Fréttablaðið - 27.07.2010, Blaðsíða 6

6 27. júlí 2010 ÞRIÐJUDAGUR
Góður ávöxtunarkostur – einnig í áskrift
@Hafðu samband við
ráðgjafa okkar í
síma 460 4700 eða
kynntu þér málið
á www.iv.is
STJÓRNMÁL Aðildarviðræður Íslands
við ESB hefjast formlega á ríkjaráð-
stefnu í Brussel í dag. Á fundinum
verður lögð fram greinargerð um
afstöðu ríkisstjórnarinnar til kom-
andi viðræðna. Þar mun ESB einn-
ig leggja fram greinargerð auk þess
sem Össur Skarphéðinsson utan-
ríkisráðherra, Stefan Füle, stækk-
unarstjóri ESB, og Steven Vanack-
ere, utanríkisráðherra Belgíu, taka
til máls.
Greinargerðin, sem Fréttablaðið
hefur undir höndum, er umfangs-
mikil. Umsóknin er sett í menning-
arlegt og sögulegt samhengi auk
þess sem helstu áherslur Íslend-
inga í komandi viðræðum eru settar
fram. Stærstur hluti greinargerðar-
innar fjallar um sérstöðu Íslendinga
hvaða varðar sjávarútveg, landbún-
að og byggðaþróun.
Greinargerðin hefst á yfirlýsingu
frá ríkisstjórninni sem fagnar ein-
róma niðurstöðu Evrópuráðsins um
að hefja viðræðurnar. Umsóknin
er sögð eðlilegt framhald af þátt-
töku Íslands í samvinnu vestrænna
lýðræðisríkja.
Í greinargerðinni heitir ríkis-
stjórnin því að fylgja leiðsögn
Alþingis í ferlinu. Það skuli vera
opið og gagnsætt og aðkoma allra
viðkomandi aðila verði tryggð.
Viðræðurnar verði kynntar fyrir
Íslendingum á heiðarlegan og
opinn hátt til að tryggja heilbrigða
umræðu um kosti og galla aðildar.
Lokaorðið verði síðan hjá íslensku
þjóðinni sem muni kjósa um aðild í
þjóðaratkvæðagreiðslu.
Lögð er þung áhersla á sérstöðu
Íslands og tekið fram að lausnir á
deilumálum viðræðnanna verði að
þjóna hagsmunum beggja aðila.
„Ísland yrði minnsta, strjálbýlasta
og vestasta aðildarríki ESB. Það er
langt frá hinum ríkjunum og glím-
ir við óblíða náttúru. Þessar stað-
reyndir eru til merkis um sérstöðu
Íslands og munu móta viðræðurnar,“
segir í greinargerðinni. Þar segir
enn fremur að viðræður um þá hluta
löggjafar ESB sem EES-samningur-
inn nær yfir ættu að vera einfald-
ar. Íslendingar muni hins vegar
færa rök fyrir því að þær sérlausn-
ir sem þegar eru viðurkenndar í
EES-samningnum byggi á gildum
rökum. Þar er til að mynda um að
ræða reglur um fjárfestingu og um
orku- og umhverfismál. Einnig þurfi
að taka tillit til sjálfbærrar nýting-
ar Íslendinga á til dæmis hvölum og
ákveðnum fuglategundum. Þá skuli
eignarréttur og yfirráð yfir orku-
auðlindum og vatni eingöngu vera á
höndum aðildarríkjanna sjálfra.
Greinargerðinni lýkur á yfirlýs-
ingu þar sem segir að viðræðurn-
ar séu sögulegur atburður í sam-
skiptum Íslands og ESB. Umsóknin
færi sönnur á evrópskan arf okkar
og staðfestu um að taka þátt í
framtíðarþróun Evrópu.
magnusl@frettabladid.is
Áhersla á sérstöðu Íslands
Í aðildarviðræðunum við ESB verður lögð áhersla á sérstöðu Íslands hvað varðar sjávarútveg, landbúnað og
byggðaþróun. Viðræðurnar sagðar vera eðlilegt framhald af vestrænni samvinnu lýðræðisríkja.
