Fréttablaðið - 26.06.2010, Blaðsíða 66

MENNING 6
yfirleitt inn af miklum þunga á
þessum tíma, í algjört frost. Þetta
er að breytast. Við teljum að það
sé ástæða til að vera sæmilega
bjartsýn á að júnímánuður verði
jafn góður og í fyrra og það eru
vísbendingar um að síðsumars og
fram á haust geti staðan orðið betri
en í fyrra.“
Tangarsókn úr öllum áttum
Sýnilegasti hluti kynningar-
átaksins hér á landi hefur verið
myndband, sem stjórnvöld hvöttu
Íslendinga til að senda vinum og
kunningjum erlendis og hvetja þá
til að heimsækja Ísland. Svanhild-
ur leggur áherslu á að myndbandið
sé aðeins einn þáttur af markaðs-
átakinu. „Við erum í tangarsókn,
ef svo má segja, úr öllum áttum.“
„Eðlilega hefur þjóðarátakið
vakið mesta athygli hér innan-
lands. Til þess var leikurinn gerð-
ur, að kveikja í Íslendingum og
gera alla að sendiherrum. Það átak
tókst mjög vel út af fyrir sig og
Íslendingar tóku vel við sér. Þetta
er hins vegar ekki nema brot af því
sem er í gangi. Við höfum skipu-
lagt kynnisferðir um alla helstu
markaði í Evrópu og Skandin-
avíu, þar sem vísindamenn, aðilar
úr ferðaþjónustu og fulltrúar frá
utanríkisþjónustunni hittu okkar
mikilvægustu tengiliði á mörk-
uðunum og erlenda blaðamenn til
þess að útskýra málin; fara í gegn-
um stöðuna og leiða þeim fyrir
sjónir að hér væri ekki allt á kafi
í ösku. Það hefur líka tekist mjög
vel. Þá höfum við birt auglýsingar
í fréttamiðlum og umhverfismiðl-
um – á lestarstöðvum, strætóskýl-
um og þess háttar. Netið hefur
verið notað á alla mögulega vegu;
bæði í gegnum samfélagsmiðla
og með hefðbundnari markaðs-
setningu. Það sem núna blasir
við eru þriggja tíma tónleikar að
Hamragörðum undir Eyjafjöllum
1. júlí, sem verða sendir út í beinni
útsendingu á netinu. Það held ég
að verði ákveðinn hápunktur.“
Ekki verið að búa til ímynd
Skiptar skoðanir eru um ágæti þess
að nota ímynd landsins í markaðs-
starfi. Fyrir þremur árum kom
út skýrsla á vegum forsætisráðu-
neytisins um ímynd Íslands, þar
sem lagðar voru fram tillögur að
skipulagi ímyndarmála og aðgerð-
um til að styrkja ímynd Íslands.
Skýrslan sætti mikilli gagnrýni,
meðal annars fyrir að draga upp
upphafna og oflátungslega mynd
af meintri þjóðarsál. Svanhildur
segir vissulega unnið með ákveðna
ímynd af Íslandi í Inspired by Ice-
land og gert út á ákveðna sérstöðu
en engin bein tengsl séu milli verk-
efnisins og ímyndarskýrslunnar.
„Þetta verkefni gengur út á að búa
til slagorð; skilaboð til að ávarpa
þá krísu sem við blasti, sem allir
í ferðaþjónustunni geta nýtt sér.
Það er heilbrigð skynsemi að menn
vinni saman, stilli saman strengi
og komi sér saman um sæmilega
heilsteypt skilaboð.“
Svanhildur telur ekki að með
þeim skilaboðum sé verið að búa
til og framleiða ákveðna ímynd af
landi og þjóð. „Það að búa til – eða
öllu heldur skilgreina og miðla –
ímynd er ógnarstórt viðfangsefni
sem tekur langan tíma, mjög skipu-
lega uppbyggingu á skilaboðum
og markaðssetningu. Það er líka
grundvallaratriði í mínum huga að
ímynd er ekki eitthvað sem hægt
er að búa til úr engu. Það verður
að endurspegla eitthvað sem er
satt og rétt; það verður að hafa
hljómgrunn í því sem því er ætlað
að lýsa.
Skilaboðin okkar gera út á sér-
stöðu og reyna að tala til þess
markhóps sem ferðaþjónustan
hefur séð í gegnum tíðina og er
áhugasamur um Ísland, sérstak-
lega yfir sumartímann; fólk sem
vill koma í ævintýraferðir, upplifa
einstaka náttúru og, að mínu viti,
