Fréttablaðið - 26.06.2010, Blaðsíða 78

38 26. júní 2010 LAUGARDAGUR
menning@frettabladid.is
Tónlist ★★★★
Hitaveitan
Ýmsir flytjendur
Upphafning sumarsafnplötunnar
Sumarsafnplötur voru einu sinni fastur liður í íslenskri plötuútgáfu. Sena var
með „Svona er sumarið“ á hverju ári og salan var það góð að á tímabili tóku
ýmsar aðrar útgáfur þátt í slagnum með misjöfnum árangri. Oft mátti finna
ágæt lög á þessum sumarplötum, en á heildina litið var þetta frekar þunnt
og versnaði þegar á leið, enda virtust menn fastir í ofnotaðri sumarsmellafor-
múlu. Og sumarsafnplatan hvarf af sjónarsviðinu.
Þegar Kimi Records ákvað að endurlífga sumarplötuna þá var formúlunni
greinilega hent og nýr póll tekinn í hæðina. Á Hitaveitunni eru 14 lög með
listamönnum sem flestir eru hluti af Kimi-stórfjölskyldunni, – hafa gefið út hjá
Kima, Braki eða Borginni. Lögin eru nær öll ný og í nokkrum tilfellum sameina
tveir flytjendur krafta sína. Lögin vísa mörg í sumar, gleði og stuð, en það
er engin samræming í sjálfri tónlistinni. Það syngur hver með sínu nefi. Og
útkoman er glettilega góð.
Platan hefst á fönkuðum diskósmelli þar sem Prófessorinn, fönkfroskurinn,
glamúrlemúrinn og fleiri diskódýr stíga dansinn með Memfismafíunni, næst kemur léttur rokkslagari með Morðingj-
unum, þá samstarfsverkefni Reykjavíkur! og Mugisons og svo hið poppaða Djúggedí Gúgg Egils S. Fjölbreytnin er
mikil. Retron býður upp á magnaða indísýru, DJ Flugvél & Geimskip er í flippuðum gleðigír, Hjálmar og Helgi Björns
taka feita reggíútgáfu af Húsið og ég og Me, the Slumbering Napoleon gefur ekkert eftir í nýbylgjuprogginu.
Það er ekki bara fjölbreytni á Hitaveitunni. Flest lögin eru líka góð og greinilegt að tónlistarmennirnir hafa margir lagt
mikið í þetta. Það er helst að manni finnist ofursveitin Hjaltalín aðeins undir væntingum. Það er erfitt að velja bestu
lögin, en mín uppáhaldslög, eins og er a.m.k., eru jaðarrokkbomba Sudden Weather Change og Nolo, Sumarlagið
með DJ Flugvél og Geimskip og fyrrnefnd indísýra Retron. Trausti Júlíusson
Niðurstaða: Kimi Records gefur sumarsafnplötuhugtakinu aukið vægi með fjölbreyttri og kraftmikilli plötu.
Tvennir tónleikar verða helgina 26.
og 27. júní á vegum Alþjóðlegs
orgelsumars í Hallgrímskirkju þar
sem Jessica Buzbee, básúnuleikari
mun leika með Herði Áskelssyni,
orgelleikara. Efnisskrá tónleikanna
er fjölbreytt og spennandi en laug-
ardagstónleikar Jessicu og Harðar
hefjast á hinum þekkta sálmforleik
J.S. Bach Vakna, Síons verðir kalla.
Síðan hljóma meðal annars verk
úr Buxheimer orgelbókinni frá 15.
öld og Morceau Symphonique eftir
Guilmant. Á efnisskrá sunnudags-
ins bætast við verk eftir Gardner
Read, J.S. Bach sem og verkið Signing eftir Huga
Guðmundsson.
Jessica Buzbee nam básúnuleik í Svíþjóð,
Frakklandi og Chicago og hefur hlotið fjölmörg
verðlaun og viðurkenningar fyrir
frábæran árangur. Jessica starfar
nú sem básúnuleikari við Sinfóníu-
hljómsveit Íslands.
Hörður Áskelsson hefur verið org-
anisti og kantor Hallgrímskirkju allt
frá því hann lauk framhaldsnámi í
Düsseldorf í Þýskalandi árið 1982.
Hann hefur gegnt lykilhlutverki í
uppbyggingu listalífs kirkjunnar
og stóð meðal annars að stofnun
Listvinafélags Hallgrímskirkju, Kirkju-
listahátíðar og Alþjóðlega orgelsum-
arsins.
Hádegistónleikar verða laugardag-
inn 26. júní kl. 12 og er miðaverð 1.000 kr.
Síðdegistónleikar verða sunnudaginn 27. júní kl.
17 og er miðaverð 1.500 kr.
Félagar í Listvinafélagi Hallgrímskirkju fá frítt inn.
Alþjóðlegt orgelsumar
METSÖLULISTI 7. JÚNÍ 2010 - 20. JÚNÍ 2010
Bóksölulistinn er birtur á tveggja vikna fresti og mælir sölu
íslenskra bóka. Listinn er byggður á upplýsingum frá flestum bók-
sölum landsins, dagvöruverslunum og öðrum verslunum sem selja
bækur. Rannsóknarsetur verslunarinnnar annast söfnun upplýs-
inga fyrir hönd Félags íslenskra bókaútgefenda. Öllum fjölmiðlum
er heimilt að birta listann svo framarlega sem heimilda er getið.
