Fréttablaðið - 12.07.2010, Blaðsíða 2
2 12. júlí 2010 MÁNUDAGUR
LÖGREGLUMÁL Sjötíu og fimm kind-
ur hafa verið keyrðar niður á þjóð-
vegum á Vestfjörðum á tímabilinu
17. maí til 11. júlí. Síðast í fyrrinótt
var ekið yfir tvö lömb sem bæði
drápust.
Einungis þrír eða fjórir öku-
menn af öllum þessum fjölda hafa
tilkynnt óhappið. Hinir hafa ekið í
burtu frá fénu dauðu eða limlestu.
Þetta segir Önundur Jónsson,
yfirlögregluþjónn á Vestfjörðum.
„Þessar ákeyrslur á sauðfé er
árviss viðburður hjá okkur,“ segir
hann. „Svo þegar lömbin fara að
stækka, verða vitrari og varkárari
fer heldur að draga úr þessu, því
þau forðast þá frekar bílana. En ég
tel að þetta haldi áfram fram yfir
smölun í haust.“
Önundur segir að þeir ökumenn
sem tilkynni ákeyrslu á fé séu hinir
sömu og verði fyrir miklu tjóni á
bílum sínum við áreksturinn. Hinir
láti dýrin liggja eftir.
„Yfirleitt kemst þetta þannig upp
að aðrir vegfarendur láta okkur
vita. Bóndinn sem á kindina sem
ekið hefur verið á hefur síðan sam-
band við okkur. Við skráum atvikið
í dagbók lögreglu, prentum skrán-
inguna út og sendum til viðkom-
andi tryggingafélags. Bændurnir
eru tryggðir fyrir þessu að ein-
hverju marki.“
Önundur segir að þarna sé fyrst
og fremst um tryggingamál að
ræða, en að sjálfsögðu einnig brot á
dýraverndunarlögum, þegar ekið er
á skepnu án þess að tilkynna það.
„En það liggur of mikill kostnað-
ur í því fyrir lögreglu að finna öku-
mann er hefur ekið á skepnu sem er
búin að liggja í smá stund, svo ekki
sé talað um tvo eða þrjá daga.“
Önundur kveðst telja að þeir
sem skilji dýrin eftir í blóði sínu,
lífs eða liðin, séu ekkert að stoppa.
Þeir haldi bara áfram.
„En það hlýtur að sækja eitthvað
á menn þegar þeir hafa farið svona
að ráði sínu og skilja dýrið eftir
dautt eða limlest.“
Önundur segir að þegar tilkynn-
ing um ákeyrslu berist lögreglu sjái
hún um aflífun dýrsins sé ekki um
mjög langan veg að fara. Ella sé haft
samband við bændur nærri slysstað
og einhver þeirra beðinn um að ann-
ast aflífunina.
Spurður hvort ekki sé hægt að
stemma stigu við ákeyrslum á
búfénað með girðingum meðfram
þjóðveginum í umdæminu bendir
Önundur á að þá þyrfti að girða þús-
und kílómetra langa girðingu. Mis-
jafnar skoðanir séu uppi á svo stórri
framkvæmd. jss@frettabladid.is
Í HÆTTU Á SUMRIN Sauðfé við þjóðveginn í umdæmi lögreglunnar á Vestfjörðum
er í hættu á sumrin vegna vangár sumra ökumanna með hörmulegum afleiðingum.
Myndin tengist ekki efni fréttarinnar. FRÉTTABLAIÐ/STEFÁN
Búið að keyra niður
75 kindur fyrir vestan
Ekið hefur verið á 75 kindur á Vestfjörðum það sem af er sumri. Einungis þrír
til fjórir ökumenn hafa tilkynnt ákeyrslu. Hinir hafa ekið burt frá fénu dauðu
eða limlestu. Girða þarf þúsund kílómetra til að koma í veg fyrir lausagöngu.
En það hlýtur að
sækja eitthvað á
menn þegar þeir hafa farið
svona að ráði sínu og skilja
dýrið eftir dautt eða limlest.”
