Fréttablaðið - 22.07.2010, Blaðsíða 46
34 22. júlí 2010 FIMMTUDAGUR
bio@frettabladid.is
> TEKUR EKKI HVAÐ SEM ER
Julia Roberts segist vanda sig mun
meira núna en áður þegar hún velur
kvikmyndir til að leika í. Roberts segir
að handritið verði að vera stórbrot-
ið til að hún fái sig í að skilja
börnin sín eftir heima og fara í
vinnuna. Næsta mynd sem
er væntanleg með Juliu
Roberts í aðalhlutverki
er Eat, Pray, Love.
Leikarinn Will Smith segist trúa
því að sonur sinn Jaden geti orðið
enn meiri stjarna í Hollywood
en hann sjálfur. Jaden Smith er í
kastljósi kvikmyndabransans eftir
hlutverk sitt í Karate Kid. Strákur-
inn þótti standa sig vel og mynd-
in var vel sótt í Bandaríkjunum.
„Myndin fékk meiri aðsókn fyrstu
sýningarhelgina en flestar mínar
myndir svo ég veit ekki hvort hann
vill búa með okkur,“ spaugaði Will
Smith, sem áttaði sig fyrst á frægð
sonarins þegar hann var kallaður
pabbi Karate Kid-stráksins.
Jaden Smith, sem er 12 ára, sló
í gegn þegar hann lék með föður
sínum í myndinni The Pursuit of
Happyness árið 2006.
Björt framtíð
FLOTTIR FEÐGAR Will Smith hefur mikla
trú á syni sínum Jaden í kvikmynda-
bransanum. FRÉTTABLAÐIÐ/APPHOTO
Hugmyndaræningi fær
erfiðasta verkefni ferilsins
HUGARLEIKUR Í myndinni Inception, sem var frumsýnd hér á landi í gær, er mikið
um tæknibrellur og flottar tökur.
Heimildarmyndin Babies var frumsýnd
í bíóhúsum landsins í gær. Í myndinni fá
áhorfendur að fylgjast með fjórum börnum
frá ólíkum heimshornum frá því að þau
fæðast og þangað til þau taka sín fyrstu
skref. Ólíkir menningarheimar eru born-
ir saman og mismunandi aðferðir við
uppeldi, eftir því hvort maður er alinn
upp innan um háhýsin í Japan eða á þurr-
um sléttum Mongólíu. Foreldrarnir eiga
það sameiginlegt að ala upp manneskj-
ur sem munu búa saman í heiminum í
framtíðinni.
Ponijao er frá Namibíu þar sem börn
eru látin skríða í moldinni og mömm-
urnar í þorpinu skiptast á að gefa
brjóst, og söngur og dans er stór hluti
af lífi barnanna.
Bayar frá Mongólíu er oft skilinn einn
eftir með geitunum, hananum eða kúnum.
Hann fær að kenna á því hjá stóra bróð-
ur sínum en lærir að standa á eigin fótum
í lokin.
Mari frá Japan, fer um allt með mömmu
sinni, sem ber hana í poka á bakinu í
umferðaröngþveitinu í Tókýó, tekur skap-
ofsaköst og á foreldra sem sjá ekki sólina
fyrir henni.
Hattie frá San Francisco er umvafin öllu
því helsta barnadóti sem hinn vestræni
heimur telur vera eðlilegt og á meðvitaða
foreldra sem gefa barninu sínu aðeins það
besta.
Það er franski leikstjórinn Tomas Balmes
sem ásamt tökuliði sínu hefur fylgt börnun-
um eftir og ferðast reglulega um heiminn
til að ná augnablikum í þeirra lífi. Myndin
fær almennt fína dóma hjá gagnrýnendum
vestanhafs og blaðamaður New York Times
segir myndina meðal annars vera ómót-
stæðilega og skylduáhorf fyrir foreldra.
Fyrsta árið í lífi barns sýnt í bíóhúsum
ÓMÓTSTÆÐILEGUR Ponijao frá Namibíu gefur
áhorfendum tækifæri til að sjá hvernig er að
vaxa úr grasi í moldarkofa í Afríku.
Leikarinn Mark Wahlberg segist elska nýj-
ustu mynd sína, The Fighter, eins og barnið
sitt. Hann hafi unnið að því að koma mynd-
inni í framleiðslu í fjögur ár. Handritið, sem
byggt er á raunverulegum atburðum, hafi
haft djúp áhrif á hann og myndin sé ein af
hans bestu myndum.
The Fighter, sem verður frumsýnd í
desember í Bandaríkjunum, fjallar um írska
boxarann Micky Ward og hvernig honum
ásamt bróður sínum tókst að verða atvinnu-
maður í íþróttinni.
Elskar Boxarann sinn
WAHLBERG Segir nýjustu mynd sína The Fighter
vera eina af hans bestu hingað til.
