Fréttablaðið - 06.07.2010, Blaðsíða 30
22 6. júlí 2010 ÞRIÐJUDAGUR
1
6 7 8
10
13
119
12
15
16
18
21
20
17
14
19
2 3 4 5
LÁRÉTT
2. hæfileiki, 6. tveir eins, 8. reitur, 9.
lærir, 11. guð, 12. orðrómur, 14. kvk
nafn, 16. verslun, 17. temja, 18. púka,
20. rykkorn, 21. rétt.
LÓÐRÉTT
1. óskiptu, 3. í röð, 4. afar, 5. skel,
7. limlesta, 10. hlóðir, 13. fæða, 15.
lengdareining, 16. hólf, 19. strit.
LAUSN
LÁRÉTT: 2. gáfa, 6. ll, 8. beð, 9. les,
11. ra, 12. umtal, 14. sóley, 16. bt, 17.
aga, 18. ára, 20. ar, 21. satt.
LÓÐRÉTT: 1. öllu, 3. áb, 4. ferlega, 5.
aða, 7. lemstra, 10. stó, 13. ala, 15.
yard, 16. bás, 19. at.
Tónleikahátíðin í Galtalæk með
þýska teknótryllinn Scooter
fremstan í flokki fór fram um
helgina. Fjöldi fólks sótti hátíð-
ina og fór hún vel fram að sögn
lögreglu en auk Þjóðverjarns stigu
á svið íslensku rapphundarnir í
XXX Rottweiler og Steindi Jr. sem
á eitt vinsælasta lag Íslands um
þessar mundir. Allt ætlaði um koll
að keyra þegar kappinn steig á svið
en milli 3.000 og 5.000
manns sóttu hátíðina.
Áhorfendur sungu
hástöfum með laginu
Geðveikt fínn gaur og
voru móttökurn-
ar slíkar að þær
hefðu vel sæmt
heimsfrægri
rokkstjörnu.
Rottweilerhundarnir létu einnig til
sín taka á hátíðinni og athygli vakti
að þeir eyddu helginni á fjölskyldu-
hluta tjaldsvæðisins. Þrátt fyrir að
vera fjarri aðalpartístemningunni
varð Erpur Evindarsson fyrir barð-
inu á ræningjum en sænginni hans
var stolið úr tjaldinu. Sængin, sem
var með Garfield-sængur-
veri, var rapparanum kær
og eyddi hann góðum
tíma í að leita að henni.
Erpur auglýsti meðal
annars eftir sæng-
inni á Facebook
og ku sakna
hennar mjög.
Fréttablaðið hefur sagt frá tipp-
keppni fagmanna í tengslum við
HM í fótbolta. Venediktsson-sam-
steypan, sem heldur utan um
keppnina, heldur uppskeruhátíð
á Hressó á sunnudagskvöld eftir
úrslitaleikinn á HM í fótbolta. Þá
fæst úr því skorið hvaða kempa ber
sigur úr býtum í leiknum og fær
hinn getspaki 150 þúsund krónur
í verðlaun. Þegar aðeins fjórir
leikir eru eftir í keppninni
er Leifur Garðarsson,
þjálfari Víkings, í efsta
sætinu en fast á hæla
hans koma Keflvík-
ingarnir Haukur Ingi
Guðnason og Willum
Þór Þórsson. - áp
FRÉTTIR AF FÓLKI
VEISTU SVARIÐ
Svör við spurningum á bls. 8
1 Kristján Loftsson.
2 David Villa.
3 4. sæti.
„Við vorum ekki nema um tíu metra frá öllum
stjörnunum,“ segir Birgitta Líf Björnsdóttir, 17
ára nemi við Verzlunarskóla Íslands.
Birgitta Líf er nú stödd í Los Angeles ásamt
vinkonum sínum, Evu Dögg Þórisdóttur og
Elísabetu Hönnu Maríudóttur. Vinkonurnar,
sem allar eru á átjánda ári og stunda allar nám
við Verzlunarskóla Íslands, eyða mánuði í borg-
inni nú í sumar. Þriðja myndin í Twilight-serí-
unni var frumsýnd á dögunum og stelpurnar
komu sér inn með klókindum.
