Fréttablaðið - 31.07.2010, Blaðsíða 6

6 31. júlí 2010 LAUGARDAGUR
■ Snekkjan Octopus er níunda stærsta snekkja
veraldar, og sú þriðja stærsta sem ekki er í eigu
þjóðhöfðingja eða ríkisstjórna.
■ Hún er 126 metra löng, um 50 metrum lengri en
Eyjaferjan Herjólfur.
■ 60 manna áhöfn er á snekkjunni öllum stund-
um.
■ Á þilfari snekkjunnar eru tveir þyrlupallar, að
framan og að aftan, og tvær þyrlur.
■ Á henni eru sjö smærri bátar sem notaðir eru í
styttri ferðir og siglingar til og frá landi. Sá stærsti
er þó heilir nítján metrar að lengd.
■ Tveir kafbátar eru um borð í snekkjunni, annar fjar-
stýrður könnunarkafbátur og hinn tíu manna kafbátur
með svefnrými fyrir átta í allt að tvær vikur.
■ Snekkjan var smíðuð í Þýskalandi, eins og reyndar
allar tólf stærstu snekkjur veraldar, og afhent árið
2003.
■ Á efra þilfarinu er sundlaug,
körfuboltavöllur á því neðra, og á hliðum
skipsins eru opnanlegir hlerar í hæð við
vatnsborðið sem notaðir eru sem kvíar fyrir
sjósleða.
■ Smíði snekkjunnar kostaði um 25
milljarða og þá kostar hálfan þriðja milljarð
á ári að gera hana út.
■ Eigandinn, Paul Allen, er einn af
auðugustu mönnum veraldar, og vermdi 37.
sæti á lista Forbes síðast.
■ Allen stofnaði hugbúnaðarfyrirtækið Microsoft með
Bill Gates á sínum tíma.
■ Eignir hans eru metnar á um 13,5 milljarða Banda-
ríkjadala, sem svarar til ríflega 1.620 milljarða króna.
■ Allen lætur sér ekki nægja eina snekkju, heldur á
hann einnig snekkjuna Tatoosh, sem er sú 26. stærsta
í heiminum, og aðra litlu minni sem kallast Méduse.
Ert þú ánægð/ur með upphaf
aðildarviðræðna Íslands við
ESB?
Já 37,5%
Nei 62,5%
SPURNING DAGSINS Í DAG:
Telur þú aðgang að hreinu
vatni teljast til mannréttinda?
Segðu þína skoðun á visir.is
RÚSSLAND, AP Minnst 25 hafa látist í skógareld-
um í Rússlandi síðustu tvo daga.
Eldar hafa breiðst út yfir um 90 þúsund
hektara svæði undanfarna daga, í kjölfar mik-
illa hita í landinu. Hitamet var slegið í síðustu
viku og júlímánuður var heitasti mánuður í
Moskvu frá því að hitamælingar hófust fyrir
130 árum. Miklir þurrkar eru á ökrum og í
skógum og hefur uppskera eyðilagst að mestu.
Vladimir Pútín forsætisráðherra heim-
sótti svæðið í gær og fór meðal annars til eins
þriggja smábæja sem brunnu til kaldra kola
tæpum 500 kílómetrum austan við Moskvu.
Pútín lofaði íbúum þar því að öll húsin í
bænum, 341, yrðu endurbyggð fyrir veturinn.
Þá lofaði hann hverjum bæjarbúa 200 þúsund
rúblum, um 780 þúsund krónum, í skaðabætur.
Voronezh, borg sunnan við Moskvu er nán-
ast umkringd af skógareldunum, og þurfti
meðal annars að flytja sjúklinga af sjúkrahús-
um í flýti í gær.
Pútín hvatti í gær Medvedev forseta til þess
að senda herlið til að aðstoða við að slökkva
eldana. Þá sagði hann að allir opinberir starfs-
menn sem eigi aðild að björgunarmálum verði
rannsakaðir sérstaklega til að komast að því
hvort einhverjir hafi brugðist í starfi. - þeb
Eldar herja nú á stór svæði í Rússlandi eftir methita og þurrka undanfarið:
Skógareldar orðið 25 að bana í Rússlandi
Á FERÐ UM SVÆÐIÐ Vladimir Pútín forsætisráðherra
Rússlands ferðaðist um svæðin sem hafa orðið hvað
verst úti í skógareldunum. N
O
R
D
IC
PH
O
TO
S/
A
FP
UMHVERFISMÁL Risasnekkjan
Octopus, sem er í eigu auðjöfurs-
ins Pauls Allen, kom til landsins
í gær og lá við akkeri í ytri höfn-
inni í Reykjavík fram á kvöld. Þá
stóð til að hún legðist við festar við
Miðbakka. Ráðgert er að snekkjan
verði hér í sex daga.
Mikil leynd ríkir yfir ferð
snekkjunnar. Hún er ein sú stærsta
í heimi, 126 metrar á lengd eða
um 50 metrum lengri en Herjólf-
ur. Snekkjan er meðal annars búin
tveimur kafbátum.
Skipverjar á Octopus hyggjast
kafa niður að tveimur skipsflök-
um; eftirlitsskipinu Hamilton og
olíuskipinu Shirlon. Báðum skipun-
um var sökkt í seinni heimsstyrj-
öldinni. Þá munu skipverjar hafa
kannað möguleikann á leyfi til köf-
unar í Þingvallavatni.
Um miðjan dag í gær hafði Forn-
leifavernd ríkisins ekki fengið upp-
lýsingar um fyrirætlanir áhafnar
Octopus. Kristín Huld Sigurðar-
dóttir, forstöðumaður stofnunarinn-
ar, gagnrýndi það harkalega í sam-
tali við Fréttablaðið, sagðist hafa
verið í sambandi við áhöfnina en
verið neitað um allar upplýsingar.
Heimsókn snekkjunnar hafi verið
komin inn á borð nokkurra stofn-
ana og ráðuneyta fyrir löngu síðan,
og nefndi í því sambandi utanrík-
isráðuneytið, dómsmálaráðuneytið
og Umhverfisstofnun. Engin þess-
ara stofnana hafði haft samband
við hana fyrr en þegar líða fór á
kvöldið.
„Það gleymdist að tala við okkur
en við hefðum kosið að þeir hefðu
gert það,” segir Kristín Huld. Nú
sé hins vegar búið að tryggja það
að stjórnsýslan sé rétt og upplýsa
áhöfnina um þau lög sem gilda um
þjóðminjar.
„Ef skip eru eldri en hundrað ára
eða friðlýst þarf leyfi frá okkur,“
segir Kristín Huld en slíku sé ekki
til að dreifa með flökin af Hamilton
og Shirlon. - sh / kh
Ætla að kafa niður að
tveimur skipsflökum
Áhöfnin á risasnekkjunni Octopus, sem liggur við Reykjavíkurhöfn, hyggst kafa
niður á tvö skipsflök. Snekkjan er ein sú stærsta í heimi, 126 metrar á lengd.
KOLKRABBINN Octopus, eða Kolkrabbinn, er gríðarlegt mannvirki. Um borð eru meðal annars tveir kafbátar og er annar þeirra
með svefnpláss fyrir átta manns í allt að tvær vikur.
FRÉTTABLAÐIÐ / ANTON
PAUL ALLEN
Þyrlur og kafbátar í einni stærstu snekkju veraldar
EIN STÆRSTA SNEKKJA VERALDAR Kolkrabbinn er stór, 126 metrar að lengd og hefur
60 manna áhöfn.
KJÖRKASSINN