Fréttablaðið - 22.07.2010, Blaðsíða 12

12 22. júlí 2010 FIMMTUDAGUR
Þriggja gljúfra stíflan í
Yangtze-fljótinu í Kína
hefur náð að koma í veg
fyrir gríðarlegt mannfall og
tjón vegna flóða á svæðinu.
Rennslið um ána nær 70
þúsund rúmmetrum á sek-
úndu og hefur aldrei verið
meira. 700 eru látnir vegna
flóða á árinu.
Sjö hundruð manns hafa látið
lífið í flóðum og aurskriðum í
Kína það sem af er árinu og 347
manna er saknað. Flóðin eru þau
verstu frá árinu 1998, þegar um
fjögur þúsund manns létust og
átján milljónir misstu heimili
sín.
Þriggja gljúfra stíf lan í
Yangtze-ánni í Kína, sem er
lengsta fljót í Asíu, stendur nú
frammi fyrir mestu flóðavörn-
um frá því að hún var kláruð
árið 2008. Vatnsyfirborð ofan við
stífluna hefur hækkað gríðarlega
í miklum rigningum undanfar-
inna vikna og hækkaði síðast um
fjóra metra á einum sólarhring.
Vatnsrennslið varð mest 70 þús-
und rúmmetrar á sekúndu, en
stíflan ræður við tæplega 99 þús-
und rúmmetra á sekúndu. Stífl-
an virðist vera að ráða við flóða-
varnirnar en hún sleppir um 40
þúsund rúmmetrum af vatninu út
í ána fyrir neðan stífluna á sek-
úndu, til þess að lágmarka skað-
ann af flóðunum. Það hefur hing-
að til tekist, þar sem tekist hefur
að hlífa stórum svæðum við ána
sem hefðu án stíflunnar farið
undir vatn. Óttast hefur verið
að stíflan bresti vegna álagsins,
sem hefur aldrei verið meira, en
ef slíkt gerðist myndi það valda
gríðarlegri eyðileggingu og
manntjóni á svæðinu.
75 prósent héraða landsins hafa
að einhverju leyti orðið fyrir
skaða vegna flóðanna. Þá hafa 25
ár í landinu náð methæð í rigning-
um síðustu vikna. Regntímabilinu
er ekki lokið og er því hætt við því
að flóðin haldi áfram um sinn.
Flóðavarnir voru notaðar sem
ein helstu rökin fyrir því að
stíflan yrði byggð árið 2003, en
hún kostaði Kínverja 27,2 millj-
arða dollara. Stíflan er sú stærsta
í heiminum og var mjög umdeild
þar sem bygging hennar krafð-
ist brottflutnings 1,4 milljóna
manna.
Af þeim 701 sem hefur látist
vegna flóða og aurskriða á árinu
hafa 187 látist á síðustu tveim-
ur vikum. Einnig er 173 sakn-
að. Yfir 35 milljónir manna í
landinu hafa orðið fyrir röskun
vegna veðursins og 1,2 milljónir
hafa þurft að yfirgefa heimili sín
vegna þeirra. Flóðin hafa kostað
21 milljarð dollara frá áramótum.
Hrísgrjónauppskera gæti dregist
saman um tíu prósent og sú tala
gæti farið upp í tuttugu prósent á
sumum svæðum.
Stærsta stífla heims
heldur flóðum í skefjum
Þriggja gljúfra stíflan er sú stærsta í heiminum, en er einnig hluti af stærsta
rafmagnsorkuveri heimsins. Vinna við hana hófst árið 1994 og henni var
lokið árið 2008. Hún er 2.335 metrar á lengd, 185 metrar á hæð og 115
metrar á breidd, þar sem mest er. Hámarksrennsli um hana er 98.800 rúm-
metrar á sekúndu. Virkjunin framleiðir 100 þúsund gígavattstundir á ári.
Kárahnjúkastíflan er stærsta stíflan á Íslandi. Vinna við hana hófst 2003
og henni lauk árið 2006. Hún er 700 metrar á lengd og 198 metrar á hæð,
sem gerir hana hærri en Þriggja gljúfra stífluna. Mesta mögulega rennsli
er 144 rúmmetrar á sekúndu. Kárahnjúkavirkjun framleiðir 4.600 gígavatt-
stundir á ári.
Stærstu stíflurnar í Kína og á Íslandi
FRÉTTASKÝRING: Hamfarir í Kína
Þórunn Elísabet
Bogadóttir
thorunn@frettabladid.is
STÆRSTA STÍFLAN Metmagni vatns var hleypt úr stíflunni í gær, en rennslið var 40
þúsund rúmmetrar á sekúndu.
KOMIST Í BURTU Flóðin hafa orðið til þess að rúm milljón Kínverja hefur þurft að flýja heimili sín á undanförnum vikum. Þetta fólk fór á litlum bátum eftir götu í Dazhou í suðvesturhluta landsins. NORDICPHOTOS/AFP