Fréttablaðið - 28.07.2010, Blaðsíða 6

6 28. júlí 2010 MIÐVIKUDAGUR
FJÁRMÁL Seðlabanki Íslands segir
að ýtrasta túlkun á nýlegum
dómum Hæstaréttar um gengis-
tryggð lán geti þýtt að ríkissjóð-
ur þurfi að leggja allt að 160 millj-
arða króna inn í bankakerfið í nýju
eigin fé.
Umboðsmaður Alþingis óskaði
eftir skýringum á tilmælum Seðla-
bankans og Fjármálaeftirlitsins
um útreikninga á gengistryggðum
lánum. Í tilmælunum fólst að fjár-
málafyrirtæki ættu að miða við
lægstu óverðtryggðu vexti Seðla-
bankans. Í svari sínu undirstrikar
Seðlabankinn að tilmælin séu ekki
bindandi og til bráðabirgða þar til
niðurstaða dómstóla um þennan
þátt liggi fyrir.
Seðlabankinn segir að málið
muni geta haft mikil áhrif á láns-
hæfi Íslands og traust á fjármála-
kerfinu. Sú hætta geti skapast að
erlendir aðilar endurmeti viðhorf
þeirra til fjárfestinga á Íslandi til
lengri tíma. Það myndi þýða minni
erlenda fjárfestingu og verri kjör á
erlendum lántökum og rýrari þjóð-
artekjur í framtíðinni með áhrif-
um á komandi kynslóðir.
Að sögn Seðlabankans hefur
töluvert áunnist eftir hrunið.
„Verði ríkissjóður hins vegar
fyrir jafnstóru áfalli og nefnt
var hér að framan gæti það tafið
framgang efnahagsáætlunarinnar
um mörg ár,“ segir Seðlabankinn
sem kveður það skyldu bankans
og Fjármálaeftirlitsins að standa
vörð um brýna almannahagsmuni
„jafnvel þótt það kunni að stang-
ast á við einkahagsmuni ákveðins
hóps skuldara“.
Fjármálaeftirlitið birti einnig í
gær svar sitt til umboðsmanns. Þar
er tekið í svipaðan streng. Segir að
í kjölfar hvatningar frá Samtökum
lánþega til innstæðueigenda um að
taka fé sitt úr bönkum og til lán-
takenda um að hætta að greiða af
gengistryggðum lánum hafi skap-
ast hættuástand sem tefldi fjár-
málastöðugleika í tvísýnu.
Seðlabankinn segir eftirlits-
stofnanir stundum hafa verið of
hikandi við að beita úrræðum.
„Seðlabankinn og Fjármálaeftir-
litið eru staðráðin í að læra af mis-
tökum undanfarandi ára,“ segir
bankinn sem kveðst hafa gefið út
tilmælin umdeildu með vísan til
lagaákvæðis um að stuðla að virku
og öruggu fjármálakerfi.
„Óvissan um vaxtakjör af áður
gengistryggðum lánum í íslensk-
um krónum, sem Hæstiréttur
dæmdi ólögmæt, kann að koma
sér vel fyrir einstök fyrirtæki og
einstaklinga, en getur hins vegar
haft hörmulegar afleiðingar fyrir
þorra fólks, leiði hún til þess að
fjármálafyrirtæki falli eða standi
svo tæpt að ríkissjóður verði að
leggja því til umtalsvert eigið
fé. Seðlabankanum ber að líta til
hagsmuna heildarinnar,“ segir
Seðlabanki Íslands.
gar@frettabladid.is
Almannahagsmunir
ástæða vaxtatilmæla
Seðlabanki Íslands segir tilmælum vegna gengistryggðra lána ætlað að vernda
stöðugleika fjármálakerfisins og hagsmuni almennings og til að hindra margra
ára tafir á endurreisninni. Þetta kemur fram í svari til umboðsmanns Alþingis.
BANKASTJÓRAR SEÐLABANKANS Arnór Sighvatsson, aðstoðarbankastjóri Seðlabank-
ans, og Már Guðmundsson seðlabankastjóri segjast í svari til umboðsmanns Alþingis
hafa dregið þann lærdóm af hruninu að hika ekki við að beita úrræðum til verndar
fjármálastöðugleika. FRÉTTABLAÐIÐ/VILHELM
Vilt þú að þing verði rofið og
boðað til kosninga í haust?
JÁ 55,4%
NEI 44,6%
SPURNING DAGSINS Í DAG:
Ert þú sáttur við niðurstöðu
ríkisstjórnarinnar í Magma-
málinu?
