Fréttablaðið - 15.07.2010, Blaðsíða 8

8 15. júlí 2010 FIMMTUDAGUR
1 Hversu gamalt er Hið ís-
lenska Biblíufélag?
2 Hversu mörg tonn af lamba-
kjöti seldust í nýliðnum júní?
3 Hverjir verða mótherjar FH
í undanúrslitum VISA-bikars
karla?
SVÖRIN ERU Á SÍÐU 46
Takmarkaður
sýningafjöldi
Miðasala er hafin!
Miðasala | 568 8000 | borgarleikhus.is
GRINDAVÍK „Mér finnst þetta skemmtilegt.
Ég er fæddur hér og bý hér og hef miklar
tilfinningar til Grindavíkur,“ segir Matthí-
as Guðmundsson, umsjónarmaður grunn-
skólans í Grindavík.
Hann kennir sig nú við heimabæinn og
heitir Matthías Grindvík Guðmundsson.
Matthías sótti um nafnbreytinguna til
Þjóðskrár og mannanafnanefndar. Hann
fékk jákvætt svar um hæl.
„Ég var búinn að vera með þessa flugu
í hausnum í mörg ár,“ segir Matthías um
ástæður þess að hann breytti nafni sínu kominn
á miðjan aldur. Hann var í veikindaleyfi og hafði
lítið að gera þegar hann ákvað að kanna hvort hug-
myndin gæti orðið að veruleika og sendi
bréf til Þjóðskrár og mannanafnanefndar.
Hálfum mánuði og tíu þúsund krónum
síðar var nafnið Grindvík komið í opinber-
ar bækur.
Matthías segir eiginkonu sína, Bertu
Grétarsdóttur, ekki hafa haft hugmynd um
hvað hann var að brasa fyrr en nafnbreyt-
ingin var um garð gengin. Hann segir eig-
inkonuna sátta við nýtt nafn eiginmanns-
ins.
Matthías Grindvík Guðmundsson hefur
starfað í þrjátíu ár sem umsjónarmaður í grunn-
skólanum og segist njóta sín vel í starfi innan um
börnin í Grindavík. - pg
Matthías Guðmundsson fékk samþykki Þjóðskrár fyrir nafninu Grindvík:
Heitir eftir heimabænum
MATTHÍAS
GRINDVÍK
EFNAHAGSMÁL Heildarfjöldi þing-
lýstra leigusamninga á Íslandi
var 834 í júní. Leigusamningum
hefur því fjölgað um 23,7 prósent
frá því í maí og um 2,6 prósent
miðað við júní í fyrra.
Um 70 prósent allra leigusamn-
inganna eru gerðir á höfuðborg-
arsvæðinu, eða 581, og fjölgar
þeim um 2,1 prósent miðað við
júní í fyrra. - mþl
Nýjar tölur frá Þjóðskrá:
Leigusamning-
um fjölgar
REYKJAVÍK Leigusamningum í Reykjavík
fjölgaði um 19,3 prósent í júní miðað
við maí. FRÉTTABLAÐIÐ/VILHELM
Jón Ásgeir Jóhannesson
þvertekur fyrir það að hafa
flutt eignir á nafn eigin-
konu sinnar. Hann segir
einkaneyslu sína undanfar-
inn áratug ekki svo mikla,
sé hún skoðuð í réttu sam-
hengi. Hann ætlar að
áfrýja alheimskyrrsetn-
ingu eigna sinna þrátt
fyrir að dómari hafi hafn-
að áfrýjunarbeiðni.
„Það hafa engar eignir verið flutt-
ar á milli okkar. Engar,“ segir Jón
Ásgeir Jóhannesson um þær ásak-
anir slitastjórnar Glitnis að eitt-
hvað sé gruggugt við það að til-
teknar eignir hérlendis séu gefnar
upp sem eignir Ingibjargar Pálma-
dóttur, eiginkonu Jóns Ásgeirs.
Slitastjórnin lætur að því liggja í
rökstuðningi sínum fyrir alheims-
kyrrsetningu sem lagður var fram
í London að Jón Ásgeir hafi flutt
eignirnar á Ingibjörgu á síðustu
misserum og reyni nú að telja dóm-
ara trú um að eignir sem í raun séu
hans séu alfarið eign Ingibjargar.
„Þetta er bara alrangt. Eina
eignin sem hefur verið flutt var
þegar fasteignin [sem hýsir Hótel
101] var fyrir slysni flutt yfir á mig
og það eru bara mistök sem hefur
verið farið fram á við sýslumann
að hann leiðrétti,“ segir Jón Ásgeir.
