Fréttablaðið - 15.07.2010, Blaðsíða 50
34 15. júlí 2010 FIMMTUDAGUR
folk@frettabladid.is
„Við Arnar vorum búnir að vera
með þessa hugmynd í maganum
í þónokkuð langan tíma. Okkur
langaði að opna svona múltí-funkt-
íonal stað og þetta húsnæði býður
svo sannarlega upp á það,“ segir
Villý Þór Ólafsson, einn eigenda
Faktorý bars.
Villý ásamt félögum sínum, Arn-
ari Fells Gunnarssyni og Birki
Birni Haukssyni, eru eigendur
nýs skemmti- og tónleikastaðar í
miðbænum, Faktorý Bar, þar sem
Grand rokk var áður. Félagarn-
ir eru allir nýgræðingar í rekstri
á skemmtistað. Nú um helgina
verður haldin þriggja daga opn-
unarveisla þar sem mikil gleði og
glaumur verður alla dagana.
Í kvöld ætlar Benni Hemm
Hemm að halda smá útgáfutón-
leika og ætla meðlimir í hljóm-
sveitinni Retro Stefson að spila
með honum. Á morgun verður það
hljómsveitin Hjálmar sem ætlar að
stíga á svið ásamt gestaleikurum
og eftir það ætlar Biggi Maus að
þeyta skífum fram á nótt. Það er
síðan á laugardaginn sem Mamm-
út, Agent Fresco, Feldberg og Two
Tickets to Japan ætla að skemmta.
Frítt verður inn á alla þessa gleði
nema Hjálma á morgun og kostar
1.500 krónur það kvöld.
„Við erum búnir að vera með opið
síðustu tvær helgar en það var til
að athuga hvort dælurnar virkuðu
ekki og hvernig húsið bæri okkur.
Nú opnum við af alvöru,“ segir
Villý. Staðurinn verður svipaður
í anda og Grand rokk, sem áður
var í þessu húsi, nema í nútíma-
legri búningi og með það í huga að
yngja aðeins upp aðsóknarhópinn.
Félagarnir hafa stórar hugmynd-
ir um staðinn og má nefna minni
leiksýningar og kvikmyndasýn-
ingar sem dæmi um hvað verður á
dagskrá á staðnum. Svokallað leik-
herbergi verður sett upp með billj-
ardborði, poolborði, pókerborði
og fótboltaspili sem opið verður á
daginn. Auk þess eru stækkanir á
teikniborðinu en þó ekki þannig að
staðurinn missi sjarma sinn.
„Í sumar verður afgreiðslutím-
inn frá hádegi alla daga og verður
það svo endurskoðað í vetur. Allt
fyrir eldhús er til staðar í hús-
inu þannig að smá matseðill verð-
ur sennilega einn daginn. Húsið
býður upp á svo mikla möguleika
þannig að við erum með endalaus-
ar hugmyndir,“ segir Villý spennt-
ur fyrir framhaldinu. - ls
Opnunarhátíð á Faktorý bar
VILLÝ, ARNAR OG BIRKIR Félagarnir eru með stórar hugmyndir og eru spenntir fyrir
því sem koma skal
Kynbomban Pamela Anderson seg-
ist enn hugsa til endaloka hjóna-
bands síns og rokkarans Tommy
Lee með svolítilli eftirsjá. „Ég hef
verið miður mín síðustu fimmtán
árin vegna skilnaðarins, aðallega
vegna strákanna. Ég held ég hafi
bara fest mig við hvern þann sem
vildi stofna fjölskyldu með mér,
en karlmennirnir sem ég laðaði
að mér voru ekki draumaprinsinn
sem ég hafði ímyndað mér. Nú vil
ég heldur vera ein og hugsa um
strákana mína. Kannski kynnist ég
manni, ef ekki þá munu strákarnir
sjá um mig í ellinni,“ sagði fyrrum
Baywatch-stúlkan en hún á synina
Brandon Thomas og Dylan Jagger
með Tommy Lee. Hún segir syni
sína ekki eyða miklum tíma með
föður sínum en vonar að það muni
breytast í framtíðinni. „Ég held
þeir muni eyða meiri tíma með
honum þegar þeir eldast. Tommy
verður sextán ára að eilífu en hann
eyðir eins miklum tíma með þeim
og hann getur. Ég hef sætt mig við
það að samband okkar er það sem
það er,“ sagði Anderson döpur í
bragði.
