Fréttablaðið - 28.07.2010, Blaðsíða 39

MIÐVIKUDAGUR 28. júlí 2010 27
Íslenski listahópurinn The
Weird Girls Project hefur
nú lokið upptökum á ellefta
verkefni sínu. Hópurinn, sem
er þekktur fyrir spandex, liti
og fríkaða andlitsmálningu,
tekur nú annan pól í hæðina
og klæðist eingöngu blóma-
krönsum.
„Ég var búin að vera með þá hug-
mynd í einhvern tíma að vinna
með nekt en þó ekki fyrr en verk-
efnið væri orðið nógu stöðugt.
Mér fannst réttinn tíminn kom-
inn og ákvað að prufa þetta,“
segir Kitty Von Sometime, for-
sprakki listahópsins Weird
Girls.
„Ég var óviss um hvernig
stelpurnar myndu bregðast við
því að vera naktar utandyra
með myndavélar út um allt. En
þetta fór fram úr mínum vænt-
ingum.“
Í þessum hópi eru hátt í sex-
tíu ólíkar stúlkur sem eru um
þrítugt og taka þátt í margvís-
legum verkefnum sem Kitty
sjálf er hugmyndasmiður að.
Þátttakendur fá mjög takmark-
aðar upplýsingar fyrir tökudag
og er markmið verkefnisins „að
bregðast við því óþekkta“. Inn-
blástur verkefnisins er að hluta
til að hvetja kvenfólk til að öðlast
sjálfstraust, þá sér í lagi í sam-
bandi við líkama sinn. Nýjasta
verkefnið er vídeósamstarf með
tónlistarmanninum Ólafi Arn-
alds og er það nokkuð ólíkt þeim
sem hingað til hafa verið.
„Ég átti nýlega barn og hef
ekki komið mér í sama form og
SKRÍTNAR STELPUR ÁN FATA
ÚR SPANDEX OG LITUM Í
NEKT OG BLÓMAKRANSA
Stelpurnar í listahópnum The Weird Girls
fara nýjar leiðir í nýjasta verkefni hópsins.
Þær finna sitt innra frelsi og sýna að hver
og einn á að vera stoltur af líkama sínum.
Verkefnið er unnið í samstarfi við tónlistar-
manninn Ólaf Arnalds. Hann semur tónlist
við myndband sem var tekið upp samhliða
myndatökunni.
M
YN
D
IR
/K
AT
R
ÍN
Ó
LA
FS
ég var í áður,“ segir Kitty. „Ég
er ekki ánægð með hvað ég er
meðvituð um líkama minn og að
ég sé ekki sátt við það sem ég sé
í speglinum. Ég reyndi að öðl-
ast traust stelpnanna með því að
sýna þeim hvernig mér liði og að
þetta væri ástæðan fyrir því að
ég vildi gera verkefnið núna. Ég
vildi að hver og ein myndi túlka
sig á sinn hátt og að við yrðum
frjálsar.“ linda@frettabladid.is
HVAÐ? HVENÆR? HVAR?
Miðvikudagur 28. júlí 2010
➜ Tónleikar
12.00 Hádegistónleikar verða haldnir
á Kjarvalsstöðum í dag kl. 12.00 og
verður fjölbreytt efnisskrá kammertón-
listar og sönglaga. Flytjendur eru ungt
tónlistarfólk búsett erlendis við bæði
nám og störf á sviði tónlistar. Aðgangs-
eyrir er 1.000 krónur, en enginn posi er
á staðnum.
12.00 Hádegistónleikar verða í Hall-
grímskirkju kl. 12.00 í dag, en þar mun
Kammerkórinn Schola cantorum koma
fram undir leiðsögn Harðar Áskelssonar.
Aðgangseyrir er 1.000 krónur og miða-
sala verður við við innganginn.
12.00 Sólveig Einarsdóttir leikur á
orgel Kristskirkju í Landakoti í dag kl.
12.00-12.30. Aðgangur er ókeypis og
öllum frjáls.
21.00 Í Höllinni, Vestmannaeyjum,
verða sameiginlegir tónleikar Hvann-
dalsbræðra og Ljótu hálfvitanna. Tón-
leikarnir hefjast kl. 21.00 og er miðaverð
í forsölu 2.500 krónur.
22.00 Tríó Ásgeirs Ásgeirssonar leikur
í Risinu (áður Glaumbar) við Tryggva-
götu í kvöld kl. 22.00. Á efnisskrá verða
perlur djassbókmennta auk blússkotins
efnis.
➜ Fundir
20.00 Opinn borgarafundur verður
haldinn í Iðnó í kvöld frá kl. 20.00 til
22.00. Fundarstjóri verður Benedikt
Erlingsson, leikari, en spurt verður hvort
allar náttúruauðlindir Íslands eigi að
vera í almannaeigu sem og sá arður
sem af þeim kemur. Fundargestir eru
hvattir til þess að mæta með undirbún-
ar spurningar.
➜ Sýningar
09.00 Kristín Sigríður Garðarsdóttir
leirlistakona og hönnuður hefur opnað
sýninguna „Í öðru rými“ á Skörinni,
Aðalstræti 10 í Reykjavík. Sýningin er
opin alla virka daga frá kl. 9-21 og um
helgar frá 12-17.
Upplýsingar um viðburði sendist á
hvar@frettabladid.is og einnig er
hægt að skrá þá inni á visir.is.