Allt annað liggi ljóst fyrir; íbúðir
Ingibjargar að Sóleyjargötu hafi
alltaf verið hennar eign, sem og
lúxusíbúðirnar á Manhattan, sem
Ingibjörg hafi greitt fyrir með
eigin peningum og láni frá Lands-
bankanum, sem nú hefur verið
greitt upp að fullu.
„Helmingurinn fór í skatt“
Meðal þess sem fram kemur í gögn-
um málsins er að Jón Ásgeir hafi
eytt tugum milljóna á mánuði árin
2001 til 2008. Dómarinn í London
undraðist að maður sem eytt hefði
slíkum fjármunum ætti ekki meiri
eignir í dag en þær sem Jón Ásgeir
gaf upp til kyrrsetningar, sem voru
virði um 240 milljóna.
Jón Ásgeir bendir á að upphæð-
in hafi verið gefin upp í pundum í
réttarhöldunum og hafi síðan verið
umreiknuð í fjölmiðlum miðað við
hæsta gengi pundsins eftir hrun,
þegar staðreyndin sé að meðal-
gengi pundsins á þessum árum
hafi verið um 100 krónur. Tölurn-
ar 50 til 65 milljónir á mánuði,
sem hafa verið birtar, séu því allt
of háar. Raunveruleg neysla hans
hafi ekki verið nema um helming-
ur af því.
„Helmingurinn fór í skatt,“ segir
Jón Ásgeir. „Ég var meðal stærstu
skattgreiðenda á Íslandi um mjög
langt tímabil. Ég gaf mjög mikið
til góðgerðarmála um langt skeið
og ég var með fjölskyldu og heim-
ili í þremur löndum. Þannig að ef
maður setur þetta í samhengi og
segir: Jón eyddi 2,2 milljónum
punda á ári, þá eru það engar stór-
ar tölur miðað við það sem gengur
og gerist.“
Ætlar samt að áfrýja
Jón Ásgeir segist ætla að áfrýja
alheimskyrrsetningunni í London
þrátt fyrir að dómari hafi hafnað
áfrýjunarbeiðni hans á föstudag-
inn var. Hann telur að upplýsing-
arnar um meintar 38 milljarða
bankainnistæður hans, sem komið
hefur í ljós að voru í eigu versl-
anakeðjunnar Iceland Foods, hafi
vegið þungt í þeirri ákvörðun dóm-
arans að verða við kyrrsetningar-
beiðninni.
„Slitastjórnin setti fram gögn
sem afvegaleiddu dómarann og
þess vegna teljum við að þetta mál
geti farið fyrir hæstarétt í Bret-
landi,“ segir Jón Ásgeir.
Annað veigamikið atriði í rök-
stuðningi slitastjórnarinnar hafi
tengst skíðaskála Ingibjargar í
Frakklandi og meintum óeðlilegum
millifærslum í kringum afborgan-
ir af honum. Ljóst sé hins vegar
að Ingibjörg hafi forðað skálan-
um frá því að lenda í höndunum
á þeim sem byggði hann og átti í
honum fyrsta veðrétt, með því að
greiða við hann 2,5 milljóna evra
skuld. Hún hafi síðan greitt Glitni
2,2 milljarða vegna lánasamnings
um skálann.
„Allt þetta tal um að það sé
verið að stinga einhverju undan og
hlaupa í burtu er algjörlega óásætt-
anlegt. Það er fyrst og fremst verið
að reyna að standa við skuldbind-
ingar. Í stað þess er öllu snúið á
hvolf og sagt að þetta fólk sem er
að reyna að standa við sínar skuld-
bindingar sé bara þjófar,“ segir
Ásgeir.
Sannfærður um frávísun
Jón Ásgeir segist enn fremur sann-
færður um það að máli slitastjórn-
arinnar á hendur sjömenningunum
í New York verði vísað frá dómi,
þar sem þarlendir dómstólar hafi
enga lögsögu í málinu. Þar að auki
væri aldrei hægt að framfylgja
slíkum dómi á Íslandi ef málið
færi alla leið. „Þannig að þótt þau
myndu vinna málið í Bandaríkj-
unum þá gætu þau ekki einu sinni
farið á eftir eigum okkar á Íslandi,“
segir hann.
Þá segir Jón Ásgeir tölur um
málskostnað sem hann þarf að
greiða orðum auknar. Hann hafi
til þessa einungis þurft að greiða
um 50 milljónir íslenskra króna í
London og hafi staðið skil á því,
enda þurfi slitastjórnin samkvæmt
breskum lögum að leyfa honum að
nota kyrrsettar eignir í málsvörn
og uppihald. Það hafi slitastjórnin
þegar samþykkt.
