Fréttablaðið - 29.07.2010, Blaðsíða 26
26 29. júlí 2010 FIMMTUDAGUR
timamot@frettabladid.is
„Við ákváðum að gera þetta veg-
legra nú heldur en áður og niðurstað-
an var að stækka hátíðina, bæta við
hana nokkrum dögum, svokölluðum
Síldardögum, og fjölga skemmtileg-
um viðburðum,“ segir Gunnar Smári
Helgason, framkvæmdastjóri Síldar-
ævintýrisins á Siglufirði, sem er nú
haldið í 20. skipti. Það hófst um síð-
ustu helgi og lýkur um verslunar-
mannahelgina með pomp og prakt.
Siglfirðingar hafa haldið Síldaræv-
intýri á Sigló frá 1991 til að minnast
síldaráranna, blómaskeiðs í sögu bæj-
arins á 4. og 5. áratugnum sem var
afleiðing mikilla síldveiða fyrir Norð-
urlandi sem hófust árið 1903. „Vegna
góðrar staðsetningar, svo sem nálægð-
ar við miðin, varð Siglufjörður helsti
síldarbær landsins. Uppgangurinn
var svo mikill að íbúafjöldinn marg-
faldaðist á sumrin þegar fólk kom
hvarvetna að af landinu til að vinna í
síldinni, fjöldi síldarbræðslna og sölt-
unarstöðva tóku til starfa og hvorki
meira né minna en sjö hattabúðir voru
opnaðar líkt og í stórborg. Á þessum
árum gat Alþingi ekki afgreitt fjár-
lögin fyrr en hægt var að reikna út
tekjur af síldarútflutningi. Stundum
var verðmæti hans yfir 20 prósent af
öllum útflutningi Íslendinga.“
Gunnar segir að þessu blómaskeiði
hafi svo lokið á 7. áratugnum en þá
brást síldin mörg ár í röð og í kjölfar-
ið tók íbúum að fækka. „En þótt síldin
sé fyrir löngu farin er hér yndislegt
að vera og maður sér ekkert nema
tækifæri, enda staðsetningin frábær
og höfnin góð. Ekki er lengra en til
ársins 2006 að Siglufjörður og Ólafs-
fjörður voru sameinaðir í sveitarfé-
lagið Fjallabyggð og síðan þá er búið
að sameina grunnskólann og tónlist-
arskólann og kominn framhaldsskóli
í Ólafsfirði. Fyrirtæki spretta upp
eins og gorkúlur enda var kreppan
hér ekki eins mikil og fyrir sunnan.
Svo verður spennandi að sjá hvað ger-
ist þegar göngin milli bæjanna verða
opnuð núna í vetur og við fáum að
upplifa sameininguna fyrir alvöru.“
Sjálfur settist Gunnar að á Siglu-
firði sama ár og sameining bæjanna
tveggja gekk í gegn. Hann hafði áður
búið í Reykjavík og saknar þess lítið.
„Við skulum segja að ég hafi uppgötv-
að hvar Reykjavík er fallegust, en
það var í baksýnisspeglinum þegar
ég flutti hingað ásamt fjölskyldunni
og tveimur hundum árið 2006,“ segir
hann og hlær góðlátlega. Á Siglu-
firði hefur hann fengist við hugbún-
aðargerð og hljóðvinnslu og unir hag
sínum vel og tók svo að sér fram-
kvæmdastjórn Síldarævintýrisins á
Sigló í fyrra. Honum finnst gaman
að takast á við þau verkefni sem því
fylgir og lofar góðri skemmtun.
„Hingað til hefur þetta verið rosa-
lega gaman og fólk streymir að eins og
í miðbæ Reykjavíkur á sólskinsdegi,“
segir hann. „Sjálft Síldar ævintýrið
leysir svo síldardagana formlega af í
kvöld og þá og næstu daga verður af
nógu að taka; landsþekktir skemmti-
kraftar troða upp, dansleikir eru á
dagskránni, unglingarnir geta sótt
diskó í tjaldi og eitt og annað verð-
ur í boði fyrir yngstu kynslóðina, en
sérstök áhersla verður lögð á útileiki
í ár. Hápunktur ævintýrisins er svo
um sjálfa verslunarmannahelgina en
þá fara meðal annars fram gospeltón-
leikar, nokkrir dansleikir og flugelda-
sýning,“ segir Gunnar og bætir við að
allar nánari upplýsingar um hátíðina
megi nálgast á vefsíðunni www.trolli.
is.
roald@frettabladid.is
SÍLDARÆVINTÝRIÐ Á SIGLUFIRÐI: HALDIÐ Í 20. SKIPTI
Endalaust ævintýri á Siglufirði
FRAMKVÆMDASTJÓRN Gunnar Smári Helgason heldur utan um Síldarævintýrið á Siglufirði og lofar góðri skemmtun. MYND/ÚR EINKASAFNI
AFMÆLI
JOSH
RADNOR
leikari er
36 ára.
