Fréttablaðið - 25.06.2010, Blaðsíða 48
20 25. júní 2010 FÖSTUDAGUR
timamot@frettabladid.is
Tilkynningar um merkis atburði, stórafmæli
og útfarir má senda á netfangið
timamot@frettabladid.is.
Auglýsingar á að senda á
auglysingar@frettabladid.is
eða hringja í síma 512 5000.
Í tilefni af því að ein hjúskaparlög taka
gildi á Íslandi sunnudaginn 27. júní
ætla prestshjónin Bjarni Karlsson og
Jóna Hrönn Bolladóttir að bjóða upp
á hjónabandsmessu í Garðakirkju á
Garðaholti þá um kvöldið.
„Messan mun hefjast klukkan 20 og
er sameiginleg kvöldmessa Garða- og
Laugarnesprestakalls og við hjónin
ætlum að predika saman um gildi og
gæði hjónabandsins,“ segir séra Jóna
Hrönn en einnig munu hjónin Kirstín
Erna Blöndal og Örn Arnarson kenna
brúðkaupssálma og syngja ástarsöngva
ásamt Jóhanni Baldvinssyni organista.
Boðið verður upp á akstur kl. 19.30 frá
Vídalínskirkju í Garðabæ og Laugar-
neskirkju.
„Sumarkvöldin á Garðaholtinu eru
undursamlega falleg og Garðakirkja
er þar í einstakri umgjörð sveitarinnar
með fuglasöng og hestum í túni. Þarna
mun fólki gefast tækifæri til að endur-
nýja hjúskaparheitið og ganga til alt-
aris. Hjónabandið er ein mikilvægasta
stofnun samfélagsins og við eigum að
hefja það upp til vegs og virðingar og
leggja okkur fram um að rækta það,“
segir Jóna Hrönn.
„Allt fólk veit að það er eitthvað
varðandi hjónabandið sem er heilagt ,“
bætir Bjarni við. „Það er eitthvað djúpt
og máttugt við það að vera hjón, eitt-
hvað sem gerir það að verkum að einn
plús einn verður meira en tveir. Þegar
fimm ár eru liðin frá hjónavígslu og
enginn man lengur í hvaða kirkju fólk-
ið gifti sig, hvaða prestur var að þjóna
eða hverjir sáu um tónlist, muna allir
kirkjugestir eftir hjónavígslunni. Hvað
er munað? Hjónin sjálf! Þessi flókni og
margræði veruleiki sem ein hjón eru,
það er það sem er munað og geymt.“
Bjarni útskýrir enn fremur hvern-
ig hjónabandið er sáttmáli tveggja
einstaklinga um trúfestu, ást og virð-
ingu
„Trúfestin er að vilja þekkja maka
sinn, leyfa honum aðþekkja sig og
yfirgefa ekki hvort annað í breyting-
um lífsins. Ástin er að sætta sig ekki
við takmarkanir heldur leita og finna
hvert annað sífellt að nýju. Virðing-
in er það að ástunda réttlæti og efla
með sér kjark til þess að vera sannur
og heill. Hjónabandið er þess vegna
þroskavegur þar sem hjón vaxa saman
sem manneskjur og móta heimili þar
sem gott er að vaxa og dafna bæði sem
barn og sem fullorðinn. Í dag vitum við
að þessi djúpu gæði hjónabandsins eru
ekki bundin við gagnkynhneigðina eina
heldur standa þau öllu fólki opin óháð
kynhneigð.“
Jóna Hrönn tekur fram að meirihluti
presta fagni nýjum lögum og hægt er að
fara inn á slóðina http://einhjuskapar-
log.tumblr.com/ til að sjá það helgihald
sem boðið er upp á í tilefni dagsins. Nú
sé loksins hætt að tala um hlutina en
hægt að lifa þá í samfélagi manna. „Í
kærleiksríku samfélagi skapast rétt-
lætið og við náum að gleðjast yfir fjöl-
breytileikanum. Við viljum því hvetja
alla til að taka kvöldið frá fyrir hjóna-
bandið, ástina og lífið. Þau sem eru ekki
í hjónabandi eru að sjálfsögðu innilega
velkomin líka.“ heida@frettabladid.is
HUGVEKJA UM HJÓNABANDIÐ: EIN HJÚSKAPARLÖG TAKA GILDI
Sáttmáli um ást og virðingu
GÆÐI HJÓNABANDS EKKI BUNDIN VIÐ GAGNKYNHNEIGÐ Prestshjónin Jóna Hrönn Bolladóttir
og Bjarni Karlsson bjóða hjónum og hjónaleysum til kvöldmessu og fagna einum hjúskapar-
lögum í Garðakirkju á sunnudagskvöld. FRÉTTABLAÐIÐ/STEFÁN
MOSAIK
Hjartans þakkir til allra sem auðsýndu
okkur samúð og vinarhug við andlát
og útför
Guðrúnar Önnu
Gunnarsson
Hraunbæ 103, Reykjavík.
