Fréttablaðið - 01.07.2010, Blaðsíða 74
1. júlí 2010 FIMMTUDAGUR58
Nú eru meistaramót klúbbanna
fram undan og ekki úr vegi að rifja
upp nokkur atriði sem keppendur
skyldu hafa í huga. Hinrik Gunnar
Hilmarsson, sem annast hefur
eftirlit, vallarvörslu og dómgæslu hjá
Golfklúbbi Reykjavíkur, ráðleggur
kylfingum að hafa eftirfarandi í
huga:
1. Ávallt mæta til leiks þegar þið
hafið skráð ykkur til keppni
annars geta keppendur lent í því
að vera færri í ráshóp en aðrir á
vellinum sem hefur mikla bið í
för með sér.
2. Hjálpa meðspilurunum að leita
og gera það með sama áhuga og
væri þetta ykkar eigin bolti.
3. Vanda sig sem skrifarar, fylgjast
með og fara vel yfir skorin og
undirrita áður en skorkorti er
skilað.
4. Kynna sér vel staðarreglurnar
– þær geta verið mismunandi
eftir völlum og breytast ört á
þessum tíma, til dæmis varðandi
hreyfingar og fleira.
5. Sýnið öðrum
leikmönnum
tillitsemi,
standið
kyrr og
hafið hljótt
meðan
aðrir
slá.
Hollráð Hinna
Hvað ber að hafa í huga í
keppni?
17. jún
Vipp eru auðveldari með sjö járni en fleygjárni
Einar Gunnarsson PGA golfkennari Stykkishólmi
golfogveidi@frettabladid.is
Ólafur Þór Ágústsson er
elsti starfandi golfvallar-
fræðingur landsins. Hann
segir íslenska golfvelli vera
frambærilega en álagið á
þeim sé gríðarlega mikið.
„Mamma og pabbi voru á kafi í
íþróttinni og ætli við bræðurnir
höfum ekki verið viðloðandi íþrótt-
ina að einhverju leyti síðan ég var
níu ára,“ segir Ólafur Þór Ágústs-
son, vallarstjóri hjá Golfklúbbnum
Keili.
Ólafur Þór nam golfvallarfræði
við Elmwood College, rétt fyrir utan
St. Andrews i Skotlandi, árið 1994.
Hann var fyrsti Íslendingurinn til
að nema þessi fræði. „Ég var allt-
af að vinna á golfvellinum þegar
ég var yngri og mér fannst hlutirn-
ir ekki vera gerðir af nógu mikilli
festu og kunnáttu. Mér fannst eins
og það væri alltaf verið að reyna að
finna upp hjólið,“ segir Ólafur Þór,
sem ákvað að láta slag standa og
skráði sig í skólann.
Námið í Elmwood College tók
þrjú ár, eitt ár í skólanum sjálfum
en tvö ár í fjarnámi. „Svo fór ég að
vinna í Þýskalandi eftir fyrsta árið
og vann á golfvelli í Hameln í átta
mánuði, ætli ég hafi því ekki unnið
sem vallarstjóri í tæp fimmtán ár,“
segir Ólafur Þór.
„Ég hef rosalega gaman af þessu
starfi, það er alltaf eitthvað að ger-
ast. Golfvöllur er lifandi hlutur
þar sem allt þarf að standast tím-
ans tönn og það þarf sífellt að laga
og dytta að. Eitt af því sem er svo
skemmtilegt við starfið er að við
getum ekki alltaf stjórnað náttúr-
unni en ég reyni að undirbúa okkur
fyrir komandi áföll.“
Um 1.350 meðlimir eru í Keili og
eins og gefur að skilja fær Ólafur
Þór oft að heyra að eitthvað megi
betur fara á vellinum. „Það hafa
allir sínar skoðanir á því hvernig
eigi að gera hlutina. Það eru 1.350
skoðanir og jafn margir sérfræð-
ingar,“ segir vallarstjórinn. Í upp-
hafi hafi hann tekið það nærri sér
þegar fólk var að kvarta eða koma
með ábendingar en nú hafi hann
bara gaman af því. „Það tók langan
tíma að búa til skráp – það kallast
víst reynsla í þessu.“
Golf nýtur æ meiri vinsælda hér
á landi og þessa fáu mánuði sem
hægt er að stunda íþróttina eru
vellirnir þéttsetnir frá morgni til
kvölds. „Það er svo sérkennilegt
með golfið hér á landi að þó að það
sé bara hægt að spila það fáa mán-
uði á ári höfum við þó tækifæri til
að spila miklu meira en fólk erlend-
is á ársgrundvelli. Úti ferðu út á
völl klukkan tvö eða þrjú á daginn
til að ná átján holum en hér getur
þú farið út seint um kvöld. Úti eru
vellirnir heldur ekki í fimm mín-
útna fjarlægð heldur þarftu stund-
um að keyra langan veg til að kom-
ast á völlinn,“ segir Ólafur Þór.
