Fréttablaðið - 20.07.2010, Blaðsíða 2

2 20. júlí 2010 ÞRIÐJUDAGUR
„Daníel, verður þetta erfið
ganga?“
„Það er allavega engin brekka
svo löng að maður komist ekki á
toppinn.“
Daníel Jakobsson er nýráðinn bæjarstjóri
á Ísafirði. Daníel var á sínum tíma einn
fremsti skíðagöngumaður landsins og
keppti á Ólympíuleikunum í Lillehammer
1994.
Gylfi Baldursson heyrnar-
fræðingur lést á laugardag,
72 ára að aldri. Gylfi starfaði
við heyrnar- og talmeinafræði
bróðurpart lífs síns, á Íslandi
og í Kanada.
Gylfi varð
Íslending-
um að góðu
kunnur á
fyrri hluta
tíunda ára-
tugar síðustu
aldar sem
keppandi í
Kontrapunkti, tónlistarkeppni
sjónvarpsstöðva á Norðurlönd-
um. Hann var einnig um skeið
í landsliði Íslands í bridds.
Árið 1963 gaf hann út ljóða-
bókina Þokur ásamt Jakobi Þ.
Möller, undir dulnefninu Jón
Kári. Bókin var skrifuð á einni
kvöldstund sem ádeila á atóm-
kveðskap en hlaut lof flestra
gagnrýnenda. Mikið fjaðrafok
varð þegar í ljós kom að um
hálfgert prakkarastrik hefði
verið að ræða.
Gylfi eignaðist fimm börn
og lifa fjögur föður sinn.
Gylfi Baldurs-
son fallinn frá
VIÐSKIPTI Aukning hefur orðið á
kröfum um bætur af trygginga-
félögunum vegna ýmiss skaða
sem hlotist hefur af völdum slysa
eftir að sérhæfðar lögfræðistof-
ur fóru að auglýsa aðstoð við fólk
sem lent hefur í slysi.
„Þessar auglýsingar valda
alveg örugglega einhverri aukn-
ingu, en tjónþolarnir eru ekki
endilega að fá hærri upphæðir
greiddar,“ segir Guðmundur Örn
Gunnarsson, forstjóri VÍS.
Hann segir aukninguna aðal-
lega vera í tilvikum þar sem fólk
með hefðbundna slysatryggingu
slasast, tryggingamál vegna bíl-
slysa hafi lengi farið fram með
atbeina lögmanna. Hann segir
ástæðuna fyrir því að fólk fái
ekki endilega hærri upphæðir
en áður þá að lögmennirnir taki
þóknun fyrir störf sín. Í sumum
tilvikum beri tryggingafélögin
þann kostnað, en í öðrum tilvik-
um falli hann á tryggingartak-
ann.
„Það hefur orðið aukning í
tjónakröfum þar sem við höfnum
bótaskyldu,“ segir Guðmundur.
Hann segir ekki hægt að kenna
lögmannsstofum sem beina aug-
lýsingum sínum að fólki sem lent
hefur í slysum um aukninguna,
en auðvitað ýti það undir að fólk
geri kröfu þegar slík þjónusta sé
auglýst jafn mikið og raun ber
vitni.
Tilkynningum um tjón af völd-
um slysa hefur fjölgað hjá Sjóvá,
og segir Geirarður Geirarðsson,
forstöðumaður á tjónasviði Sjó-
vár, að tengja megi þá aukningu
við auglýsingar frá lögfræðiskrif-
stofum.
„Við höfum fundið aukinn
þunga í þessu, fólk virðist með-
vitaðra og sækir frekar sinn rétt,
sem er ekkert nema gott,“ segir
Geirarður. Hann segir auglýsing-
arnar ef til vill helst ýta við þeim
sem annars hefðu ekkert gert, og
jafnvel erlendum ríkisborgurum
sem finnist þægilegra að sækja
rétt sinn í gegnum lögfræðinga.
„Þeir sem leita til okkar gera
það ekki nema þeir búi við ein-
hverjar afleiðingar af slysi
sem þeir lentu í, og í langflest-
um tilvikum fær það einhverjar
bætur,“ segir Ólafur Örn Svans-
son, hæstaréttarlögmaður og
einn eigenda lögmannsstofunn-
ar Tort.
Tort var, að sögn Ólafs, fyrsta
lögmannsstofan sem sérhæfði
sig í uppgjörum vegna slysabóta
og hefur auglýst þjónustu sína
frá því á fyrri hluta ársins 2007.
