Fréttablaðið - 30.07.2010, Blaðsíða 2

2 30. júlí 2010 FÖSTUDAGUR
Jóhann, fagnarðu þessum
vinsældum?
„Mér finnst þetta mjög fyndið og
skemmtilegt en ég fagna þessu svo
sem ekkert með neinum tilþrifum.“
Jóhann Laxdal og félagar hans í
Stjörnunni eru orðnir að sannkölluðum
stórstjörnum í netheimum eftir að mynd-
band af fagnaðarlátum þeirra í leik gegn
Fylki varð geysivinsælt.
DÓMSMÁL Jón Ásgeir Jóhann-
esson og Ingibjörg Pálmadótt-
ir hafa eina viku til að skila inn
til dómarans Charles E. Ramos í
New York rökstuðningi fyrir því
að gögn í vörslu hússtjórnar lúx-
usíbúðablokkar á Manhattan og
Royal Bank of Canada skuli ekki
afhent slitastjórn Glitnis.
Í úrskurði dómarans frá því í
gær segir enn fremur að slita-
stjórnin muni þá hafa tíma til 10.
september til að mótmæla rök-
stuðningi hjónanna.
Slitastjórnin skal jafnframt
skila mótbárum sínum við frá-
vísunarkröfu sjömenninganna
sem stefnt er á málinu fyrir 10.
september. Stefndu munu þá hafa
tíma til 8. október til að rökstyðja
kröfur sínar á nýjan leik. - sh
Tímasetningar í Glitnismáli:
Þurfa að skila
rökstuðningi
eftir eina viku
JÓN ÁSGEIR OG INGIBJÖRG Vilja alls
ekki að upplýsingar frá hússtjórn Gram-
ercy Park komist í hendur slitastjórnar.
Slitastjórnin telur þær nauðsynlegar.
FRÉTTABLAÐIÐ / VILHELM
FÉLAGSMÁL Fjórtán börn hafa
verið ættleidd til landsins á
vegum Íslenskrar ættleiðingar
það sem af er ári. Ættleiðingar
eru því orðnar jafnmargar og allt
árið í fyrra.
Sjö íslenskar fjölskyldur komu
til Íslands frá Kína á miðviku-
dag með jafnmörg börn. Fimm
stúlkur og tveir drengir voru ætt-
leidd í þetta skipti, en síðast var
svo stór hópur barna ættleiddur
til landsins í einu fyrir þremur
árum.
Börnin sem hafa komið til
landsins á árinu eru flest frá
Kína, en einnig hafa verið ætt-
leidd börn frá Kólumbíu, Tékk-
landi og Indlandi. - þeb
Sjö komu frá Kína í vikunni:
Fjórtán börn
ættleidd á árinu
ÖRYGGISMÁL Sjö björgunarsveitir
Slysavarnafélagsins Landsbjarg-
ar taka að sér gæslustörf við Land-
eyjahöfn um helgina. Verða þetta
í kring um hundrað manns sem
vinna með einum eða öðrum hætti
við höfnina.
Kristinn Ólafsson, fram-
kvæmdastjóri Landsbjargar,
segir starfsfólk vera óvenju
margt þetta árið og sé það aðal-
lega vegna hinnar nýju hafnar.
„Það eru um 150 manns á landinu
öllu sem koma að björgunarstörf-
um með einhverjum hætti,“ segir
Kristinn. „Við verðum með viðbún-
að á öllum helstu hátíðum og með
fjórar sveitir á hálendinu.“ Lands-
björg verður einnig með öryggis-
gæslu um borð í Herjólfi og Atl-
antic 75 björgunarbátur verður í
Bakkafjöru á vöktum.
„Það er ekkert björgunarskip
á staðnum og við teljum mjög
mikilvægt að svo sé,“ segir Krist-
inn. „Hundruð manna og kvenna
verða svo á bakvakt um allt land.“
Starfsmenn Landsbjargar eru
sjálfboðaliðar og segir Kristinn
það atriði oft vilja gleymast.
„Það er mikilvægt að lands-
menn geti reitt sig á sjálfboðaliða
sem fara ekki fram á neitt kaup,“
segir hann. „En ég er mjög bjart-
sýnn fyrir helgina. Við Íslendingar
erum skynsamir upp til hópa.“ - sv
Mikill viðbúnaður Landsbjargar við Landeyjahöfn um verslunarmannahelgina:
Hundrað manns við störf við nýju höfnina
ATLANTIC 75 Björgunarbátur Landsbjargar og áhöfn verða við störf í Bakkafjöru um
helgina.
DÓMSMÁL Tvítugur Akureyringur
hefur verið dæmdur í tíu mánaða
óskilorðsbundið fangelsi fyrir ótal
afbrot framin á síðasta ári. Mað-
urinn var ákærður fyrir eina lík-
amsárás og gerðist einnig sekur
um fjölda innbrota og þjófnaða.