„Íslenskir kylfingar spila meira
golf en kylfingar í öðrum lönd-
um. En þetta er stutt tímabil. Við
reynum að halda völlunum góðum
í fimm mánuði á ári og það er gífur-
legt álag á þeim, eitthvað sem þekk-
ist ekki í öðrum löndum. Álagið hér
er með mesta móti.“
Það hefur mikið vatn runnið til
sjávar síðan Ólafur nam golfvall-
arfræðin í Skotlandi. Fyrir þremur
árum höfðu um fjörutíu Íslendingar
sótt einhverja golfvallarmenntun í
Elmwood College. „Þetta hefur ýtt
við okkur hinum, menn vinna meira
saman nú og læra hver af öðrum.
Við höfum verið að færa þetta upp
á hærra plan og það er allt orðið
betra, fræ, áburður og vélakost-
ur. Það hefur margt breyst á þess-
um fimmtán árum, fólk spilar mun
meira golf og við höfum fleiri tæki
og tól til að halda völlunum í góðu
standi.“
Ólafur Þór segir að hér sé verið
að rækta gras nánast við haust-
aðstæður allt árið um kring. „Miðað
við það erum við með ótrúlega góða
velli. Golfvellirnir eru oftast komn-
ir í frábært stand í byrjun júní. Það
er sérstakur karakter í íslensku
völlunum og það er töluvert frá-
brugðið að spila hér en í Flórída eða
á Spáni. Helstu einkenni íslensks
golfs er veðrið, það er opið golf og
lítið um tré. Við höfum strandvelli,
sem eru harðir. Grastegundirnar
og umhverfið gera vellina svona.
Umhverfið og aðstæður hér á landi
munu aldrei verða þannig að golf-
vellirnir hér verði eins og á Spáni.
Vellirnir okkar eru hins vegar sam-
bærilegir við það sem gerist í Norð-
ur-Skotlandi.“ kristjan@frettabladid.is
Gríðarlegt álag á völlunum
Ólafur Þór á ekki langt að sækja
golfáhugann. Foreldrar hans léku
golf þegar hann var að alast upp.
Faðir hans, Ágúst Húbertsson, er
framkvæmdastjóri Golfklúbbsins
Keilis og bróðir hans, Húbert,
er vallarstjóri hjá Golfklúbbi
Vatnsleysustrandar. Þrátt fyrir að
bræðurnir séu að vinna á völlum
sem eru nánast hlið við hlið er að
sögn Ólafs ekki mikill rígur á milli
þeirra. „Húbert er að gera gífur-
lega góða hluti í Vogum og völlur-
inn þar hefur tekið stakkaskiptum.
Hann hefur rifið þetta upp þannig
að eftir er tekið. Hann hlýtur að
fá eitthvað stærra að gera,“ segir
Ólafur. „Við erum báðir á kafi í
vinnu og höfum ekki tíma til að
skjóta hver á annan. Það er ótrú-
legt en satt en þegar við hittumst
í matarboðum imprum við aðeins
á þessu en samt frekar lítið.”
Spurður hver þeirra feðga sé best-
ur í golfi stendur ekki á svarinu:
„Þeir eru langt á eftir mér í því.
Það er það sem ég get sagt. Ég er
margfalt betri en þeir í golfi.“
Margfalt betri í golfi
FEÐGAR Í GOLFI Ólafur Þór Ágústsson, Ágúst Húbertsson og Húbert Ágústsson.
Golfið á hug þeirra allra. Ólafur segist vera margfalt betri en bróðir hans og faðir í
golfi. FRÉTTABLAÐIÐ/ARNÞÓR
Magnús Lárusson úr Golfklúbbnum
Kili og Anna Jódís Sigurbergsdótt-
ir úr Golfklúbbnum Keili settu
bæði vallarmet á Bárarvelli og
Víkurvelli á 36 holu móti Arion-
banka sem haldið var um síðustu
helgi. Magnús lék Bárarvöll á 69
höggum eða þremur undir pari,
af gulum teigum og Víkurvöll á
70 höggum, eða tveimur undir
pari. Anna Jódís lék Víkurvöll á
83 höggum af rauðum teigum og
Báruvöll á 81 höggi. - kh
Magnús og Anna Jódís:
Settu vallarmet
á tveimur völlum
MAGNÚS LÁRUSSON
„Hálsinn er gríðarlega vanmetið hryggsvæði þegar kemur að því að hafa
nægilegan hreyfanleika fyrir golfsveifluna. Til að undirstrika mikilvægi þess
að hafa nægan hreyfanleika í hálsinum, ímyndaðu þér hvernig væri að
spila golf með hálsríg.
