Fréttablaðið - 28.07.2010, Blaðsíða 24

28. JÚLÍ 2010 MIÐVIKUDAGUR4 ● fréttablaðið ● land undir fót
Góður nætursvefn er ekki sjálfgef-
inn í tjaldútilegunni og lenda sumir í
því að koma jafnvel ekki dúr á auga.
Ef ætlunin er að tjalda til meira
en einnar nætur borgar sig því að
vera búinn öðru en litlu kúlutjaldi
og þunnum svefnpoka því annars
getur fríið hæglega breyst í hreina
martröð.
Góð tjalddýna skiptir sköpum
enda einangrar hún bæði fyrir kulda
og sér til þess að undirlagið sé hæfi-
lega mjúkt. Frauðplastdýnur, sjálf-
upplásanlegar dýnur og vindsæng-
ur koma oftast að góðum notum og
má jafnvel leggja frauðplastdýnurn-
ar tvöfalt.
Svefnpokinn ætti ekki að vera af
ódýrustu gerð enda allra veðra von
á Íslandi og getur hitastigið hæglega
farið undir frostmark um hásum-
ar. Veltið fyrir ykkur fyllingunni
sem hefur mikið að segja og spyrjið
hvort pokinn sé með vel einangraðan
rennilás. Dúnpokar fást í miklu úr-
vali og halda hita í þónokkru frosti.
Þeir eru léttir en mega hins vegar
ekki blotna svo ef hætta er á því geta
trefjapokar hentað betur.
Góður koddi og ullar- eða flísteppi
til að breiða yfir sig ef með þarf ætti
síðan að tryggja góðan svefn, meira
að segja í litlu og léttu tjaldi.
- ve
Sofið á sínu græna
Það eiga ekki allir jafn auðvelt með að sofa í tjaldi. NORDICPHOTOS/GETTYR
Við öllu búin
Ef sólin lætur á sér
kræla ætti kælitask-
an með íspinnum og
tilheyrandi alltaf að vera
innan handar. Europris,
990 krónur.
Fortjald á hjólhýsi. Seglagerðin Ægir, 159.000 krónur.
Skyggni á felli- eða hjól-
hýsi. Seglagerðin Ægir,
159.000 krónur.
Rafmagnshitari. Ell-
ingsen, 22.400
krónur.
Skyggni á tjald-
vagn. Ellingsen,
45.750 krónur
með afslætti.
Grillið gefur heitt
og gott í kroppinn.
Europris, 35.990 krónur.
Spáin fyrir verslunarmannahelgina er heldur köflótt og því er
gott að vera við öllu búin. Við felli- og hjólhýsin, sem
verða án efa tekin fram í stórum stíl, er hægt að
bæta bæði markísum og fortjöld-
um sem gefa möguleika á útiveru
þrátt fyrir jafnvel rigningu og rok.
Undir skyggnunum má grilla,
sitja að snæðingi og jafnvel taka í spil í
skjóli fyrir veðri og vindum. Fortjöldin
gefa síðan enn meiri möguleika auk
þess sem þau stækka fellihýsið, oft um
allt að helming. Gashitarar gera svo
gæfumuninn og gera fólki kleift að
sitja úti langt fram á nótt. - ve