Fréttablaðið - 22.07.2010, Blaðsíða 44

32 22. júlí 2010 FIMMTUDAGUR
tonlist@frettabladid.is
TÓNNINN GEFINN
Trausti Júlíusson
> Í SPILARANUM
Wavves - King of the Beach
Björk / Dirty Projectors - Mount Wittenberg Orca
The Drums - The Drums
Klassart - Bréf frá París
Hljómsveitin The Drums
frá Brooklyn í New York
hefur fengið góða dóma
fyrir sína fyrstu plötu. The
Smiths og Joy Division eru
á meðal áhrifavalda.
The Drums, sem spilaði á Air-
waves-hátíðinni í fyrra, var stofn-
uð árið 2008 af æskuvinunum
Jonathan Pierce og Jacob Gra-
ham. Ungir að árum stofnuðu
þeir elektró-poppsveitina Goat
Explosion, sem ekki fór mikið
fyrir. Eftir það fór hvor í sína átt-
ina. Pierce stofnaði indí-rokksveit-
ina Elkland, sem fékk útgáfusamn-
ing hjá risanum Columbia Records,
en Graham stofnaði Horse Shoes.
Þeir fundu sig ekki alveg í böndun-
um tveimur og ákváðu að breyta
til og stofna The Drums þar sem
meiri áhersla yrði lögð á gítarpopp
undir áhrifum frá The Smiths,
Joy Division, The Wake og The
Zombies. Þeir fengu til liðs við sig
trommarann Connor Hanwick og
Adam Kessler, fyrrverandi gítar-
leikara Elkland, og hófu æfingar
af krafti í Flórída. Þeir hljóðrituðu
fimmtán lög upp á eigin spýtur,
spiluðu á hinum ýmsu klúbbum og
söfnuðu peningum svo þeir gætu
flutt til New York þar sem auðveld-
ara er að koma sér á framfæri.
Fyrsta lagið sem The Drums
sendi frá sér, Best Friends, vakti
nokkra athygli og í desember 2009
setti BBC hljómsveitina í fimmta
sæti yfir þær sveitir sem gætu náð
frama á þessu ári. Tímaritin NME
og Clash Magazine sáu líka hversu
efnileg hún var, rétt eins og tón-
listarvefurinn Pitchfork. Þar var
hún valin bjartasta vonin fyrir
árið 2010 af lesendum.
Það var síðan í júní síðastliðn-
um sem fyrsta plata The Drums
kom út hjá Moshi Moshi og Island-
útgáfunum. Þar fær léttleikandi
gítarpopp með sumarlegum sörf-
áhrifum að njóta sín og greinilegt
að hinar miklu væntingar til
sveitarinnar voru engin tilviljun.
„Við semjum aðeins lög þar sem
tvær tilfinningar koma við sögu,“
útskýra þeir félagar. „Önnur snýst
um fyrsta dag sumarsins þegar
þið, þú og allir vinir þínir, stand-
ið á bjargbrúninni, horfið á sól-
ina setjast og finnið vonir ykkar
og drauma hellast yfir ykkur. Hin
snýst um það þegar þið eruð ein á
gangi í rigningunni og áttið ykkur
á að þið verðið ein það sem eftir
er.“
Dómarnir fyrir plötuna hafa víð-
ast hvar verið framúrskarandi. Til
marks um það fær hún 74 af 100
mögulegum í einkunn á síðunni
Metacritic.com sem safnar saman
gagnrýni úr ýmsum áttum.
The Drums hefur verið dugleg
við tónleikahald á árinu. Hún hefur
hitað upp fyrir Kings of Leon og
Florence and the Machine og mun
spila víðs vegar um Evrópu það
sem eftir er ársins.
freyr@frettabladid.is
Sumarlegt sörf-gítarpopp
THE DRUMS Hljómsveitin The Drums hefur vakið athygli fyrir léttleikandi indí-popp sitt. NORDICPHOTOS/GETTY
Nýlega voru tillögur Alþjóðagjaldeyrissjóðsins í skattamálum birtar
í fjölmiðlum. Ein þeirra er að hækka virðisaukaskatt á tónlist úr 7% í
25,5%. Afleit hugmynd. Nú er það þannig að skoðanir fólks á skatta-
hækkunartillögum ráðast oft af því hvernig þær koma við það sjálft.
Ég hef mikinn áhuga á tónlist og þess vegna væri eðlilegt að
draga þá ályktun að andstaða mín við hækkaðan virðisauka-
skatt mótist af mínum eigin hagsmunum. Það er þó ekki
svo einfalt.
