Fréttablaðið - 13.07.2010, Blaðsíða 25

ÞRIÐJUDAGUR 13. júlí 2010 17
sport@frettabladid.is
FÓTBOLTI Heimsmeistararnir
sneru aftur til Spánar og fengu
konunglegar viðtökur alls staðar
sem þeir komu. Spánverjar komu
heim í gær og fóru beint úr flug-
vélinni í „siestu“ eða hvíldar-
tíma, áður en þeir hittu konungs-
fjölskylduna. Hvíldartíminn var
nauðsynlegur þar sem leikmenn
voru margir hverjir býsna þreytt-
ir eftir hátíðarhöldin eftir að liðið
tryggði sér titilinn.
Kóngurinn Jóhann Karl og
Sofía drottning héldu veislu til
heiðurs liðinu áður en það keyrði
um Madrídarborg í opinni rútu.
Milljónir manna fögnuðu liðinu
á götum úti en rútuferðin end-
aði uppi á sviði þar sem hátíðar-
höld stóðu fram á nótt. Spánverj-
ar hylltu hetjurnar sínar sem
tryggðu þjóðinni fyrsta heims-
meistaratitil hennar. - hþh
Heimsmeistarar Spánar:
Konunglegar
móttökur heima
PRINSESSUR Fyrirliðinn Iker Casillas
sýnir prinsessum Spánverja, Leonóru
og Sofíu, bikarinn fræga. Faðir þeirra er
krónprinsinn Filippus, sonur Jóhanns
Karls konungs Spánar. NORDICPHOTOS/AFP
> Stefán tekur peninga fram yfir spilatíma
Landsliðsmaðurinn Stefán Gíslason verður ekki
áfram í láni hjá Viking í Noregi frá Bröndby. Hann
fer aftur til Danmerkur 1. ágúst. Stefán
sagði við dagblaðið Verdens Gang í gær
að hann tæki einfaldlega launin fram yfir
spilatíma en honum voru boðin of lág
laun hjá Viking að hans mati. Því fer
hann aftur til Bröndby þar sem hann
spilar minna en fær hærri laun. „Pen-
ingar eru mikilvægir eins og staðan er í
dag, sérstaklega á mínum aldri þegar
maður er kominn með fjölskyldu,”
sagði Stefán við VG.
FÓTBOLTI Ólafur Ingi Skúlason er
nýi fyrirliðinn hjá danska úrvals-
deildarliðinu SønderjyskE en
hann tekur við fyrirliðabandinu
af landa sínum Sölva Geir Otte-
sen sem var keyptur til FC Kaup-
mannahöfn á dögunum. Þetta er
mikil viðurkenning fyrir Ólaf
Inga sem hefur aðeins verið í
hálft ár hjá félaginu.
„Ef við hefðum valið nýja fyr-
irliðann eftir því hver hefði verið
lengst hjá félaginu þá hefði Ólaf-
ur ekki komið til greina. Ólaf-
ur hefur hins vegar sýnt það að
hann tekur ábyrgð á sjálfum sér
og liðinu. Hann fer alltaf fyrir
liðinu og drífur samherja sína
áfram,“ sagði Ole Schwennesen,
aðstoðarþjálfari SønderyskE. - óój
Danska liðið SønderjyskE:
Ólafur Ingi er
nýi fyrirliðinn
LEIÐTOGI Ólafur Ingi Skúlason fagnar
marki með landsliðinu. FRÉTTABLAÐIÐ/PJETUR
FÓTBOLTI Á hreint mögnuðum átta
mínútna kafla í upphafi seinni
hálfleiks náði Fram að ganga frá
Val. Þeir bláklæddu sýndu algjör
sambatilþrif á meðan vörn Vals
var í molum en spilamennska
Hlíðarendaliðsins var algjörlega
í takt við undanfarna leiki þess.
„Við vorum mjög vel stemmdir
frá fyrstu mínútu. Svo opnuðust
flóðgáttir í seinni hálfleik og við
keyrðum á þá,“ sagði Hannes Þór
Halldórsson, markvörður Fram.