Ólafur segir einhverja hafa viljað
tengja auglýsingarnar kreppunni,
en hið rétta sé að þær hafi verið
þó nokkuð lengi í umferð. Stofan
fær til sín nokkur hundruð mál á
ári. brjann@frettabladid.is
Bótakröfum fjölgar
með markaðssókn
Fleiri krefjast slysabóta af tryggingafélögum eftir að lögfræðistofur fóru að aug-
lýsa aðstoð við að sækja bætur. Ýtir helst við þeim sem annars hefðu ekkert gert,
segir forstöðumaður hjá Sjóvá. Langflestir fá einhverjar bætur, segir lögmaður.
BÍLSLYS Lögmenn hafa yfirleitt sinnt bótamálum vegna bílslysa, en koma nú í
auknum mæli að hefðbundnum slysamálum. Myndin er úr safni og tengist ekki efni
fréttarinnar. FRÉTTABLAÐIÐ/ANTON
Við höfum fundið
aukinn þunga í þessu,
fólk virðist meðvitaðra og
sækir frekar sinn rétt, sem er
ekkert nema gott.
GEIRARÐUR GEIRARÐSSON
FORSTÖÐUMAÐUR Á TJÓNASVIÐI SJÓVÁR
Íslendingur tekinn með hass
Íslendingur var handtekinn í Færeyj-
um 15. júlí með fíkniefni innvortis.
Hann var úrskurðaður í gæsluvarð-
hald og fluttur á sjúkrahús þar sem
efnin skiluðu sér að lokum. Á vef
færeyska dagblaðsins Dimmalætting
segir að í ljós hafi komið að maður-
inn hafði gleypt 101 smáa pakkningu
af hassi. Hann bíður nú ákæru ytra.
FÆREYJAR
IÐNAÐUR Fyrirtækið ORF líftækni
á um þessar mundir í viðræð-
um við bændur víða um land um
samstarf. Eru hugmyndir uppi
um að bændurnir hefji akuryrkju
fyrir fyrirtækið. ORF stefnir að
umfangsmikilli ræktun á erfða-
breyttu byggi með það fyrir
augum að láta byggplönturnar
framleiða dýrmæt prótín.
„Það eru margir framfarasinn-
aðir bændur sem leita til okkar
með fyrirspurnir. Þeir sjá mikla
möguleika í þessu og vilja fara í
einhverja nýsköpun,“ sagði Björn
Lárus Örvar, framkvæmdastjóri
ORF, og bætti því við að áform
ORF myndu liggja fyrir í haust
eftir að umhverfisráðuneytið
úrskurðar um ræktunarleyfi fyr-
irtækisins. - mþl
Mikill áhugi meðal bænda:
ORF ræðir sam-
starf við bændur
ORKUMÁL Undirskriftasöfnun er
hafin á netinu og er þar skorað á
stjórnvöld að stöðva kaup Magma
Energy á hlut Geysis Green
Energy í HS orku og efna til þjóð-
aratkvæðagreiðslu um eignarhald
á orkuauðlindum Íslands.
Björk Guðmundsdóttir er í for-
svari fyrir söfnuninni, en ásamt
henni eru þau Jón Þórisson,
aðstoðarmaður Evu Joly, og Oddný
Eir Ævarsdóttir rithöfundur sem
standa að átakinu sem er að finna
á slóðinni: Orkuaudlindir.is.
Hópurinn sendi ábendingu til
umboðsmanns Alþingis 13. júlí
síðastliðinn. Þar er biðlað til
stjórnvalda um að taka kaupin til
gagngerrar endurskoðunar í ljósi
hagsmuna íslensku þjóðarinnar.
Á blaðamannafundi sem hald-
inn var í gær varpaði Björk fram
þeirri spurningu til fjölmiðla
hvort rannsóknarskýrsla um nýt-
ingu auðlinda væri nauðsynleg.
„Ætti þjóðin ekki sjálf að fá að
ákveða hvort og hvernig hún vill
nýta auðlindir sínar?“ segir Björk
og segir framtíð íslensku þjóðar-
innar í húfi og
Jón Þórisson segir kaupsamn-
inginn vera of góðan til að vera
sannan og Ísland sé að afsala sér
nýtingu mikilvægra auðlinda.
„Það er eins og við höfum séð
þetta allt áður,“ segir hann. „Og
þetta er í boði sama fólksins og
lagði á borð fyrir bankahrunið.“
- sv
Björk Guðmundsdóttir biður umboðsmann Alþingis um gagngera endurskoðun á kaupum Magma Energy:
Að þjóðin ákveði sjálf nýtingu auðlinda
BJÖRK Söngkonan telur að rann-
sóknarskýrsla um nýtingu auðlinda
sé nauðsynleg.
FRÉTTABLAÐIÐ ANTON
PAKISTAN, AP Hillary Clinton, utanríkisráðherra
Bandaríkjanna, tilkynnti í gær að ríkisstjórn lands-
ins hyggist verja 500 milljónum Bandaríkjadala í
uppbyggingarstarf í landinu á næstunni.
