Fréttablaðið - 25.06.2010, Blaðsíða 62
34 25. júní 2010 FÖSTUDAGUR
„Ég var að fá flugmiðann í hend-
urnar og fer til Kanada 24. júlí,“
segir Athena Ragna, starfsmaður
Tals í Kringlunni og fyrirsæta í
hjáverkum, sem hefur fengið hlut-
verk í kvikmyndinni Keyhole eftir
kanadíska leikstjórann Guy Madd-
in. Með aðalhlutverk í myndinni
fara leikararnir Isabella Rossell-
ini og Jason Patric og hefjast tökur
í Kanada í júlí.
Athena er nýútskrifuð frá Fjöl-
brautaskóla Vesturlands og fyrir
utan eitt barnaleikrit í sex ára
bekk, hefur hún lítið sem ekkert
leikið áður. „Ég hef aðeins verið
að sitja fyrir á ljósmyndum og
Guy Maddin, leikstjóri myndar-
innar, hafði samband gegnum sam-
skiptavefinn Facebook. Hann sagð-
ist hafa séð eina mynd af mér fyrir
tveimur árum og leitaði mig uppi.
Hann vill meina að ég sé fullkomin
í eitt hlutverk myndarinnar.“
Athena var mjög efins í fyrstu
og hélt að þetta væri eitthvert rugl
en eftir að fleiri aðilar í kringum
myndina höfðu samband við hana
ákvað hún að skoða málin betur.
Hún býst við að fá handritið í hend-
urnar í vikunni og getur lítið sagt
um sitt framlag til myndarinnar
fyrr en hún er búin að lesa það.
„Ég held að þetta sé bara eitthvert
lítið hlutverk en ég verð í tökum í
rúma viku.“
Myndin heitir Keyhole og er
söguþráðurinn byggður á Hóm-
erskviðunum. Guy Maddin er kan-
adískur leikstjóri með mörg kvik-
myndaverkefni á ferilskránni.
Fegurðardísin Isabella Rossell-
ini skaust upp á stjörnuhimininn
eftir að hún lék í kvikmyndum
leikstjórans Davids Lynch, Blue
Velvet og Wild at Heart, og er í
dag þekkt nafn í kvikmyndaheim-
inum. Jason Patric er þekktur út
sjónvarpsþættinum Entourage,
kvikmyndinni My sister´s keeper
og nú síðast má sjá hann í bíóhús-
usm borgarinnar í myndinni The
Losers. Einnig er leikarinn Kevin
McDonald orðaður við hlutverk
í myndinni en hann er þekktur
frá sjónvarpsþáttum eins og Fri-
ends, Seinfeld og Ellen. Áætluð er
að Keyhole verði frumsýnd árið
2011.
„Þessi mynd er ekki með mikið
fjármagn og leikstjórinn er að
borga úr sínum eigin vasa til að fá
mig út. Það er því eins gott að ég
standi mig og verði ekki send heim
því ég kann ekki að leika,“ segir
Athena hlæjandi að lokum.
alfrun@frettabladid.is
1
6 7 8
10
13
119
12
15
16
18
21
20
17
14
19
2 3 4 5
LÁRÉTT
2. skrambi, 6. hróp, 8. óhróður, 9.
samræði, 11. í röð, 12. uppskafn-
ingsháttur, 14. ljúka, 16. guð, 17.
sérstaklega, 18. slöngu, 20. tveir eins,
21. tala.
LÓÐRÉTT
1. mats, 3. ónefndur, 4. fax, 5. starf,
7. ræflarokkari, 10. eldsneyti, 13. hólf,
15. illgresi, 16. skarð, 19. 2000.
LAUSN
LÁRÉTT: 2. ansi, 6. óp, 8. níð, 9. mök,
11. mn, 12. snobb, 14. klára, 16. ra,
17. sér, 18. orm, 20. ff, 21. fimm.
LÓÐRÉTT: 1. dóms, 3. nn, 4. símbréf,
5. iðn, 7. pönkari, 10. kol, 13. bás, 15.
arfi, 16. rof, 19. mm.