ÖNUNDUR JÓNSSON
YFIRLÖGREGLUÞJÓNN
Björt, er hátíðin lunga lista á
Íslandi?
„Já, þar sem hjartað slær.“
Björt Sigfinnsdóttir er einn af skipuleggj-
endum listahátíðarinnar LungA sem hald-
in er á Seyðisfirði í tíunda skipti í ár.
SLYS Karlmaður kastaðist
af mótorhjóli á Miklubraut
skömmu eftir hádegi í gær.
Hann lenti á umferðareyju við
girðingu sem aðgreinir umferð-
ina eftir brautinni. Mótorhjólið
rann niður eftir brautinni tugi
metra.
Að sögn sjónarvotts var vél-
hjólamaðurinn að taka fram úr
bifreið og sýndist sjónarvottin-
um sem hann hefði síðan misst
stjórn á mótorhjólinu. Maður-
inn var fluttur með sjúkrabíl
á slysadeild Landspítalans. Að
sögn vakthafandi læknis virtist
maðurinn ekki alvarlega slasað-
ur við fyrstu skoðun.
Betur fór en á horfðist:
Kastaðist af
mótorhjóli við
framúrakstur
DÓMSMÁL Malcolm Walker, forstjóri bresku
verslanakeðjunnar Iceland Foods, segir fyrir-
tækið hafa átt mikla fjármuni á bankareikn-
ingum haustið 2008. Hann getur ekki stað-
fest hvort það hafi verið 38 milljarðar króna.
Rannsóknarfyrirtækið Kroll er nú að stað-
reyna hvort peningarnir hafi í raun tilheyrt
Iceland Foods.
Slitastjórn Glitnis telur líklegt að Jón
Ásgeir Jóhannesson hafi átt 38 milljarða
króna bankainnistæður í erlendum bönk-
um hálfum mánuði fyrir bankahrun. Byggir
hún grun sinn á tölvuskeyti sem Jón Ásgeir
Jóhannesson sendi Lárusi Welding, forstjóra
Glitnis, með afriti á Jón Sigurðsson, forstjóra
FL Group, viku fyrir þjóðnýtingu bankans.
Í samtali við fréttastofu Stöðvar tvö sagði
Jón Ásgeir innistæðurnar hafa hafa verið
í eigu Iceland Foods en bæði FL Group og
Glitnir voru á þessum tíma hluthafar í Ice-
land Foods. „Þetta voru því upplýsingar
sem voru að fara á milli hluthafa,“ segir Jón
Ásgeir. Ef það er rétt, eru áhöld um hvort Jóni
Ásgeiri hafi verið heimilt að upplýsa Lárus
Welding og Jón Sigurðsson.
Lárentsínus Kristjánsson, formaður skila-
nefndar Landsbankans, sem er stærsti hlut-
hafinn í Iceland, segist munu grennslast fyrir
um hvort innistæðurnar tilheyrðu í raun Ice-
land Foods, það væru hagsmunir allra að upp-
lýsa málið.
- þþ
Jón Ásgeir Jóhannesson segir 38 milljarða króna í erlendum bönkum hafa verið í eigu Iceland Foods:
Kroll kannar hver átti innistæðurnar
EVRÓPA Mikil hitabylgja geng-
ur nú yfir Norðurlöndin og Evr-
ópu. Í Svíþjóð er hásumarið í full-
um blóma og hefur hiti mælst
30 gráður á hverjum degi í vik-
unni.
Svipaða sögu er að segja í Nor-
egi og Danmörku og er fólk varað
ofþornun og of mikilli útiveru.
Eldri borgarar eru hvattir til
þess að fara varlega og eru elli-
heimili í Danmörku að byrgja sig
upp af viftum og loftkælingum
fyrir vistmenn sína.
Víða í Evrópu hefur hitabylgja
gert óskunda. Á Englandi, þar
sem hitinn hefur verið yfir 30
gráðum í nokkurn tíma, hafa fjöl-
mörg banaslys verið rakin til hit-
ans.