Ákærurnar á hendur mannin-
um, sem síðan voru sameinað-
ar í eina, voru alls í 23 liðum. Ein
var vegna líkamsárásar, en þá sló
hann mann í jörðina og skallaði
hann síðan með þeim afleiðingum
að vör fórnarlambsins bólgnaði og
það brotnaði upp úr fjórum tönn-
um þess. Hinir 22 liðirnir snúa að
innbrotum og þjófnaði. Meðal þess
sem maðurinn stal í þessi 22 skipti
voru leikfangabílar, punghlíf, axla-
bönd, verkfæri, súrefnisgríma,
gulur bolur, bónvél, mikið magn af
gosdrykkjum, loðhúfa og ríflega
400 lítrar af bensíni og dísilolíu af
hinum og þessum ökutækjum. Þá
braust hann margsinnis inn í ísbíl
á Akureyri og stal miklu magni af
ís og öðrum kælivörum.
Í nóvember í fyrra stal hann
óskráðum bíl á Akureyri ásamt
félögum sínum og þeir létu hann
síðan flakka fram af hæð með því
að festa bensíngjöfina niðri. Bíll-
inn gereyðilagðist.
Maðurinn ungi játaði öll brot sín.
Hann á nokkurn sakaferil að baki.
- sh
Tvítugur Akureyringur dæmdur í tíu mánaða fangelsi fyrir 23 lögbrot:
Stal punghlíf og axlaböndum
HÉRAÐSDÓMUR NOÐURLANDS EYSTRA
Maðurinn hefur nokkrum sinnum áður
komist í kast við lögin. FRÉTTABLAÐIÐ/PJETUR
STJÓRNSÝSLA Ásta Sigrún Helga-
dóttir, forstöðumaður Ráðgjafa-
stofu um fjármál heimilanna og
einn umsækjendanna um nýtt emb-
ætti umboðsmanns skuldara, hefur
óskað eftir því að félagsmálaráðu-
neytið rökstyðji ráðningu í starfið.
Árni Páll Árnason félagsmála-
ráðherra veitti á dögunum Runólfi
Ágústssyni, fyrrverandi rektor
Háskólans á Bif-
röst, umboðs-
mannsembætt-
ið. Ásta bendir á
að í lögunum sé
eitt af hæfisskil-
yrðum umboðs-
manns að hann
hafi viðamikla
reynslu og þekk-
ingu á málefnum
stofnunarinnar.
„Ég veit ekki til þess að Runólf-
ur hafi komið að þessum mála-
flokki,“ segir Ásta og undirstrikar
að sjálf hafi hún sjö ára reynslu frá
Ráðgjafastofu um fjármál heimil-
anna.
DV sagði frá því í fyrradag að
afskrifa þyrfti 530 milljónir króna
hjá félaginu Obduro ehf. sem hafi
verið í eigu Runólfs. Hann sendi
samdægurs frá sér yfirlýsingu.
Þar segir að Obduro hafi keypt hlut
í Icebank árið 2007 að frumkvæði
bankans sjálfs.
„Félag mitt greiddi fyrir kaupin
rúmlega 100 milljónir króna í reiðu-
fé sem ég lagði því til sem hlutafé,
en seljendur, hópur sparisjóða, lán-
aði félaginu rúmlega 200 milljónir
til kaupanna. Ég seldi þetta félag
árið 2008 og hef ekki síðan haft af
því nein afskipti,“ segir Runólfur í
yfirlýsingunni. Hann hafi dregið
sig út úr fjárfestingastarfsemi á
árinu 2008, sé ekki í vanskilum og
hafi engar afskriftir fengið.
„Ég tel að ofangreind viðskipti
hafi engin áhrif á hæfni mína til að
gegna því mikilvæga starfi sem ég
mun gegna af einlægni og heiðar-
leika með hagsmuni skuldara eina
að leiðarljósi,“ segir í yfirlýsing-
uni sem Runólfur kveðst engu vilja
bæta við. Aðspurður um kröfu Ástu
um rökstuðning vegna ráðningar-
innar og hvort hann til sig hæfast-
an í starfið segir hann hins vegar:
„Það er ráðuneytisins að svara
fyrir það. Mér var tjáð að ég væri
hæfastur samkvæmt hæfismati.“
Ásta vill svör frá ráðuneytinu í
síðasta lagi 12. ágúst. „Ég er bæði
að óska eftir skriflegum rökstuðn-
ingi fyrir ráðningunni ásamt öllum
gögnum málsins þannig að ég geti
tekið mína ákvörðun og kæra þetta
jafnvel til kærunefndar jafnréttis-
mála og kvarta til umboðsmanns
Alþingis,“ segir Ásta sem telur
áðurgreint mál um félag Runólfs
vera mjög bagalegt:
„Ég tel að þetta sé mjög skaðlegt
fyrir embættið að vera með svona
á bakinu. Þetta er mjög viðkvæm-
ur málaflokkur þar sem verið er að
eiga við einstaklinga í miklum erf-
iðleikum.“ gar@frettabladid.is
Telur umboðsmann
skuldara vanhæfan
Ásta Sigrún Helgadóttir krefst þess að félagsmálaráðuneytið rökstyðji ráðningu
Runólfs Ágústssonar sem umboðsmanns skuldara. Hann kveðst nú ótengdur
félagi sem skuldar hálfan milljarð að sögn DV. Ráðuneytið telji hann hæfastan.
