Fréttablaðið - 06.07.2010, Blaðsíða 11
ÞRIÐJUDAGUR 6. júlí 2010 11
DANMÖRK Hróarskelduhátíðin þykir
hafa farið friðsamlega fram í ár
þrátt fyrir að lögregla hafi hand-
tekið tvöfalt fleiri en í fyrra.
Alls 97 manns voru handteknir
á hátíðinni sem lauk á sunnu-
dagskvöldið. Það er um fimmtíu
fleiri en handteknir voru á hátíð-
inni í fyrra. Að sögn lögreglu er
það þó vegna aukins eftirlits með
þjófnaði og fólki sem svindli sér
inn á hátíðina. Flestar handtök-
urnar voru vegna slíkra mála, en
eingöngu tvær handtökur voru
vegna alvarlegra mála. Annars
vegar var um að ræða tilraun til
nauðgunar og hins vegar slagsmál
tveggja manna sem enduðu með
því að annar þeirra hlaut grunnt
stungusár.
Að sögn lögreglu var talsvert
minna um hörð fíkniefni nú en
undanfarin ár. Svipað magn af
maríjúana hafi verið haldlagt en
mun minna af kókaíni, E-töflum
og LSD.
Alls 71 þúsund miðar seldust
á hátíðina auk þess sem fjög-
ur þúsund miðar seldust á stök
kvöld. Langflestir gestanna, eða
um 70 þúsund, gistu á tjaldsvæði
hátíðarinnar. - þeb
75 þúsund sóttu Hróarskelduhátíðina sem fór að flestu leyti vel fram að sögn lögreglu:
Hundrað handteknir á Hróarskeldu
Á HÁTÍÐINNI Í kringum 75 þúsund manns skemmtu sér á hátíðinni um helgina þegar
mest var. NORDICPHOTOS/AFP
SAMGÖNGUMÁL Guðrún Ágústa
Guðmundsdóttir, bæjarfulltrúi
VG í Hafnarfirði, er formaður
nýrrar stjórnar Strætós bs, sem
hittist á fyrsta fundi sínum í gær.
Aðrir í stjórninni eru Einar
Örn Benediktsson, borgarfulltrúi
í Reykjavík, Kjartan Örn Sigurðs-
son frá Álftanesi, Stefán Snær
Konráðsson frá Garðabæ, Hjálm-
ar Hjálmarsson frá Kópavogi,
Hafsteinn Pálsson frá Mosfells-
bæ og Sigrún Edda Jónsdóttir frá
Seltjarnarnesbæ. Nýja stjórnin
mun sitja næstu tvö ár. - pg
Ný stjórn Strætós bs:
Guðrún Ágústa
nýr formaður
Það er800 7000 • siminn.is
Aðeins 25 kr. dagurinn
Farðu á netið í símanum og kíktu á veðurspána áður en þú
leggur af stað í fríið, kíktu á Cartoon Network eða fylgstu með
stöðunni á HM. Netið í símanum fylgir þér hvert á land sem er.
Dagurinn kostar aðeins 25 kr./5 MB.
Kynntu þér 3G áskriftarleiðirnar á siminn.is
STJÓRNMÁL Borgarráð samþykkti í
gær tillögu nýs meirihluta borg-
arstjórnar Reykjavíkur að gerðar
verði breytingar á framkvæmda-
áætlun borgarinnar. Breyting-
arnar fela í sér að 500 milljónum
króna verði varið í ýmsar mann-
aflsfrekar framkvæmdir í borg-
inni. Framkvæmda- og eignasvið
borgarinnar telur að allt að 150
manns geti fengið vinnu til ára-
móta við þessi verkefni.
Dagur B. Eggertsson, formaður
borgarráðs, segir breytingarnar
til marks um þá miklu áherslu
sem nýi meirihlutinn vill leggja
á atvinnumál, að því er segir í
fréttatilkynningu frá Reykja-
víkurborg. „Það er mikilvægt
að sem flestir fái störf fyrir þá
fjármuni sem Reykjavíkurborg
setur í framkvæmdir og það
erum við að tryggja. Við vonum
að einstaklingar og fyrirtæki sem
hafa svigrúm taki þátt í þessu
með okkur og ráðist í tímabært
viðhald af krafti. Það hefur aldrei
verið betri tími til þess en einmitt
núna,“ segir Dagur.
Peningunum sem setja á í verk-
efnin hefði annars verið varið til
uppkaupa á eignum í tengslum
við skipulagsbreytingar. Pening-
arnir bætast við framkvæmdir
og viðhaldsverkefni sem þegar
voru á áætlun auk 150 milljóna
króna sem ætlaðar eru til sér-
staks atvinnuátaks. Alls verð-
ur framkvæmt á vegum Reykja-
víkurborgar fyrir 6,5 milljarða á
þessu ári.
Meðal verkefna sem ráðist verð-
ur í má nefna endurgerð göngu-
og hjólaleiða og viðhald á húsum
í eigu borgarinnar svo sem á
grunnskólum og leikskólum. - mþl
Borgarstjórn breytir framkvæmdaáætlun:
Setja hálfan milljarð
til átaksverkefna