Fréttablaðið - 30.07.2010, Blaðsíða 42

30 30. júlí 2010 FÖSTUDAGUR
sport@frettabladid.is
Sjöþrautarkonan Helga Margrét Þorsteinsdóttir hefur leik með blússandi
sjálfstraust á Evrópumótinu í frjálsum íþróttum í Barcelona í dag. Helga
kemur með ylvolg bronsverðlaun frá HM unglinga í Kanada frá
síðustu helgi í farteskinu.
„Þetta er auðvitað miklu sterkara mót og ég á kannski ekki
mikla möguleika. Það er stutt síðan ég horfði á stelpurnar
sem ég er að fara að keppa við í sjónvarpinu og leit á þær
sem átrúnaðargoð. Nú er ég bara að fara að keppa við þær
og reynslan er mikilvægust af öllu í þessu,“ segir Helga sem er
aðeins nítján ára gömul.
„Ég er búin að fara á nokkur stórmót í unglingaflokki
og ég fann það á HM í Kanada að reynslan skiptir
máli. Það voru nýliðar þar sem skulfu á beinunum í
keppninni. EM fer beint í reynslubankann.”
Hún ætlar ekki að eyða tíma sínum í að horfa á
goðin eða sækjast eftir eiginhandaráritunum, hún
er komin til að keppa og ætlar sér að ná góðum
árangri. Þetta er hennar fyrsta stórmót í fullorðinsflokki og hún fer
pressulaus inn í mótið, ólíkt HM um liðna helgi.
„Það er gott að HM er búið. Það getur vel verið að ég nái betri þraut
núna en á HM af því ég er afslappaðri,“ segir Helga sem náði 5.706
stigum í Kanada. 26 konur eru skráðar í keppnina, sex þeirra hafa
ekki náð 6.000 stigum. Helga er ein þeirra, hennar besti árangur
er 5.878 stig. Helga er jafnframt yngsti keppandinn í sjöþrautinni.
„Að ná yfir 6.000 stigin er óraunhæft eins og staðan er í dag. Mér
finnst það mjög ólíklegt að það takist en það var markmiðið fyrir
sumarið,“ segir Helga sem vonast til að fá meiri léttleika í æfingar
sínar og að gera helst betur í öllum greinum en í Kanada.
Helga keppir klukkan 9.00 í 100 metra grindahlaupi, þá í
hástökki klukkan 10.05, í kúluvarpi klukkan 16.45 og loks
í 200 metra hlaupi klukkan 18.55. Keppninni lýkur svo á
morgun.
Þá keppir Óðinn Björn Þorsteinsson í kúluvarpi í dag og
Þorsteinn Ingvarsson í langstökki.
HELGA MARGRÉT ÞORSTEINSDÓTTIR: HEFUR LEIK Í SJÖÞRAUT Á EM Í BARCELONA Í DAG
Þrautin þyngri hjá þeirri yngstu á meðal goðanna
> Garðar gæti samið við Stjörnuna í dag
Knattspyrnukappinn Garðar Jóhannsson sagði við Frétta-
blaðið í gær að það væri lítið að gerast í sínum málum
erlendis og að hann gæti samið við sitt gamla félög, Stjörn-
una í dag. Garðar er uppalinn í Garðabænum en hann er
samningslaus eftir að hafa yfirgefið Hansa
Rostock í Þýskalandi. Félagaskiptagluggan-
um á Íslandi er lokað annað kvöld og því
þyrfti Garðar að semja í dag. Stjarnan hefur
verið í sambandi við Garðar sem sagði að
hann gæti samið við liðið með því skilyrði
að hann gæti farið frítt til Evrópu finni
hann sér annað lið þar í ágúst.
FÓTBOLTI Jóhann Berg Guðmunds-
son nýtti tækifærið sem hann
fékk í gær vel er hann skoraði
annað mark sinna manna í hol-
lenska liðinu AZ Alkmaar í 2-0
sigri á IFK Gautaborg frá Sví-
þjóð í undankeppni Evrópudeild-
ar UEFA. Jóhann Berg hefur
leikið vel á undirbúningstíma-
bilinu en hann lék með varaliði
félagsins á síðustu leiktíð.
Leikið var í Hollandi en Jóhann
Berg lék allan leikinn og skoraði
markið á 55. mínútu. Kolbeinn
Sigþórsson var á bekknum.
Hjálmar Jónsson og Ragnar
Sigurðsson voru í byrjunarliði
IFK Gautaborgar og léku allan
leikinn. Theódór Elmar Bjarna-
son kom inn á sem varamaður á
60. mínútu. - esá
Nýtti tækifærið vel:
Jóhann Berg
skoraði fyrir AZ
FÓTBOLTI Liverpool er í góðri
stöðu í undankeppni Evrópudeild-
ar UEFA eftir 2-0 sigur á FK
Rabotnicki í fyrri leik liðanna í
þriðju umferð. Liðin mætast á ný
á Anfield í næstu viku.
