Fréttablaðið - 06.07.2010, Blaðsíða 6

6 6. júlí 2010 ÞRIÐJUDAGUR
VIÐSKIPTI Nokkur óánægja ríkir í
viðskiptalífinu með meðferð Lands-
bankans á lyfjadreifingarfyrir-
tækinu Parlogis. Landsbankinn
á meirihluta í fyrirtækinu, fyrir-
tækjaráðgjöf hans annast sölu þess,
og hann er jafnframt viðskipta-
banki þess fyrirtækis sem helst er
rætt um að geti hreppt hnossið.
Vestia, eignaumsýslufélag Lands-
bankans, á 80 prósent í Parlogis og
Atorka 20 prósent. Frestur til að
leggja fram skuldbindandi tilboð
í fyrirtækið rann út nú í lok júní.
Af tíu fyrirtækjum sem fengu
útboðsgögnin afhent bauð einung-
is eitt í félagið. Samkvæmt heim-
ildum Fréttablaðsins er þar um að
ræða tilboð frá lyfjafyrirtækinu
Icepharma, langstærsta viðskipta-
vini Parlogis.
Parlogis hefur 73 prósent tekna
sinna af viðskiptum við Icepharma,
en bæði fyrirtækin voru áður í eigu
Atorku. Samningur Icepharma um
viðskiptin er uppsegjanlegur í lok
næsta árs. Fyrirtækið hefur af
þeim sökum afgerandi sterka stöðu
þegar félagið er selt, enda stærst-
ur hluti tekna Parlogis annars ekki
tryggður nema í hálft annað ár.
Samkvæmt heimildum Frétta-
blaðsins gætir töluverðrar óánægju
með það að Landsbankinn skuli
sitja allra vegna borðsins í málinu.
Hann eigi fyrirtækið, sjái um sölu
þess og sé þar að auki viðskipta-
banki Icepharma, og eigi því nokk-
uð undir því að það sé stöndugt.
Margrét Guðmundsdóttir, for-
stjóri Icepharma, vildi í samtali
við Fréttablaðið ekki staðfesta að
Icepharma hefði boðið í Parlogis.
Hún sagði hins vegar að sú túlk-
un stæðist engan veginn að Lands-
bankinn hefði mikinn hag af því að
Icepharma eignaðist Parlogis, enda
hefði Landsbankinn að engu leyti
fjármagnað Icepharma, þótt hann
væri viðskiptabanki fyrirtækisins.
Meðal hinna fyrirtækjanna sem
sýndu áhuga á að kaupa Parlogis
voru Eimskip og ónefnt banda-
rískt stórfyrirtæki sem sérhæfir
sig í sölu og dreifingu á heilbrigð-
isvörum. Því síðarnefnda var ekki
hleypt inn í lokaumferðina vegna
þess að það flokkaðist ekki sem
fagfjárfestir, sem var eitt skilyrð-
anna fyrir boði. Hilmar Pétur Val-
garðsson, fjármálastjóri Eimskips,
segir að ekki hafi verið sent inn
skuldbindandi tilboð þar sem sam-
legðaráhrif á milli fyrirtækjanna
hefðu ekki verið ekki nægjanleg.
Hann geti ekki kvartað yfir vinnu-
brögðum Landsbankans.
Fram kom í fréttum Stöðvar 2 að
afskrifa þyrfti hundruð milljóna af
skuldum Parlogis við söluna.
stigur@frettabladid.is
DÓMSMÁL Jarðneskar leifar skákmeistarans Bobby
Fischer voru grafnar upp í fyrrinótt og lífsýni tekið
úr þeim. Fischer er jarðsettur í Laugardælakirkju-
garði. Þetta var í samræmi við dóm Hæstaréttar frá
því í júní. Heimilað var að grafa líkamsleifar Fischers
upp og taka úr þeim lífsýni til að skera úr um faðerni
stúlku frá Filippseyjum, sem segist vera dóttir skák-
meistarans.
Sóknarprestur og læknir voru viðstaddir þegar líkið
var grafið upp og var lífsýnið tekið á staðnum. Að því
loknu var kista Fischers grafinn aftur. Ólafur Helgi
Kjartansson, sýslumaður á Selfossi, segir þess hafa
verið gætt sérstaklega að allt færi virðulega fram.
Lífsýnið verður nú sent til rannsóknar og borið
saman við lífsýni úr stúlkunni en ekki liggur fyrir
hvenær niðurstöðu úr því er að vænta. - bs
Líkamsleifar Bobby Fischer grafnar upp í fyrrinótt samkvæmt dómi Hæstaréttar:
Lífsýni tekið úr líki Fischers
GRÖF BOBBY FISCHER Vart mátti greina í gær að hróflað hefði
verið við gröf skákmeistarans. FRÉTTABLAÐIÐ/PJETUR
SJÁVARÚTVEGUR Veiðum frystitog-
ara HB Granda á úthafskarfa á
djúpslóð er lokið á þessari vertíð.
Fjögur frystiskip stunduðu veið-
arnar og varð afli þeirra alls um
4.600 tonn. Á heimasíðu fyrirtæk-
isins segir að mun betur hafi geng-
ið að veiða kvótann en menn áttu
von á. Gefur það fyrirheit um að
staða karfastofnsins á Reykjanes-
hryggnum sé betri en talið hefur
verið lengi vel.
