Fréttablaðið - 29.06.2010, Blaðsíða 34

22 29. júní 2010 ÞRIÐJUDAGUR
sport@frettabladid.is
FÓTBOLTI Marel Baldvinsson, leik-
maður Stjörnunnar, gerði sér lítið
fyrir og lék sem varnarmaður í
góðum útisigri liðsins á Íslands-
meisturum FH um helgina. Hann
er maður 9. umferðar Pepsi-deild-
ar karla að mati Fréttablaðsins en
Marel hefur fyrst og fremst leikið
sem sóknarmaður á ferlinum.
„Þetta herbragð gekk mjög vel
eftir hjá Bjarna enda hefur hann
sýnt að hann er klókur, karlinn,“
sagði Marel við Fréttablaðið en
hann hljóp í skarðið fyrir Tryggva
Bjarnason sem veiktist fyrir leik-
inn.
„Þetta kom mér vissulega á
óvart en hann vissi að ég hef
áður spilað í þessari stöðu nokkr-
um sinnum. Síðast gerði ég það
með Molde í Noregi árið 2007 og
þá aðeins nokkra leiki þegar það
vantaði menn í vörnina vegna
meiðsla.“
Hann segist kunna vel við sig í
vörninni. „Jú, alveg ágætlega. Sem
sóknarmaður veit ég líka hvern-
ig leiðinlegir varnarmenn eiga að
vera og maður vill alls ekki sjálfur
mæta,“ sagði hann í léttum dúr.
Óvíst er hvort að hann haldi
áfram að spila í vörninni. „Það
hefur ekkert verið rætt um það
sérstaklega og verður bara að
koma í ljós. Ég geri bara það
sem þjálfarinn segir. Aðalmál-
ið er samt að við unnum þarna
góðan sigur þar sem við náðum
að koma til baka gegn öflugum
FH-ingum.“
FH komst yfir í leiknum og hafði
1-0 forystu í hálfleik. En Stjörnu-
menn sneru taflinu sér í vil í síð-
ari hálfleik.
„Við vorum slakir í fyrri hálf-
leik og byrjun þess seinni. Við
vorum heppnir að vera bara 1-0
undir þá. En það var frábært að
klára leikinn almennilega og þessi
sigur mun gefa mönnum von. Það
hefur verið einhver útivallargrýla
viðloðandi okkur og við erum von-
andi núna búnir að drepa hana.“
Stjarnan leikur á gervigrasi á
sínum heimavelli og margir spark-
spekingar halda því fram að þeir
séu því aðeins góðir á heimavelli.
„Það var gott að stinga aðeins upp
í þá sem eru þeirrar skoðunar,“
sagði Marel og hló. „En við höfum
samt verið að hiksta á heimavelli.
Við unnum að vísu frábæran sigur
á Keflavík þar en gerum svo jafn-
tefli við Hauka og Val á heimavelli
og við Selfoss á útivelli. Þetta voru
leikir sem við vildum fá meira
úr.“
Hann segir að aðalatriðið nú sé
að Stjarnan sýni stöðugleika. „Við
getum unnið hvaða lið sem er á
góðum degi eins og við sýndum
gegn Keflavík. En svo hafa komið
arfaslakir leikir inn á milli. Næst
mætum við ÍBV á heimavelli og
þurfum að mæta í þann leik eins
og karlmenn. Ef okkur tekst að
fylgja þessum sigri eftir þá verð-
um við í ágætis málum í deildinni.“
- esá
Lið 9. umferðar (4-4-2):
Markvörður:
Lars Ivar Moldsked, KR.
Varnarmenn:
Baldvin Sturluson, Stjörnunni.
Marel Baldvinsson, Stjörnunni.
Bjarni Hólm Aðalsteinsson, Keflavík.
Daníel Einarsson, Haukum.
Miðvallarleikmenn:
Andri Ólafsson, ÍBV.
Tryggvi Guðmundsson, ÍBV.
Steinþór Freyr Þorsteinsson, Stjörnunni.
Paul McShane, Keflavík.
Sóknarmenn:
Jóhann Þórhallsson, Fylki.
Magnús Sverrir Þorsteinsson, Keflavík.
Veit hvernig leiðinlegir
varnarmenn eiga að vera
Marel Baldvinsson er leikmaður 9. umferðar Pepsi-deildar karla að mati Frétta-
blaðsins. Hann átti stórleik í hjarta varnarinnar hjá Stjörnunni sem vann 3-1
sigur á Íslansdsmeisturum FH og þar með sinn fyrsta sigur á útivelli í rúmt ár.
FÓTBOLTI Eins marks sigur Hollend-
inga á Slóvökum gefur ekki rétta
mynd af leik þjóðanna í 16 liða
úrslitum HM í gær. Hollending-
ar voru miklu betri, en sem betur
fer fyrir þá skoruðu þeir annað
markið undir lokin sem kom þeim
áfram áður en Slóvakar minnkuðu
muninn.
Dæmigert mark fyrir Arjen
Robben kom þeim yfir og þrátt
fyrir sóknarþunga út hálfleik-
inn náðu þeir ekki að bæta við.
Það tókst ekki fyrr en sjö mín-
útum fyrir leikslok þegar Wes-
ley Sneijder kláraði færið sitt vel
eftir góðan undirbúning frá Dirk
Kuyt.
Í uppbótartíma fengu Slóvak-
ar víti sem Robert Vittek nýtti og
minnkaði muninn í 2-1. Það reynd-
ist síðasta spyrna leiksins.