David N‘Gog skoraði mörk
Liverpool í gær, bæði af stuttu
færi. Flestar stórstjörnur Liver-
pool léku ekki í gær en þeir
Martin Skrtel, Daniel Agger,
Milan Jovanovic, Lucas Leiva og
Alberto Aquilani voru allir í byrj-
unarliði Liverpool.
Annað stórveldi í Evrópu,
Juventus, er einnig í góðri
stöðu eftir 2-0 sigur á írska lið-
inu Shamrock á útivelli í gær.
Amauri skoraði bæði mörk liðs-
ins. -esá
Góð byrjun hjá Hodgson:
Liverpool vann
í Makedóníu
GLEÐI Leikmenn Liverpool fagna öðru
marka Davids N‘Gog. NORDIC PHOTOS/AFP
HANDBOLTI Ísland hóf í gær keppni
á Evrópumeistaramóti U-20
landsliða í Slóvakíu. Ísland vann
öruggan sigur á heimamönnum í
fyrsta leik, 32-26.
Staðan var 15-12 í hálfleik en
íslensku strákarnir höfðu undir-
tökin strax frá byrjun og hleyptu
Slóvökum aldrei nálægt sér.
Íslendingar stungu svo af á loka-
mínútum leiksins.
Haukamaðurinn Guðmundur
Árni Ólafsson var markahæst-
ur Íslands með níu mörk en þeir
Oddur Grétarsson, Heimir Óli
Heimisson og Ragnar Jóhannsson
skoruðu fjögur mörk hver. - esá
EM U-20 landsliða í Slóvakíu:
Góður sigur á
heimamönnum
FRJÁLSAR Ásdís Hjálmsdóttir
varð í tíunda sæti í spjótkasti
kvenna á Evrópumeistaramótinu
í frjálsíþróttum sem nú fer fram
í Barcelona. Hún kastaði lengst
54,32 metra sem er þó nokkuð frá
Íslandsmeti hennar sem er 61,37
metrar.
Alls komust tólf í úrslitin en
aðeins átta fengu sex kasttilraun-
ir. Ásdís gerði ógilt í fyrsta kasti
en náði sínu besta kasti í næstu
tilraun. Hún kastaði svo spjótinu
52,32 í þriðju tilrauninni.
Þetta er næstbesti árang-
ur íslensks spjótkastara á Evr-
ópumeistaramóti en Vilhjálmur
Einarsson varð níundi á EM í Split
í Króatíu árið 1990.
Þjóðverjar urðu í þremur af
efstu fjórum sætunum. Linda Stahl
varð Evrópumeistari með kasti
upp á 66,81 metra sem er hennar
besti árangur á ferlinum. Í öðru
sæti varð landa hennar, Christina
Obergföll.
Ólympíumeistarinn og heims-
methafinn, Barbora Spotakova
frá Tékklandi, mátti sætta sig við
bronsið í gær. Heimsmeistarinn,
Mariya Abakumova frá Rússlandi,
varð fimmta.
Keppni heldur áfram í Barce-
lona í dag og verða þrír Íslending-
ar í eldlínunni í sínum greinum.
Helga Margrét Þorsteinsdóttir
hefur keppni í sjöþraut. Þá keppir
Óðinn Björn Þorsteinsson í kúlu-
varpi og Þorsteinn Yngvason í
langstökki. - esá
Ásdís Hjálmsdóttir keppti í gær í spjótkasti á Evrópumeistaramótinu í frjálsum íþróttum í Barcelona:
Næstbesti árangur íslensks spjótkastara á EM
ÁSDÍS
Náði ekki að sýna sínar bestu hliðar á
EM í Barcelona.
NORDIC PHOTOS/AFP
FÓTBOLTI Rúnar Kristinsson og
Heimir Guðjónsson spiluðu saman
upp alla yngri flokka með 1969-
árganginum í KR og núna mætast
þeir í bikaúrslitaleiknum á Laug-
ardalsvelli 14. ágúst. KR-ingar
eru komnir í bikarúrslitaleikinn
í sextánda sinn í sögu félagsins
eftir 4-0 sigur í Reykjavíkurslagn-
um við Fram og það lítur út fyrir
að þjálfaraskiptin hafi gengið full-
komlega upp.