Á Spáni hefur hitinn verið um
39 gráður undanfarna viku og
yfirvöld í Belgíu vara við vatns-
skorti í landinu haldi áfram að
vera svona þurrt og heitt í veðri.
Búist er við að þessi fyrsta hita-
bylgja sumarsins í Evrópu gangi
yfir í næstu viku.
Vestanhafs er líka mjög heitt. Í
New York í Bandaríkjunum hefur
hitinn farið upp í 40 stig og hafa
borgaryfirvöld opnað loftkælinga-
herbergi víðs vegar um borgina.
-áp
Hitamet slegin í Evrópu í fyrstu hitabylgju sumarsins:
Meðalhitinn milli 30 og 40 gráður
HEITT OG RAKT Hitabylgja gengur nú yfir Evrópu og nágranna okkar á Norðurlönd-
unum.
DÓMSTÓLAR Gegnsæi er mun meira
í bandarísku réttarkerfi en hér
á landi. Nær öll dómsgögn máls
slitastjórnar Glitnis gegn fyrr-
verandi stjórnendum og eigendum
bankans voru birt á vef dómstóls-
ins, þar á meðal allar eiðsvarnar
yfirlýsingar og ítarlegar upplýs-
ingar um málsástæður og lagarök
aðila málsins. Þetta komk fram í
fréttum Stöðvar 2 í gær.
Dómsniðurstöður eru birtar á
vefsíðum hér á landi, í flestum til-
vikum með nöfnum málsaðila og
ákæruskjöl eru aðgengileg þrem-
ur dögum eftir birtingu ákæru.
Enginn annar aðgangur er veittur.
- sv
Gegnsæi hjá dómsstólum:
Íslenska kerfið
leynir gögnum
JÓN ÁSGEIR OG JÓN SIGURÐSSON Jón Ásgeir vísar
ásökunum um að hann eigi 38 milljarða í erlendum
bönkum á bug.
Ung kona lét lífið þegar hún
féll fyrir björg í Urðum í fólk-
vangi Norðfjarðar í gær.
Fallið var um átján til tut-
tugu metrar og var konan
látin þegar að var komið. Unga
konan var fædd 1989 og var
gestkomandi í bænum.
Ekki er unnt að greina frá
nafni hinnar látnu að svo
stöddu. - áp
Banaslys í Neskaupstað:
Lést þegar hún
féll fyrir björg
ÍSRAEL Avigdor Lieberman, utan-
ríkisráðherra Ísraels, hefur
varað aðgerðarsinna, sem ætla
sér að flytja hjálpargögn til
Gasa, við því að þeir muni ekki
geta lokið verki sínu. Ísraelski
sjóherinn undirbýr sig undir að
grípa inn í ef för líbíska skips-
ins heldur áfram.
„Ég segi það skýrt, ekkert
skip mun koma til Gasa. Full-
veldi okkar verður ekki velt,“
sagði Lieberman um málið.
Skipstjóri skipsins segist ekki
hafa fengið nein tilmæli frá
Ísrael um leiðangurinn og ætlar
að halda áfram. Gerir hann ráð
fyrir að komast til Gasa á mið-
vikudag.
Sex vikur eru síðan níu Tyrk-
ir voru drepnir við að reyna að
koma hjálpargögnum til Gasa.
Þær aðgerðir Ísraelsmanna
voru fordæmdar af mörgum
leiðtogum heims.
- bþh
Ísraelar stöðva umferð:
Ekkert skip
kemst til Gasa
Brotist inn á Selfossi
Brotist var inn í félagsheimili hesta-
manna á Selfossi í fyrrinótt. Skemmd-
ir voru unnar á bústaðnum en ekki er
útlit fyrir að neinu hafi verið stolið að
sögn lögreglu.
Flatskjá rænt í Árnessýslu
Tilkynnt var um innbrot í sumarbú-
stað í Árnessýslu. Þjófarnir höfðu á
brott með sér flatskjá en ekki er vitað
hvenær þeir voru að verki. Innbrotið
uppgötvaðist þegar eigendur bústað-
arins komu að seint í fyrrinótt.
LÖGREGLUFRÉTTIR
SPURNING DAGSINS