KRIST-
ÍN EVA
ÞÓRHALLS-
DÓTTIR
fjölmiðla-
kona er 38
ára.
MERKISATBURÐIR
1858 Japanar undirrita Harris-
samkomulagið sem kveð-
ur á um vinskap og við-
skipti við Bandaríkja-
menn.
1907 Friðrik 8. Danakonungur
heimsækir Ísland.
1934 Ríkisstjórn Hermanns Jón-
assonar tekur við völd-
um. Fjármálaráðherra er
Eysteinn Jónsson og er
hann yngstur allra sem
gegnt hafa ráðherraemb-
ætti, 27 ára.
1957 Alþjóða kjarnorkumála-
stofnunin stofnuð af Sam-
einuðu þjóðunum.
1981 Karl Bretaprins og lafði
Díana Spencer ganga í
það heilaga.
BENITO MUSSOLINI FÆDDIST
ÞENNAN DAG.
„Sósíalismi er svik, grín,
tálsýn og fjárkúgun.“
Benito Amilcare Andrea
Mussolini (1883-1945) var
ítalskur stjórnmálamað-
ur, kenningasmiður ítalska
fasismans og loks einræðis-
herra sem ríkti yfir Ítalíu milli
1922–1943. Innrás banda-
manna á Suður-Ítalíu varð til
þess að hann missti völdin
og var tekinn af lífi af flokki
ítalskra andspyrnumanna.
Þorlákur Þórhallsson (1133–1193) var prestur í
Kirkjubæ á Síðu en varð fyrsti príorinn í munka-
klaustrinu í Þykkvabæ í Álftaveri árið 1168, sem
þá var nýstofnað. Hann var kjörinn biskup á
Alþingi 1174 en ekki vígður fyrr en í Niðarósi 2.
júlí 1178 og varð þá biskup í Skálholti.
Þorlákur fékk snemma á sig orð sem helgur
maður sem gott var að heita á og voru honum
eignuð ýmis kraftaverk og lækningar. Biskup-
inn var tekinn í dýrlingatölu og áheit á hann
leyfð árið 1198. Jóhannes Páll II páfi útnefndi
Þorlák verndardýrling Íslands 14. janúar 1985. Á
þessum mánaðardegi sama ár var vígð kirkja í
Þorlákshöfn í minningu biskupsins, fyrsta kirkjan
þar síðan 1770.
Þess má jafnframt geta að Þorlákur helgi er
verndari Kristskirkju í Reykjavík og á tvo messu-
daga á ári, Þorláksmessu á vetri, 23. desember
og Þorláksmessu á sumri 20. júlí.
Heimild: www.wikipedia.org.
ÞETTA GERÐIST: 29. JÚLÍ 1985
Kirkja til minnis um Þorlák helga
Minning
Lára Böðvarsdóttir
f. 25. ágúst 1913 – d. 12. júlí 2010
Lára Böðvarsdóttir, Barmahlíð 54
í Reykjavík, fæddist á Laugarvatni
þann 25. ágúst 1913, dóttir hjón-
anna Ingunnar Eyjólfsdóttur,
húsfreyju (1873-1969), og Böðvars
Magnússonar, bónda og hrepp-
stjóra (1877-1966). Hún ólst þar
upp í hópi 12 systkina: Ragnheiðar,
Magnúsar, Arnheiðar, Laufeyjar,
Hrefnu, Magneu, Hlífar, Sigríðar,
Auðar, Önnu og Svanlaugar. Lára
var sú níunda í röðinni. Eftirlifandi
systur Láru eru Hlíf, f. 1909, og Svanlaug, f. 1918. Lára
lést á dvalarheimilinu Hrafnistu í Reykjavík þann
12. júlí s.l.
Lára nam við Héraðsskólann á Laugarvatni veturinn
1931-32 og við Kvennaskólann á Blönduósi veturinn
1934-35. Hún fluttist til Reykjavíkur árið 1936 og
vann þar aðallega við afgreiðslustörf í verslunum og
var um skeið verslunarstjóri hjá Mjólkursamsölunni í
Reykjavík. Lára starfaði mikið að félagsmálum, einkum
fyrir Kvenfélag Háteigssóknar; var þar 15 ár í stjórn,
formaður um árabil og kjörin heiðursfélagi 1985. Lára
lærði ung á píanó og orgel og lék iðulega á þessi hljóð-
færi við kirkjuathafnir og á mannamótum. Einnig tók
hún framan af virkan þátt í kórastarfi í Reykjavík.
