Fréttablaðið - 03.07.2010, Blaðsíða 30

4 fjölskyldan
að kenna smáfólkinu hnútana og
að græja upp stangirnar,“ segir
Sæmundur sem smitaðist af veiði-
bakteríunni þegar hann kynntist
fluguveiði fyrir fimmtán árum, en
í æsku fór hann fremur áhugalaus
til veiða með föður sínum.
„Það kom ekki fyrr en með aukn-
um þroska að ég fór að kunna að
meta veiðiskapinn, en þar spilar
þolinmæði líka stórt hlutverk. Ég
hafði ekki eirð í mér til að hanga
yfir flotholti, en í fluguveiði hefur
maður meira fyrir veiðinni sem
krefst meiri nákvæmni og verður
fínlegri þegar kastað er á mismun-
andi staði, lesið í strauminn, skipt
um flugur og taumurinn þyngdur
eða léttur,“ segir Sæmundur sem
styrkir enn feðgaböndin með því
að fara til veiða með föður sínum
yfir sumartímann.
„Miðað við lítið úthald mitt í
veiðiskap æskunnar hreinlega
dáist ég að úthaldi barnanna okkar
Moniku við veiðar. Þau eru að allan
tímann og rétt taka sér pásu til að
leika sér smástund, en það dugar
skammt því fiskurinn kallar, sem
þau svo setja í bala og skíra krútt-
legum nöfnum,“ segir Sæmundur
um aflann sem er mikill í Djúpa-
vatni og fjölskyldan snæðir með
bestu lyst að veiðidegi loknum.
„Það er einfaldlega dásamlegt
fyrir fjölskyldur að eiga stundir
saman þar sem ekkert er símasam-
band og enginn til að trufla tím-
ann. Við Djúpavatn er afar friðsælt
og fagurt, og paradís fyrir börn-
in, aðgrunnt og fullt af litlum titt-
um sem þau geta dregið inn sjálf
og engin vonbrigði vís þar sem allt
snýst um að fá hann.“ - þlg
FRAMHALD AF FORSÍÐU
Sæmundur og fjölskylda að veiðum í Djúpavatni. FRÉTTABLAÐIÐ/VILHELM
Veiðifélag fyrir alla í fjölskyldunni
• Stangveiðifélag Hafnarfjarðar hefur umsjá
með þremur vötnum sem öll eru tilvalin til
veiða fyrir fjölskyldufólk.
• Hlíðarvatn í Selvogi er eitt gjöfulasta
bleikjuveiðisvæði landsins og þar eru
einhver veiðileyfi enn laus í sumar.
• Djúpavatn á Reykjanesi er sannkölluð
fjölskylduparadís þar sem leyfishafi fær hús
og vatnið út af fyrir sig. Þar er dásamlegt að
vera með börn; aðgrunn sandfjara er við
húsið og góð veiðivon. Enn eru nokkrir dagar lausir í september.
• Í Kleifarvatni í landi Krýsuvíkur hefur verið góð veiði síðastliðin ár, en þar ræktar félagið upp fiski-
stofna. Þar geta veiðimenn átt von á því að setja í þann stóra, og á hverju sumri hafa fengist þar
fiskar á bilinu 12 til 17 pund.
• Veiðileyfi eru seld á www.leyfi.is, þar sem hægt er að nálgast ítarlegar upplýsingar um veiði-
svæðin. Í Kleifarvatn er einnig hægt að kaupa leyfi á þjónustustöð N1 við Lækjargötu í Hafnar-
firði. Þeir sem ganga í félagið og sækja um veiðileyfi fá forgang og enn betra verð. SVH heldur
uppi öflugu félagsstarfi fyrir veiðimenn á veturna og starfrækir einnig unglingastarf, krökkum að
kostnaðarlausu, þar sem kennt er að hnýta flugur og fleira sem tilheyrir veiðiskap. Heimasíða er
www.svh.is.
Flugveiðiskóli barn-
anna Fluguveiðiskóli fyrir
börn og unglinga hefur verið
settur á fót í gamla Elliða-
vatnsbænum. Þar verða
fluguveiðinámskeið haldin nú
í júlí, þar sem farið verður yfir
fluguköst, fluguhnýtingar,
öryggi í veiði, búnað, atferli
fiska, meðhöndlun og eldun
afla.
Námskeiðin eru ýmist
þriggja eða fimm daga, og
eru fyrir börn og unglinga á
aldrinum 10 til 17 ára.
Næstu námskeið eru 14.
til 16. júlí. Nánari upplýsing-
ar á www.veidiheimur.is.
VÖRN Sólhattur eða derhúfa ætti að sitja á hverjum kolli þegar sólin skín glatt.
Börn eru oft þunnhærð svo sólin á greiða leið að hársverðinum og þau geta einnig
brunnið þar sem hárinu er skipt. Ungbörn ætti að verja fyrir beinu sólarljósi og
ávallt skal bera sterka sólarvörn á stálpaðri krakka.
Syntu í Skagafirði
25m. laug, heitir pottar,
gufa, infrarauður saunaklefi
Sími: 453-5226
25m. laug, heitur pottur,
rennibraut, barnalaug
26 km. frá Sauðárkróki
Sími: 453-8824
16 m. laug, heitur pottur
37 km. frá Sauðárkróki,
12 km. frá Varmahlíð
16m. laug,
heitur pottur og gufubað
31 km. frá Sauðárkróki
17m. x 8m. laug
25 km. frá Hofsósi
25 m laug
Heitur pottur
38 km. frá Sauðárkróki,
Eitt fallegasta útsýni landsins
Sími: 455-6070
Nánari upplýsingar
um opnunartíma
má finna á
visitskagafjordur.is
NÝ
PR
EN
T
veiðiferð
er góð skemmtun..