„Við vorum búnar að taka eftir tjaldborginni
fyrir utan Nokia Theatre í nokkra daga. Við
erum ekki það miklir aðdáendur en ákváðum
samt að kíkja á forsýninguna,“ segir Birgitta.
„Við komum þangað hálftíma fyrir sýningu og
með ótrúlegum hætti náðum við að bulla okkur
í gegnum alla öryggisverðina og enduðum á frá-
bærum stað – mun betri stað en þeir sem höfðu
tjaldað í marga daga.
Birgitta Líf og stelpurnar eru búnar að vera
í Los Angeles í þrjár vikur, en þær strituðu í
vetur til að eiga fyrir ferðinni. „Við erum búnar
að vinna fyrir þessari ferð í allan vetur til að
borga þetta sjálfar,“ segir Birgitta. Vinkon-
urnar ætluðu að leigja sjálfar íbúð en voru svo
heppnar að fá að gista hjá íslenskri konu sem
býr í Los Angeles.
„Það eru endalausar sögur af því sem við
erum búnar að upplifa. Við fórum í viðtal bæði
í útvarpsþátt og tvo netþætti og fórum til Las
Vegas,“ segir Birgitta. „Við upplifðum stemn-
inguna í kringum úrslitaleikinn í körfubolta
þar sem LA Lakers vann. Við fórum í UCLA og
bönkuðum upp á í systra- og bræðrafélagshús
þar og fengum að skoða okkur um. Við erum
búnar að sjá helling af stjörnum og hittum til
dæmis leikkonuna Amber Stevens sem leikur í
uppáhaldsþáttunum okkar, Greek.“ - ls
Vinkonur smygla sér á rauða dregilinn
Á RAUÐA DREGLINUM Vinkonurnar náðu að smygla sér
í gegnum öryggisverðina á forsýningu Twilight: Eclipse.
„Handritið er eftir Hugleik Dags-
son og er þetta fyrsta kvikmynda-
handritið sem hann skrifar. Mynd-
in fjallar um skiptinema sem
stundar nám í kvikmyndagerð
og leigir á meðan hjá íslensku
pari. Hann er svo fenginn til að
fylgja eftir inngöngu þessa pars
inn í uppgerðan sértrúarsöfnuð,“
útskýrir Kristín Bára Haraldsdótt-
ir, sem leikstýrði stuttmyndinni
Knowledgy ásamt Hrefnu Hagalín.
Stuttmyndin er sameiginlegt loka-
verkefni þeirra úr Kvikmyndaskól-
anum þar sem þær námu leikstjórn
og framleiðslu.
Með aðalhlutverk í myndinni
fara Ingvar E. Sigurðsson, Nína
Dögg Filippusdóttir og bandaríski
leikarinn Leo Fitzpatrick, sem
lék meðal annars í kvikmyndinni
Kids og í sjónvarpsþáttunum The
Wire. Myndin var frumsýnd á Soho
House-hótelinu í New York og segir
Kristín Bára móttökurnar hafa
verið góðar. „Salurinn tók fjöru-
tíu manns í sæti en það mættu um
sextíu manns og við Hrefna end-
uðum með því að sitja á gólfinu,“
segir Kristín Bára og hlær. Vef-
ritið Dazed Digital fjallaði meðal
annars um myndina á forsíðu sinni
og segir Kristín Bára það vera
góða auglýsingu fyrir þær.
Stúlkurnar hafa í nógu að snúast
þessa dagana því auk þess að leggja
lokahönd á Knowledgy eru þær
meðal annars að vinna að tvem-
ur nýjum stuttmyndum og sjón-
varpsþætti. „Það er nóg að gera og
við erum meðal annars að vinna
í því að koma Knowledgy áfram
á einhverjar kvikmyndahátíðir,
svo erum við með sjónvarpsþátt í
bígerð og fleiri stuttmyndir,“ segir
Kristín Bára. - sm
Frumsýndu á Soho House-hótelinu
GOTT TVÍEYKI Kristín Bára Haraldsdóttir
og Hrefna Hagalín leikstýrðu saman
stuttmyndinni Knowledgy sem fengið
hefur góða dóma. FRÉTTABLAÐIÐ/STEFÁN
SUMARFRÍIÐ
„Í sumar ætla ég að ferðast um
Ísland og sauma föt.“
Hulda Dröfn Atladóttir fatahönnuður.
