Fréttablaðið - 01.07.2010, Blaðsíða 42
1. JÚLÍ 2010 FIMMTUDAGUR4 ● Grímsnesið góða
„Við æskuvinkonurnar úr Grímsnesinu tókum upp
þann sið sumarið 2007 að fara í fjallgöngu á Jóns-
messunótt,“ segir gönguhrólfurinn Laufey Böðvars-
dóttir sem fór fyrstu Jónsmessuferðina á Búrfell.
„Árið eftir gengum við á Mosfell og þá fjölgaði
verulega í hópnum og í fyrrasumar fórum við enn
fleiri á Hestfjall,“ segir Guðrún sem smitað hefur
æ fleiri sveitunga til fjallaklifurs eina mögnuðustu
nótt ársins, þegar kýrnar fá mál og selir fara úr
ham sínum.
Um nýliðna helgi fór svo fríður hópur á Vörðufell.
„Margir eru farnir að sýna þessum göngum
áhuga og vel má vera að við auglýsum þær í fram-
tíðinni, því þetta er því tilvalin leið fyrir sveitunga
og sumarhúsafólk að blanda geði í sveitinni fögru.“
Talandi kýr í Jónsmessufjallgöngu
„Það stóð til að rífa Gömul Borg, sem er gamla þinghús okkar
Grímsnesinga, fyrir nokkrum árum en þá var því bjargað af nokkr-
um einstaklingum,“ segir Lísa Thomsen, ein af bjargvættum þeirra
miklu menningarverðmæta sem Gamla Borg er, enda hús með sögu
og sál. Húsið var upphaflega byggt sem þinghús, en var síðar skóli,
dansstaður og bílaverkstæði. Nú er það meðal annars Mekka ferða-
manna eftir að hljómsveitin Sigur Rós hélt þar margfræga tónleika
sem sjást í kvikmyndinni Heima.
„Í dag leigjum við Gömlu Borg út fyrir veislur og fundi, en húsið
er kjörið fyrir 50 til 70 manna hópa,“ segir Lísa um þann sam-
komustað sem eitt sinn var sá vinsælasti í lýðveldinu. Og í sumar
er ýmislegt á döfinni.
„Hollvinir Grímsness munu halda hér Brú til Borgar 10. júlí og
sama kvöld munu Hjördís Geirs og Örvar Kristjánsson halda uppi
miklu fjöri. Þann 7. ágúst verður svo kaffihlaðborð í tengslum við
Grímsævintýri, og í sumar málverkasýning Æju og söngskemmt-
an með Margrét Pálmadóttur ásamt kór,“ segir Lísa og minnir á
vinsælt prjónakaffi fyrsta þriðjudag hvers mánaðar, en þá koma
saman konur og stöku karlmaður af öllu Suðurlandi til að prjóna.
Gamla Borg er opin alla daga nema mánudaga fram yfir Versl-
unarmannahelgi, frá klukkan 11 til 18. Veitingar eru í anda hinn-
ar íslensku húsmóður; brauðsúpa, rabarbaragrautur, plokkfiskur,
jólakaka og vöfflur með rjóma.
Nánar á www.gamlaborg.is.
Í Mekka Sigur Rósar
Lísa Thomsen í rómantískum veitingasal Gömlu Borgar í Grímsnesi, sem má
meðal annars leigja út fyrir brúðkaup. FRÉTTABLAÐIÐ/PJETUR
Duglegar blómarósir úr Vesturbænum komu úr Reykjavík til
að ganga á Vörðufell: Salvör, Ingunn og Agnes.
Grímsnesið er með vinsælustu
sumarbústaðalöndum á land-
inu og enn bullandi uppgang-
ur í sumarhúsabyggðinni.
„Það ríkir almenn bjartsýni í
Grímsnesinu,“ segir Magnús I.
Jónsson hjá Steypustöð Magnús-
ar, en hann framleiðir og selur
steypu og forsteyptar einingar
fyrir sumarhús, ásamt því að vera
með efnissölu eins og möl í heim-
keyrslur og aðra vegagerð.
„Það er mun meira að gera
en ég reiknaði með eftir hrun-
ið og margir að kaupa forsteypt-
ar einingar í húsgrunna og und-
irstöður fyrir timburhús. Þá fær-
ist í vöxt að sumarhúsaeigendur
steypi sumarbústaði sína frá
grunni,“ segir Magnús sem er
með tvo menn í fastri vinnu, sem
er það sama og í góðærinu 2006
og 2007, en í fyrrasumar var hann
að mestu einn að störfum.
