Fréttablaðið - 08.07.2010, Blaðsíða 8

8 8. júlí 2010 FIMMTUDAGUR
Berin komin
Stúlkurnar sem nú dvelja í sumar-
búðum í Ölveri fundu svo mikið af
berjum í gönguferð að fjallinu Blákolli
í fyrradag að margar þeirra sneru til
baka með bláar varir að því er fram
kemur á heimasíðu KFUM og K.
LÍFRÍKIÐ
Vestfjarðavíkingurinn í gang
Fyrsta lotan í kraftakeppninni Vest-
fjarðavíkingnum verður á Reykhólum
í dag. Keppnin hefst klukkan fjögur
með kútakasti og Herkúlesarhaldi. .
Uppbygging í Selárdal
Sjávarútvegs- og landbúnaðarráðu-
neytið óskar eftir því við Vesturbyggð
að stofnaðar verði lóðir um hús og
húsarústir í Selárdal. Ráðuneytið og
sveitarfélagið hyggjast ræða saman
um uppbyggingu á svæðinu umhverf-
is listasafn Samúels Jónssonar og allt
sem lýtur að Selárdal og heyrir undir
ráðuneytið.
VESTFIRÐIR
Kanilsnúðar
Íslenskur gæðabakstur - Tilbúinn í ofninn
FR
YS
TI
VA
RA
V ÍK
Létt peysa sem teygist á fjóra vegu
HERRA HETTUPEYSA
Verð: 18.500 kr. Verð: 22.500 kr.
SPECIAL EDITION
Þornar fl jótt og andar vel
DÖMU HETTUPEYSA
V ÍKV ÍK
Aðsniðin og hlý dömu peysa sem þornar fl jótt
Verð: 18.500 kr.
Litur Litur
BANDARÍKIN, AP Mikil hætta getur
stafað af um 3.500 vanhirtum og
yfirgefnum olíuborholum í Mex-
íkóflóa, samkvæmt fréttum Asso-
ciated Press-fréttastofunnar,
sem hefur rannsakað málið. Bor-
holurnar eru í opinberum skjöl-
um sagðar hafa verið yfirgefn-
ar tímabundið, en hafa margar
hverjar verið það svo árum og
jafnvel áratugum skiptir. Að
minnsta kosti 23 þúsund lokað-
ar borholur til viðbótar eru í fló-
anum.
Yfirgefnar borholur geta valdið
miklum umhverfisskaða, og olíu-
slysið í flóanum í apríl varð ein-
mitt þegar verið var að steypa í
borholu og undirbúa tímabundna
lokun.
Sérfræðingar sem rætt hefur
verið við segja að þrýstingur
geti myndast á nýjan leik í yfir-
gefnum borholum, rétt eins og í
eldfjöllum. Það geti leitt til leka.
Þá hafi sjór og neðanjarðarþrýst-
ingur áhrif á steypu, sem notuð
er til að loka þeim, og pípulagn-
ir og geti orðið til þess að bæði
veikist. Steypa geti brotnað
eða tærst upp, rétt eins og hún
geri ofanjarðar í byggingum og
vegum.
Þar sem mögulegt er að setja
borholur í notkun á ný er þeim
holum sem er tímabundið lokað
yfirleitt ekki lokað eins vel og
þeim sem er varanlega lokað.
Reglur um tímabundið yfirgefnar
borholur skikka olíufyrirtækin til
að setja fram áætlanir innan árs
um annaðhvort áframhaldandi
notkun á þeim eða algjöra lokun.
Þessar reglur eru þó gjarnan
sveigðar og virðist sem stjórn-
völd rannsaki ekki hvort reglum
er fylgt heldur taki skjöl frá olíu-
fyrirtækjunum gild. Tugþúsund-
ir olíuborholna eru taldar illa lok-
aðar, ýmist vegna þess að þeim
var lokað fyrir tíma strangra
reglna um slíkt eða vegna þess
að eigendur þeirra brjóta regl-
urnar. Fyrirtæki freistast til að
loka holunum ekki nægilega vel,
þar sem það er bæði tímafrekt
og dýrt.