„Við erum rosalega sáttir við
þetta,“ segir Atli Sigursveinsson,
gítarleikari rokksveitarinnar End-
less Dark.
Endless Dark hefur gert samning
við enska fyrirtækið X-Ray Tour-
ing sem sér um að skipuleggja tón-
leika fyrir hinar ýmsu hljómsveit-
ir. Samningurinn er mikilvægur
fyrir Endless Dark því fyrir tækið
er á meðal þeirra stærstu í Evrópu
og er með stór nöfn á borð við Cold-
play, Eminem, Green Day, Snow
Patrol, Nick Cave og Queens of the
Stone Age á sínum snærum. „Þetta
er byrjunin. Við fórum á fund með
manni sem heitir Steve Strange
sem virðist vera einn af aðalgaur-
unum þarna,“ segir Atli.
Endless Dark spilar svokallað
post-harðkjarnarokk, eða screamo.
Sveitin er skipuð sex strákum á
aldrinum 18 til 22 ára frá Ólafsvík
og Grundarfirði.
Verkefnin eru þegar farin að
hrannast upp hjá vestfirsku rokk-
urunum því Endless Dark hefur
verið bókuð á tónlistarhátíðina
Sonisphere í Englandi 31. júlí.
Þetta er mikil rokkhátíð, enda
stíga þar á svið í ár Iron Maiden,
Rammstein, Mötley Crüe, Placebo
og fleiri kunnar sveitir.
„Þetta er geðveikt. Þarna verða
líka önnur bönd sem ekki allir
þekkja sem eru átrúnaðargoð hjá
manni,“ segir Atli sem hlakkar
mikið til að spreyta sig. „Núna
eru bara æfingar á fullu. Þetta má
ekki klúðrast. Þetta gæti verið eina
stóra tækifærið sem maður fær.“
Endless Dark spilar einnig með
bandarísku hljómsveitinni Madina
Lake á nokkrum tónleikum í Bret-
landi en sú sveit er ákaflega vinsæl
þar um slóðir. Hún var kjörin besti
erlendi nýliðinn á Kerrang!-tón-
listarhátíðinni árið 2007 og spilar
einmitt á aðalsviðinu á Sonisphere
í ár. Þegar er orðið uppselt á tón-
leika Madina Lake og Endless
Dark á hinum þekkta stað Barfly í
London hinn 4. ágúst.
Lagið Cold, Hard December
af væntanlegri EP-plötu Endless
Dark er á leiðinni í loftið, sem og
myndband við lagið sem var tekið
upp í Bretlandi fyrr á árinu. Rétt
fyrir upptökurnar náði hljómsveit-
in öðru sæti í hæfileikakeppninni
Global Battle of the Bands sem var
haldin í London og vakti fyrir það
mikla athygli. freyr@frettabladid.is
ATLI SIGURSVEINSSON: VIÐ ERUM ROSALEGA SÁTTIR VIÐ ÞETTA
SEMJA VIÐ EITT STÆRSTA
TÓNLEIKAFYRIRTÆKI EVRÓPU
ENDLESS DARK Hljómsveitin Endless Dark hefur gert samning við enska fyrirtækið
X-Ray Touring. Tónleikar á Sonisphere-hátíðinni eru fyrirhugaðir. FRÉTTABLAÐIÐ/VALLI
Allir helstu HM leikirnir í beinni á
karoeke sportbar Frakkastíg 8.
Skemmtilegar uppákomur á milli
leikja og Stór á 450 kr.
Egils gull og Kareoke sportbar
- alvöru HM stemmning !
Egils Gull og Kareoke Sportbar kynna: