Fréttablaðið - 12.07.2010, Blaðsíða 46
30 12. júlí 2010 MÁNUDAGUR
1
6 7 8
10
13
119
12
15
16
18
21
20
17
14
19
2 3 4 5
GOTT Á GRILLIÐ
„Mér finnst sjúklega gott að
grilla humar með hvítlauksolíu,
skella þessu á ristað brauð með
appelsínudressingu. Sumarlegt
og seiðandi!“
Edda Guðmundsdóttir, fatahönnuður.
LÁRÉTT
2. vöndull, 6. úr hófi, 8. poka, 9.
tálknblað, 11. lést, 12. langintes, 14.
bæ, 16. málmur, 17. arinn, 18. rénun,
20. á fæti, 21. arða.
LÓÐRÉTT
1. hróss, 3. ryk, 4. lostakvalari, 5.
nögl, 7. litur, 10. holufiskur, 13. tangi,
15. sólbaka, 16. spíra, 19. tveir eins.
LAUSN
LÁRÉTT: 2. visk, 6. of, 8. mal, 9. fön,
11. dó, 12. sláni, 14. bless, 16. ál, 17.
stó, 18. lát, 20. il, 21. arta.
LÓÐRÉTT: 1. lofs, 3. im, 4. sadisti,
5. kló, 7. fölblár, 10. nál, 13. nes, 15.
sóla, 16. ála, 19. tt.
„Ég var með rosalega flott hár og
fannst þetta mjög gaman. Ég lærði
að gera svona sjálf og ætla að sýna
Karólínu systur minni þegar ég kem
heim. Við fengum að skipta tvisvar
sinnum um föt og við frænkurnar
áttum skemmtilegan dag,“ segir hin
átta ára gamla Elena Dís Ásgeirs-
dóttir.
Elena Dís var með ömmu sinni
og frænku sinni, Arndísi Erlu Örv-
arsdóttur, í Húsdýragarðinum um
síðustu helgi þegar ljósmyndarinn
Anna Pálma sá frænkurnar og gaf
sig á tal við þær. Hún bauð þeim að
sitja fyrir í myndaþætti fyrir ítalska
tímaritið Vogue Bambini sem tek-
inn var hér á landi fyrir helgi. Elena
hefur tekið þátt í nokkrum mynda-
tökum frá því að hún var lítil og var
til að mynda í jólasjónvarpsauglýs-
ingu fyrir netverslunina Littlewoods
og í Junoir Magazine.
Það er ýmislegt í gangi hjá
þessari átta ára hnátu þessa dag-
ana því fyrir stuttu fékk hún inn-
göngu í Konunglega ballettinn í
Danmörku. „Það er mjög erfitt
að fá inngöngu í þennan ballett.
Oftast eru þær í kringum 10 eða
11 ára sem fá inngöngu auk þess
sem Elena var sú eina af Suður-
Jótlandi sem komst inn,“ segir
Tinna Bessadóttir, stolt af dóttur
sinni. Þessi elíta myndar hóp ball-
ettstúlkna sem sýnir meðal ann-
ars við konunglegar athafnir fyrir
Danadrottningu og gesti hennar.
Tinna segir fjölskylduna ekki
hafa verið með það alveg á hreinu
um hversu stórt mál væri að ræða
þegar Elenu var boðið að mæta í
prufu. „Við komum á svæðið og
tókum allt í einu eftir öllu stress-
inu í kringum okkur. Þegar við
sáum að stelpur voru skælandi
eftir að hafa fengið neitun átt-
uðum við okkur á því að um eitt-
hvað stórt mál væri að ræða,“
segir Tinna. Tveir sérfræðingar
voru á svæðinu til að skoða beina-
byggingu stúlknanna mjög vel því
stúlkurnar í þessum hóp þurfa að
hafa hana alveg fullkomna.
Þrátt fyrir að þessi ballett sé
mjög stórt mál fyrir ballettdans-
ara er æfingum haldið í lágmarki.
Hugmyndafræðin á bak við æfing-
ar er að æfa ekki of mikið heldur
æfa vel. Passað er vel upp á lík-
ama stúlknanna og reynt að koma
í veg fyrir meiðsl eins vel og
hægt er. „Þetta er auðvitað gífur-
legt tækifæri fyrir Elenu þar sem
þessi ballett opnar mikla mögu-
leika á að starfa sem ballettdans-
ari í framtíðinni ef áhugi er fyrir
hendi,“ segir Tinna.
linda@frettabladid.is
ELENA DÍS: ÁTTA ÁRA BALLERÍNA SITUR FYRIR Í VOGUE BAMBINI
Uppgötvuð með ömmu
sinni í Húsdýragarðinum
„Ég veit ekkert hvernig þeir fundu
okkur en ritstjórar blaðsins höfðu
samband við mig gegnum netið
og vildu fjalla um merkið,“ segir
Sunna Dögg Ásgeirsdóttir fata-
hönnuður og eigandi barnafata-
merkisins Sunbird sem nýlega
fékk eftirsóknarverða umfjöllun
í ítalska barnatískublaðinu Coll-
ezione Baby. Blaðið sérhæfir sig í
barnafötum og er íslenska barna-
fatamerkið að sögn blaðsins eitt
af flottustu merkjum utan meg-
inlands Evrópu. Blaðið er skrifað
bæði á ensku og ítölsku og dreift í
mörgum löndum.
„Þetta er náttúrulega frábært að
fá svona umfjöllun og gríðarlega
mikilvægt þegar maður er að fóta
sig á stórum markaði,“ segir Sunna
Dögg. Tæpt ár er síðan merkið var
stofnað og er hún núna að vinna í
að selja fötin út fyrir landstein-
ana. Sunbird hefur fengið bás á
dönsku tískuvikunni í haust þar
sem hún mun sýna línuna fyrir
næsta sumar. Vonast hún eftir að
umsögnin í blaðinu eigi eftir hjálpa
þeim þar.