Sér eftir Tommy
SÉR EFTIR TOMMY Pamela Anderson
segist enn sjá eftir skilnaðinum við
Tommy Lee. NORDICPHOTOS/GETTY
Fleiri upptökur þar sem Mel Gibson
heyrist öskra og hóta kærustu sinni,
rússnesku tónlistarkonunni Oksönu
Grigorievu. Eftir að upptökurnar
komu fram í dagsljósið hefur leik-
arinn ekki átt sjö dagana sæla og
hefur umboðsskrifstofa hans meðal
annars sagt honum upp og búið er
að fresta útgáfu nýrrar kvikmyndar
hans um óákveðinn tíma.
Á nýrri upptöku heyrist Gibson
meðal annars hóta Grigorievu líf-
láti og segir hana hafa átt það skilið
þegar hann sló hana eitt sinn. „Ég
yfirgaf konu mína því við áttum
ekki saman. Þú og ég eigum ekki
saman og þú reynir ekki einu sinni,“
öskrar Gibson á kærustuna. Þegar
hún segist ætla að hringja á lögregl-
una espast hann enn frekar. „Hvað
segirðu? Þú ert í mínu húsi. Ég mun
grafa þig undir rósarunna einn dag-
inn. Skilurðu það? Ég mun gera það
því ég get það.“
Brjálaður Gibson
REIÐUR Mel Gibson er búinn að klúðra
farsælum ferli sínum innan kvikmynda-
bransans. NORDICPHOTO/GETTY
ERTU AÐ FARA
Í SUMARFRÍ?
Pósthúsið ehf. annast dreifingu Fréttablaðsins,
nánari upplýsingar á www.visir.is/dreifing
Þú getur afpantað Fréttablaðið á meðan þú ert að heiman.
Hafðu samband í grænt númer 800-1177 eða sendu póst
á netfangið dreifing@posthusid.is
„Ég, Snædís, Katrín og Saga ákváðum að
prófa að vinna saman að verki þar sem við
höfðum allar unnið sem sjálfstætt starf-
andi danshöfundar í sjálfstæðum verk-
um. Við tókum eiginlega ákvörðun um
að vinna með kvenskörunga Íslandssög-
unnar því við erum allar mjög ákveðn-
ar sjálfar og því fannst okkur gaman að
túlka þessar merku konur,“ segir Sigríður
Soffía Níelsdóttir danshöfundur.
Sigríður Soffía, eða Sigga Soffía eins
og hún er kölluð, skipar Dansfélagið
Krummafót ásamt þremur öðrum vin-
konum sínum þeim Katrínu Gunnars-
dóttur, Snædísi Lilju Ingadóttur og Sögu
Sigurðardóttur. Stúlkurnar, sem allar eru
lærðir dansarar og danshöfundar, stofn-
uðu dansfélagið formlega í síðustu viku
og vinna nú að fyrsta verki sínu saman.
Verkið fjallar um kvenskörunga Íslands-
sögunnar eins og til að mynda Bergþóru
Skarphéðinsdóttur, Hallgerði langbrók
og Helgu fögru. Stúlkurnar hafa feng-
ið fjölbreyttan hóp listamanna með sér í
lið til að gefa verkinu betri mynd. Ólafur
Jósepsson betur þekktur sem Stafrænn
Hákon sér um tónsmíðar fyrir verkið,
Ingibjörg Sigurjónsdóttir sem er nýút-
skrifuð af listabraut, sér um leikmyndina
og Nína Óskarsdóttir hannar búninga.
