Fréttablaðið - 01.07.2010, Blaðsíða 2
2 1. júlí 2010 FIMMTUDAGUR
Anna, verður þetta mat hagan-
lega unnið?
„Já, þetta verður rokk og ról í fínum
kjól.“
Anna Hildur Hildibrandsdóttir er fram-
kvæmdastjóri ÚTÓN og talsmaður verk-
efnis sem sett hefur verið á fót um að
meta hagræn áhrif tónlistar, kvikmynda
og annarra skapandi greina á Íslandi.
SLYS Maðurinn sem brenndist
illa í vinnuslysi í járnblendiverk-
smiðjunni á Grundartanga er
látinn.
Slysið varð í ofnhúsi á ann-
arri hæð verksmiðjunnar um
kvöldmatarleytið á þriðjudag.
Sprenging varð í ofni og eld-
tunga og málmslettur brutust út
úr honum. Maðurinn var fluttur
með þyrlu Landhelgisgæslunnar
á gjörgæsludeild Landspítalans í
Fossvogi. Þar lést hann snemma
í gær.
Vinnueftirlitið og lögregla
rannsaka málið og lá starfsemi
verksmiðjunnar niðri í gær.
Erlendir sérfræðingar eru einnig
á leið til landsins til að rannsaka
hvað olli sprengingunni. - þeb
Brenndist illa á Grundartanga:
Maður lést eftir
sprengingu
EVRÓPUSAMBANDIÐ Nýjar reglur
Evrópusambandsins, sem ganga í
gildi á næsta ári, takmarka þann
kaupauka sem stjórnendur banka
geta fengið greiddan.
Samkvæmt reglunum geta
stjórnendurnir einungis fengið
þriðjung kaupaukans greiddan
strax, en restin bíður þangað til
ljóst þykir að bankinn hafi staðist
væntingar.
Þetta eru fyrstu takmarkan-
ir sem nokkurs staðar hafa verið
settar á greiðslur kaupauka til
stjórnenda banka. - gb
Bönkum settar reglur:
ESB setur kaup-
aukum hömlur
FÓLK „Við vorum mjög nánar og
mér finnst það hafa hjálpað mér
að vera í hennar skóm,“ segir Guð-
rún Guðmundsdóttir, sem gekk í
skóm móður sinnar 732 kílómetra
leið frá Reykjanestá að Fonti á
Langanesi.
Leiðin sem Guðrún gekk á
vegum Útivistar ásamt félög-
um sínum var farin í mislöngum
áföngum frá því í mars 2008 og
lauk síðastliðinn laugardag með
sex daga göngu frá Ásbyrgi að
Fonti. Ellefu manna hópur gekk
alla áfangana saman. Ferðalag-
ið hafði sérstaka persónulega
þýðingu fyrir Guðrúnu.
„Í mínum huga var þetta minn-
ingarganga um Þorgerði Ein-
arsdóttur, móður mína, sem lést
árið 2006. Þannig að ég tók henn-
ar gönguskó og gekk í þeim alla
leiðina, hvert einasta skref. Þetta
var ákveðin leið til að hjálpa mér í
gegnum sorgarferlið – að vera úti í
náttúrunni, í kyrrðinni,“ útskýrir
Guðrún sem ásamt félögum sínum
upplifði náttúruna frá öllum
mögulegum sjónarhornum. Hóp-
urinn óð yfir Þjórsá, klöngraðist
yfir hinn margsprungna Múla-
jökul, gekk um stærstu eyðimörk
landsins og naut líka fuglalífsins
og gróðursins.
Í ágúst í fyrra var á dagskrá að
ganga frá Herðubreiðarlindum
niður í Ásbyrgi um Jökulsárgljúfr-
in. Daginn áður lést faðir Guðrún-
ar, Guðmundur Marinósson. Hún
segist strax hafa hugsað að í ferð-
ina gæti hún ekki farið. Farar-
stjórarnir hafi hins vegar hringt í
hana um kvöldið og stappað í hana
stálinu.
„Þau sögðu mér að drífa mig
því hvað væri betra en að vera
úti í náttúrunni og íhuga í friði og
spekt? Þannig að ég lét slag standa
og er glöð með það núna því þá
náði ég þessum áfanga, að því er
ég myndi segja með staðfestu for-
eldra minna í farteskinu,“ segir
Guðrún.
Staðfesta og einbeiting er að
sögn Guðrúnar einmitt undir-
staðan að því að hafa aldrei misst
sjónar á settu marki. Eiginmaður
hennar, Rúnar Helgi Vignisson,
sem tekið hafi þátt í stórum hluta
göngunnar hafi til dæmis eitt sinn
boðið henni til Stokkhólms. Sú ferð
hefði þýtt að Guðrún hefði tapað
einni dagleiðinni. „Ég sagði: því
miður – ég þarf að fara í gönguna.“
gar@frettabladid.is
Sigraðist á sorginni í
skóm látinnar móður
Guðrún Guðmundsdóttir heiðraði minningu látinnar móður sinnar með því að
ganga í skóm hennar frá Reykjanestá að Fonti. Faðir Guðrúnar lést daginn fyrir
upphaf eins áfangans. Fyrir hvatningu ferðafélaganna hélt hún þó sínu striki.
GUÐRÚN GUÐMUNDSDÓTTIR Komin heim með skóna hennar mömmu.
Á LEIÐARENDA Margbæta þurfti göngu-
skó móður Guðrúnar Guðmundsdóttur
áður en göngunni yfir Ísland lauk á Fonti
á Langanesi um síðustu helgi.
STJÓRNMÁL Sjálfstæðir Evrópumenn segjast harma
samþykkt landsfundar Sjálfstæðisflokksins um að
draga til baka umsókn Íslands um aðild að Evrópu-
sambandinu.
„Hún felur í sér áhrifaleysi flokksins í einhverj-
um mikilvægustu samningum sem Ísland hefur
gengið til á þýðingarmesta tíma samningagerð-
arinnar. Hún er einnig andstæð þeirri eðlilegu
lýðræðiskröfu að fólkið í landinu fái úrslitavald
um niðurstöðu málsins,“ segir í ályktun almenns
fundar Sjálfstæðra Evrópumanna í gær.
Í ályktuninni segir mikilvægt að þjóðin gangi
sem styrkust til formlegra samningaviðræðna við
Evrópusambandið. „Breið pólitísk samstaða er lík-
legust til að skila góðri niðurstöðu fyrir Ísland.
Þjóðin er nú í alvarlegustu kreppu sem hún hefur
lent í á lýðveldistímanum og því skiptir miklu að
hún kanni til hlítar allar leiðir sem geta tryggt
stöðugleika í framtíðinni,“ segja Sjálfstæðir Evr-
ópumenn sem kveðast taka undir með svokallaðri
aldamótanefnd Sjálfstæðisflokksins sem hafi varað
við því á sínum tíma „að við séum sjálfir að búa
okkur til skilyrði og mála skrattann á vegginn og
þar með veikja okkar eigin samningsstöðu er við
mætum með sjálfskapaða annmarka til viðræðna“.
- gar
Sjálfstæðir Evrópumenn vilja breiða samstöðu um Evrópusambandsviðræður:
Þjóðin fái úrslitavald um ESB
FUNDUR SJÁLFSTÆÐRA EVRÓPUMANNA Þorgerður Katrín
Gunnarsdóttir, fyrrverandi menntamálaráðherra, var á fund-
inum þar sem Evrópusinnar í Sjálfstæðisflokknum hörmuðu
samþykkt landsfundar flokksins um að hætta við umsókn um
aðild að ESB. FRÉTTABLAÐIÐ/ANTON
DÓMSMÁL Glitnir fékk fyrir sex
vikum kyrrsetningu á eignir Jóns
Ásgeirs Jóhannessonar hér á
landi. Krafa Glitnis á hendur Jóni
Ásgeiri er sex milljarðar króna
en umræddar eignir eru metnar á
samtals 197 milljónir króna.
Sýslumaðurinn í Reykjavík
samþykkti kröfu Glitnis um
kyrrsetninguna 20. maí síðast-
liðinn. Enginn mætti fyrir hönd
Jóns Ásgeirs þegar kyrrsetn-
ingarkrafan var tekin fyrir hjá
embættinu. Fulltrúar þess leit-
uðu þá til lögmanns sem starfaði
fyrir Jón í svokölluðu Baugsmáli.
„Haft var sam-
band við Gest
Jónsson hrl .
sem kvaðst ekki
vera umboðs-
maður gerð -
arþola í kyrr-
setningarmáli
þessu,“ segir í
gerðarbók.
Meðal kyrr-
settu eignanna
eru fasteignir á Laufásvegi,
Vatnsstíg og Hverfisgötu, jörðin
Á í Skagafirði og sumarhús Jóns
Ásgeirs og eiginkonu hans við
Þingvallavatn. Þá eru kyrrsettir
nokkrir bílar, meðal annars tveir
Range Rover jeppar, Hummer
jeppi og Bentley fólksbíll. Einn-
ig var gerð kyrrsetning í tveimur
bankareikningum með samtals
um 3,7 milljóna innistæðum og í
eignarhluta Jóns Ásgeirs í eign-
arhaldsfélaginu Þú Blásól ehf.