Lára giftist þann 19. október 1940 Hauki Eggertssyni, f.
8. nóvember 1913 á Haukagili í Vatnsdal í Húnaþingi,
syni hjónanna Ágústínu Grímsdóttur, húsfreyju
(1883-1963), og Eggerts Konráðssonar, bónda
og hreppstjóra (1878-1942). Haukur var útvarps-
virkjameistari að mennt og annar af stofnendum
Viðtækjavinnustofunnar í Reykjavík og starfaði þar á
árunum 1945-55. Hann var framkvæmdastjóri og einn
af eigendum Pökkunarverksmiðjunnar Kötlu 1955-64.
Árið 1957 stofnaði Haukur ásamt öðrum iðnfyrirtækið
Plastprent og var síðar forstjóri og stjórnarformaður
þess til ársloka 1988. Haukur lést árið 2006.
Lára og Haukur hófu búskap á Bárugötu 14 í
Reykjavík, en fluttu síðar að Lokastíg 18. Árið 1948
fluttu þau í Barmahlíð 54; hús sem þau byggðu ásamt
sveitungum og vinum, og bjuggu þar uns þau færðu sig
yfir á Dvalarheimilið Hrafnistu í Reykjavík fyrir tæpum
sex árum.
Börn Láru og Hauks eru 1) Eggert, viðskiptafræðingur,
f. 1942, var kvæntur Sigríði Teitsdóttur, sérkennara, og
eiga þau þrjú börn: a) Elín f. 1972, gift Adrian Rüther,
b) Haukur f. 1975, c) Lára Bryndís f. 1979, gift Ágústi
Inga Ágústssyni; 2) Ágústa, tónlistarkennari, f. 1945,
gift Jónasi Ingimundarsyni, píanóleikara, og eiga þau
þrjú börn: a) Haukur Ingi f. 1966, sambýliskona Anouk
Petzoldt; b) Gunnar Leifur f. 1971, kvæntur Guðrúnu
Blöndal, c) Lára Kristín f. 1981, sambýlismaður Tim
Morrissey; 3) Böðvar Lárus, viðskiptafræðingur, f. 1946,
d. 1987, kvæntur Ásu Guðmundsdóttur; sonur þeirra
er Arnar Freyr f. 1981. Barnabarnabörn Hauks og Láru
eru 9.
Útför Láru fer fram frá Háteigskirkju í dag,
fimmtudaginn 29. júlí, kl. 15.00.
„Sjálf hef ég gengið með
þessa hugmynd í mörg ár,
eftir að hafa séð sambæri-
lega blöð á Norðurlöndunum.
Svo hafði Sigurjón M. Egils-
son, fjölmiðlamaður og útgef-
andi, samband við mig og var
þá með sömu hugmynd, vildi
gefa út blað fyrir fólk sem
væri komið yfir fimmtugt,“
segir Elín Albertsdóttur rit-
stjóri nýs tímarits, 50 plús,
en fyrsta tölublaðið leit dags-
ins ljós fyrir skemmstu.
Líkt og heiti tímaritsins
gefur til kynna er áherslan
á málefni sem tengjast fólki
sem komið er yfir fimm-
tugt. „Þessi aldurshópur er
enn í fullu fjöri og að gera
svo margt skemmtilegt en
hefur kannski gleymst svo-
lítið í fjölmiðlaumræðunni.
Við ákváðum því að fara
þá leið að einblína á hann,“
segir Elín og getur þess að
umfjöllunarefni tímaritsins
séu af ýmsum toga, allt frá
ferðalögum til mataræðis og
heilsu.
Viðtökurnar segir hún hafa
farið fram úr öllum vænting-
um. „Fólk er hæstánægt með
tímaritið, sumir segjast loks-
ins geta lesið íslenskt tíma-
rit sem höfðar til þeirra.
Ég hlakka því til að byrja á
næsta tölublaði sem kemur
út í september. Eftir það
kemur tímaritið mánaðar-
lega út,“ segir Elín og getur
þess að 50 plús liggi frammi
á bensínstöðvum Olís. - rve
Tímarit fyrir fólk í blóma lífsins
NÝTT TÍMARIT Elín Albertsdóttir og Sigurjón M. Egilsson standa á bak
við tímaritið 50 plús. FRÉTTABLAÐIÐ/RÓSA