Fréttablaðið - 31.07.2010, Blaðsíða 32
20 31. júlí 2010 LAUGARDAGUR
U
m leið og ég kom út
úr skápnum ákvað
ég að mér skyldi
verða alveg sama
um það hvað öðrum
fyndist. Svona er ég
bara og ef fólk tekur því illa þá er
það bara þess mál og ég kæri mig
kollóttan um það,“ segir Steindór
Sigurjónsson, varnarmaður í 3.
deildarliði Sindra frá Hornafirði.
Steindór kom út úr skápnum fyrir
tæplega ári og er, að því best er
vitað, fyrsti leikmaður Íslands-
mótsins í knattspyrnu sem stíg-
ur það skref, í það minnsta sá
eini sem komið hefur út úr skápn-
um meðan hann er enn að spila í
deildinni.
Flestir tekið fréttunum vel
Steindór er 24 ára gamall og
hefur síðustu fimm sumur starf-
að hjá bakaríinu Hornabrauði
á Höfn í Hornafirði. Á veturna
stundar hann nám á félagsfræði-
braut í Framhaldsskóla Austur-
Skaftafellssýslu, auk þess að
leika knattspyrnu með Sindra.
Steindór segir það hafa gengið
mjög þægilega fyrir sig að koma
út úr skápnum. „Það leið varla
mánuður frá því að ég áttaði mig
á því að ég væri samkynhneigður
og þar til ég kom opinberlega út,“
segir hann. „Ég hef alltaf verið
ákveðinn og lítið fyrir að tví-
nóna við hlutina og þegar ég var
búinn að finna mig þótti mér best
að drífa bara í þessu. Ég átti ekki
í neinni innri baráttu með þetta.
Erfiðasti hlutinn var að koma
út fyrir strákunum í fótboltan-
um því við erum 25 einstakling-
ar, allir Hornfirðingar og þekkj-
umst mjög vel. En ég byrjaði á
því að segja bestu vinum mínum
frá þessu og svo létu þeir hina í
hópnum vita.“
Spurður um viðbrögðin við
fregnunum segist Steindór varla
hafa vitað við hverju hann ætti að
búast. „Það er hommafótboltalið
í Reykjavík, Knattspyrnufélag-
ið Styrmir, en þeir hafa aldrei
spilað í deildinni og ég renndi
dálítið blint í sjóinn með þetta.
En það breyttist ekki neitt. Allir
hér í kring hafa tekið þessu mjög
vel, enda breyttist ekkert í mínu
fari við að koma út úr skápnum.
Í einum leik á undirbúningstíma-
bilinu í vor heyrði ég reyndar
einn leikmann hins liðsins kalla
„ekki láta þennan homma komast
fram hjá þér,“ en ég hafði bara
gaman af því og fannst það fynd-
ið,“ segir Steindór.
Samfélagið er að átta sig
Hann segir viðhorf samfélags-
ins gagnvart samkynhneigðu
fólki hafa breyst mjög mikið á
síðustu árum. „Til dæmis hafa
nokkrir strákar frá Höfn komið
út úr skápnum og enginn þeirra
býr hérna lengur, sem segir sitt,
en samfélagið er greinilega að
átta sig á hlutunum. Það getur
vel verið að það virki hvetjandi á
aðra sem eru í svipuðum sporum
að ég hafi komið út, en ég hugsa
lítið um það. Það kæmi mér þó
ekki á óvart ef fleiri opinberlega
samkynhneigðir leikmenn myndu
bætast við deildina næstu árin.“
Markmiðið gæti náðst
Hornafjarðarliðið á ágætis mögu-
leika á að komast í úrslitakeppni
þriðju deildar, en Sindri situr sem
stendur í öðru sæti A-riðils og á
meðal annars eftir að etja kappi
við Árborg, efsta liðið í deild-
inni. „Markmiðið var allan tím-
ann að komast í úrslitin. Svo er
bara bónus ef við komumst upp
um deild,“ segir Steindór.
Hann hefur að sögn lítið hugsað
út í hvað taki við eftir að náminu
lýkur, enda hafi fótboltinn ávallt
verið númer eitt, tvö og þrjú á
forgangslistanum. Steindór veit
þó upp á hár hvar hann verður
um næstu helgi, en þá fer Gay
Pride-hátíðin fram í Reykjavík.
„Ég hef heyrt af því að strákarn-
ir í Reykjavík séu dálítið að tala
um mig og þeir eru víst ánægðir
með þetta. Það er reyndar leikur
hjá Sindra gegn KFG þessa helgi
en ég bað um að fá frí fyrir mörg-
um mánuðum vegna Gay Pride og
þjálfarinn, Óli Stefán Flóvents-
son, samþykkti það. Ég verð á
Höfn að vinna meðan hinir strák-
arnir skemmta sér um verslunar-
mannahelgina og þeir vildu leyfa
mér að skemmta mér smávegis
líka,“ segir Steindór að lokum.
Fær frí í leik vegna Gay Pride
Steindór Sigurjónsson, varnarmaður í Sindra í Hornafirði, er líklega fyrsti virki leikmaður Íslandsmótsins í knattspyrnu sem
kemur út úr skápnum. Kjartan Guðmundsson ræddi við frumkvöðulinn um boltann, viðbrögðin og hátíðina um næstu helgi.
FÓTBOLTINN Í FYRSTA SÆTI Steindór er harður stuðningsmaður Manchester United
og í efstu deild á Íslandi fylgir hann KR að málum, sjálfur borinn og barnfæddur
Hornfirðingurinn. „Ég veit að það hljómar ótrúlega, en það er vegna þess að frænka
mín heldur með KR. Ég kemst hins vegar sjaldan á leiki,“ segir Steindór.
MYND/HAFÞÓR BOGI REYNISSON
Hafðu samband