Damien Rice er á leiðinni til lands-
ins enn á ný. Hann kemur fram
á tónleikunum á vegum Inspired
by Iceland-verkefnisins í Hamra-
görðum undir Eyjafjöllum 1. júlí.
Damien ætlaði í fyrstu aðeins að
koma fram á tónleikunum á mynd-
bandi, eins og nokkrir listamenn,
en ákvað á síðustu stundu að slá
til og mæta í eigin persónu.
Rice kom síðast til lands-
ins seint á síðasta ári
þegar hann tók upp
tónleika í hljóðverinu
Sundlaugin ásamt því
að bregða á leik með
leikskólabörnum í
Reykjavík ...
Hafdís Huld hefur einnig bæst í
hópinn sem kemur fram á tónleik-
unum, en fyrir voru listamenn á
borð við Lay Low, Diktu og Amiinu.
Þá kemur gítarleikarinn Pétur Hall-
grímsson fram undir nafninu Pond-
us. Pétur tók nýverið upp dúett
með Shirley Manson úr hljóm-
sveitinni Garbage sem naut mikilla
vinsælda á seinni hluta tíunda
áratugarins. Hljómsveitin
kom til landsins árið
1999 og hélt tónleika
á þaki Faxaskála. Hann
hefur nú verið rifinn, en
kaldhæðni örlaganna
hagar því þannig að
tónlistarhúsið Harpa rís á
rústunum ...
Shirley er ekki væntanleg til lands-
ins til að syngja lagið með Pétri, en
í stað hennar mætir argentínska
þokkadísin Mia Maestro. Mia
þessi er stórvinkona Sölmu Hayek,
sem er, að öðrum konum ólöstuð-
um, útlits- og líkamlegt þrekvirki.
Mia hefur komið víða við og leikið
í Alias-þáttunum sem Íslendingar
þekkja af RÚV ásamt því hafa leikið
í fjölmörgum kvikmyndum og talað
inn á þátt af Family Guy.
Hún er einnig gallharð-
ur stuðningsmaður
argentínska lands-
liðsins og miðað við
ástríðu Miu fyrir fót-
boltanum skulum við
vona að Maradona
og félagar í Argentínu
verði komnir í átta liða
úrslit þegar hún mætir
til landsins. - afb
FRÉTTIR AF FÓLKI
milljónir
manna nota
Facebook
að staðaldri. Helmingur þeirra
heimsækir síðuna daglega.
HEIMILD: FACEBOOK.COM
400
GOTT Á GRILLIÐ
„Mér finnst afskaplega gott að
grilla kryddleginn fisk og eru
lúða, hlýri og langa í miklu
uppáhaldi. Með fiskinum hef
ég grillaðar paprikur, lauk og
kartöflur ásamt fersku salati og
heimatilbúinni jógúrtsósu.“
Katla Ásgeirsdóttir grillari.
Áslaug Rán Einarsdóttir, eða Ása
eins og hún er kölluð, og Anita Haf-
dís Björnsdóttir ákváðu í desember
að hætta í vinnu sinni, selja eigur
sínar og halda á vit ævintýranna.
Stúlkurnar stunda báðar svif-
vængjaflug og munu ferðast um
heiminn næstu tvö árin og stunda
íþróttina. Þær settu einnig á lagg-
irnar verkefni sem kallast The Fly-
ing Effect í samstarfi við UNIFEM
á Íslandi og er verkefninu ætlað að
vekja athygli á frelsismálum kvenna
á heimsvísu.