„Við höfum fengið fyrirspurn-
ir frá búðum erlendis sem ætla
að kíkja á básinn okkar í Kaup-
mannahöfn og ég held að þessu
blaði verði dreift til gesta sýn-
ingarinnar svo við vonum bara
það besta,“ segir Sunna sem mun
standa vaktina ásamt sambýlis-
manni sínum Hauki Hrafni Þor-
steinssyni og selja erlendum kaup-
endum íslenska hönnun. - áp
Ítalir hrifnir af Sunbird
SUNBIRD
Fær eftirsóknarverða umfjöllun í ítölsku
tískublaði fyrir börn.
SUNNA DÖGG Á leiðinni með barnafata-
merkið Sunbird á dönsku tískuvikuna
„Þetta er mjög nútímalegur skóli og það er
frábært að vera þarna,“ segir Benedikt
Steinar Benediktsson. Hann stundar nám
í hljóðupptökutækni við hinn virta háskóla
Full Sail í Orlando í Bandaríkjunum. Bene-
dikt er í BA-námi um þessar mundir og
hyggur á meistaranám að því loknu.
Full Sail er þriðji stærsti háskólinn í
Bandaríkjunum sem leggur áherslu á tón-
listar- og kvikmyndageirann og eins og
gefur að skilja kostar námið skildinginn.
„Ég er að borga 70 þúsund dollara fyrir BA-
gráðu og svo auka 50 þúsund fyrir master,
auk kostnaðarins við að búa þarna. Þetta er
dýrt en þetta borgar sig alveg,“ segir Bene-
dikt, sem er 22 ára.
Þeir sem útskrifast úr hljóðupptökutækni
starfa meðal annars við að setja hljóð inn á
kvikmyndir og við að taka upp tónlist fyrir
aðra. Benedikt hefur sjálfur unnið töluvert
með íslenska hip hop-upptökuteyminu Redd
Lights, sem hefur starfað með söngvaran-
um Friðriki Dór, auk þess sem hann gaf
út hip hop-plötuna Svona rúllum við undir
merkjum Benna Valdez og Brisk. Bene-
dikt kynntist nemanda í Full Sail sem hefur
samið tónlist fyrir útgáfufyrirtæki sem er í
eigu rapparans 50 Cent. Þessi strákur hefur
fengið tónlist frá Redd Lights í hendurnar
og hugsanlega kemur eitthvað út úr því á
næstunni.
Benedikt flaug aftur til Orlando í gær
eftir vikufrí á Íslandi. Hann lýkur BA-próf-
inu eftir tíu mánuði og eftir það taka við tólf
mánuðir í strembnu meistaranáminu. - fb
Hljóðupptökunám í Orlando
LÆRIR HLJÓÐUPPTÖKUTÆKNI
Benedikt stundar nám í hljóðupptökutækni við virtan
háskóla í Orlando í Bandaríkjunum.
FRÉTTABLAÐIÐ/STEFÁN
VEISTU SVARIÐ
Svör við spurningum á síðu 8.
1 Björn Lárus Örvar.
2 Það eru þrjátíu ár.
3 Þær fara í partí í Playboy-höllinni
í kvöld.
Lagið Go Do með Jónsa í
Sigur Rós er notað í nýrri
auglýsingu alþjóðlega
málningarfyrirtæk-
isins Dulux sem
verður sýnd víðs
vegar um Evrópu
og víðar á næst-
unni. Auglýsingin er
hluti af Let´s Colour-verkefninu sem
snýst um að mála grá svæði víða um
heiminn með litríkri málningu. Lag
Jónsa á vel við auglýsinguna, enda
er það einmitt líflegt og litríkt rétt
eins og klæðnaður tónlistarmannsins
hefur borið vott um í tónleikaferð
hans. Sú ferð hefst á nýjan leik í
Berlín á föstudaginn eftir nokkurra
vikna hlé.
Liðsmenn Breiðbandsins vöktu
athygli í Popppunkti með því að
mæta nauðasköllóttir til leiks og
í litríkum Havaí-skyrtum. Með því
vildu þeir votta þáttastjórn-
endunum, þeim Felix
Bergssyni og Dr. Gunna,
virðingu sína. Breiðband-
ið hafði mikið fyrir því
að komast í þáttinn
og samdi lagið
Popppunktur
í þeim tilgangi
að komast í sjónvarpssal. Dr. Gunni
heyrði lagið á Youtube og sá sig knú-
inn til að hleypa sveitinni í þáttinn.
Þrátt fyrir metnaðarfullan undirbún-
ing Breiðbandsins dugði hann ekki
til því sveitin féll úr keppni og er því
Popppunktsævintýri sveitarinnar á
enda runnið.
Listahátíðin Villa Reykjavík hóf
göngu sína á föstudaginn. Daginn
eftir sýndu nýútskrifaðir listamenn
úr LHÍ matjurtaræktun sína uppi á
þaki gallerísins Kling og Bang og úti í
garði var haldin garðveisla. Ekki vildi
betur til en svo að mikil rigning skall
á og brá Erling Klingenberg, for-
sprakki Kling og Bang, á það ráð að
hringja í bróður sinn, sem á stóran
sendiferðabíl, og fá hann
til að mæta á svæðið.
Borðum og stólum var
hrúgað inn í bílinn og
fengu gestir þar
kærkomið skjól
frá rigning-
unni. - fb
FRÉTTIR AF FÓLKIUNG OG EFNILEG Elena Dís
komst nýlega inn í konunglega
ballettinn í Danmörku.
FR
ÉTTA
B
LA
Ð
IÐ
/STEFÁ
N