Þátt fyrir viðvaranir um leka
hafa hvorki stjórnvöld né iðnað-
urinn látið meta stærð vandans
og því veit enginn hversu margar
borholur leka né hversu mikið.
thorunn@frettabladid.is
Mikil hætta af yfir-
gefnum borholum
Þúsundir olíuborholna eru yfirgefnar í Mexíkóflóa án þess að gengið sé frá þeim
á fullnægjandi hátt. Þetta sýnir ný rannsókn. Umhverfisslys eins og það sem varð
í flóanum í apríl, og var það stærsta sinnar tegundar, geta því orðið fleiri.
SLYSIÐ Í MEXÍKÓFLÓA Olíulekinn í Mexíkóflóa í maí er stærsta umhverfisslys sinnar
tegundar í Mexíkóflóa. Þúsundir borholna eru vanhirtar og yfirgefnar í flóanum sam-
kvæmt rannsókn. FRÉTTABLAÐIÐ/AP
DÓMSMÁL Hálffertugur Grindvíkingur hefur verið
ákærður fyrir manndráp af gáleysi, framið í maí í
fyrra. Manninum er gefið að sök að hafa ekið ölvað-
ur og próflaus yfir á öfugan vegarhelming á Grinda-
víkurvegi og framan á annan bíl, með þeim afleið-
ingum að ökumaður hins bílsins lést.
Hinn ákærði ók Ssangyong-jeppa sínum eftir
Grindavíkurvegi snemma að morgni mánudagsins
27. maí í fyrra og skall framan á litlum Volkswagen-
sendiferðabíl sem kom úr gagnstæðri átt. Þeim bíl
ók Sigurfinnur Jónsson, 48 ára, og lést hann sam-
stundis við áreksturinn.
Samkvæmt ákæruskjali var hinn ákærði tölu-
vert ölvaður undir stýri. Vínandamagn í blóði hans
mældist þrjú prómill en sektir fyrir ölvunarakstur
hætta að hækka þegar komið er yfir tvö prómill.
Ákæran verður þingfest í Héraðsdómi Reykjaness
á mánudag. Allt að sex ára fangelsisvist liggur við
broti sem þessu. - sh
Olli banaslysi þegar hann ók próflaus og ölvaður yfir á öfugan vegarhelming:
Ákærður fyrir manndráp
AF VETTVANGI Ökumaður sendiferðabílsins lést samstundis í
árekstrinum. Hinn ákærði slasaðist töluvert. MYND / VÍKURFRÉTTIR
EFNAHAGSMÁL Vöruskiptajöfnuð-
ur í júní var hagstæður um 8,6
milljarða króna samkvæmt bráða-
birgðatölum frá Hagstofunni sem
birtar voru í gær. Vörur voru flutt-
ar út fyrir tæpa 48,0 milljarða
króna en innflutningur nam 39,3
milljörðum króna í mánuðinum.
Frá áramótum er vöruskiptajöfn-
uður því hagstæður um 63,5 millj-
arða króna en á sama tímabili árið
2009 var hann hagstæður um 39,3
milljarða. - mþl
Nýjar tölur frá Hagstofunni:
Vöruskiptajöfn-
uður jákvæður
FRÁ SUNDAHÖFN Bæði inn- og útflutn-
ingur hefur verið meiri í ár en í fyrra.
LANDBÚNAÐUR Matvælastofnun á
Selfossi hefur að fullu tekið við
búfjáreftirliti af Bændasamtök-
um Íslands frá og með síðustu
mánaðamótum.
Búfjáreftirlitsmenn munu því
framvegis njóta handleiðslu Mat-
vælastofnunar og þaðan munu
haustskýrslur berast bændum og
öðrum búfjáreigendum í haust.
Í búfjáreftirliti felst söfnun
forðagæsluskýrslna, úrvinnsla og
afgreiðsla gagna um fjölda búfjár
og fóðuröflun í landinu.
- jss
Matvælastofnun við eftirlit:
Tekur við öllu
búfjáreftirliti
1. Hversu háa sekt gætu konur
í Frakklandi þurft að borga
fyrir að klæðast búrkum?
2. Hvar stendur söluturninn nú
sem á að flytja á Lækjartorg?
3. Hvaða sjónvarpsstöð mun
sýna frá tónleikum FM Belfast?
SVÖRIN ERU Á SÍÐU 54
VEISTU SVARIÐ?