Fréttablaðið - 28.06.2010, Blaðsíða 12

Fréttablaðið - 28.06.2010, Blaðsíða 12
 28. júní 2010 MÁNUDAGUR Kanilsnúðar Íslenskur gæðabakstur - Tilbúinn í ofninn FR YS TI VA RA Tekur aðeins 7 mínútur að hella upp á 2,2 lítra Þú færð Blaðberann þinn í Skaftahlíð 24 alla virka daga frá kl. 9-17. ...góðar fréttir fyrir umhverfiðBlaðberinn... Blaðberinn bíður þín Wilter Nyabate er ken- ísk baráttukona sem hefur undanfarin ár barist gegn því að fólk í fátækrahverf- um í höfuðborg landsins sé flutt nauðugt af heimil- um sínum. Hún var hér á landi á vegum Amnesty til að kynna átakið Stand up united, sem á íslensku heit- ir Vertu með í vörninni … gegn mannréttindabrotum. Þetta er alþjóðleg herferð Amnesty sem var hrund- ið af stað í tilefni af heims- meistaramótinu í knatt- spyrnu og ætlað að vekja athygli á mannréttindabrot- um víðs vegar um heiminn. Keníska ríkisstjórnin lofaði fyrir nokkru að bæta úr aðstæðum og húsnæðismálum í fátækrahverf- unum í Naíróbí, höfuðborg Kenía. Helmingur íbúa borgarinnar búa í slíkum hverfum, þar á meðal Wilt- er, sem býr ásamt tveimur börnum sínum í stærsta fátækrahverfinu. Ýmislegt jákvætt hefur gerst eftir að ríkisstjórnin hóf átak sitt, en því fylgir einnig margt slæmt. Fjöldi fólks í hverfinu sem Wilt- er býr í hefur verið flutt nauðugt úr húsum sínum og þau jöfnuð við jörðu. „Þeir koma um miðjar nætur. Það sjást bara jarðýtur og þú heyr- ir grát í börnum og mæðrum sem kalla á hjálp. Þetta er sálfræðileg pynting, þær taka auðvitað börnin með sér út og þá verða allar eigur þeirra eftir. Það er enginn fyrir- vari og allt er eyðilagt. Þegar fólk kemur svo heim aftur til að byrja upp á nýtt á það ekkert. Þú færð engar bætur fyrir það sem þú missir.“ Komið hefur verið upp kerfi meðal íbúanna í hverfinu til að bregðast við þessu. „Þegar við heyrum að verið er að bera fólk út þá látum við það berast og látum fjölmiðla á svæðinu líka vita. Við mætum og fjölmiðlarnir líka, það vekur athygli og stjórnvöld sjá að við vitum alveg hvað við erum að gera.“ Erfiðar aðstæður í hverfunum Lífið í fátækrahverfunum er streð, og þar eru erfiðar aðstæður. „Þú þarft að borga fyrir alla grunn- þjónustu, eins og vatn, á hverjum degi í litlum skömmtum. Þú verð- ur að borga fyrir alla læknisþjón- ustu, og margir í þessum hverf- um hafa ekki efni á því. Fólk er með HIV eða alnæmi og fær lyf, en getur ekki tekið þau því það hefur ekki efni á nægum mat. Ef lyfin eru tekin án matar þá veldur það svima og vanlíðan, svo sumir hætta að taka lyfin.“ Fólk eins og Wilter borgar þó skatta. „Okkar skattar eru háir. Fólkið sem fær undir 50 dollara á mánuði borg- ar skatta – en allir þingmenn hafa skattfrjálsar tekjur. Þeir eru með um tvær milljónir íslenskra króna á mánuði, en borga enga skatta. Á meðan svo er þá verða fátæk- ir alltaf fátækir, og ríkir alltaf ríkir.“ Þrýstingur að utan Eitt af því sem Wilter og sam- starfsfélagar hennar berjast fyrir er að keníska ríkisstjórnin komi á gagnsæjum reglum um hvern- ig staðið skuli að þessum málum. „Fólkið fær ekki upplýsingar um hvað sé að gerast og það fær ekki tíma til að segja sína skoðun.“ Íbú- arnir í hverfinu óttast að þó að ætl- unin sé að byggja betra húsnæði á svæðinu muni það alls ekki standa núverandi íbúum til boða, til þess verði það of dýrt. „Húsin eru gerð fyrir fólkið sem býr þarna en þau eru alltof dýr. Það er svo erfitt að eignast hús, flest fólkið úr fátækrahverfunum mun ekki græða á þessu verkefni.“ Ákveðið var að tengja baráttuna fyrir mannréttindum við heims- meistaramótið til að vekja sem mesta athygli. „Stór hluti heims- ins er að fylgjast með og þetta var leið til að ná til þeirra og gera þeim grein fyrir því hvað er að eiga sér stað. Þetta er að eiga sér stað víðs vegar um heiminn og það er réttur fólks að vera ekki borið út af heimilum sínum.“ „Nú eru stjórnvöld að reyna að koma á reglum um þetta. Alþjóða- samtök hafa verið að taka þátt í því. Við þurfum líka þrýsting að utan til þess að þetta verði gert. Ríkisstjórn Íslands getur til dæmis þrýst á ríkisstjórnina í Kenía að virða mannréttindi og hætta þessu.“ Fótbolti dregur athygli að mannréttindabrotum FRÉTTAVIÐTAL: Keníska baráttukonan Wilter Nyabate Þórunn Elísabet Bogadóttir thorunn@frettabladid.is WILTER NYABATE Wilter hefur barist gegn mannréttindabrotunum í hverfi sínu lengi. Hún hélt fyrirlestur um baráttuna í Naíróbí í Reykjavík í síðustu viku á vegum Amnesty. FRÉTTABLAÐIÐ/ARNÞÓR Um tvær milljónir manna búa í fátækrahverfum í Naíróbí, höfuðborg Kenía. Þessar tvær milljónir eru helmingur allra íbúa borgarinnar, en þær búa á aðeins fimm prósentum lands í borginni. Í hverfunum er lítill aðgangur að grunnþjónustu eins og hreinu vatni, klósettum, heilsugæslu og skólum. Wilter Nyabate býr í Austur-Soweto, sem er hluti af Kibera, stærsta fátækrahverfi borgarinnar. Ríkisstjórnin í Kenía hefur hrundið af stað átaki til að bæta húsnæðismál í hverfinu. Wilter er hluti af samtökum sem berst fyrir mannréttindum fólksins í hverfinu og því að hætt verði að flytja íbúa þaðan á brott. Fátækrahverfin í Naíróbí

x

Fréttablaðið

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Fréttablaðið
https://timarit.is/publication/108

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.