Ætlar þú að ferðast um landið
um verslunarmannahelgina?
JÁ 29,7%
NEI 70,3%
SPURNING DAGSINS Í DAG:
Villt þú að þing verði rofið og
boðað til kosninga í haust?
Segðu þína skoðun á visir.is
UMSÓKNIN AFHENT Fyrir rétt um ári afhenti Össur Skarphéðinsson utanríkisráðherra
Carl Bildt, utanríkisráðherra Svíþjóðar, umsókn Íslands um Evrópusambandsaðild.
Um sjávarútveg og landbúnað í greinargerðinni
■ Þetta er í fyrsta sinn sem ESB á í viðræðum við þjóð hverrar velmegun
hvílir jafn mikið á fiskveiðum. Fiskveiðar eru kjarni íslenska hagkerfisins.
Nærri helmingur útflutnings eru fiskivörur, fiskveiðar eru mikilvægasti
atvinnuvegur sveitarfélaga við strönd landsins og tekjur á mann frá fisk-
veiðum eru 100 sinnum meiri á Íslandi en að meðaltali í ESB.
■ Sjávarútvegur er stór hluti menningar og sögu íslensku þjóðarinnar og
við börðumst af harðfylgi fyrir yfirráðum yfir auðlindinni. Ísland hefur
byggt upp nútímalegan og samkeppnishæfan fiskiðnað sem byggir á
sjálfbærum veiðum og markaðslögmálum.
■ Sameiginleg sjávarútvegsstefna ESB var ekki hönnuð með íslenskar
aðstæður í huga, rétt eins og ESB hefur viðurkennt að sameiginlega
landbúnaðarstefnan var ekki hönnuð með norðlægar aðstæður í huga.
■ Tryggja þarf stjórn Íslendinga á nýtingu okkar fiskistofna. Þessu má ná
fram með því að skilgreina Ísland sem sérstakt stjórnunarsvæði undir
yfirráðum Íslendinga. Einnig þarf að tryggja að reglan um hlutfallslegan
stöðugleika standi svo við höldum núverandi hluta af veiðum flökku-
stofna.
■ Auðlindir Íslendinga í sjó verður að nýta Íslendingum til hagsbóta og
reglur um fjárfestingu eiga ekki að leiða til þess að farið sé framhjá þess-
ari forsendu. Ísland getur ekki sætt sig við reglur ESB um brottkast.
■ Landbúnaður er mikilvægur hluti í menningu Íslendinga.
■ Þrátt fyrir erfiðar aðstæður hafa íslenskir bændur alla tíð tryggt fæðuör-
yggi sem er lykilatriði fyrir öryggi jafn landfræðilega einangraðrar þjóðar.
■ Við verðum að geta tryggt fjárhagslega stöðu íslenskra bænda, fjöl-
skyldna þeirra og brothættra sveitasamfélaga. Það verður að tryggja að
aðild stefni ekki heilum geira í hættu.
Um endurreisn í
greinargerðinni
■ Þátttaka í innri markaði ESB án
aðildar að ESB og evrunni reyndist
vera hættuleg samsetning fyrir
lítið, opið hagkerfi og var einn
þeirra þátta sem ollu íslenska
efnahagshruninu. Aðild að ESB
og upptaka evru er ein leið til að
takast á við það vandamál.
■ Ísland vill taka þátt í myntsam-
starfi ESB og uppfylla skilyrðin
fyrir upptöku evru. Við viljum með
sameiginlegu átaki losa gjaldeyris-
höftin og styrkja krónuna.
■ Aðild að ESB er engin töfralausn
á efnahagsvandræðum okkar, þau
þurfum við að leysa. Ákvörðun
Alþingis um að sækja um fulla
aðild að ESB er engu síður nauð-
synlegur þáttur í efnahagsbata
Íslands og leit að langtímastöð-
ugleika.
VIÐSKIPTI Ný verslunarkeðja ætlar
sér að opna fimm matvöruversl-
anir á höfuðborgarsvæðinu á
næstunni. Auglýst var eftir hús-
næði í helgarblaði Fréttablaðsins
og herma heimildir blaðsins að
viðbrögðin hafi verið góð.
