Fréttablaðið - 22.07.2010, Blaðsíða 53
FIMMTUDAGUR 22. júlí 2010 41
Leikkonan Eva Mendes segir að
það sé meira í sig spunnið en bara
útlitið. Hún er engu síður dugleg
við að nota fegurðina til að koma
sér áfram í kvikmyndabransan-
um. „Ég er sátt við kvenleika minn
og kynþokka og ég notfæri mér
útlitið hvort sem ég er að leika á
móti Denzel Washington í Train-
ing Day eða í auglýsingaherferð
fyrir Calvin Klein,“ sagði Mendes,
sem er 36 ára. „Ég er mjög stolt af
þessu öllu saman. Mér líður vel í
eigin skinni en útlitið er samt ekki
allt. Ég les líka bækur hvort sem
þið trúið því eða ekki.“
Hefur meira
en fegurðina
Liam Gallagher, fyrrverandi
söngvari Oasis og núverandi
söngvari Beady Eye, segist hafa
verið með John Lennon á heilan-
um síðan hann var átta ára. Þá
sá hann myndband við Lennon-
lagið Imagine í sjónvarpinu. „Ég
var átta ára og man að ég kom
niður stigann og sá Imagine í
sjónvarpinu,“ sagði Gallagher.
„Ég er hrifinn af rödd Lennons,
þetta snýst allt um hana. Mér er
alveg sama þótt hann hafi barist
fyrir friði eða verið ástfanginn af
Yoko. Ég er bara hrifinn af rödd-
inni hans. Hún hreyfir við mér.
Hún getur gert mig sorgmæddan,
glaðan, reiðan eða hvað sem er.“
Með Lennon
á heilanum
LIAM GALLAGHER Fyrrverandi söngvari
Oasis hefur verið með John Lennon á
heilanum síðan hann var átta ára.
EVA MENDES Mendes segir að það sé
meira spunnið í sig en bara gott útlit.
„Þetta er samvinnuverkefni tíu
hönnuða sem ákváðu að opna
verslun á eigin vegum svo hægt
væri að halda verðinu niðri.
Okkur fannst líka sniðugt að
standa saman í þessu þar sem
það er minni fjárhagsleg áhætta
fyrir hvern og einn auk þess sem
fyrirkomulagið hentar okkur vel.
Við skiptum á milli okkar vökt-
um og því gefst meiri tími til að
sinna hönnunarvinnu,“ útskýrir
Ásgrímur Már Friðriksson, en
hann er á meðal þeirra hönnuða
sem opna verslunina Kiosk Búð-
ardóttur við Laugaveg 33.
Ásgrímur Már segir hönnuð-
ina sjálfa hafa tekið að sér hlut-
verk iðnaðarmanna og hafi blóð,
sviti og tár farið í að hanna versl-
unina. „Við stóðum sjálf í því að
taka allt húsnæðið í gegn og við
erum afskaplega stolt af verslun-
inni. Þetta er gamalt hús og það
var mikið sparslað,“ segir hann
og hlær.
Auk Ásmundar Más munu
hönnuðirnir Eygló Lárusdóttur,
Rebekka Jónsdóttir, Sævar Mark-
ús, Ýr Þrastardóttir, Arna Sig-
rún Haraldsdóttir, Hlín Reykdal,
María Sigurðardóttir og Edda og
Sólveig Guðmundsdætur selja
hönnun sína í versluninni.
Sérstakt opnunarteiti verð-
ur haldið í tilefni opnunarinnar
og hefst gamanið klukkan 17.00
í dag. Danski plötusnúðurinn Dj
Djuna Barnes mun leika létta
tóna og veitingar verða í boði.
- sm
Ungir hönnuðir opna verslun
KIOSK BÚÐARDÓTTIR
Tíu efnilegir hönnuðir opna saman
verslunina Kiosk Búðardóttur. Á
myndina vantar Rebekku Jónsdóttur,
Ýr Þrastardóttur og Sævar Markús.
FRÉTTABLAÐIÐ/ARNÞÓR BIRKISSON