„Við fengum færi í fyrri hálfleik
en vorum óheppni.“
Hannes bar fyrirliðabandið í
fjarveru Kristjáns Haukssonar
sem var í banni líkt og Jón Guðni
Fjóluson. Hinn ungi Hlynur Atli
Magnússon stóð því í hjarta varn-
arinnar við hlið Jóns Orra Ólafs-
sonar. „Þeir stóðu sig mjög vel.
Þegar það vantar menn þá koma
næstu menn sterkir inn og það
gerðist í dag. Að sama skapi hefur
kannski komið upp eitthvað van-
mat hjá Völsurum sem vissu að
miðverðirnir okkar væru ekki
með. Það var því kannski bara fínt
að vera án þessara sterku manna í
kvöld,“ sagði Hannes.
„Þetta sýndi okkur það að
breiddin er kannski meiri en við
héldum. Það er langt síðan við
unnum. Mamma hefur beðið lengi
með uppskriftina að næstu sigur-
köku svo hún getur loksins farið
að baka aftur.“
Framarar voru betri aðilinn
allan leikinn í gær en lítið var þó
um færi í fyrri hálfleiknum og
staðan markalaus að honum lokn-
um. En með mörkunum þremur
strax eftir hlé kláruðu þeir leik-
inn og þó Valsarar hafi náð að
minnka muninn virtust þeir aldrei
hafa trú á því að þeir gætu komið
til baka.
Valsliðið hefur verið að spila
illa í síðustu leikjum og leikurinn
í gær ákveðið framhald af því.
„Við höfum ekki verið góðir í
síðustu leikjum þó við höfum ekki
verið að tapa,“ sagði Reynir Leós-
son, varnarmaður Vals.
„Við spiluðum mjög vel þegar
við mættum Frömurum í deildinni
um daginn og náðum þá jafntefli
en betra liðið vann tvímælalaust
í þessari viðureign. Við mættum
ekki tilbúnir í seinni hálfleikinn
og þeir voru miklu grimmari og
ákveðnari. Þegar við mætum því
ekki eigum við ekki skilið að fara
áfram í bikarkeppninni.“
Eftir skellinn í síðasta leik risu
Framarar heldur betur upp í gær
og sýndu sparihliðarnar. Fram er
einum leik frá bikarúrslitaleiknum.
Þangað komst liðið í fyrra en beið þá
lægri hlut fyrir Breiðabliki. „Þessi
úrslitaleikur frá því í fyrra dúkk-
ar enn reglulega upp í martröðum
mínum. Það er gaman að taka þátt í
bikarúrslitaleikjum og við tjöldum
öllu til svo við náum að lyfta doll-
unni sem við misstum af í fyrra,“
sagði Hannes. elvargeir@frettabladid.is
Tóku átta mínútur í að slátra Val
Móðir Hannesar Þórs Halldórssonar getur farið að baka sigurkökur á ný því Framarar eru komnir í undan-
úrslit VISA-bikarsins eftir fyllilega verðskuldaðan 3-1 sigur á erkifjendum sínum í Val.
ANNAÐ ÁRIÐ Í RÖÐ Framarar fagna hér sigri á Val í gær en liðið komst einnig í und-
anúrslitin í fyrra. Fram-liðið vann frábæran sigur þrátt fyrir að leika án lykilmanna á
Laugardalsvellinum í gær. FRÉTTABLAÐIÐ/DANÍEL
FÓTBOLTI Þróttarar voru nálægt því að tryggja
sér framlengingu gegn KR í Vesturbænum í
gær en þeirra eigin leikmaður varði á línu and-
stæðingana í uppbótartíma. Lokatölur voru 3-
2 sigur KR sem hefði átt að vera löngu búið að
gera út um leikinn.