Heimildarmaður blaðsins, sem
tengist félagi sem undirbýr stofn-
un matvöruverslananna, segir að
með því að auglýsa eftir um 2.000
fermetra húsnæði á fimm stöð-
um á höfuðborgarsvæðinu sé nýtt
skref í átt að því að opna verslan-
irnar stigið. Erfitt sé að segja fyrir
um hvenær þær verði opnaðar, en
ef vel gangi geti hlutirnir gerst
hratt.
Samkvæmt heimildum Frétta-
blaðsins standa erlendir fjárfestar
að baki framtakinu. Fjármögnun
virðist vel á veg komin, ef marka
má auglýsinguna sem birt var á
laugardag, þar sem lofað var tólf
mánaða leigu fyrirfram.
Ekkert fékkst uppgefið frá for-
svarsmönnum hins nýja félags í
gær hvers konar verslanir stæði til
að opna. Í auglýsingunni var áhuga-
sömum bent á að senda póst á aug-
lýsingadeild 365 miðla merktum
„Betri en Bónus“, og má því búast
við að um lágvöruverðsverslanir
verði að ræða. - bj
Erlendir fjárfestar að baki nýju félagi sem haslar sér völl á matvörumarkaðnum:
Ætla að opna fimm matvöruverslanir
VERSLAÐ Verslunarkeðjur í eigu Haga
og Kaupáss eru langstærstar á íslenska
matvörumarkaðnum en nýjar verslanir
munu bætast í flóruna á næstunni.
FRÉTTABLAÐIÐ/VILHELM
ORKUMÁL Um 14.500 manns hafa
skrifað undir áskorun til stjórn-
valda á síðunni orkuauðlindir.is
um að þau komi í veg fyrir sölu á
HS orku til Magma.
Björk Guðmundsdóttir og hinir
aðstandendur síðunnar sendu
þingmönnum bréf í gær þar sem
þremur spurningum var varpað
fram um orkuauðlindir Íslendinga
og Magma-málið. Voru þeir beðn-
ir um að svara þessum spurning-
um játandi eða neitandi en svörin,
ásamt frekari skýringum eða yfir-
lýsingum sem kunna að berast,
verða birt á síðunni. - sv
Undirskriftasöfnun Bjarkar:
Hátt í 15.000
mótmælendur
FÓLK Tvær vikur eru liðnar frá því
að samhjálparverkefninu Sam-
herjanum var hleypt af stokk-
unum og hefur verkefnið gengið
vonum framar. Boðið er upp á
ókeypis máltíðir í hádeginu í
mötuneyti Stýrimannaskólans alla
virka daga út júlí og hefur matar-
gestum farið fjölgandi dag frá
degi. Fyrsta daginn komu um 70
manns og í kjölfarið hefur talan
farið vaxandi, en síðasta föstudag
komu um 200 manns í hádegismat.
Um 200 sjálfboðaliðar hafa lagt
hönd á plóg og fyrirtækin sem
standa að verkefninu eru orðin 41
talsins. - sv
Samhjálparverkefni vinsælt:
Yfir 200 manns
í hádegismat
MENNING Listamaðurinn Erró
verður sæmdur Riddaraorðu
frönsku heiðursfylkingarinnar,
æðsta heiðursmerki Frakklands.
Er þetta gert fyrir rúmlega
hálfrar aldar framlag Erró til
franskra lista og menningar og
mun að öllum líkindum Nicol-
as Sarkozy, Frakklandsforseti,
sæma hann orðunni. Erró verð-
ur einn af fimm einstaklingum
sem fá viðurkenninguna afhenta
í ár.
Erró er væntanlegur hingað
til lands í september til að vera
viðstaddur opnun sýningar sinn-
ar á klippimyndum í Listasafni
Reykjavíkur. - sv
Heiðraður af Frökkum:
Erró sæmdur
riddaraorðu
ERRÓ Er einn af fimm sem sæmdir verða
Riddaraorðu frönsku heiðursfylkingar-
innar í ár.
FP
P
H
O
TO
F
R
ED
R
IK
P
ER
SS
O
N
/S
C
A
N
PI
X
KJÖRKASSINN