einstaka menningu. Skilaboðin eru:
komdu núna, hér er upplifun og að
Ísland er uppspretta innblásturs.
Það er ekki ímyndarsköpun; þú
býrð ekki til ímynd með þriggja
mánaða kynningarátaki.“
Hvað vilja gagnrýnendurnir?
Svanhildur segir að þótt ímynd-
arskýrslan hafi ekki verið höfð til
grundvallar við skipulag verkefn-
isins, hafi eflaust mátt leita þar
fanga. „Ímyndarskýrslan var að
mörgu leyti merkilegt plagg og
í henni má finna ýmislegt gagn-
legt ef menn gefa sér tíma til að
raunverulega lesa hana og höggva
ekki eingöngu eftir ranghugmynd-
um sem haldið er á lofti um hana.
Þarna var leitast við að kortleggja
þá mynd sem þjóðin hafði af sjálfri
sér og vildi koma á framfæri við
útlendinga. Það má vel vera rétt,
sem til dæmis ýmsir fræðimenn
bentu á, að í skýrslunni væri dreg-
in upp rembingsleg sjálfsmynd. En
þá geta menn líka spurt sig hvort
sú mynd hafi á þeim tíma ekki
speglað sjálfsmynd sem að minnsta
kosti hluti þjóðarinnar hafði eða
vildi sýna umheiminum?“
Svanhildur segir eðlilegt að
skiptar skoðanir séu á aðferðafræð-
inni. „En mér þætti enn áhugaverð-
ara að heyra og fá fram hugmynd-
ir gagnrýnendanna. Hvernig hefðu
þeir viljað gera þetta öðruvísi eða
á kannski alls ekki að kynna Ísland
á erlendum vettvangi? Er það orðið
tabú að koma á framfæri sam-
ræmdum, skýrum og aðlaðandi
skilaboðum um hvað Ísland stend-
ur fyrir sem ferðamannaland?“
Reynsla sem á að byggja á
Þótt Inspired by Iceland sé kynnt
sem tímabundið kynningarátak,
telur Svanhildur mikilvægt að því
verði fylgt eftir af festu.
„Það er algjörlega skýrt í mínum
huga að þetta er bara byrjunin á því
sem koma skal. Það þarf að halda
áfram að vinna með þetta hráefni
og beita sömu vinnubrögðum.
Lærdómurinn sem fékkst úr gos-
inu var sá að það voru engar við-
bragðsáætlanir til í ferðaþjónust-
unni um hvernig ætti að bregðast
við. Menn hafa lært að vinna miklu
betur saman og það hefur skilað
sér í kynningar- og markaðsstarfi
sem á sér engin fordæmi á Íslandi.
Á þessu verðum við að byggja
áfram og fyrir Íslandsstofu, sem
tekur brátt til starfa sem kynning-
armiðstöð Íslands, hlýtur reynsl-
an sem hlaust af þessu verkefni
að vera mjög dýrmætur heiman-
mundur.
Ég er mikil bjartsýnismanneskja
að eðlisfari og til lengri tíma litið
tel ég góða möguleika á því að við
komum sterkari út úr þessari stöðu
heldur en ella.“
FRAMHALD AF FORSÍÐU
Eðlilega hefur þjóðarátakið vakið mesta athygli hér innanlands.
Til þess var leikurinn gerður, að kveikja í Íslendingum og gera alla
að sendiherrum.
Skilaboð markaðsátaksins eiga að höfða til fólks sem vill upplifa einstaka náttúru.
FRÉTTABLAÐIÐ/STEFÁN
Svanhildur Konráðsdóttir: „Er það orðið tabú að koma á framfæri samræmdum, skýr-
um og aðlaðandi skilaboðum um hvað Ísland stendur fyrir sem ferðamannaland?“

FR
ÉT
TA
BL
A
Ð
IÐ
/ G
VA
Sumarsæla
www.visitskagafjordur.is
Skagafjörður – skemmtilegur í fríinu!
2010
ÞAÐ VERÐUR NÓG UM
AÐ VERA Í SKAGAFIRÐI
25. JÚNÍ – 5. JÚLÍ
og þar ættu allir
að finna eitthvað
við sitt hæfi

Lummudagar – Landsbankamót
Barokkhátíð – Rafting
Siglingar – Golfmót
Sjósund – Miðnætursund
Fatasund – Einleikur- Tónleikar
Dansleikur – Ljósmyndasýningar
Sveitakaffi – Bókamarkaður
Gönguferðir – Rútuferðir
Jeppaferðir – Hestasýningar
Hestaleikhús – Hrossaræktardagur

Skagafjörður er kjörinn áfangastaður
til að upplifa og njóta íslenskrar náttúru,
hestamennsku, viðburða árið um kring
og afþreyingar fyrir alla fjölskylduna