„Við hefðum átt að vinna þetta
stærra en náðum ekki að skapa
nógu mikið. Við þurfum að laga
það og finna meiri sköpunargleði,“
sagði Kuyt um leik Hollands. „Við
áttum sigurinn þó svo sannarlega
skilinn. Við erum alltaf að nálgast
markmiðið okkar,“ bætti hann við
en Slóvakar sóttu lítið sem ekkert
allan leikinn. - hþh
Hollendingar flugu áfram í átta liða úrslit HM eftir þægilegan sigur á Slóvökum:
Við þurfum meiri sköpunargleði
TÓM GLEÐI Dirk Kuyt henti Sneijder á
loft eftir annað markið. FRÉTTABLAÐIÐ/AFP
MAREL BALDVINSSON
Fór á kostum í vörn
Stjörnunnar gegn FH
um helgina.
FR
ÉTTA
B
LA
Ð
IÐ
/VILH
ELM
Landsliðsmaðurinn Helgi Valur Daníelsson spilaði í fjögur ár í Svíþjóð
og eftir stutta dvöl í Þýskalandi er Árbæingurinn aftur kominn til
Svíþjóðar, nú til meistaranna í AIK.
Helgi samdi við AIK frá Stokkhólmi en eftir stuttar samninga-
viðræður skrifaði hann undir þriggja og hálfs árs samning í gær.
Hann var aðeins í hálft ár í Þýskalandi.
„Ég þekki vel til í Svíþjóð og var aðeins farinn að horfa til
þess að komast þangað aftur,“ sagði Helgi sem spilaði með
Hansa Rostock í Þýskalandi sem féll niður í 3. deildina þar í landi
á tímabilinu.
Helgi spilaði með Öster og Elfsborg en fer nú til eins
stærsta félagsins í Svíþjóð. Það spilar á 36.000 manna velli
og spilar í forkeppni Meistaradeildarinnar þar sem það
mætir Jeunesse d’Esch frá Lúxemborg.
„Ég fór aðeins til OB í Danmörku að æfa
í síðustu viku en ekkert kom út úr því.
AIK sýndi strax mikinn áhuga en þeim hefur ekki gengið sem skyldi
á tímabilinu. Þeir eru að stokka aðeins upp og það voru fjórir nýir
menn kynntir núna,“ sagði Helgi sem segir leiðinlegt að fara strax
frá Þýskalandi.
„Það er svolítil sorg að fara héðan, það er svo leiðinlegt að
rífa sig upp strax, planið var að vera hér í nokkur ár. En þetta var
reynsla útaf fyrir sig,“ segir Helgi sem fór til AIK á reynslu fyrir sjö
árum síðan, þegar hann lék með Fylki.
„Mig langaði mikið til að semja við félagið þá. Ég
hef spilað oft við það síðan og það verður fínt að
flytja til Stokkhólms. Ég hef alltaf spilað á svo litlum
stöðum, konan mín er ánægð með þetta,“ sagði Helgi
sem flytur í dag eða á morgun til Svíþjóðar og gæti spilað
sinn fyrsta leik þar þann 5. júlí.
„Ég fer til Svíþjóðar í ágætu formi, ég hef æft sjálfur og
svo með OB. Það var mitt undirbúningstímabil fyrir AIK.”
HELGI VALUR DANÍELSSON: ER KOMINN AFTUR TIL SVÍÞJÓÐAR EFTIR STUTTA DVÖL Í ÞÝSKALANDI
Svolítil sorg að rífa sig strax upp frá Þýskalandi
> Valur fer í Árbæinn
Íslands- og bikarmeistarar Vals mæta Fylki í
Árbænum í átta liða úrslitum VISA-bikars kvenna en
dregið var í gær. „Við förum erfiða leið þetta árið,“
sagði Katrín Jónsdóttir eftir dráttinn. Valur sló
út Breiðablik í 16 liða úrslitunum en þessi lið
mættust í úrslitaleiknum í fyrra. Stjarnan, sem
vann KR 6-0 í 16 liða úrslitunum, mætir
Grindavík á heimavelli og FH spilar gegn
Akureyrarliði á heimavelli eins og í karla-
flokki þegar Hafnarfjarðarstúlkur taka á
móti Þór/KA. Þá tekur 1. deildarlið ÍBV á
móti Haukum í Eyjum.
Þann 30. júní munu níu af fremstu íþróttasálfræðingum Evrópu
halda ráðstefnu um íþróttasálfræði og afreksíþróttir í samstarfi
við ÍSÍ og Háskólann í Reykjavík. Ráðstefna er frá kl: 8:30 til
13:30.
Einkunnarorð ráðstefnunnar er hagnýting. Þátttakendur munu
læra hagnýta hluti til að auka færni sína í aðkomu að
afreksíþróttamönnum.
Ráðstefnugjald er 12.000 kr. Veittur er 50% afsláttur fyrir
háskólanemendur (láta vita hjá hvaða skóla).
Skráning fer fram á skraning@ru.is
Nánari upplýsingar um dagskrá, greiðslutilhögun og fleira er að
finna á www.isi.is

Alþjóðleg ráðstefna um
íþróttasálfræði
og afreksíþróttir
Háskólanum í Reykjavík
miðvikudaginn 30. júní
Íþrótta- og Ólympíusamband Íslands
Háskólinn í Reykjavík
Höldum saman uppá 10 ára afmæli Max1
athuga bremsurnar hjá Max1
Fáðu 20% afslá
tt af
bremsuviðgerð
um,
varahlutum og
vinnu,
í dag!
Afmælistilboð
Reykjavík: Bíldshöfði 5a og 8, Jafnasel 6,
Knarrarvogur 2, sími 515 7190.
Hafnarfjörður: Dalshraun 5, sími 515 7190.
Akureyri: Tryggvabraut 5, sími 515 7050.