FRÉTTABLAÐIÐ/GETTY
Leikarinn Joseph Gordon-Levitt, sem leikur
aðstoðarmann Leonardo DiCaprio í Inception,
er ekki nýr af nálinni í Hollywood. Þótt hann
sé aðeins 29 ára gamall hefur hann leikið
í meira en tuttugu ár. Gordon-Levitt er hin
dæmigerða barnastjarna. Hann byrjaði ungur
að leika í sjónvarpsauglýsingum og fékk hlut-
verk í ótal þáttaröðum og kvikmyndum eftir
það. Flestir þekkja hann úr hundamyndinni
Beethoven, sjónvarpsþáttunum 3rd Rock from
the Sun og unglingamyndinni 10 Things I
Hate About You.
Gordon-Levitt hefur fengið mikið hrós fyrir
frammistöðu sína á hvíta tjaldinu að undanförnu
en hann hefur verið duglegur að taka að sér
hlutverk í litlum sjálfstæðum kvikmyndaverkefn-
um. Dagblaðið New York Times sagði hann vera
einn mest spennandi leikara dagsins í dag.
Kappinn er því ein af fáum barnastjörnum
sem ná að slá í gegn eftir kynþroska.
BARNASTJARNA
Inception, nýjasta afkvæmi
leikstjórans Christophers
Nolan er sögð brjóta blað
í kvikmyndasögunni og
vera eins konar blanda af
James Bond og Matrix.
Gagnrýnendur keppast
við að lof syngja myndina
sem hefur fengið afbragðs-
dóma í mörgum miðlum.
Myndin á það sameiginlegt
með söguþræði hennar að
brjótast inn í hugarheim
áhorfandans.
Sofandi manneskja er fullkom-
ið fórnarlamb. Sérstaklega fyrir
ræningja. Dom Cobb er sá færasti
í faginu. Hann læðist inn og tekur
það sem manni er kærast. Cobb
rænir draumum og hugmyndum
úr hugum manna. Leikarinn Leon-
ardo DiCaprio leikur hugmynda-
ræningjann Cobb sem vinnur fyrir
auðvaldið og er eftirlýstur af rík-
inu. Hann hefur fórnað öllu fyrir
vinnuna en er nú farinn að vilja lifa
eðlilegu lífi. Hann fær þau skila-
boð að vinni hann eitt lokaverkefni
muni hann endurheimta líf sitt.
Verkefnið er samt hægara sagt en
gert að leysa því Cobbs og hans
teymi þurfa að planta hugmynd í
stað þess að ræna henni. Hinn full-
komni glæpur ef vel tekst.
Í myndinni leikur einnig Ellen
Page, en Page var einmitt tilnefnd
til Óskarsverðlauna fyrir hlutverk
sitt sem barnshafandi táningurinn
í Juno. Franska fegurðardísin Mar-
ion Cotillard fer með hlutverk eig-
inkonu Leonardo og hinn ungi leik-
ari Jospeh Gordon-Levitt leikur
aðstoðarmann DiCaprio.
Inception er hugarfóstur leik-
stjórans Christophers Nolan.
Hann leikstýrir, framleiðir og
skrifar handritið sjálfur að mynd-
inni. Nolan er meðal annars þekkt-
ur fyrir myndirnar Memento og
síðustu tvær Batman-myndirnar.
Vinnan við Inception hófst fyrir
tíu árum og átti upphaflega að vera
hryllingsmynd um draumræningja.
Nolan segist sjálfur hafa verið mjög
upptekinn af draumum frá 16 ára
aldri og vildi komast að því hvort
hægt væri að stjórna hvað færi um
heilann í fólki á meðan það svæfi.
Gagnrýnendur vestanhafs eru
flestir sammála um að myndin sé
meistaraverk. Rolling Stone gefur
henni fjóra og hálfa stjörnu af
fimm mögulegum og segir hana
vera kærkomna nýjung í kvik-
myndaflóruna.
alfrun@frettabladid.is
Leikstjórinn David Fincher er enn að leita í
Hollywood að leikkonu sem getur farið með
hlutverk Lisbet Salander í bandarískri end-
urgerð af sænsku myndinni Karlar sem
hata konur eftir Stieg Larsson. Fincher á í
hinum mestu erfiðleikum enda mun mikið
mæða á leikkonunni sem fær að gera flókn-
um karakter Salander skil.
Margar hafa verið orðaðir við hlutverk-
ið eins og Ellen Page úr Juno, Mia
Wasikowska úr Lísu í Undralandi og
Natalie Portman. Sú sem þykir lík-
legust til að hreppa hnossið núna
er samt leikkonan Carey Mulligan.
Hún hefur ekki leikið í mörgum
stórmyndum en Fincher mun ekki
vilja leikkonu í hlutverkið sem er of
fræg.
Á vefsíðunni IMDB er greint frá
því að búið sé að ráða Daniel Craig
í hlutverk ráðagóða blaðamanns-
ins Mikael Blomkvist og að áætluð
frumsýning sé árið 2012.
Leitin mikla að Salander
LEÐURKLÆDDI TÖFFARINN Bandaríkjamenn
virðast eiga í mestu vandræðum með að ráða í
hlutverk Lisbet Salander.
CAREY MULLIGAN
Sú sem þykir
líklegust til að fá
hlutverkið.