Birkir Hrannar Hjálmarsson,
rekstrarstjóri togara HB Granda,
segir að allir fimm frystitogarar
félagsins séu nú að veiðum innan
lögsögunnar en gert var ráð fyrir
því að úthafskarfavertíðin stæði í
mánuð til viðbótar. - shá
Úthafskarfavertíð lokið:
Mun betri veiði
en búist var við
FRYSTITOGARAR Grandatogarar voru
mánuði fljótari að ná kvótanum en búist
var við. FRÉTTABLAÐIÐ/VALLI
Góður ávöxtunarkostur – einnig í áskrift
Hafðu samband við
ráðgjafa okkar í
síma 460 4700 eða
kynntu þér málið
á www.iv.is
@
Landsbankinn situr
allt í kringum borðið
Óánægja ríkir með það hvernig Landsbankinn stendur að sölu lyfjadreifingar-
fyrirtækisins Parlogis. Bankinn eigi fyrirtækið, selji það og hafi sérstakan hag af
því að tiltekinn aðili eignist það. Nokkur fyrirtæki hættu við tilboð á miðri leið.
LANDSBANKINN Vestia, eignaumsýslufélag Landsbankans, á 80 prósent í Parlogis.
Fyrirtækjaráðgjöf bankans sér um söluna á því. FRÉTTABLAÐIÐ / PJETUR
Finnur Oddsson, formaður Viðskiptaráðs Íslands, vill ekki
tjá sig um mál Parlogis sem slíkt, en segir hins vegar að
breytingar á eignarhaldi í atvinnulífinu, það er að koma
fyrirtækjum úr eigu fjármálafyrirtækja, sé eitt af forgangs-
málunum í endurreisn hagkerfisins. „Það er því afar
óheppilegt að upp komi tilvik þar sem hagsmunatengsl
í söluferlum eru óeðlilega mikil, en það hefur oft gerst á
undanförnum mánuðum,“ segir hann. „Það rýrir traust,
torveldar nauðsynlegt breytingarferli og hægir á efna-
hagsbata.“
Hagsmunatengsl í söluferlum óheppileg
FINNUR ODDSSON
FRAKKLAND Tveir ráðherrar í
frönsku ríkisstjórninni hafa sagt
af sér eftir fjármálahneyksli í
tengslum við ráðuneyti þeirra.
Christian Blanc eyddi tólf þús-
und evrum í vindla sem hann
reykti að stórum hluta sjálfur.
Alain Joyandet flaug með einka-
þotu í Karíbahafið í stað þess að
fljúga með farþegaþotu. Einka-
þotan kostaði 116.500 evrur.
Nicolas Sarkozy forseti og
Francois Fillon forsætisráðherra
kröfðust þess að ráðherrarnir
segðu af sér á sunnudag. - þeb
Fjármálahneyksli í Frakklandi:
Franskir ráð-
herrar hætta
UTANRÍKISMÁL Össur Skarphéðins-
son utanríkisráðherra fór í gær
í opinbera heimsókn til Króatíu
en hann mun einnig heimsækja
Ungverjaland.
Í Króatíu
mun Össur
hitta Gordan
Jandrokovic,
utanríkisráð-
herra lands-
ins, og Dr. Ivo
Jospovic, for-
seta þess. Í
Ungverjalandi
mun hann hitta
János Martonyi utanríkisráð-
herra og Pal Schmitt sem er
verðandi forseti Ungverjalands.
Auk þessara funda mun Össur
kynna sér verkefni sem íslensk
fyrirtæki standa að í báðum
löndum. - mþl
Utanríkisráðherra erlendis:
Til Króatíu og
Ungverjalands
ÖSSUR
SKARPHÉÐINSSON
Hefur þú borðað hvalkjöt?
Já 83%
Nei 17%
SPURNING DAGSINS Í DAG:
Hyggst þú taka þátt í mótmæl-
um vegna tilmælanna um geng-
istryggð lán?
Segðu skoðun þína á visir.is.
Yfirvinnubanni aflétt
Bæjarráð Akraness hefur fellt úr gildi
algjört bann sem sett var fyrir ári
við yfirvinnu starfsmanna Akranes-
kaupstaðar. Það er þó áréttað við
forstöðumenn stofnana og ábyrgðar-
menn deilda að fara eftir samþykkt-
um fjárhagsáætlunar um heimildir til
yfirvinnu.
AKRANES
Eldur í beinaverksmiðju
Eldur kom upp í plaströrum í gömlu
beinaverksmiðjunni á Grundarfirði í
gærkvöld. Vel gekk að ráða niðurlög-
um eldsins. Gamla beinaverksmiðjan
er notuð sem verksmiðja.
GRUNDARFJÖRÐUR
SVEITARSTJÓRNIR Alls sóttu fjöru-
tíu um starf sveitarstjóra í
Strandabyggð að því er kemur
fram á strandir.is. Úr hópi
umsækjenda má nefna Grétar
Mar Jónsson, skipstjóra og fyrr-
verandi alþingismann úr Sand-
gerði, og Ragnar Jörundsson,
bæjarstjóra í Vesturbyggð. Níu
konur sóttu um og 31 karl.
„Fram undan er vinna við að
fara yfir umsóknir og ræða við
umsækjendur, en Hagvangur
sér um að vinna úr umsóknum
ásamt Strandabyggð. Sveitar-
stjórn Strandabyggðar er ákaf-
lega hamingjusöm yfir þessum
fjölda umsækjenda og einnig
yfir vel heppnuðum Hamingju-
dögum sem fram fóru um
nýliðna helgi,“ segir á strandir.
is. - gar
Margir stefna í Strandabyggð:
Fjörutíu vilja í
sveitarstjórastól
KJÖRKASSINN