Fréttablaðið - 28.07.2010, Blaðsíða 29
MIÐVIKUDAGUR 28. júlí 2010 3
Gerði í Suðursveit er einn þeirra
bæja sem starfa undir merkjum
Ferðaþjónustu bænda.
„Við höfum rúm fyrir 70 manns
í gistingu í íbúðarhúsi og fjór-
um smáhýsum og bjóðum upp á
morgun- og kvöldverð fyrir okkar
gesti,“ segir Björn Borgþór Þor-
bergsson, ferðaþjónustubóndi í
Gerði í Suðursveit, inntur eftir
þjónustunni. „Ég byggði við húsið
í vor, stækkaði borðsalinn, bjó til
nýtt eldhús og fjölgaði herbergjum
á efri hæðinni. Það var mjög þarft
til að betrumbæta alla aðstöðu,“
tekur hann fram.
Björn Borgþór segir alltaf eitt
og eitt herbergi laust en annars
mjög vel bókað fram í miðjan sept-
ember. „Eldgosið hafði lítil áhrif
á aðsóknina hér. Það voru nokkrir
sem afbókuðu í maí en aðrir hafa
skilað sér vel,“ segir hann.
Gerði stendur á sömu torfu og
Breiðabólsstaður, Hali og Þór-
bergssetur og blasir við frá þjóð-
vegi 1. Skammt er niður á bakka
Breiðabólsstaðarlónsins og hand-
an þess er sandfjara sem Atlants-
hafið svarrar við. Steinafjall gnæf-
ir tignarlegt í norðri, í vestri ber
Öræfajökul við loft en í austri slær
bláma á hornfirsk fjöll.
Auk ferðaþjónustunnar í Gerði
leigir Björn Borgþór út gistipláss
fyrir 70 manns á Hrollaugsstöðum
í skólahúsi og heimavist.
- gun
Byggði við í vor
Gerði stendur í grænu túni, með Steinafjall á aðra hönd og Breiðabólsstaðarlónið á
hina. FRÉTTABLAÐIÐ/GUN
Náttúruvika stendur nú yfir á
Reykjanesi.
Náttúruvika á Reykjanesi hófst
sunnudaginn 25. júlí og stendur
til 2. ágúst. Í náttúruvikunni verð-
ur margt náttúrutengt í boði eins
og gönguferðir, fuglaskoðun, sjó-
stangveiði, fjöruferðir og plöntu-
greining.
Náttúruvikan er samstarfsverk-
efni menningarfulltrúa Grinda-
víkur, Garðs, Sandgerðis, Voga,
Reykjanesbæjar og sjf menning-
armiðlunar og er styrkt af Menn-
ingarráði Suðurnesja. Nánari upp-
lýsingar er að finna á vefslóðinni
natturuvika.is. - eö
Náttúran í návígi
Fjöruferðir eru meðal þess sem verður í
boði í náttúruviku.
Átta tegundir spen-
dýra finnast á landi á
Grænlandi. Það eru
ísbirnir, sem eru þó
oftar á ís á hafi úti en
á landi, hreindýr sem
eru algeng á Vestur-
Grænlandi, sauðnaut
og hreysikettir á norð-
austurhluta landsins,
heimskautarefir sem
eru algengir um alla
strandlengjuna, úlfar
sem lifa hér og þar á
norður- og norðaust-
urhlutanum, pólhérar
sem eru algengir víða
um landið og kraga-
læmingjar sem eru
einu nagdýrin sem
eru upprunaleg.
is. wikipedia.org
Bókmenntaganga um Voga og
Heima fer fram á morgun.
Sólheimasafn Borgarbókasafnsins
efnir til bókmenntagöngu í nágrenni
safnsins á morgun. Í göngunni
verða Vogar og Heimar kynntir
sem heimaslóðir skálda, en fjölmörg
þeirra hafa búið í hverfinu.
Byggð hófst í Langholtshverfi
árið 1940 og var það lengi vel eitt
helsta úthverfi bæjarins. Út frá því
mynduðust svo Vogar og Heimar á
síðari hluta fimmta áratugarins.
Sólheimablokkirnar, sem standa
við hlið Sólheimasafns, voru helstu
háhýsi Reykjavíkur á sínum tíma
og koma meðal annars við sögu í
skáldskap Einars Más Guðmunds-
sonar, eins fyrrverandi íbúa hverf-
isins. Aðrir höfundar sem koma við
sögu í göngunni ólust ýmist upp í
hverfinu eða fluttu þangað síðar á
ævinni.
Arngrímur Vídalín og Þórhallur
Þórhallsson leiða gesti um heima-
slóðir skáldanna og verður lesið úr
verkum þeirra á völdum stöðum.
Gengið verður frá Sólheimasafni
og hefst gangan klukkan 20.
- ve
Á skáldaslóðum
í göngunni verða Vogar og Heimar
kynntir sem heimaslóðir skálda.
FRÉTTABLAÐIÐ/HEIÐA HELGADÓTTIR