Fréttablaðið - 08.07.2010, Blaðsíða 46
38 8. júlí 2010 FIMMTUDAGUR
bio@frettabladid.is
Fimm skrefum á undan
– Snærós Sindradóttir er frakkur formaður
Ungra Vinstri grænna
Tvær af stærstu stjörnum
hvíta tjaldsins, Cameron
Diaz og Tom Cruise, leiða
saman hesta sína í mynd-
inni Knight and Day, róm-
antískri gaman- og hasar-
mynd í anda Mr. and Mrs
Smith. Myndinni er ætlað
að vera ein af stórmyndum
sumarsins og var frumsýnd
hér á landi í gær.
Myndin fjallar um hina ungu og
áhyggjulausu June Havens sem
bókstaflega af tilviljun rekst á
leyniþjónustumanninn Roy Mill-
ers leikinn af Tom Cruise.
Hrífst hún af honum án þess að
vita að hann er í leyniþjónustunni
en Millers er í smá vanda þar sem
hann hefur nýverið komist að því
að honum er ekki ætlað að lifa af
næsta verkefni. Röð atburða gerir
það að verkum að Havens dregst
með í flótta Millers undan yfir-
völdum um allan heim. Meðan á
flóttanum stendur verður Havens
að ákveða hvort hún treysti leyni-
þjónustumanninum eða hvort
hann sé hreinlega kolklikkaður.
Myndin er meðal annars tekin í
Austurríki, á Spáni og Jamaíka.
Myndin er sú fyrsta sem Diaz og
Cruise leika saman í síðan kvik-
myndin Vanilla Sky var sýnd árið
2001 við góðan orðstír. Leikstjóri
myndarinnar er James Mangold
sem hefur leikstýrt myndum á
borð við Walk the Line og Ident-
ity.
Knight and Day hefur fengið
ágætis dóma í bandarísku press-
unni hingað til og Tom Cruise er
meðal annars sagður lyfta upp
myndinni með frábærum leik í
Los Angeles Times.
alfrun@frettabladid.is
Rómantískur byssuhasar
Það voru ekki bara frægir aðal-
leikarar myndarinnar sem vöktu
athygli við tökur á myndinni
í Andalúsíu á Spáni en hin
fjögurra ára gamla Suri Cruise
stal senunni frá pabba sínum og
Cameron Diaz. Cruise-fjölskyld-
an hefur löngum verið undir
vökulum augum slúðurpress-
unnar og þegar leikkonan og
frú Cruise, Katie Holmes, kom
í heimsókn með Suri á töku-
stað vakti nærvera þeirra mikla
athygli að venju. Það sem helst
vakti athygli í slúðurmiðlum
vestanhafs var að litla daman var
í háum hælum en það eru ekki
margar fjögurra ára stúlkur sem
gera það.
SURI STAL SENUNI
STJÖRNUPAR Kvikmyndin Knight and Day var frumsýnd í gær en þar sýna Tom Cruise og Cameron Diaz hvað í þeim býr á flótta
undan yfirvöldum.
Í gær var frumsýnd íslenska
kvikmyndin Boðberi í leik-
stjórn Hjálmars Einarsson-
ar.
Með aðalhlutverk fara
Darri Ingólfsson og Ísgerð-
ur Elfa Gunnarsdóttir. Kvik-
myndin var tekin upp fyrir
bankahrunið 2008 en hún
fjallar einmitt um hrun sam-
félagsins á Íslandi. Þó ekki
hrun í fjármálakerfinu.
Aðalsöguþráður myndar-
innar er að verkamaðurinn
Páll, leikinn af Darra, byrjar
að sjá sýnir um að eitthvað
gæti gerst í íslensku samfé-
lagi sem gæti haft slæmar
afleiðingar.
Valdamiklir menn í land-
inu verða skotnir til bana og
mikil hræðsla grípur um sig
í landinu. Páll er sá eini sem
sér atburðina fyrir og flæk-
ist inn í ráðabrugg óprútt-
inna aðila á leið sinni til að
stöðva áform sem gætu skað-
að marga.
