Fréttablaðið - 25.06.2010, Blaðsíða 28
2 •
Þungarokkshljómsveitirnar
Dimma, Sólstafir og Swords of
Chaos koma fram á Metalmess á
Sódómu á morgun. Tónleikarnir
hefjast að sjálfsögðu á miðnætti
og aðgangseyrir er 1.200 krónur.
Sólstafi þekkja allir íslenskir
þungarokksunnendur en sveitin
hefur verið starfandi síðan 1995
og gefið út tvær breiðskífur og
fjölmargar smáskífur. Þeir ætla
að nota tækifærið og hita upp
fyrir tónleika sína á Hróarskeldu
um næstu helgi. Hljómsveitin
sendi nýlega frá sér myndband
sem hefur vakið mikla athygli, en
stafræn tækni er harla lítið notuð
við gerð þess.
Dimma var stofnuð árið
2004 og hefur einnig gefið
út tvær breiðskífur og
farið m.a.í tónleikaferð til
Bandaríkjanna. Þetta verða
einu tónleikar Dimmu á
Íslandi á árinu.
Swords of Chaos er
svo ung harðkjarna-
sveit sem er að leggja
lokahönd á fyrstu
breiðskífu sína sem
kemur út í sumar og
verður spennandi að
fá að heyra lög af
frumburðinum á
Sódómu.
POPP er fylgirit Fréttablaðsins. POPP
kemur út einu sinni í mánuði.
Ritstjóri: Atli Fannar Bjarkason
atlifannar@frettabladid.is
Útlitshönnun: Arnór Bogason
Sölustjóri: Benedikt Freyr Jónsson
benediktj@365.is • sími 512 5411
Útgefandi: 365 hf.
4
8
9
METALMESSA Á SÓDÓMU
BRJÁLÆÐI Dimma kemur fram í fyrsta og eina
skipti á Sódómu annað kvöld. Sólstafir komu fram á
Hróar skelduhátíðinni í júlí.
Darri Ingólfsson og Ísgerður Elfa
Gunnarsdóttir leika í nýrri mynd
sem verður frumsýnd hér á landi
7. júlí. Myndin heitir Boðberi og er
Hjálmar Einarsson handritshöfundur
og leikstjóri. Myndin fjallar um verka-
manninn Pál, sem leikinn er af Darra.
Hann hefur alla tíð haldið að hann sé
bara eins og hver annar maður en allt
breytist það þó þegar hann fer að
upplifa vitranir um lífið eftir dauða.
Páll flækist inn í fléttu valdamikilla
manna og sértrúarhópa í samfélaginu
sem gætu skaðað mikinn fjölda og
valdið samfélagshruni.
Darri er nýkominn heim frá Los
Angeles til að vera viðstaddur
frumsýninguna sem verður 7. júlí.
„Þetta var rosa ævintýri. Það voru
mikil tengsl milli allra sem komu að
þessu. Tökur áttu að taka nokkrar
vikur til að byrja með en svo varð
þetta alltaf stærra og stærra. Ég er
orðinn verulega spenntur að fá að
sjá lokaútgáfuna þar sem ég hef ekki
séð myndina í heild,“ segir Darri.
Hjálmar Einarsson handritshöfund-
ur skrifaði handritið fyrir efnahags-
hrunið hér á landi. Þar af leiðandi
hafa skapast mjög skemmtilegar
umræður um það hvort Hjálmar búi
yfir sjötta skilningarvitinu og hafi
séð fyrir örlög landsins. Samfélagið
sem Páll býr í og spillingin sem á sér
stað hjá valdameiri mönnum má á
margan hátt líkja við það sem átti
sér stað áður en efnahagshrunið
skall á.
„Við skulum vona að þetta fari nú
ekki á sama veg og gerist í handrit-
inu. Það væri frekar slæmt,“ segir
Darri. „En sjáum til, Jón Gnarr er
orðinn borgarstjóri, þannig að Magn-
ús Jónsson verður kannski næsti
seðlabankastjóri.“
NÝ ÍSLENSK KVIKMYND FRUMSÝND Í JÚLÍ
VITRANIR UM LÍFIÐ
EFTIR DAUÐA Í BOÐBERA
BOÐBERAFÓLKIÐ
Darri Ingólfsson og
Ísgerður Elfa.
6