Fréttablaðið - 12.07.2010, Blaðsíða 11
MÁNUDAGUR 12. júlí 2010 11
Tilb kr 360.000
DUX CLASSIC
2 DUX Classic 90x200cm/Xtandard
yfirdýna 180x200cm og fætur
DUX VISTA CLASSIK PAKKI
2 DUX Classic 90x200cm/Xtandard
yfirdýna 180x200cm/23cm fætur/
Vista höfuðgafl og Mathilda rykfaldur.
Tilb kr 457.000
Ármúla 10 | sími: 5689950 | www.duxiana.com
C
SAMFÉLAGSMÁL Stafsmenn veitingastaðarins
Nítjándu í turninum í Kópavogi hafa ákveð-
ið að bjóða þeim sem þurfa upp á súpu, brauð
og drykkjarföng alla mánudaga í júlí. Þannig
hyggst fyrirtækið leggja sitt af mörkum til
samfélagsins eftir að Fjölskylduhjálp Íslands
var lokað vegna sumarleyfa út júlímánuð.
Þörfin fyrir Fjölskylduhjálpina hefur orðið
augljós síðastliðin ár og hefur hún létt mikið
undir við framfærslu margra fjölskyldna.
Sumarlokunin er því mörgum nauðstöddum
erfiður biti að kyngja.
„Manni verður að sjálfsögðu hugsað til
þeirra fjölmörgu sem reiða sig á aðstoð þessa
góða fólks sem þar starfar.“ segir Þórey
Ólafsdóttir, markaðsstjóri Veisluturnsins.
„Hér innanhúss kviknaði sú hugmynd að
við gætum lagt okkar af mörkum til þess
að létta undir með þeim einstaklingum og
fjölskyldum sem á þurfa að halda. Við leituð-
um því til Vífilfells sem og annarra birgja og
ekki stóð á þátttöku þeirra.“
Súpukvöldin hefjast í kvöld og verða hald-
in aftur mánudagana 19. og 26. júlí. Húsið er
opið milli klukkan 17 og 19 og verður tekið á
móti gestum á meðan húsrúm leyfir. - bþh
Starfsmenn veitingastaðarins Nítjándu í turninum í Kópavogi leggja sitt af mörkum til samfélagsins:
Bjóða nauðstöddum súpu á mánudögum
Í ELDHÚSINU Þeir Stefán Ingi Svansson og
Sigurður Gíslason matreiðslumenn ætla
að elda súpu ofan í svanga.
Nýr bæjarstjóri ráðinn
Bæjarstjórn Grundarfjarðar ákvað
á föstudag að ráða Björn Steinar
Pálmason í starf bæjarstjóra. Björn
starfaði á árunum 2003 til 2007 sem
skrifstofustjóri Grundarfjarðarbæjar.
Undanfarið hefur Björn unnið sem
sérfræðingur í innri endurskoðun hjá
Byr sparisjóði.
GRUNDARFJÖRÐUR
FERÐAMÁL Aðsókn í Viðey hefur
stóraukist milli ára. Í maí var 22
prósenta aðsóknaraukning og í
júní 34 prósenta aukning. Ekki
einungis hefur farþegum áætl-
unarferða fjölgað heldur hafa
kajakræðarar og smábátaeigend-
ur sótt eyjuna í auknum mæli.
Unnið hefur verið að betra
aðgengi gesta í Viðey í sumar
með því að bæta göngustíga,
halda fjölbreytta viðburði og
lengja opnunartíma kaffihússins,
sem nú er opið lengur á þriðju-
dagskvöldum. - bþh
Stóraukin aðsókn í Viðey:
Þriðjungi fleiri
fara út í Viðey
VIÐEYJARSTOFA Viðey er vel sótt af
Reykvíkingum og nærsveitungum.
Hætta á skelfiskseitrun
Vöktun Hafrannsóknastofnunar
og Matvælastofnunar hefur leitt í
ljós að magn eitraðra svifþörunga
á Breiðafirði og í Hvalfirði er yfir
viðmiðunarmörkum. Er því varað við
því að kræklingur og skelfiskur frá
þessum svæðum getur verið eitraður
og óhæfur til neyslu.
HEILBRIGÐISMÁL
DANMÖRK Unnið er að breytingum
á námsstyrkjakerfinu í Dan-
mörku og stefnt er á að fækka
styrkárum úr sex árum í fimm.
Ríkisstjórnin vonast til þess
að þetta hvetji námsmenn til að
ljúka námi hraðar og fara út á
vinnumarkaðinn. Nefndin sem
vann að breytingunum telur að
háar fjárhæðir geti sparast með
því. Þannig væri minni peningum
eytt í námsstyrkina og meira
skattfé kæmi í ríkissjóð. Þeir sem
eru lengur að klára námið munu
þó áfram geta fengið námslán.
Stúdentar hafa ekki tekið vel í
tillögurnar og formaður dönsku
stúdentasamtakanna sagði mögu-
legt að breytingarnar hefðu öfug
áhrif, þar sem fólk þyrfti nú að
vinna hlutastörf með námi til að
ná endum saman. - þeb
Styrkir skertir í Danmörku:
Stúdentar klári
námið hraðar
DÓMSMÁL Kona á fertugsaldri
hefur verið dæmd í tveggja mán-
aða skilorðsbundið fangelsi fyrir
að kýla lögreglukonu.
Atvikið átti sér stað á lögreglu-
stöðinni á Selfossi 2008.
Héraðsdómur hafði vísað mál-
inu frá á þeim forsendum að
málið hefði verið rannsakað í
umdæminu sem lögreglukonan
starfaði í. Hæstiréttur felldi frá-
vísunarúrskurðinn úr gildi og
sendi málið aftur til héraðsdóms,
sem hefur nú dæmt í því.
Árásarkonan var mjög ölvuð
og æst þegar hún var flutt á lög-
reglustöðina. - jss
Kona á fertugsaldri í fangelsi:
Kýldi lögreglu