Peningarnir verða notaðir til þess að ljúka gerð
tveggja virkjana sem munu framleiða rafmagn
fyrir um 300 þúsund manns á svæðunum við landa-
mæri Afganistans. Þá verða þrjár heilbrigðisstofn-
anir ýmist byggðar eða endurnýjaðar í mið- og
suðurhluta landsins og aðgangur aukinn að hreinu
drykkjarvatni.
Bandaríkjastjórn reynir með þessu að eyða tor-
tryggni Pakistana gagnvart henni. Clinton sagði á
fundi í Pakistan í gær að það myndi reynast erfitt
að byggja upp traust milli landanna á nýjan leik en
verið væri að reyna að hefja nýtt tímabil samvinnu.
Þá sagði hún markmiðið að fullvissa almenning í
landinu um að einlægur áhugi væri á því að hjálpa
Pakistan, og samvinnan snerist um margt fleira en
baráttu gegn hryðjuverkum.
Pakistan og Afganistan hafa stigið skref í átt-
ina að bættum samskiptum með því að skrifa undir
vöruskiptasamning á sunnudag. Bandaríkjastjórn
hefur þrýst á löndin að bæta samskiptin og seg-
ist telja að samningurinn muni hafa jákvæð áhrif á
bæði lönd. - þeb
Bandaríkjastjórn ætlar að eyða tortryggni Pakistana með uppbyggingarstarfi:
500 milljónir dala til Pakistans
CLINTON Utanríkisráðherrann tilkynnti um aðstoðina við Pak-
istan á fundi með utanríkisráðherra landsins, Shah Mahmood
Quershi. FRÉTTABLAÐIÐ/AP
HEILBRIGÐISMÁL Eskfirðingar
þurfa ekki lengur að sjóða allt
drykkjarvatn, eftir að Heilbrigð-
iseftirlit Austurlands aflétti
öllum hömlum á neyslu vatnsins
í gær.
Eftir mengunarslys í löndunar-
húsi fiskimjölsverksmiðju Eskju
9. júlí barst mengun í drykkjar-
vatnið. Rannsóknir sýndu að þar
var meðal annars að finna kólí-
gerla, auk ýmissa annarra gerla.
Tilkynning var send í hvert hús í
bænum og síðan hafa bæjarbúar
þurft að sjóða allt sitt drykkjar-
vatn. Rannsóknir sem heilbrigð-
iseftirlitið gerði í gær sýndu að
drykkjarvatnið er komið í samt
lag á ný. - kóp
Vatn á Eskifirði í samt lag:
Þurfa ekki að
sjóða vatnið
ESKIFJÖRÐUR Óhætt er að drekka vatn
á Eskifirði án þess að sjóða það fyrst, en
kólígerlar bárust í kerfið eftir mengunar-
slys 9. júlí. FRÉTTABLAÐIÐ/GVA
LANDBÚNAÐUR Þeir bændur sem
áhuga hafa á að setja niður repju
geta fengið til þess aðstoð og upp-
lýsingar sér að kostnaðarlausu.
Frá þessu er greint í Bændablað-
inu, en þeir Björn Páll Fálki Vals-
son og Magnús Þórður Rúnarsson
hafa unnið að verkefni um repju-
ræktun í vetur.
Björn Páll segir í samtali við
Bændablaðið að mikill áhugi sé
hjá bændum að taka þátt í verk-
efninu. Þeir geti fengið upplýs-
ingar um staðarval og sáningu,
svo eitthvað sé nefnt. Hann segir
best að byrja með því að sá í lítil
svæði til reynslu. - kóp
Vantar fleiri bændur:
Vilja bændur í
repjuræktun
REPJUAKUR Bændur geta fengið ókeypis
ráðgjöf um repjusáningu með því að
senda erindi á repjuraektun@gmail.com.
Tilkynnti nauðgun
Kona hefur tilkynnt nauðgun til
lögreglunnar. Hún kveðst hafa verið á
gangi um Elliðaárdalinn þegar maður
réðst á hana og kom fram vilja sínum.
Frá þessu er greint á fréttavefnum
Vísi. Yfirmaður kynferðisbrotadeild-
ar lögreglunnar staðfesti í gær að
tilkynning um nauðgun hafi borist og
málið sé til rannsóknar.
LÖGREGLUFRÉTTIR
Samræma uppeldisaðferðir
Hveragerðisbær samræmir uppeldis-
aðferðir íbúa með sérstöku námskeiði
fyrir foreldra. Námskeiðið er átta
klukkustundir, foreldrum að kostn-
aðarlausu og fá þátttakendur fimm
prósenta afslátt af leikskólagjöldum
hjá bænum.
HVERAGERÐI
SPURNING DAGSINS