1. Eyjafjallajökull
Ari Trausti Guðmundsson & Ragnar Th. Sigurðsson Uppheimar
2. Makalaus Þorbjörg Marinósdóttir JPV útgáfa
3. Handbókin um heimsmeistarakeppnina FIFA 2010
Keir Radnedge Edda
4. Morgnar í Jenín Susan Abulhawa JPV útgáfa
5. 25 gönguleiðir á höfuðborgarsvæðinu
Reynir Ingibjartsson Salka
6. Vegahandbókin, 2010 Steindór Steindórsson Útkall
7. Friðlaus Lee Child JPV útgáfa
8. Góða nótt, yndið mitt Dorothy Koomson JPV útgáfa
9. Ræktum sjálf Gitte Kjeldsen Vaka-Helgafell
10. Hafmeyjan Camilla Läckberg Undirheimar
Danski metsöluhöfundur-
inn Sara Blædel er stödd
hér á landi til að fylgja eftir
útgáfu á bók sinni, Aldrei
framar frjáls, í íslenskri
þýðingu. Bókin er önnur
saga Blædel sem kemur út
hér á landi en bókin Kall-
aðu mig prinsessu kom út
í íslenskri þýðingu í fyrra.
Bækurnar eru báða glæpa-
sögur með blaðakonuna
Louise Rick í aðalhlutverki.
Þetta er í fyrsta sinn sem Sara
kemur til Íslands á þessum tíma
árs og var agndofa yfir íslensku
sumarsólinni sem ekki sest, þegar
Fréttablaðið náði af henni tali.
„Það er frábært að vera hérna og
ég sat í gærkveldi um miðnætti og
átti ekki til orð yfir hversu bjart
var. Þetta er alveg frábært,“ segir
Sara. Hún var valin rithöfund-
ur ársins af dönskum lesendum í
fyrra. Hún hefur einnig verið vin-
sæl hér á landi og segist fá margar
kveðjur frá íslenskum lesendum.
Aldrei framar frjáls fjallar um
morð á vændiskonu í Kaupmanna-
höfn sem blaðakonan Louise Rick
ákveður að rannsaka nánar í sam-
starfi við lögregluna. Þar kynnist
hún harðsvíruðum glæpamönnum
og kemst að því að mansal er stað-
reynd á Norðurlöndunum.
Sara Bældel starfaði sem blaða-
maður áður en hún settist í rithöf-
undarstólinn en segir að rannsókn-
arvinnan bak við þessa bók hafi
verið það erfiðasta sem hún hefur
gert. Hún tók viðtöl við vændiskon-
ur og fékk innsýn í þeirra heim. „Ég
fór og fylgdist með vændiskonum
að störfum í Istedgade á Vesterbro
í Kaupmannahöfn og gat tekið við
þær viðtöl í athvarfi sem er fyrir
þær á Vesterbro,“ segir Sara og
bætir við að sögur kvennanna hafa
hitt sig beint í hjartastað og mjög
erfitt hafi verið að hlusta að sumar
sögurnar. „Stundum þurfa þær að
sofa hjá allt að 22 mönnum á dag
og svo fengu þær sama og engan
pening fyrir, en þeir fara í vasann
á mönnunum sem sjá um þær. Á
þessi tímabili gekk ég um með hnút
í maganum yfir ömurlegum örlög-
um þessara kvenna.“
Sara segir að bókin fjalli í aðal-
atriðum um það hvernig manneskj-
ur geta misst algera stjórn á sínu
eigin lífi og hvernig glæpaklíkur
einsetja sér að afvegaleiða konur
á þennan hátt.
„Ég er ekki að segja að það sé
mikið um mansal og vændi í Dan-
mörku en það er til og við megum
ekki loka augunum fyrir því,“
segir Sara að lokum.
alfrun@frettabladid.is
Átakanleg rannsóknar-
vinna í Kaupmannahöfn
SARA BLÆDEL Danski metsöluhöfundurinn er staddur hér á landi til að kynna bók
sína, Aldrei framar frjáls, sem fjallar um mansal og vændi í Kaupmannahöfn.
FRÉTTABLAÐIÐ/ARNÞÓR
Ertu “enn á leiðinni” í jóga?
Vantar þig orku, einbeitingu, gleði og ró?
KUNDALINI JÓGA
Í SUMAR
Orkugefandi - markvisst - umbreytandi
5. júlí - 19. ágúst
þriðjud. og fi mmtud. kl 17.45 - 19.00
Mánud. og miðvikud. kl 7.00 - 8.15
Skráning og nánari upplýsingar:
www.lotusjogasetur.is
audur@vortex.is - Eygló 6909298
L ó t u s J ó g a s e t u r - B o r g a r t ú n i 2 0 , 4 . h æ ð
Hver fær bréf
frá þér?
Sendu kveðju til þeirra sem þér þykir
hafa verið til fyrirmyndar.
Kynntu þér hvatningarátak tileinkað
frú Vigdísi Finnbogadóttur og íslensku
þjóðinni á tilfyrirmyndar.is
>Ekki missa af …
Hinn 9. júlí næstkomandi
opnar VILLA REYKJAVIK á
hafnarsvæðinu í Reykjavík.
Þá munu tólf evrópsk og tvö
íslensk myndlistargallerí opna
tímabundnar sýningar í áður
auðu húsnæði við Vesturgötu,
Tryggvagötu og Geirsgötu.
Ætlunin er að mynda lista-
hverfi á hafnarsvæðinu sem
endurspeglar það áhugaverð-
asta og skemmtilegasta sem
listaheimurinn hefur upp á að
bjóða um þessar mundir.
Klukkan 15 í Hafnarborg
Næstkomandi laugardag, 26. júní kl.
15, verður opnuð sýningin Formlegt
aðhald, verk Eiríks Smith frá 1951-
1957 í Hafnarborg, menningar- og
listamiðstöð Hafnarfjarðar. Listmál-
arinn Eiríkur Smith (f. 1925) á að
baki langan og farsælan feril.