„Það er mikið búið að tala um útrásar-
víkinga upp á síðkastið og okkur fannst
kominn tími til að sjá almennilega kven-
skörunga á sviði,“ segir Sigga Soffía.
Verkið verður sýnt á Reykjavík Dance
Festival í september. - ls
Dansandi Hallgerður langbrók
DANSFÉLAGIÐ KRUMMAFÓTUR Nína, Sigga
Soffía, Snædís, Katrín, Saga, Ingibjörg – og fyrir
framan er Ólafur eða Stafrænn Hákon.
Sigurður Laufdal tónlistar-
maður er tilbúinn með nýja
plötu sem kemur með haust-
inu. Sigurður er meðal ann-
ars þekktur fyrir þátttöku
sína í raunveruleikaþætt-
inum Bandinu hans Bubba
fyrir tveimur árum og sem
sonur Ómega-predikarans
Guðlaugs Laufdal.
„Þessi plata er eiginlega ég að
segja frá síðustu tíu árum í mínu
lífi með tónlistinni,“ segir Sigurð-
ur og bætir við að hann sé mikill
unnandi ljóðlistar og semji mikið í
tómstundum. Platan, sem ber heit-
ið Barn síns tíma, er hans aðferð
til að koma ljóðunum frá sér. Sig-
urður semur tónlistina og textana
sjálfur.
Sigurður er gítarleikari en við
gerð plötunnar fékk hann góða
menn til liðs við sig. Þetta er
fyrsta platan sem hann gefur út
en Sigurður vakti athygli árið 2006
fyrir lagið Í frelsarans nafni þar
sem hann notaði sín eigin orð til
að túlka Biblíuna. Vakti það einna
helst athygli vegna þess að faðir
hans er Guðlaugur Laufdal sem
predikar Guðs orð á sjónvarps-
stöðinni Ómega með gítarinn við
hönd. Það lag er samt ekki að finna
á plötunni.
„Það má eiginlega segja að ég
semji eitt lag á ári en á plötunni eru
ellefu lög,“ segir Sigurður og segir
að þau fjalli öll um hluti sem hann
hefur lent í og karaktera sem hann
hefur hitt á seinustu tíu árum. Sjó-
mennskuna sem fór illa í hann og
ástina sem hann hefur upplifað.
„Ég er með margar góðar sögur.
Eitt lagið er til dæmis til Bubba
Morthens. Það lag heitir Grafhýsi
frægðarinnar en það sagði Bubbi
við mig þegar hann rak mig úr
öðrum þætti seríunnar. Hann ætl-
aði að setja mig í grafhýsi frægð-
arinnar og sagði að ég væri bara
lítill sætur strákur í leðurbuxum í
fjölmiðlum eftir á,“ segir Sigurður
og bætir við að hann sé nú ekkert
ósáttur við Bubba. Hann vilji samt
sýna Bubba að það sé meira í hann
spunnið en það sem kom fram í
þáttunum.
„Ég vil að aðrir geti tengt sig við
það sem ég er að semja og syngja
um,“ segir Sigurður að lokum.
alfrun@frettabladid.is
PREDIKARASONUR SEGIR
FRÁ LÍFI SÍNU Á NÝRRI PLÖTU
SIGURÐUR LAUFDAL Er tilbúinn með nýja plötu sem ber nafnið Barn síns tíma.
FRÉTTABLAÐIÐ/GVA
> Í FYLGD HUNDSINS
Söngkonan Carrie Underwood gekk í
það heilaga með íshokkíleikmanninum
Mike Fisher fyrir stuttu. Brúðkaupið var
látlaus og fallegt að ósk brúðarinnar en
það var eitt atriði sem vakti athygli gest-
anna því Underwood gekk inn kirkju-
gólfið í fylgd Chiuhuahua-hvolpsins síns
sem heitir Ace. Hundurinn fékk sér-
saumaðan bleikan hundasmóking
þakinn Swarovski-kristöllum í til-
efni dagsins.