Eins og fram kom í Fréttablað-
inu í gær hafa dómstólar hins
vegar fellt úr gildi fyrri ákvörð-
un sýslumanns um að kyrrsetja
eignir Jóns Ásgeirs á grundvelli
kröfu tollstjórans fyrir hönd
skattrannsóknarstjóra. - gar
Sex milljarða krafa Glitnis á hendur Jóni Ásgeiri Jóhannessyni til sýslumanns:
Fékk eignir Jóns Ásgeirs kyrrsettar
JÓN ÁSGEIR
JÓHANNESSON
KIRKJUMÁL Krafa ríkisins á hend-
ur þjóðkirkjunni um níu prósenta
niðurskurð fjárframlaga verður
rædd á aukakirkjuþingi á laugar-
dag. Fram kemur í tilkynningu
að kirkjuþing hafi í nóvember í
fyrra samþykkt tímabundna 169
milljóna króna lækkun fram-
lags frá ríkinu. Framlagið bygg-
ir á samningi um kirkjujarðir og
launagreiðslur presta og starfs-
manna þjóðkirkjunnar.
Kirkjan hafi talið að lækkunin
myndi aðeins gilda út árið 2010.
„Af hálfu ríkisvaldsins hefur
komið fram að brýn þörf sé á
frekari niðurskurði á árinu 2011
og þykir því rétt að kalla eftir
afstöðu nýkjörins kirkjuþings til
málsins.“ - gar
Boðað til aukakirkjuþings:
Ræða framhald
á niðurskurði
Á KIRKJUÞINGI Leikmenn og lærðir sitja
kirkjuþing.
ATVINNUMÁL Jón Steindór Valdi-
marsson, framkvæmdastjóri
Samtaka iðnaðarins (SI), sagði
starfi sínu lausu frá og með deg-
inum í dag.
Jón Steindór hefur starfað
fyrir SI í 22 ár,
lengst af sem
aðstoðarfram-
kvæmdastjóri.
Jón segir
starfið hafa
verið skemmti-
legt og gef-
andi en nú sé
kominn tími til
að róa á önnur
mið. Hann sé
mjög sáttur við störf sín.
Helgi Magnússon, formaður SI,
segist skilja og virða ákvörðun
Jóns og að honum sé mikil eftir-
sjá. Tilkynnt verður um ráðningu
nýs framkvæmdastjóra á næstu
dögum.
- sv
Framkvæmdastjóri SI hættir:
Hættur störf-
um eftir 22 ár
JÓN STEINDÓR
VALDIMARSSON
MENNING Samtökin Inspired by
Iceland boða til tónleika í Hljóm-
skálagarðinum klukkan 20 í kvöld.
Upphaflega átti að halda tón-
leikana, sem bera heitið Iceland
Inspires, að Hamragörðum undir
Eyjafjöllum, en sökum stormvið-
vörunar og rigningar var ákveðið
að færa tónleikahaldið í samráði
við veðurfræðinga.
Búist er við allt að 12 metrum
á sekúndu og mikilli vætu undir
Eyjafjöllum í kvöld, en veður á
að vera stilltara innan höfuðborg-
arsvæðisins, þótt búast megi við
rigningu. - sv
Tónleikahald til Reykjavíkur:
Færðir í Hljóm-
skálagarðinn
SPURNING DAGSINS
Nýr Nicorette plástur
fæst nú 25 mg
og hálfgagnsær
Nýt
t!
Nicorette® nikótínlyf eru fáanleg án lyfseðils og eru notuð til að auðvelda reykingafólki að venja sig af tóbaki með því
að draga úr nikótínþörf og fráhvarfseinkennum. Skammtar eru einstaklingsbundnir eftir því hve mikið er reykt. Nota má
forðaplásturinn einan og sér eða samtímis 2mg Nicorette lyfjatyggigúmmíi eða Nicorette innsogslyfi. Hámarksdagskammtur
er 1 stk forðaplástur og annað hvort 24 stk lyfjatyggigúmm eða 12 hylki af innsogslyfi.Til að ná sem bestum árangri skal fylgja
leiðbeiningum í fylgiseðli. Leitið til læknis eða lyfjafræðings ef þörf er á frekari upplýsingum um lyfin. Þeir sem fengið hafa ofnæmi
fyrir nikótíni eða öðrum innihaldsefnum lyfsins, nýlegt hjartaáfall, óstöðuga versnandi hjartaöng, alvarlegar hjartsláttartruflanir, ómeðhöndlaðan
háþrýsting eða nýlegt heilablóðfall eiga ekki að nota Nicorette. Börn yngri en 15 ára mega ekki nota Nicorette. Þungaðar konur og konur með
barn á brjósti skulu eingöngu nota Nicorette í samráði við heilbrigðisstarfsfólk. Lesið allan fylgiseðilinn vandlega áður en byrjað er að nota lyfið.
Markaðsleyfishafi: McNeil Denmark ApS. Umboð á Íslandi: Vistor hf., Hörgatún 2, 210 Garðabæ.
Nicorette Invisi 25 mg
Er að hærri styrkleika en fyrri
forðaplástrar frá Nicorette