Fréttablaðið - 29.07.2010, Blaðsíða 48

36 29. júlí 2010 FIMMTUDAGUR
folk@frettabladid.is
Myndband af frægu fagni
Stjörnunnar fer eins og
eldur í sinu um Netið og
vekur athygli víða um heim.
Laxinn í fagninu, Jóhann
Laxdal, fær vinabeiðnir frá
Brasilíumönnum og breska
götublaðið The Sun skrifar
daglegar fréttir um liðið.
„Það er erfitt að toppa þetta. Nú
þurfum við að leggja höfuðin í bleyti
og koma með skemmtileg fögn,“
segir fótboltakappinn Jóhann Lax-
dal.
Jóhann og félagar í Stjörnunni
hafa vakið heimsathygli eftir að
myndband af fagnaðartilþrifum
þeirra var sett á Youtube. Þegar
Fréttablaðið fór í prentun í gær var
teljarinn kominn í tvær milljónir og
myndbandið er ofarlega á listum yfir
mest spiluðu myndbönd þessarar
einnar vinsælustu vefsíðu heims.
Aðspurður segist Jóhann finna
fyrir erlendri athygli, enda laxa-
taktar hans kostulegir. „Ég var að
fá símtal frá Noregi og það var ein-
hver stöð að tala við mig,“ segir
hann. „Svo eru fullt af gaurum frá
Brasilíu búnir að adda mér á Face-
book eru þvílíkt að spjalla eins og ég
sé guð hjá þeim. Þeir segja að ég sé
umtalaður þar. Svakalegt.“
Breska götublaðið The Sun birti
í gær myndband sem sýnir fleiri
fagnaðartilþrif Stjörnunnar, en
blaðið var með þeim fyrstu sem
veittu veiðifagninu athygli. Jóhann
segir að athyglin ætti að geta skil-
að sér í aðsókn á leiki. „Jú, ég held
það. Þetta er ekki slæmt, fólk hlýt-
ur að vilja koma á völlinn og sjá
flott fögn,“ segir hann. „Þetta verð-
ur líka örugglega hvatning fyrir fólk
að mæta.
„Ég get ekki sagt að ég sé mikill göngu-
garpur, en ég er frekar mikill fíkill á að
gera eitthvað skemmtilegt. Helgin var
alveg opin hjá mér og ég var til í allt
þannig að þetta var alveg tilvalið,“ segir
Sigríður Garðarsdóttir.
Síðustu daga hefur útvarpsstöðin
FM 957 leitað að einstaklingi sem er
tilbúinn að leggja það á sig að fara fót-
gangandi til Akureyrar á tónlistarhá-
tíðina „Þriggja daga vakt“ um versl-
unarmannahelgina. Fjöldinn allur
af ævintýragjörnum Íslendingum
sendi tölvupóst, og eftir litla keppni
á milli þriggja aðila bar Sigga sigur
úr býtum. Sigga lagði af stað norður
til Akureyrar í hádeginu í gær fótgang-
andi frá Reykjavík til Akureyrar. Regl-
urnar eru þær að Sigga má húkka sér
far með eins mörgum bílum og hún vill,
en má þó ekki sitja lengri vegalengd en
50 kílómetra í einu í hverjum bíl.
„Ég er búin að taka mig til og er nú að
redda bílnum mínum svo hann komist
norður til mín. Svo er ég bara nokkuð
góð í að leggja í hann,“ segir Sigga. „Ég
held þetta taki um sex til sjö klukku-
tíma en það fer alveg eftir því hvað fólk
er viljugt til að taka mig upp í.“
Sigga segist ekki hafa undirbúið sitt
neitt sérstaklega fyrir ferðina held-
ur hafi átt góða úlpu og skó inni í skáp
sem ætti að duga þar sem veðrið er
mjög gott. „Ég hef engar áhyggjur á
því að fá ekki far. Það hlýtur einhver
að vilja taka mig upp í, ef ekki þá hafa
vinir mínir boðist til að bjarga mér. Það
er gott að eiga góða vini,“ segir Sigga
spennt fyrir ævintýrinu. - ls
Fer á puttanum til Akureyrar
SIGGA GÖNGUGARPUR Lagði af stað á puttan-
um til Akureyrar í gær og hefur leyfi til að sitja
50 kílómetra í senn í hverjum bíl.
Madonna er sögð ætla í nýja tón-
leikaferð sem sækir innblástur í
uppvöxt hennar í New York-borg.