„Í góðærinu vorum við að verða
hálf skrýtnir af of mikilli vinnu
en nú er þetta um einn þriðji af
því en nóg að gera fyrir alla,“
segir Magnús og upplýsir að tals-
vert sé um nýbyggingar í Gríms-
nesinu.
„Eflaust er margt af þeim á
löngu seldum lóðum og eitthvað
sem menn voru löngu búnir að
ákveða að gera, en munurinn á
viðskiptunum nú og í góðærinu er
að nú er ekkert tekið á lánum en
allt staðgreitt,“ segir Magnús.
„Verkefnin eru fjölbreytt og út-
færslur húsanna bera hugmynda-
auðgi gott vitni því hér er einn að
byggja sér kúluhús og annar for-
láta sundlaug. Timbur er enda
mjög dýrt núna og miklum mun
ódýrara að steypa sumarhús ef
menn geta unnið undirvinnuna
og uppsláttinn sjálfir. Steypan er
líka varanlegri og kostar minna
viðhald.“
Sundlaugar og kúluhús
„Það er virkilega gaman að opna búð sem búið var að loka og við-
tökurnar verið góðar,“ segir Agnar Brynjólfsson kaupmaður í
versluninni Borg, en hann tók þar við lyklavöldum um páskana.
„Ég er annar hluti tvíeykis sem rekur Vesturbúð ehf., fyrir-
tæki sem við stofnuðum á Eyrarbakka fyrir ári þegar við tókum
þar við lokaðri búð og völdum nafnið Vesturbúð til að heiðra
minningu verslunar sem hafði með öll viðskipti að gera frá
Djúpavogi fram á Reykjanes á síðustu öldum. Á flestu áttum við
svo von en að ári síðar værum við komnir í innrás,“ segir Agnar
og skellihlær, en Vesturbúð rekur hann með Finni Kristjánssyni.
„Við heitum Agnar og Finnur og slógum upp í gríni að Vestur-
búð væri „Agnar lítil verslun þar sem þú Finnur nánast allt sem
þig vantar.“ Raunar segir það svo allt sem segja þarf, því við
bjóðum allt það helsta sem fólk vanhagar um,“ segir Agnar sem
leigir húsið af Olís sem er með bensíndælu á Borg. „Hér er nú
komin ÓB-dæla sem þýðir að við erum með besta verð á bensíni í
uppsveitum Árnessýslu,“ segir Agnar sem er heillaður af gamla
tímanum þegar viðmót kaupmanna var alvöru.
„Í haust munum við svo opna hér smur- og dekkjaþjónustu,
en í dag er ekki hægt að fá viðgerð á dekki fyrr en á mánudegi
ef springur eftir lokun á föstudegi. Nú ætlum við að bjóða þessa
þjónustu alla daga vikunnar.“
Verslunin Borg er opin alla daga frá klukkan 10 til 22.
Enn spurt um nuddið
Agnar Brynjólfsson í versluninni Borg í Grímsnesi er kaupmaður með gamla
sjarma sveitakaupmannsins á hreinu. FRÉTTABLAÐIÐ/PJETUR
Magnús I. Jónsson er eigandi Steypustöðvar Magnúsar. FRÉTTABLAÐIÐ/PJETUR
„Við byrjuðum á að opna hér lítið
kaupfélag og rekum veitingasöluna
í anda gamla Þrastarlundar þar
sem hægt er að fá glæsilega ham-
borgara, djúpsteiktan fisk og þjóð-
legt kaffimeðlæti,“ segir Kristín
Jónsdóttir sem ásamt eiginmanni
sínum Valgeiri Inga Ólafssyni tók
við rekstri Þrastarlundar 1. apríl.
„Við ákváðum að stilla verði í
hóf á veitingum og nýlenduvöru, og
nú er veitingasalurinn opinn fyrir
alla, hvort sem þeir fá sér pulsu,
ís eða veigameiri veitingar,“ segir
Kristín.
„Sumarhúsafólk er þakklátt fyrir
kaupfélagið og margir sem taka
sveitabíltúr til þess eins að njóta
veitinga í stórkostlegri náttúru.“
Þrastarlundur er opinn alla daga
frá 9 til 21, og 22 um helgar.
Rjómapönnsur í sveitinni
Kristín Jónsdóttir og Valgeir Ingi í nýja „kaupfélaginu“ í Þrastarlundi, þar sem ferða-
fólk getur gert innkaup á afar hagstæðu verði. FRÉTTABLAÐIÐ/PJETUR
M
YN
D
/B
RY
N
D
ÍS
B
Ö
Ð
VA
RS
D
Ó
TT
IR