frá árinu
1234. Sveitarfélag-
ið Kópavogur var svo
stofnað árið 1948 en
byggð hafði hins vegar
farið að þéttast á
svæðinu upp úr 1936.
Kaupstaðarréttindi
fengust árið 1955.
www.ferlir.is