Fréttablaðið - 12.07.2010, Blaðsíða 42

26 12. júlí 2010 MÁNUDAGUR
SIGUR SPÁNVERJA Í MYNDUM
Það ríkir mikil gleði á Spáni.
Landslið þjóðarinnar sem var
fyrir nokkrum árum frægt fyrir
að standa aldrei undir vænting-
um á stórmótum er nú handhafi
heimsmeistaratitilsins og er einn-
ig Evrópumeistari. Liðið vann
nauman 1-0 sigur á Hollandi í
framlengdum úrslitaleik HM í
gær.
Það er hreinlega ótrúlegt að
mörkin hafi ekki verið fleiri í
leiknum en bæði lið misnotuðu
algjör dauðafæri. Hollendingur-
inn Arjen Robben svaf væntan-
lega illa í nótt en hann slapp tví-
vegis einn í gegn en fór illa að
ráði sínu.
Cesc Fabregas og Carles Puyol
fengu bestu færi Spánverja í
hefðbundnum leiktíma en staðan
markalaus eftir 90 mínútur og því
þurfti að framlengja. Í framleng-
ingunni var Spánn klárlega betra
liðið.
Á 109. mínútu fékk John Heit-
inga sitt annað gula spjald og þar
með rautt og Hollendingar luku
því leiknum með tíu menn. Spán-
verjar náðu að nýta sér liðsmun-
inn og Andrés Iniesta, sem var
magnaður í leiknum, náði að skora
á 117. mínútu eftir sendingu frá
Fabregas.
Hollendingar voru allt annað en
sáttir en rétt fyrir markið hefðu
þeir átt að fá hornspyrnu en dóm-
ari leiksins, Howard Webb frá
Englandi, ákvað á einhvern óskilj-
anlegan hátt að dæma Spánverj-
um markspyrnu.
Hollendingar náðu ekki að
skapa sér færi í blálokin og Spán-
verjar fögnuðu innilega þegar
Webb flautaði af. Þeir eru heims-
meistarar í fyrsta sinn og eru svo
sannarlega vel að þeim titli komn-
ir enda með frábært fótboltalið.
Eftir leikinn var Iniesta klædd-
ur í vesti sem á stóð „Daniel
Jarque er alltaf með okkur,“ en
Jarque var fyrirliði Espanyol
þegar hann lést af völdum hjarta-
áfalls í fyrra, 26 ára að aldri. Til-
finningarnar báru Iniesta ofurliði
eftir leikinn og hann átti í erfið-
leikum með að koma upp orði.
„Þetta er ótrúlegt. Það eru ekki
til orð yfir það hvernig mér líður
núna. Þetta hefur verið ótrúleg
vinna sem hefur heldur betur skil-
að sér. Eftir að hafa skorað hugs-
aði ég um fjölskyldu mína og allt
það fólk sem mér þykir vænt um,“
sagði Iniesta sem tileinkaði mark
sitt minningu Jarque.
Þetta er í fyrsta sinn sem Evr-
ópuþjóð nær að vinna heimsmeist-
aramót utan Evrópu og þar að
auki í fyrsta sinn sem lið nær að
hampa titlinum eftir að hafa tapað
sínum fyrsta leik á mótinu. Spánn
vann alla leikina í útsláttarkeppni
mótsins 1-0.
Hollendingar voru vel skipu-
lagðir og áttu frábært mót en
þetta féll ekki með þeim í gær.
Þeir létu Spánverjana finna vel
fyrir sér og voru í raun heppnir að
komast í gegnum fyrri hálfleikinn
í gær án þess að fá rautt spjald.
Þessi harka gerði það þó að verk-
um að miðjumenn Spánverja náðu
sér ekki nægilega vel á strik.
Eftir tíðindalítinn fyrri hálfleik
opnaðist leikurinn meira í þeim
síðari og bæði lið fengu dauða-
færi sem ekki nýttust. Undir lokin
var varnarleikur Hollands orðinn
mjög ótraustur og Iniesta náði að
tryggja Spáni sigurinn þegar allt
stefndi í vítaspyrnukeppni.
Flottu heimsmeistaramóti er
lokið og besta liðið vann.
elvargeir@frettabladid.is
INIESTA SPÁNI GULLS ÍGILDI
Andrés Iniesta kórónaði magnaða frammistöðu sína í úrslitaleik heimsmeistaramótsins með því að skora sigurmarkið í framlengingu.
Spánverjar því heimsmeistarar í fyrsta sinn og eru vel að titlinum komnir. Þeir eru einnig handhafar Evrópumeistaratitilsins.
HETJA Andrés Iniesta fagnar sigurmarkinu sínu í gær. Hann er þegar orðin þjóðhetja á Spáni. NORDICPHOTOS/AFP