Söngkonan er þessa dagana að
hnýta lausa enda áður en tilkynn-
ing þess efnis fer í loftið. Tónleika-
ferðin á að hefjast í haust og standa
yfir í hálft ár. Madonna hélt prufur
í London í síðustu viku fyrir dans-
ara sem eiga að taka þátt í ferðinni
og gengu þær vel. „Þetta verður
stærsta og óvæntasta tónleikaferð
hennar til þessa,“ sagði heimild-
armaður. „Hún ætlar að snúa sér
að rótum sínum úr New York með
hip hop-áhrifum og leggur mikla
áherslu á flott dansatriði.“
Síðustu tónleikaferð Madonnu,
Sticky & Sweet, lauk í Tel Avív í
september í fyrra. Söngkonan þén-
aði hvorki meira né minna en 408
milljónir dollara á henni, eða tæpa
fimmtíu milljarða króna.
Óvænt tónleikaferð
MADONNA Söngkonan ætlar í tónleika-
ferð sem sækir innblástur í uppvöxt
hennar í New York-borg.
Breska leikkonan Emma Thompson fær sína eigin stjörnu
á frægðarstétt Hollywood í næsta mánuði. Á meðal þeirra
sem verða viðstaddir athöfnina er landi hennar, leikar-
inn Hugh Laurie úr læknaþættinum House. Thompson,
sem er 51 árs, hefur hlotið fjölda viðurkenninga á ferli
sínum, þar á meðal tvenn Óskarsverðlaun fyrir mynd-
irnar Howards End og Sense and Sensibility ásamt
tvennum Golden Globe-verðlaunum. Thompson verð-
ur sú 2.416 sem fær þessa frægu stjörnu á frægðarstétt
Hollywood Boulevard.
Emma fær stjörnu
í Hollywood
EMMA THOMPSON Breska leikkonan fær eigin stjörnu á frægðar-
stétt Hollywood í næsta mánuði.
> VILL LÍKJAST MINOGUE
Hótelerfinginn Paris Hilton sótti
innblástur til uppáhaldssöngkonu
sinnar, Kylie Minogue, á væntanlegri
plötu sinni. „Ég hef alltaf dýrkað Kylie
Minogue. Hún er í miklu uppáhaldi
hjá mér. Ég vil feta í fótspor henn-
ar. Hún syngur ótrúlega vel og
hún lítur rosalega vel út,“ sagði
Hilton.
HOLTAGÖRÐUM GLÆSIBÆ KRINGLUNNI SMÁRALIND WWW.UTILIF.IS
ÍS
L
E
N
S
K
A
/S
IA
.I
S
/U
T
I
50
54
6
06
/1
0Jamis Commuter 1
Tilboðsverð: 53.993 kr.
Jamis Boss Cruiser
Tilboðsverð: 50.993 kr.
Jamis Earth Cruiser 2
Tilboðsverð: 37.493 kr.
* Láttu allt að 6 mánaða léttgreiðslu létta þér lífið
Hjóladeildin er í Holtagörðum
Skoðaðu allt úrvalið á www.utilíf.is
Laxdal í guðatölu í Brasilíu
VINSÆLIR Lið Stjörnunnar vekur athygli víða um heim. FRÉTTABLAÐIÐ/ANTON
■ Ísland-Svíþjóð (2007). Ívar Ingi-
marsson hélt að dómarinn hefði
dæmt vítaspyrnu eftir að boltinn
fór í hönd hans og lét Svía hafa
boltann. Þeir þökkuðu fyrir sig
og skoruðu auðveldlega. Áhorf:
Tæpar 3,6 milljónir.
■ Grín með sleif (2010). Tveir
bræður á Kópaskeri stríddu þeim
þriðja með sleif á óborganlegan
hátt. Áhorf: Tæp 600 þúsund.
■ Eldgos á Fimmvörðuhálsi (2010).
Útlendingar heilluðust af íslenskri
náttúru í þessu magnaða mynd-
bandi. Áhorf: Tæp milljón.
■ Elíza Geirsdóttir (2010). Söng-
konan spilaði lag um eldgosið í
Eyjafjallafjökli á sjónvarpsstöðinni
Al Jazeera í Englandi. Áhorf: 230
þúsund.
■ Stjarnan-Fylkir (2010). „Laxafagn“
Stjörnumanna fer eins og eldur í
sinu um netheima. Áhorf: Tæpar
2 milljónir.
VINSÆLT Á YOUTUBE