Með önnur hlutverk í
myndinni fara meðal ann-
arra Hjalti Rögnvaldsson,
Magnús Jónsson, Gunn-
ar Eyjólfsson og Móeiður
Júníusdóttir.
Spádómur Boðbera frumsýndur
BOÐBERI SLÆMRA TÍÐINDA Alþingi eftir árás í kvikmyndinni Boðbera
sem frumsýnd var í gær í íslenskum bíóhúsum.
Leikarinn Johnny Depp og eigin-
kona hans, hin franska Vanessa
Paradis, eru að íhuga að leika
á móti hvort öðru í nýrri mynd
sænska leikstjórans Lasse Hall-
ström, „My American Lover“.
Hallström tók þátt í að koma Depp
á kortið er hann réði hann í aðal-
hlutverk myndarinnar „What´s eat-
ing Gilbert Grape“ þar sem Depp
lék á móti Leonardo DiCaprio.
Franski söngfuglinn Vanessa
Paradis sagði frá þessu í viðtali við
breska dagblaðið The Daily Telegr-
aph og viðurkennir að hún sé ekki
viss um að geta leikið á móti eig-
inmanni sínum. „Við höfum búið
til tónlist saman og það gekk vel
en ég veit ekki hvort ég geti leik-
ið annan karakter fyrir framan
hann,“ segir Paradis. Þau hjónin
eiga tvö börn saman.
Kvikmyndin „My American
Lover“ fjallar um franska heim-
spekinginn og femínistann Sim-
one de Beauvoir og hennar storma-
sama samband við bandaríska
rithöfundinn Nelson Ahlgren.
Hjónin saman í mynd
DEPP OG PARADIS Hjónin íhuga að leika
saman í nýrri mynd sænska leikstjórans
Lasse Hallström, „My American Lover“.
FRÉTTABLAÐIÐ/GETTY
Leikarinn Sylvester Stallone er harðorður í garð kvikmyndagerðar
dagsins í dag og segir hana vanta allan neista og kar-
akter. Stallone, sem er að kynna nýja mynd sína, The
Expandables, segir áhorfendur fara að verða þreytta
á öllum þessum tölvubrellum og þrívíddartækni sem
einkenna kvikmyndir í dag og vilja sjá raunveru-
leikann og eitthvað ekta.
Kvikmyndin The Expendables er með göml-
um kempum á borð við Arnold Schwarzen-
egger, Mickey Rourke, Dolph Lundgren og
Jason Statham og vill Sylvester, sem er
handritshöfundur myndarinnar, meina
að hún sé meira alvöru en aðrar
myndir.
Gagnrýninn
SYLVESTER STALLONE Harðorður um kvik-
myndagerð samtímans.
Leikarinn góðkunni
Adrian Brody hefur lýst
yfir áhuga á að setjast í
leikstjórastólinn.
Brody, sem er hvað
frægastur fyrir að leika
í myndinni The Pianist,
hefur sagt að hann vilji
leika alla ævi og það sé
hans vinna en leikstjórn
geti hæglega orðið
áhugamál hans.
„Mér finnst ákveðið
frelsi fylgja því að vera
leikstjóri og því ágætis
tilbreyting við leikara-
vinnuna.“
Í leikstjórastólinn
ADRIAN BRODY Vill bæta leikstjórn á ferilskrána.
FRÉTTABLAÐIÐ/GETTY
> SPÆJARAFRAMHALD
Leikstjórinn og fyrrum eiginmaður söngkon-
unnar Madonnu, Guy Ritchie, er að und-
irbúa tökur á framhaldi af kvikmynd-
inni Sherlock Holmes. Fyrri myndin
átti góðu gengi að fagna í bíóhúsum
vestanhafs en hún var sýnd á síðasta
ári. Leikararnir Jude Law og Robert
Downey Jr. leika aftur í framhaldinu en
stjarnan úr Gangs of New York, Dani-
el Day Lewis, mun fara með eitt af aðal-
hlutverkum í framhaldsmyndinni um
breska spæjarann.