Algeng mistök iðkenda með skertan hreyfanleika í hálsi er til dæmis,
styttri sveifla, að missa stöðuna auðveldlega, og
óstöðugt höfuð yfir boltanum. Þess vegna er
algengt að sjá hliðarhreyfingar og oft
aðeins á efri hluta líkamans. Við
eigum að geta snúið höfðinu í 90
gráður til hægri og vinstri, það er
að geta horft yfir skyrtu saumana
á öxlum og jafnt báðum megin.
Ef þetta er vont eða ómögu-
legt, þá ert þú með
skerta hreyfigetu í
hálsinum.“
G
O
LF
&
H
EI
LS
A
Þegar kylfingur er kominn að flötinni kemur oft að því
að vippa. Kylfingar þurfa að vippa þegar þeim finnst
þeir ekki geta púttað vegna of þykks eða óslétts grass
á milli boltans og flatarinnar. Margir kylfingar vippa
alltaf með sömu kylfunni en betra er að huga svolítið
að aðstæðum áður en kylfa er valin til að vippa með.
Að vippa með 7 járni er auðveldari framkvæmd en
að vippa með fleygjárni. Góð regla í vippum er að
láta boltann fljúga lágt, einn til tvo metra inn á flötina
og rúlla honum að holunni. Ef þessi regla er viðhöfð
skiptir máli hve langt inni á flötinni holan er miðað
við vippið sem verið er að framkvæma. Ef stutt er í
holuna er æskilegt að nota fleygjárn en ef holan er
langt inni á flötinni væri betra að nota til dæmis 7
járn. Gott er að finna sér þrjár kylfur til að vippa með
t.d. 7 járn, 9 járn og fleygjárn; æfa vippin vel með
þeim og velja svo kylfu allt eftir aðstæðum þegar á
völlinn er komið.
EI
N
FA
LT
M
EÐ
E
IN
A
R
I
Hversu mikil áhrif
hefur skert hreyfigeta
í hálsi á golfsveifluna?
Magni M. Bernhardsson, kírópraktor með
sérhæfingu í golfmeiðslum jafnt sem
íþróttameiðslum.
Eimskipsmótaröðin 2010
Karlaflokkur
1 Hlynur Geir Hjartarson GK 3129.38
2 Kristján Þór Einarsson GKJ 2655.00
3 Sigmundur Einar Másson GKG 2431.88
4 Arnar Snær Hákonarson GR 2259.38
5 Axel Bóasson GK 2182.50
6 Guðmundur Ágúst Kristjánsson GR
2081.25
7 Sigurþór Jónsson GK 1800.00
8 Tryggvi Pétursson GR 1790.62
9 Ólafur Björn Loftsson NK 1779.38
10 Björgvin Sigurbergsson GK 1500.00
Kvennaflokkur
1 Valdís Þóra Jónsdóttir GL 4132.50
2 Ólafía Þórunn Kristinsd. GR 2685.00
3 Ingunn Gunnarsdóttir GKG 2362.50
4 Tinna Jóhannsdóttir GK 2362.50
5 Signý Arnórsdóttir GK 2062.50
6 Þórdís Geirsdóttir GK 1818.75
7 Eygló Myrra Óskarsdóttir GO 1702.50
8 Ingunn Einarsdóttir GKG 1665.00
9 Berglind Björnsdóttir GR 1612.50
10 Jódís Bóasdóttir GK 1425.00
golfklúbbar eru starfræktir undir
merkjum Golfsambands Íslands. Flestir
eru þeir á Suðurlandi eða sextán. Á
höfuðborgarsvæðinu eru þeir níu.
73 14 kylfur mega vera í pokanum þegar spilaður er 18 holu hring-ur. Séu þær fleiri er dæmt víti á kylfinginn. Fyrir kylfu sem
skemmist við eðlilegan leik má setja inn varakylfu. Þetta á
þó ekki við ef kylfa er brotin í bræðiskasti.