Fréttablaðið - 31.07.2010, Blaðsíða 18
18 31. júlí 2010 LAUGARDAGUR
Fjölskyldan rennir fyrir fisk
Fiskveiðar eru Íslendingum í blóð bornar og á sumardögum er gaman að pakka fjölskyldunni inn í bíl og halda að einhverju
hinna fjölmörgu skemmtilegu veiðisvæða sem landið hefur upp á að bjóða. Fréttablaðið valdi nokkur hentug vötn.
Yfir háannaferðatímann
í sumar birtir helgarblað
Fréttablaðsins Íslandskort með
upplýsingum fyrir ferðalanga.
Um síðustu helgi var það veg-
vísir að sveitamörkuðum um
allt land og í dag leiðarvísir að
hentugum veiðivötnum fyrir
fjölskyldur. Á næstu vikum má
svo búast við svipuðum vísum
að ýmsum perlum sem vert er
að muna eftir á ferðalaginu.
Safnaðu síðunum!
■ Veiðikortið 2010 veitir nær ótakmarkaðan aðgang að öllum þeim vötnum sem
hér eru talin upp, auk tuttugu annarra vatna víðs vegar um landið. Veiðikortið
kostar 6.000 krónur og fylgir handbók hverju seldu korti, þar sem finna má
leiðbeiningar og reglur. Hægt er að festa kaup á Veiðikortinu 2010 á vefnum
veidikortid.is, á bensínstöðvum N1, hjá Íslandspósti eða í veiðivöruverslunum
um land allt.
■ Meðal annarra vatna sem mæla má með fyrir veiðitúr fjölskyldunnar eru
Hvaleyrarvatn í Hafnarfirði, Reynisvatn í Reykjavík, Laugarvatn og Apavatn í
Árnessýslu, Eiðavatn á Austurlandi og mörg fleiri. Heillavænlegast er að kanna
hvernig málum er háttað með veiðileyfi, gistiaðstöðu og annað áður en lagt er
af stað. Upplýsingar um slíkt má meðal annars finna á vefsíðunum veidikortid.
is, nat.is, votnogveidi.is og ýmsum öðrum.
■ Þá er gráupplagt að rölta niður að höfnum landsins og dorga þar í ró og næði.
Til að mynda hefur frést af fjölskyldum sem mokað hafa upp makríl í höfn-
inni í Keflavík nýlega og svipað er eflaust upp á teningnum á mörgum öðrum
stöðum.
■ Algengt er að börn undir fjórtán ára aldri veiði frítt í fylgd fullorðinna með
Veiðikort, en það er þó ekki algilt. Eins er algengt að handhafar Veiðikortsins
tjaldi sér að kostnaðarlausu í námunda við vötnin.
Nokkrir hlutir sem gott er að hafa í huga þegar fjölskyldan heldur í veiðiferð
5
1 SKAGAFJÖRÐUR
Ölversvatn
Skagafjörðurinn og Húna-
vatnssýslur eru rómuð veiði-
lönd. Ölversvatn á Skaga er
stærsta vatnið á vatnasvæði
Selár, en einnig má veiða
í fleiri vötnum á svæðinu.
Svæðið er um fjörutíu kíló-
metra frá Sauðárkróki og
er afleggjarinn frá Hvals-
nesi einungis fær jeppum og
fjórhjóladrifnum fólksbílum.
Bleikja og urriði eru mál mál-
anna á svæðinu. Mögulegt er
að leigja veiðihús með eldun-
araðstöðu, auk svefnpoka-
pláss á bænum Hvalsnesi þar
sem einnig er hægt að elda
aflann og láta reykja hann.
2 ÞINGVALLASVEIT
Þingvallavatn - Þjóðgarður
Ekki þarf að spyrja að nátt-
úrufegurðinni hjá einu vin-
sælasta veiðivatni landsins,
með sínum fjórum tegund-
um af bleikju og stórmerki-
legum og nánast goðsagna-
kenndum urriðastofni, en
mestu líkurnar á að fanga
þar silung mun vera seint
á kvöldin. Öll aðstaða fyrir
veiðimenn er til fyrir-
myndar í þjóðgarðinum.
3 KIRKJUBÆJAR-
KLAUSTUR
Víkurflóð
Eftir um sjö mínútna
akstur frá Kirkjubæj-
arklaustri (fjóra kíló-
metra í suður) koma
veiðimenn að þessu
notalega vatni sem
geymir sjóbirtinga,
bleikjur og urrðiða
allt frá smáfiski
og upp í fimm til sex
punda stykki. Góð aðstaða til
fluguveiða og hægt að leigja
smáhýsi og hótelgistingu á
staðnum. Einnig kjörið fyrir
þá sem gista í tjaldi á Kirkju-
bæjarklaustri og mörgum er
eflaust akkur í því að golf-
völlur er á staðnum.
4 AUSTUR- SKAFTA-
FELLSSÝSLA
Þveit
Í Nesjahreppi, skammt norð-
an Hafnar í Hornafirði, er
þetta grunna vatn sem skart-
ar margbreytilegu fuglalífi í
fallegu umhverfi. Vatnið er
við þjóðveg 1 og aðgangur
því afar greiður. Í vatninu
finnst bleikja, urriði, sjóbirt-
ingur og sjóbleikja og víða er
að finna gistiaðstöðu í
nágrenninu. Til eru
sagnir um að nykur
hafi sést við vatnið á
myrkum haustkvöld-
um.