Bjarni Gunnar Sveinsson Júlía Leví
Magnús Þorsteinsson Kristín Sigurðardóttir
Sigurður Þorsteinsson Aldís Gunnarsdóttir
Herdís Þorsteinsdóttir Finnur Kristinsson
Anna Hedvig Þorsteinsdóttir Gunnar Svavarsson
Ásmundur Sigvaldason
barnabörn og barnabarnabörn.
Þökkum vináttu og hlýhug við andlát
og útför
Sigurjóns Ólafssonar
frá Hlaðhamri,
sem lést þriðjudaginn 9. febrúar. Duftker með jarð-
neskum leifum hans var jarðsett fimmtudaginn
17. júní í leiði foreldra hans á Prestbakka Hrútafirði.
Ólafur Hjálmarsson
Þorsteinn Ólafsson
Kjartan Ólafsson
og aðrir aðstandendur.
MERKISATBURÐIR
253 Lúsíus verður páfi.
1630 Gústaf Adolf 2. stígur á
land með lið sitt í Rügen
til að taka þátt í Þrjátíu
ára stríðinu.
1632 Fasilides gerir eþíópísku
kirkjuna aftur að þjóð-
kirkju.
1646 New Model Army leggur
Oxford undir sig.
1667 Kristján 5. konungur Dan-
merkur og Íslands kvænt-
ist Charlotte Amalie af
Hessen-Kassel.
1876 Orrustan við Little Big-
horn.
1950 Kóreustríðið brýst út.
2009 Stöðugleikasáttmálinn
undirritaður í Þjóðmenn-
ingarhúsinu.
YANN MARTEL ER 47 ÁRA.
„Það rættist kannski ekki
alveg úr lífinu eins og ég
reiknaði með, en ég er
þeirrar skoðunar að maður
verði bara að gera gott úr
hlutunum.“
Yann Martel er kanadískur
rithöfundur, einna þekktastur
fyrir Söguna af Pí sem aflaði
honum hinna virtu Booker-
bókmenntaverðlauna árið
2002.
Frederik Christopher Trampe (f. 1779 – d. 1832), oft nefndur
Trampe greifi, var danskur stiftamtmaður yfir Íslandi á
árunum 1806-1813. Trampe hafði meðal annars gegnt stöðu
í danska hernum og verið amtmaður í vesturamti áður en
hann tók við embætti af Ólafi Stefánssyni aðeins 27 ára.
Trampe gekk framan af vel í starfi eða þar til Jörgen Jörg-
ensen, danskur ævintýramaður, tók sér völd á Íslandi þennan
dag árið 1809 og lét taka Trampe og fleiri til fanga. Trampe
var þar með settur af sem stiftamtmaður og Benedikt Grön-
dal neyddur til að gegna embætti hans á meðan.
Í stuttu máli sagt var Jörgen, eða Jörundur hundadagakon-
ungur eins og hann er betur þekktur, þó ekki lengi við völd á
Íslandi, eða til 22. ágúst sama ár, þegar enskur skipstjóri batt
enda á stjórn hans. Eftir það tók Trampe aftur við embætti
sem stiftamtmaður.
Heimild: wikipedia.org
ÞETTA GERÐST: 25. JÚNÍ 1809
Trampe greifi tekinn til fanga
JÖRUNDUR HUNDADAGAKONUNGUR
RICKY GERVAIS leikari er 49 ára. GEORGE MICHAEL tónlistarmaður
er 47 ára.
„Þetta eru minningarbrot
sem ég hef verið að safna
í nokkurn tíma og fjalla
öðrum þræði um glímuna við
sjálfan sig,“ segir listakonan
Hulda Halldór, um ljóðabók
sína Karlynju sem hefur að
geyma þrettan ljóð þar sem
ástir og einmanaleiki eru á
meðal yrkisefna.
Karlynja er fyrsta ljóðabók
Huldu sem hefur áður haldið
nokkrar sýningar á innsetn-
ingum og myndverkum, eins
og hún orðar það sjálf. Á síð-
asta ári sýndi hún þrettán
verk í jafn mörgum kirkjum
á höfuðborgarsvæðinu, sem
höfðu ýmsar trúarlegar skír-
skotanir. Hún kveðst lengi
hafa gengið með það í mag-
anum að gefa út ljóðabók.
„Ég var bara að bíða eftir
rétta tímanum og nú er hann
runninn upp.“
Ljóðabók Huldu er fáanleg
í öllum helstu bókaverslunum
landsins.
Brot úr tímanum
NÝR VETTVANGUR Karlynja er fyrsta bók Huldu Halldór sem hefur
áður haldið myndlistarsýningar.