Ég er nefnilega sannfærður um að ef
þessi hækkun nær fram að ganga mun
það hafa mjög alvarlegar afleiðingar fyrir
íslenska tónlistarútgáfu og mun á endan-
um ekki skila ríkissjóði auknu fé í kassann.
Tónlistarútgáfa í heiminum hefur átt undir
högg að sækja að undanförnu vegna ólöglegs
niðurhals. Íslensk útgáfa er þar ekki undan-
skilin þó að samdrátturinn í sölu á innlendu efni
sé minni en á erlendu. Við þetta bætist sá sam-
dráttur sem er til kominn vegna minnkandi ráð-
stöfunartekna í kjölfar bankahrunsins.
Íslenskir útgefendur hafa brugðist við þessum
samdrætti með því að lækka kostnað. Gömlu
útgáfurnar eins og Sena hafa m.a. fækkað titlum og sett fjárfrekari
verkefni í salt. Yngri útgáfur hafa fundið nýjar leiðir til að koma tón-
listinni til hlustenda. Ágætt dæmi er Brak-útgáfan sem sérhæfir sig
í ódýrum og einföldum plötum. Samhliða þessu hafa tónlistarmenn
og útgáfur unnið í að þróa netsölu, m.a. í gegnum Gogoyoko-vefinn og
Tónlist.is.
Og þrátt fyrir kreppu hefur útgefnum titlum undanfarin tvö ár ekki
fækkað að ráði. Og gæðin hafa síst minnkað. Tónlistarútgáfan þolir
hins vegar ekki endalausar þrengingar. Hækkun á virðisaukaskatti
myndi leiða til verulegra verðhækkana og hruns í sölu á tónlist og mun
ekki skila miklu í sameiginlega sjóði landsmanna. Vonandi ber íslensk-
um stjórnvöldum gæfa til að fara ekki eftir þessum vondu tillögum
Alþjóðagjaldeyrissjóðsins.
Slæm hugmynd frá AGS
■ Breska reggísveitin UB40 fór
á topp bandaríska Billboard-
listans með lagið Can‘t Help
Falling in Love 24. júlí árið
1993.
■ Lagið var á toppnum í heilar
sjö vikur.
■ Can‘t Help Falling in Love er
eftir eftir George Weiss, Hugo
Peretti og Luigi Creatore og
er byggt á Plaisir d’amour eftir Jean Paul Egide
Martini.
■ Elvis Presley söng lagið inn á smáskífu árið
1962 við miklar vinsældir.
■ UB40 hafði ekki komist á topp Billboard-listans
í tíu ár þegar hljómsveitin kom
laginu á toppinn. Árið 1983 kom
hljómsveitin laginu Red Red
Wine á toppinn víða um heim.
■ Hljómsveitinni tókst ekki að
endurtaka leikinn árið 2003
þegar hún gaf út lagið Swing
Low. Það komst hæst í 15. sæti
breska listans en komst ekki inn
á þann bandaríska.
■ UB40 er ein farsælasta hljómsveit allra tíma og
hefur selt meira en 70 milljónir platna.
■ Hljómsveitin er enn á fullu og gaf síðast út
plötuna Labour of Love IV sem er fjórða platan
í Labour of Love-seríunni.
TÍMAVÉLIN UB40 MEÐ GAMLAN SLAGARA ÁRIÐ 1993
Á toppinn á tíu ára fresti
> PLATA VIKUNNAR
Steve Sampling - Milljón mis-
munandi manns
★★★
„Ágæt plata sem óhætt er að
mæla með fyrir aðdáendur
íslenskrar rapptónlistar.“ - tj
Hljómsveitin Mammút er á leiðinni í tónleikaferð
um Evrópu í samstarfi við Kraum. Sveitin heldur
sextán tónleika á sautján dögum í sinni stærstu tón-
leikaferð til þessa og fyrstu tónleikarnir verða í
Þýskalandi á fimmtudag. Tónleikaferðin er liður í
kynningu Mammúts á tónlist sinni og nýjustu plötu,
Karkari, í Evrópu með sérstakri áherslu á Þýska-
land og þýskumælandi lönd á borð við Austurríki og
Sviss. Ferðinni lýkur í Þýskalandi 7. ágúst. Mammút
vann Músíktilraunir árið 2004 og hefur síðan þá
gefið út tvær plötur sem hafa fengið góðar viðtökur.
Tónleikaferð
um Evrópu
MAMMÚT Hljómsveitin Mammút er á
leiðinni í tónleikaferð um Evrópu.
FRÉTTABLAÐIÐ/STEFÁN