Fréttablaðið - 28.07.2010, Blaðsíða 41

MIÐVIKUDAGUR 28. júlí 2010 29
Leikarinn Mel Gibson sagði fyrr-
verandi kærustu sinni, Oksönu
Grigorievu, að hann sjái eftir því
að hafa eignast með henni barn.
Þetta kemur fram í nýrri upp-
töku sem talin er vera af Gibson
að rífast við Grigorievu. Þau eiga
saman níu mánaða dóttur, Luicu.
„Ég sé mikið eftir því að hafa
eignast barn með þér. Ég fyrir-
lít þig. Ég vil ekki fá þig aftur.
Þú hefur sýnt að þú ert ekki sú
kona sem ég vil,“ sagði Gibson.
Hann talar einnig um þann fjölda
manna sem hann vill meina að
hún hafi verið með og minnist
á tólf ára son hennar, Alexand-
er, sem hún á með leikaranum
Timothy Dalton.
Gibson fúll
út af barninu
GIBSON OG GRIGORIEVA Gibson sér eftir
því að hafa eignast barn með Grigori-
evu. NORDICPHOTOS/GETTY
Andri Már Arnlaugsson og Pan
Thorarensen standa fyrir raftón-
listarhátíðinni Undir Jökli, sem
fer fram helgina 6. til 8. ágúst.
Hátíðin verður haldin á Hellis-
sandi og er þetta í fyrsta sinn sem
slík raftónlistarhátíð er haldin hér
á landi.
„Raftónlistartvíeykið Stereo
Hypnosis tók upp plötu á Hellis-
sandi í fyrra og hélt útgáfutón-
leikana sína þar líka. Við urðum
svo hrifnir af þessum stað og datt
í hug að það gæti verið gaman að
halda þarna raftónlistarhátíð,“
útskýrir Andri Már sem hefur
staðið fyrir reglulegum raftón-
listarkvöldum sem haldin eru á
skemmtistaðnum Hjá Hemma og
Valda. Þau kvöld hafa notið auk-
inna vinsælda og líkir Andri Már
hátíðinni á Hellissandi við árshá-
tíð þessara raftónlistarkvölda.
„Tónleikarnir fara allir fram í
Félagsheimilinu Röst, en það er
gamalt og skemmtilegt félags-
heimili á Hellissandi. Á daginn
verður einnig skemmtileg dagskrá
fyrir fólk þannig að engum ætti að
leiðast þessa helgi,“ segir Andri
Már og telur víst að hátíðin verði
að árlegum viðburði ef vel tekst til
í ár. „Flestar tónlistarhátíðirnar á
Íslandi einblína á rokk eða popp og
ég held það sé alveg kominn tími á
hátíð sem þessa. Með þessu viljum
við líka reyna að vekja raftónlist-
arsenuna til lífsins á ný.“
Meðal þeirra tónlistarmanna
sem koma fram má nefna Stereo
Hypnosis, hinn norska Xerxes,
Reptilicus, Ruxpin, Yagya, Biog-
en og franska tónlistarmann-
inn Moonlight Sonata. Sérstök
safnplata verður einnig gefin
út í tilefni af hátíðinni sem inni-
heldur eitt lag frá hverjum tónlist-
armanni og fæst hún á staðnum.
Miðaverð er 2.500 krónur og
hægt er að nálgast miða í verslun-
um Smekkleysu og 12 Tónum.
Halda raftónlistarhátíðin á Hellissandi
ENDURVEKJA RAFTÓNLISTINA Andri Már
Arnlaugsson og Pan Thorarensen standa
fyrir raftónlistarhátíðinni Undir Jökli sem
fram fer 6. til 8. ágúst. FRÉTTABLAÐIÐ/ANTON
Leikbrúðusafn - Brúðuleikhús
Veitingar - Gjafavara
www.bruduheimar.is
Sími 530 5000
Opið í Borgarnesi alla
daga frá 10:00 til 22:00
L E I K S Ý N I N G
á sunnudaginn kl 14:00
Söngkonan Rihanna, sem sló í
gegn með laginu Umbrella, hefur
tekið að sér hlutverk í kvikmynd
sem byggist á borðspilinu Battle-
ship. Þetta verður fyrsta mynd
þessarar vinsælu söngkonu. Leik-
stjóri verður Peter Berf og fjall-
ar myndin um sjóher sem reyn-
ir að vernda jörðina frá innrás
geimvera. Frumsýning er fyrir-
huguð vorið 2012. Aðrir leik-
arar sem hafa verið ráðnir eru
Alexander Skarsgård og Tayl-
or Kitsch. Ekki fylgir sögunni
hvaða hlutverk Rhianna fer með í
myndinni.
Rihanna í
Battleship
RIHANNA Söngkonan Rihanna hefur
tekið að sér hlutverk í mynd sem bygg-
ist á spilinu Battleship.