Spurður hvort það sé þess virði
fyrir mann sem á ekki eignir nema
að andvirði 240 milljóna, eins og
hann hefur gefið upp, að verja svo
miklum fjármunum í málsvörn
segir Jón Ásgeir svo vera. „Að
sjálfsögðu – af því að ég fæ þá end-
urgreidda þegar niðurstaðan ligg-
ur fyrir. Það er bara þannig.“
„Með dollaramerki í augunum“
Jón Ásgeir segir málaferlin á hend-
ur sér minna hann um margt á
upphaf Baugsmálsins. „Það byrj-
aði með stórum hvelli, menn sök-
uðu mig og aðra um marga slæma
hluti. Fjölmiðlar hlupu upp til
handa og fóta og sögðu: Þetta eru
mestu glæpamenn Íslandssögunn-
ar. En ég held að þegar sannleik-
urinn kemur í ljós þá verði ekkert
í þessu. Þetta er bara gert til að
eyðileggja fólk og eyðileggja fram-
tíð þess. Steinunn [Guðbjartsdótt-
ir, formaður slitastjórnarinnar] og
Árni Tómasson [formaður skila-
nefndar Glitnis] fá stundarklapp á
bakið og Kroll og lögmenn Glitnis í
Bandaríkjunum eru bara með doll-
aramerki í augunum, því miður.“
Segist alls engar eignir
hafa flutt á Ingibjörgu
Stígur
Helgason
stigur@frettabladid.is
ÞESS VIRÐI AÐ VERJAST Jón Ásgeir segir það vera þess virði að eyða stórfé í
máls vörn sína, enda muni hann fá það allt aftur á endanum. FRÉTTABLAÐIÐ/VALLI
FRÉTTAVIÐTAL: Jón Ásgeir Jóhannesson
Niðurgreiddar afsláttartölvur
Sveitarstjórnarmenn í Skagafirði geta
nú keypt sér fartölvur út á afsláttar-
samning sem sveitarfélagið hefur við
söluaðila. Að auki hefur byggðaráðið
samþykkt að sveitarfélagið greiði
þriðjung af verði tölvanna.
SKAGAFJÖRÐUR
BLÖNDUÓS Rúmlega 8.400 gest-
ir hafa farið í nýju sundlaugina
á Blönduósi frá opnun hinn 16.
júní síðastliðinn. Stefnt er á að fá
30 þúsund gesti fyrir lok ágúst,
samkvæmt Guðmundi Haralds-
syni, forstöðumanni laugarinn-
ar. Formleg opnun verði haldin
næstkomandi laugardag en iðn-
aðarmenn eru í óða önn við að
leggja lokahönd á framkvæmdir.
Gert er ráð fyrir að sundlaug-
in og byggingin í heild kosti á
bilinu 400 til 420 milljónir króna.
- sv
Sundlaugin á Blönduósi:
8.400 gestir á
tæpum mánuði
ÞJÓFNAÐUR Hvítum trefjaplastbát
með utanborðsmótor var stolið
ásamt bílkerru við Mjóanes við
Þingvallavatn í síðustu viku.
Þjófarnir brutu upp hengilás á
hliði sem lokaði svæðið af, en
bættu fyrir það brot með nýjum
hengilás ásamt lykli.
Báturinn var af gerðinni
Broom, 15 fet á lengd og hvítur.
Lögreglan á Selfossi vinnur að
rannsókn málsins. - sv
Bát stolið ásamt bílkerru:
Þjófarnir skildu
eftir nýjan lás
Búnaður í góðu lagi
Lögreglan á höfðuborgarsvæiðinu
hefur fylgst með búnaði eftirvagna
að undanförnu. Fjölmargir ökumenn
hafa verið stöðvaðir og í langflestum
tilvikum hefur búnaðurinn verið í
góðu lagi. Það er helst að hliðarspegl-
ar séu ekki eins og skyldi og þá þurfa
menn að gæta að heildarþyngd bíls
og eftirvagns en sé hún meiri en 3,5
tonn þarf aukin ökuréttindi.
Kannabisræktun stöðvað
Lögreglan stöðvaði kannabisræktun í
iðnaðarhúsnæði í Háaleitishverfinu í
fyrradag. Við húsleit á áðurnefndum
stað fundust tæplega 70 kannabis-
plöntur. Það voru lögreglumenn við
eftirlit í hverfinu sem runnu á lyktina
og því var eftirleikurinn auðveldur.
LÖGREGLUFRÉTTIR
VEISTU SVARIÐ?