„Við byrjuðum ferðalagið í Nepal
sem var yndislegt fyrir utan maga-
pestina sem ég held að allir fá þegar
þeir koma til landsins. Því næst
tókum við strætó yfir til Indlands
og dvöldum þar í tvo mánuði,“ segir
Ása Rán. Stúlkurnar lentu tvisvar
í óprúttnum aðilum á leið sinni til
Indlands, en Ása Rán segir þó flesta
Indverjar vera gott fólk og gestris-
ið. „Við vorum rændar á fyrsta degi
í Indlandi, eiginlega um leið og við
komum yfir landamærin. Þá komu
tveir menn inn í vagninn og hræddu
okkur upp úr skónum, tóku af okkur
lestarmiðana okkar og fengu okkur
svo til að kaupa þá aftur. Stuttu
síðar gerðist þetta aftur þannig
að við enduðum á því að þríkaupa
lestarmiðana okkar. Þegar við svo
komum loks á lestarstöðina þá var
búið að aflýsa ferðinni.“
Ása Rán og Aníta ferðuðust því
næst til Taílands og Malasíu en
ferðalaginu lauk í Frakklandi. Ása
hyggst dvelja hér á landi fram á
haust þegar ferðalaginu verður
haldið áfram og þá um Suður-Amer-
íku. Innt eftir því hvort hún þreytist
ekki á því að stunda svifvængjaflug
eins mikið og hún gerir svarar hún
því neitandi. „Þetta er alltaf jafn
gaman. En það koma dagar þar sem
ég er hræddari en venjulega því,
ótrúlegt en satt, þá er ég mjög loft-
hrædd og áður en ég byrjaði á þessu
gat ég ekki einu sinni staðið uppi á
stól,“ segir Ása Rán að lokum.
Www.theflying effect.wordpress.
com er vefsíða stelpnanna. -sm
Rændar tvisvar sama daginn
GÓÐIR FERÐAFÉLAGAR Ása Rán ásamt
ferðafélaga sínum, Anítu Hafdísi Björns-
dóttur. Þær seldu eigur sínar og hyggjast
ferðast um heiminn næstu tvö árin. Á
myndinni eru stúlkurnar ferðbúnar á
vespum á Balí í Indónesíu.
ATHENA RAGNA: LEIKSTJÓRINN HAFÐI SAMBAND Á FACEBOOK
Leikur í sinni fyrstu mynd
með Isabellu Rossellini
„Við skiljum ekki af hverju við erum ekki löngu
búnir að vinna saman áður, enda búnir að vera
félagar í mörg ár,“ segir Jón Atli Helgason, plötu-
snúður með meiru, um nýja hljómsveit hans og
Gísla Galdurs Þorgeirsonar, HumanWoman. Þeir
hafa báðir staðið við plötusnúðaborðið á mörgum af
helstu skemmtistöðum borgarinnar og eru þekktir
undir nöfnunum Sexy Lazer og Dj. Magic. „Við byrj-
uðum með HumanWoman sem svona remix verk-
efni. Við endurhljóðblönduðum til dæmis lagið Thin
Ice með GusGus sem heppnaðist mjög vel,“ segir
Jón Atli en vegna velgengi samstarfsins ákváðu þeir
að stofna hljómsveitina. Gísli og Jón Atli skiptast á
um að syngja og leika á hin ýmsu hljóðfæri.
Félagarnir hafa eytt síðustu mánuðum í stúdíói og
lýsa tónlist sinni sem poppi med „goth-glam“ ívafi.
Fyrsta lag sveitarinnar fór í spilun fyrr í vikunni
en það ber nafnið Delusional og mun eflaust heyrast
á nokkrum dansgólfum um helgina. „Núna erum við
að leggja lokahönd á plötuna sem mun koma út með
haustinu. Þá verða tónleikar og tilheyrandi húllum-
hæ,“ segir Jón Atli að lokum.
Plötusnúðar snúa bökum saman
HUMANWOMAN Tveir helstu plötusnúðar Íslands hafa leitt
saman hesta sína og stofnað hljómsveit. FRÉTTABLAÐIÐ/VALGARÐUR
ATHENA RAGNA JÚLÍUSDÓTTIR Fékk kvikmyndahlutverk gegnum í Facebook.
FRÉTTABLAÐIÐ/VILHELM
Fiskikóngurinn • Sogavegi 3 • sími 587 7755
Fiskikóngurinn • Sogavegi 3 • sími 587 7755