Segðu þína skoðun á visir.is
DÓMSMÁL Hússtjórnin við Gram-
ercy Park á Manhattan, þar sem
hjónin Jón Ásgeir Jóhannesson og
Ingibjörg Pálmadóttir eiga íbúð-
ir, gerði mun strangari kröfur um
upplýsingar og veð en íslenska
bankakerfið gerði nokkurn tíma.
Þetta fullyrðir heimildarmaður
New York Post, sem fjallaði um
málið í gær.
Fréttablaðið hefur greint ítar-
lega frá deilunum um hússtjórn-
argögnin í New York. Slitastjórn
Glitnis hefur stefnt framkvæmda-
stjóra húsfélagsins til að afhenda
gögnin í tengslum við málarekst-
urinn þar ytra gegn hjónunum og
fimm öðrum sem taldir eru hafa
valdið Glitni nánast ómældu tjóni
með afskiptum sínum fyrir hrun.
Telur slitastjórnin að í gögnun-
um, sem krafist var þegar íbúðirn-
ar voru keyptar, sé að finna mikil-
vægar upplýsingar um eignastöðu
Jóns Ásgeirs fyrir bankahrun
og meint undanskot hans. Þá geti
þau varpað frekara ljósi á tengsl
stefndu við New York sem gæti
kippt fótunum undan frávísunar-
kröfu þeirra.
Jón Ásgeir og Ingibjörg hafa
mótmælt því harðlega að gögnin
verði opinberuð og segja þau per-
sónulegs eðlis. Von er á niðurstöðu
í málinu á haustmánuðum. - sh
Hússtjórn lúxusíbúðablokkar á Manhattan gerði miklar kröfur um upplýsingagjöf:
Strangari en íslenska bankakerfið
GRAMERCY PARK Íbúðirnar eru metnar
á tvo og hálfan milljarð. Landsbankinn
hefur nú leyst aðra þeirra til sín.
SAMFÉLAGSMÁL Um tíu prósent íslenskra karlmanna,
15 ára og eldri, hafa einhvern tíma farið í áfengis-
eða vímuefnameðferð á meðferðarheimilinu Vogi.
Hlutfall kvenna í landinu er töluvert lægra, eða um
fjögur prósent.
Þetta kemur fram í ársskýrslu SÁÁ.
Vogur hóf starfsemi sína árið 1984 og síðan þá
hafa 60.524 komur verið skráðar og í árslok 2009
höfðu 20.579 einstaklingar, þar af 14.676 karlar og
5.903 konur innritast. Þýðir þetta að 39.945 koma
aftur, sem er um 66 prósenta endurkomuhlutfall.
Þórarinn Tyrfingsson, yfirlæknir á Vogi, segir
hlutfall þeirra sem sækja eftirmeðferðir töluvert
hærra en í fyrra.
„Ástandið er mjög breytilegt eftir vikum og mán-
uðum,“ segir Þórarinn. „En raunveruleg mynd verð-
ur ekki komin á málin fyrr en eftir sumarleyfin. Nú
liggur samfélagið í dvala.“
Eindregið er mælt með því að sjúklingar sæki
einhvers konar eftirmeðferð eftir afeitrun á Vogi,
annaðhvort á göngudeild eða á meðferðarheimilum.
Af þeim 1.714 sjúklingum sem voru skráðir á Vog
árið 2009, fór 1.131 í eftirmeðferð, sem þýðir að um
35 prósent sóttu enga eftirmeðferð. - sv
Hátt hlutfall Íslendinga fer á meðferðarheimilið Vog einhvern tímann á ævinni:
Tíu prósent karla fara á Vog
SJÚKRAHEIMILIÐ VOGUR Um 66 prósent þeirra sjúklinga sem
fara á Vog koma einhvern tímann aftur. FRÉTTABLAÐIÐ/HEIÐA
Þú getur alltaf lesið Fréttablaðið frítt á Vísi
eða fengið sendan daglegan tölvupóst
með blaði dagsins. Nánari
upplýsingar á: visir.is/dreifing
FRÉTTABLAÐIÐ Á NETINU
VÍSINDI Vísindamenn sem vinna
við sterkeindahraðal CERN undir
fjöllunum á landamærum Sviss
og Frakklands og gengur undir
nafninu Stóra hvells-vélin vilja nú
byggja nýjan og stærri hraðal.
Vísindamennirnir kynntu þess-
ar áætlanir sínar á ráðstefnu í
París um helgina.Hinn nýi hraðall
á að verða 50 kílómetra langur eða
nær tvöfalt lengri en sá sem vís-
indamennirnir nota núna. Kostn-
aður við að byggja slíkan hraðal
mun nema um 1.500 milljörðum
króna.
Vísindamenn við Cern:
Vilja stærri
Stóra hvells-vél
KJÖRKASSINN