5 MELRAKKA-
SLÉTTA
Hraunhafnarvatn
Hraunhafnarvatn, í tíu
kílómatra fjarlægð frá
Raufarhöfn, er stærsta
vatnið á Melrakka-
sléttu en einnig er hægt að
veiða í Æðarvatni og Arnar-
vatni sem eru mun smærri.
Þjóðvegur 85 liggur með-
fram norðanverðu vatninu
og aðgengi því nokkuð gott.
Svæðið er þekkt fyrir feg-
urð, ekki síst þegar mið-
nætursólin gyllir hafflöt-
inn á kyrrum kvöldum.
Bleikju má fá um allt vatnið
en urriðinn heldur sig syðst
í vatninu.
6 VESTUR-BARÐA-
STRANDARSÝSLA
Sauðlauksdalsvatn
Sauðlauksdalsvatn, eitt
skemmtilegasta veiðivatnið
á Vestfjarðakjálkanum, er
í 28 kílómetra fjarlægð frá
Patreksfirði og um 380 kíló-
metra frá Reykjavík. Með
því að taka ferjuna Bald-
ur yfir Breiðafjörð er hægt
að stytta vegalengdina um
150 kílómetra eða svo. Gott
aðgengi er að vatninu en hafa
verður í huga að einungis er
leyfilegt að aka eftir merkt-
um slóðum. Bleikju og hina
vænstu urriða er að finna í
vatninu.
7 REYKJANESSKAGI
Kleifarvatn
Kleifarvatn er stærsta vatn-
ið á Reykjanesskaganum og
eitt dýpsta vatn landsins,
eða rúmlega níutíu metra
djúpt. Eldbrunnið umhverf-
ið er hrjóstrugt en þó fal-
legt um leið. Silungsseiði
af bleikjustofni voru sett í
vatnið á sjötta áratugnum og
hafa þau dafnað vel, og fleiri
seiðum hefur verið sleppt
í vatnið síðan svo veiðin í
vatninu er oft ágæt. Aðgengi
að vatninu er gott ef ekin er
Krýsuvíkurleið.
8 SUÐUR-ÞINGEYJAR-
SÝSLA
Kringluvatn
Kringluvatn, í
tæplega fjörutíu
kílómetra fjar-
lægð frá Húsa-
vík, þykir með
barnvænni vötn-
um landsins. Mjög
góð dorgveiði er í vatn-
inu allt árið og þar má
rífa upp talsvert af
vænum urriða. Tjald-
svæði er við vatnið og einn-
ig má fá gistingu hjá Ferða-
þjónustunni Heiðarbæ sem
er í um tíu til fimmtán kíló-
metra fjarlægð norðan við
vatnið.
9 EGILSSTAÐIR
Urriðavatn
Vatnið er í um fimm kíló-
metra fjarlægð frá Egils-
stöðum, við þjóðveg 1 og 925
og því greiðfært fyrir alla
bíla að vatninu. Uppistaða
veiðinnar er eins punds
bleikja en þó geta stærri
fiskar slæðst með. Afar
gott berjaland er í nágrenni
Urriðavatns sem ætti
að gera heimsókn
þangað að fyrir-
taks skemmtun fyrir
alla fjölskylduna.
10 SNÆFELLS-
NES
Hraunsfjörður
Hraunsfjörður
þykir afburðaskemmti-
legt veiðisvæði, en um er
að ræða lón fyrir innan
stíflu við Hraunsfjörð á
víðáttumiklu svæði. Prýð-
is aðstaða er fyrir bæði
tjöld og húsbíla við vatnið
og júlí og ágúst eru tald-
ir bestu mánuðirnir fyrir
veiði á þessum slóðum.
Ekki skemmir fyrir að far-
símasamband við vatnið
mun vera fremur slæmt,
sem ætti að gefa fjölskyld-
unni frið frá endlausu
símamali.
11 KJÓSARHREPPUR
Meðalfellsvatn
Frá Hvalfirði er ekið um
veg 461 sem liggur að Með-
alfellsvatni, sem er tilval-
ið vatn fyrir alla fjölskyld-
una að skjótast í og veiða.
Sérlega mikið er um smá-
bleikju í vatninu, sem hent-
ar afar vel fyrir ungviðið.
Hægt er að nálgast gistingu
í nágrenninu, meðal annars
hjá Ferðaþjónustunni Hjalla
og Eyrarkoti, en besti veiði-
tíminn er fram í miðjan
ágúst.
12 BOLUNGARVÍK
Syðridalsvatn
Í Bolungarvík við Ísafjarð-
ardjúp er Syðridalsvatn,
mjög gott veiðivatn sem
er um einn ferkílómetri að
stærð. Hægt er að leigja bát
á bænum Hanhóli til notk-
unar á vatninu og einnig er
fjölbreytt fuglalíf á svæð-
inu og möguleiki á að líta
augum sjaldgæfa fugla á
borð við gráhegra og him-
brima.
1
2
3
4
7
6
8
9
11
10
12