„Að mati flestra er þetta úrslita-
leikurinn sem margir vildu sjá
þegar mótið byrjaði. Það er fyrst
og fremst frábært fyrir strákana
að komast í bikarúrslitaleikinn og
fyrir strákana að fá að labba inn á
Laugardalsvöllinn með hann fullan
af fólki. Ég held að það verði mikið
af fólki á leiknum fyrst við erum
að fara að mæta FH og það verð-
ur mikil stemning og hægt að aug-
lýsa þennan leik mikið upp,“ sagði
Rúnar Kristinsson, þjálfari KR,
eftir leikinn í gær en hann stýrir
þar KR-liðinu á móti lærisveinum
Heimis Guðjónssonar sextán árum
eftir að þeir unnu saman langþráð-
an bikarmeistaratitil með KR árið
1994.
„Við Heimir spiluðum saman fót-
bolta einu sinni í viku í allan vetur.
Við erum góðir vinir og spiluðum
saman á miðjunni hjá KR á okkar
yngri árum. Við erum góðir félag-
ar og það verður gaman að mæta
honum. Þetta verður samt ekki
leikur á milli mín og hans því þetta
er leikur á milli KR og FH og liðs-
heildanna,“ sagði Rúnar.
Framarar byrjuðu leikinn vel
á KR-vellinum í gær og voru með
yfirburðina á móti slöppum KR-
ingum fyrsta hálftíma leiksins.
Framliðið leit vel út, og átti miðj-
una. Leikurinn breyttist hins vegar
snögglega á 29. mínútu þegar Guð-
jón Baldvinsson var óvænt við það
að sleppa í gegnum vörn Fram og
Kristján Hauksson, fyrirliði Fram-
liðsins felldi hann. Gunnar Jarl
Jónsson dómari leiksins gat ekk-
ert annað en rekið Kristján út af
og Framarar því orðnir manni
færri þegar klukkutími var eftir
af leiknum.
„Framarar voru gríðarlega
sterkir og vel skipulagðir. Þeir
voru mjög skeinuhættir í byrjun
leiks og við vorum rétt komnir inn
í leikinn þegar þeir missa mann
út af. Það gerir það að verkum að
við náðum þeim og kláruðum leik-
inn mjög vel. Ég var mjög ánægð-
ur með strákana að hafa ekki sla-
kað á þótt við værum orðnir manni
fleiri,“ sagði Rúnar.
KR-ingar fengu þarna leikinn á
silfurfati. Framliðið varð að fækka
mönnum framar á vellinum og KR-
ingar náðu fyrir vikið tökum á
miðjunni. KR-liðið skapaði þó ekki
mikið en það var allt annað að sjá
leik liðsins.
Það var síðan fimm mínútum
fyrir hálfleik að staða Framliðs-
ins varð enn erfiðari þegar Viktor
Bjarki Arnarsson las hárrétt frá-
bært utanáhlaup Skúla Jóns Frið-
geirssonar. Skúli lagði boltann út í
teiginn frá endamörkum þar sem
Óskar Örn Hauksson var á réttum
stað og kom KR í 1-0.
KR var því komið með lykilstöðu
fyrir seinni hálfleik, manni fleiri
og marki yfir og því fátt í stöðunni
fyrir Framliðið. Óskar Örn lagði
upp skallamark fyrir Grétar Sig-
finn Sigurðarsson á 58. mínútu og
eftir það var þetta aldrei spurning.
Björgólfur Takefusa innsiglaði
síðan sigurinn með tveimur mörk-
um á síðustu 20 mínútunum, það
fyrra skoraði hann með þrumu-
skoti eftir stutta aukaspyrnu Ósk-
ars Arnar en það síðara af stuttu
færi eftir frábæran undirbúning
Baldurs Sigurðssonar.
KR-ingar byrja frábærlega
undir stjórn Rúnars Kristinssonar
og hafa nú unnið tvo fyrstu leikina
hér á landi undir hans stjórn með
markatölunni 7-0. Liðið fékk leik-
inn upp í hendurnar í gær en það
var líka kominn tími á að hlutirnir
færu eitthvað að falla með þeim á
þessu vandræðasumri.
ooj@frettabladid.is
Rúnar byrjar frábærlega með KR
KR vann 4-0 sigur á tíu manna liði Fram í undanúrslitaleik VISA-bikars karla og mætir FH í úrslitunum.
Rúnar Kristinsson byrjar vel með KR og mætir vini sínum og æskufélaga á miðju KR-liðsins í úrslitaleiknum.
FÖGNUÐU VEL OG INNILEGA KR-ingar skoruðu fjögur mörk gegn Frömurum í gær og tryggðu sér þar með sæti í úrslitaleiknum
gegn Íslandsmeisturum FH með stæl. FRÉTTABLAÐIÐ/DANÍEL