KR-ingar hófu stórsókn á fyrstu mínútu og
henni lauk með tveimur mörkum í fyrri hálf-
leik. Þróttarar voru eðlilega mjög varkárir og
reyndu að sækja hratt og nýta sér föst leik-
atriði. Það gekk ekki upp.
Bjarni Guðjónsson og Óskar Örn Hauks-
son stýrðu miðjunni mjög vel og opnuðu vörn
Þróttar hvað eftir annað. Þeir voru duglegir að
finna Gunnar Kristjánsson sem var öflugur á
vinstri kantinum og Guðmund Reyni Gunnars-
son sem hjálpaði honum vel.
Gunnar lagði upp fyrsta markið fyrir Bald-
ur Sigurðsson eftir fínan sprett. Vel klárað
hjá Smalanum sem lék framarlega á miðjunni.
Birkir Pálsson ýtti svo Baldri skömmu seinna
þegar hann var kominn einn í gegn og fékk á
sig víti og rautt spjald. Réttur dómur þar á ferð.
Björgólfur Takefusa skoraði örugglega úr vít-
inu.
Baldur skoraði svo aftur í seinni hálfleik,
keimlíkt fyrra markinu, nú eftir sendingu frá
Guðmundu og flestir héldu að úrslitin væru
ráðin í stöðunni 3-0.
En Þróttarar minnkuðu muninn á lokasek-
úndum leiksins. Fyrst skoraði Andrés Vil-
hjálmsson gott skallamark eftir sendingu frá
Muamer Sadikovic sem skoraði svo í uppbótar-
tíma með skalla eftir horn. Þróttarar vörðu svo
á línu KR með síðasta skoti leiksins.
Endurkoma Þróttar hófst alltof seint en
manni færri var þetta erfiður leikur fyrir liðið.
KR-ingar voru hættir undir lokin og voru stál-
heppnir að tryggja sér sæti í undanúrslitum,
þriðja árið í röð. Þeir hefðu átt að nýta færin sín
miklu betur en þeir gerðu.
„Við hefðum mátt byrja aðeins fyrr að skora,“
sagði Hallur Hallsson, fyrirliði Þróttar. „Við
hleyptum þessu upp í allskonar fjör undir rest-
ina og erum stoltir af því. Við ætluðum að vera
þéttir fyrir og nota hröð upphlaup en það riðlað-
ist þegar við misstum mann af velli. Þetta voru
mikil hlaup og menn áttu ekki mikla orku eftir
fyrr en við skoruðum. Þetta var ansi tæpt,“
sagði Hallur.
Baldur viðurkenndi að liðið hefði einfaldlega
hætt. „Ég er sáttur við frammistöðuna, það er
gott að skora snemma en við vorum stálheppnir
að missa þetta ekki niður í framlengingu. Þetta
er eðlileg skýring, það er mikið leikjaálag núna
og þetta var nálægt því að koma í bakið á okkur.
Undir eðlilegum kringumstæðum átti þetta að
vera búið,“ sagði Baldur sem var ánægður með
eigin frammistöðu. „Það er gaman að skora og
alltof langt síðan ég fiskaði víti. Óskar kom á
miðjuna og hann er ekki jafn mikið að fara inn
í teiginn eins og Viktor Bjarki og ég nýtti mér
það og fór meira fram. En ég var eins og aðrir
hættur undir lokin, ég viðurkenni það,“ sagði
Baldur sem var greinilega létt. - hþh
Þróttarar skoruðu tvö í uppbótartíma og vörðu svo sjálfir á línu í KR-markinu en KR fór í undanúrslitin:
Endurkoma Þróttaranna hófst of seint
ÚRSLITIN RÁÐAST? Þróttarinn Birkir Pálsson brýtur hér á
Baldri Sigurðssyni en hann fékk að launum rautt spjald
og KR komst í 2-0 með marki úr vítinu. FRÉTTABLAÐIÐ/DANÍEL
Fram-Valur 3-1
1-0 Halldór Hermann Jónsson (50.), 2-0 Tómas
Leifsson (55.), 3-0 Joseph Tillen (58.), 3-1 Rúnar
Már Sigurjónsson (66.)