ÁSTA SIGRÚN
HELGADÓTTIR
RUNÓLFUR ÁGÚSTSSON Félag hans fékk 200 milljónir að láni til að kaupa í Icebank
árið 2007 og skuldar nú 530 milljónir. Hann kveðst hafa selt félagið árið 2008.
FRÉTTABLAÐIÐ/STEFÁN
EFNAHAGSMÁL Gengi krónunnar
hefur nú styrkst um 10,8 prósent á
einu ári og um 17,6 prósent frá því
að það fór lægst í lok árs 2008.
Í Morgunkorni Íslandsbanka
kemur fram að raungengi krón-
unnar á mælikvarða launa hafi
verið 7,2 prósentum hærra á
öðrum ársfjórðungi í ár saman-
borið við sama tímabil í fyrra.
Þessi mæling segir til um hvernig
laun eru að þróast hér samanborið
við okkar helstu viðskiptalönd,
mælt í sömu mynt og að teknu til-
liti til framleiðniþróunar. - mþl
Styrkst mikið frá áramótum:
Krónan styrkst
um 11 prósent
STJÓRNMÁL Jóhanna Sigurðar-
dóttir, forsætisráðherra, held-
ur til Kanada í dag en hún verð-
ur á ferðalagi
um Kanada og
Bandaríkin þar
til á mánudag.
Forsætisráð-
herra verður
heiðursgestur
á Íslendinga-
hátíðum í lönd-
unum tveimur.
Íslendingahá-
tíð er nú hald-
in í 111. sinn
í bænum Mountain í Norður-
Dakóta í Bandaríkjunum og í 121.
sinn í Gimli í Manitoba í Kanada.
Forsætisráðherra mun taka þátt í
dagskrá og menningarviðburðum
og flytja ávarp á hvorum stað, að
því er segir í fréttatilkynningu
frá forsætisráðuneytinu. - mþl
Forsætisráðherra á ferðalagi:
Jóhanna til
Kanada og
Bandaríkjanna
JÓHANNA
SIGURÐARDÓTTIR
Eldur úr hjólhýsi í hús
Vel gekk að ráða niðurlögum elds
sem kom upp í hjólhýsi og barst yfir
í trésmíðaverkstæði á Selfossi eftir
kvöldmat í gær. Þegar rætt var við
lögregluna á Selfossi í gærkvöld var
ekki vitað um upptök eldsins eða
umfang skemmda.
SELFOSS
Metið fallið í Blöndu
Metveiði á laxi er orðin í Blöndu.
Samkvæmt tölum frá í fyrrakvöld
höfðu veiðst 2.453 laxar í ánni í
sumar. Heildarveiðin var 2.413 laxar í
fyrra. Blanda er jafnframt orðin afla-
hæst áa í sumar, með níu fleiri laxa
veidda en Þverá/Kjarrá.
STANGVEIÐI
EFNAHAGSMÁL Verulega hefur
hægt á lækkun íbúðaverðs síð-
ustu mánuði. Nafnverð íbúða
hefur lækkað um 2 prósent það
sem af er ári borið saman við 10
prósent á síðasta ári, samkvæmt
tölum frá Hagstofunni.
Í Morgunkorni Íslandsbanka
frá því í gær segir að velta á
íbúðamarkaði hafi dregist saman
um allt að 80 prósent frá hruni og
íbúðaverð hafi lækkað um 40 pró-
sent að raunvirði frá hápunkti í
ársbyrjun 2008.
Þrátt fyrir jákvæð merki er
þó talið ólíklegt að íbúðamark-
aðurinn taki við sér svo neinu
nemi fyrr en fjárhagslegri endur-
skipulagningu heimilanna verður
lokið, atvinnuástand hefur batn-
að og óvissa um framtíðartekju-
möguleika heimila minnkar. - mþl
Botni íbúðaverðs náð:
Aðstæður á
íbúðamarkaði
eru að skána
SPURNING DAGSINS