KR-Þróttur 3-2
1-0 Baldur Sigurðsson (11.), 2-0 Björgólfur Tak
efusa, víti (31.), 3-0 Baldur (73.), 3-1 Andrés
Vilhjálmsson (87.), 3-2 Muamer Sadikovic (90.)
Víkingur Ó.-Stjarnan x-x
1-0 Heiðar Atli Emilsson (10.), 2-0 Edin Beslija
(86.), 2-1 Bjarki Páll Eysteinsson (89.), 2-2 Ellert
Hreinsson (90.+1), 3-2 Sindri Már Sigurþórsson
(92.), 3-3 Arnar Már Björgvinsson (100.). Víkingur
vann 5-4 í vítakeppni.
Það verður dregið í undanúrslit í VISA-bikar karla
og kvenna í dag. Í karlapottinum eru FH, KR,
Fram og Víkingur Ólafsvík en Valur, Stjarnan,
Þór/KA og ÍBV eru í kvennapottinum.
8 LIÐA ÚRSLIT
Víkingar urðu í gær fyrsta C-deildarfélagið í sögunni til þess að komast
í undanúrslit bikarkeppninnar eftir 5-4 sigur í vítakeppni í ótrúlegum
fótboltaleik í Ólafsvík. Þessi leikur bauð upp á allt sem fótboltaleikur
gat boðið upp á og dramatíkin var engu lík, bæði í leiknum sjálfum og
í vítaspyrnukeppninni.
Einar Hjörleifsson, markvörður Víkinga, var hetja sinna manna með
því að verja tvær vítaspyrnur í vítakeppninni, en hinn tvítugi Þor-
steinn Már Ragnarsson tryggði Víkingi sigurinn í vítakeppninni.
„Þetta er mögnuð tilfinning og gerist ekki betra. Þetta var
fótboltaleikur sem bauð upp á allt. Þetta er svo sætt,” sagði
Þorsteinn í viðtali á Stöð 2 Sport. „Við héldum haus og
héldum áfram. Það er ótrúlegt að 2. deildarlið sé komið í
undanúrslit bikarsins,” sagði Þorsteinn.
„Ég vil óska Víkingum til hamingju með þetta.
Þetta er frábært lið og þeir spiluðu mjög góðan leik
í kvöld. Þetta var stórkostlegur bikarleikur og gríðar-
leg dramatík. Það var líka gríðarlega stór ákvörðun
dómara í vítakeppninni. Dramatíkin var með ólíkindum í lokin,” sagði
Bjarni Jóhannsson, þjálfari Stjörnunnar sem var ósáttur með að
Þorvaldur Árnason lét Brynjar Gauti Guðjónsson endurtaka
vítaspyrnu sína eftir að Bjarni Þórður Halldórsson hafði varið
en farið of snemma af stað úr markinu.
Heiðar Atli Emilsson kom Víkingi í 1-0 strax á 10. mínútu
og fram eftir leik komust Stjörnumenn lítið áleiðis gegn
vinnusömum og baráttuglöðum Ólafsvíkingum. Edin Bes-
lija virtist vera að koma Víkingum í undanúrslitin þegar
hann kom liðinu í 2-0 á 86. mínútu en Bjarki Páll
Eysteinsson og Ellert Hreinsson náðu að tryggja
Garðabæingum framlengingu. Heiðar Atli er í láni
frá Stjörnunni alveg eins og Sindri Már Sigurþórs-
son sem kom Víkingi í 3-2 í framlengingunni
en Arnar Már Björgvinsson jafnaði hins vegar
leikinn í 3-3 átta mínútum síðar og þannig stóð
í leikslok.
VÍKINGAR ÚR ÓLAFSVÍK KOMUST Í UNDANÚRSLIT VISA-BIKARSINS: UNNU 5-4 SIGUR Á STJÖRNUNNI Í VÍTAKEPPNI
Þetta var fótboltaleikur sem bauð upp á allt