Fréttablaðið - 06.08.2010, Blaðsíða 16
16 6. ágúst 2010 FÖSTUDAGUR
timamot@frettabladid.is
DAGUR SIGURÐARSON (1937-
1994) FÆDDIST ÞENNAN DAG
Ég elska þig, ég elska þig
og drulluhjallinn, Dísa.
Að dúsa hér í ljósleysi er
unaðslegt með þér
þótt hitinn af sé tekinn og
tuggin öll vor ýsa.
Ég tileinka þér kvæðisstúf
sem betri er en smér.
Dagur Sigurðarson var
íslenskt skáld, þýðandi og
myndlistarmaður.
MERKISATBURÐIR
1806 Hið heilaga rómverska
ríki er formlega leyst upp
þegar síðasti keisarinn,
Frans 2., segir af sér. Aust-
urríska keisaradæmið og
Þýska bandalagið taka við.
1809 Í Klúbbnum í Reykjavík
(þar sem nú er hús Hjálp-
ræðishersins) efnir kon-
ungurinn, Jörgen Jörgen-
sen, til dansleiks.
1960 Steingrímsstöð, 26 Mw
virkjun í Soginu, er tekin í
notkun.
1965 Hljómplata Bítlanna,
Help!, kemur út í Bret-
landi.
1983 Friðarganga á vegum her-
stöðvarandstæðinga er
gengin frá hliði herstöðv-
arinnar til Reykjavíkur.
Á þessum degi árið 1933 stormaði
hópur manna að bústað vararæðis-
manns Þjóðverja, Sófusar Blöndal,
á Siglufirði og skar þar niður merki
þýskra nasista, þjóðfána Þýskalands,
hakakross í hvítum hring á rauðum
fleti.
Mennirnir rifu fánann, hentu
honum í poll og stöppuðu á honum.
Þeir vildu með verknaði sínum mót-
mæla kúgun þýskra nasista.
Athæfi þeirra var strax tilkynnt
bæjarfógeta. Fimm voru handteknir
en einn þeirra var Steinn Steinarr
skáld. Atburðurinn vakti mikla athygli um allt
land og fjölmiðlar fjölluðu um málið. Verkalýðs-
blað kommúnistaflokksins hrósaði fánamönnum
fyrir hreystiverkið en Morgunblaðið
skrifaði að það væri „ekki ný bóla
að Siglufjörður sé um síldveiðitím-
ann vettvangur þeirra manna, sem
á lægsta menningarstigi standa í
þjóðfélagi voru …“
Meira en ár leið þangað til
bæjarfógetinn á Siglufirði kvað upp
dóm í máli fimmmenninganna. Þrír
mannanna, þar á meðal Steinn, voru
dæmdir í þriggja mánaða óskilorðs-
bundið fangelsi, hinir tveir í tveggja
mánaða fangelsi.
Framhald málsins var það að því
var vísað til Hæstaréttar sem í febrúar 1935 stað-
festi fyrri dóm undirréttar í öllum meginatriðum.
Dómunum var þó aldrei fullnægt.
ÞETTA GERÐIST: 6. ÁGÚST 1933
Nasistafáninn skorinn niður
„Áður en ég flutti hingað á Höfn hafði
ég lítið kynnst jöklum og ekki verið
mikið á ferðinni yfir vetrartímann. Í
tengslum við starf mitt sem forstöðu-
maður Fræðasetursins á Hornafirði
ferðast ég hins vegar mikið allan árs-
ins hring og fór þá að sjá að svæðið hér
býr yfir miklum töfrum bæði á sumr-
in og veturna,“ segir Þorvarður Árna-
son en bókaútgáfan Opna gaf nýverið
út fyrstu ljósmyndabók hans, Jökulsár-
lón – árið um kring.
Þegar Þorvarður flutti austur fyrir
fjórum árum fékk hann sér nýja mynda-
vél og fór að taka myndir. Áhugamál-
ið vatt hratt upp á sig og fljótlega var
fátt annað sem komst að um helgar en
að mynda. „Fyrir rúmu ári fékk ég
þá flugu í kollinn að gaman væri að
fylgjast með sama staðnum yfir heilt
ár,“ segir Þorvarður sem fór að Jök-
ulsárlóni einu sinni til fimm sinnum í
mánuði. „Ég uppgötvaði hvað lónið er
gríðarlega fjölbreytt. Það er svo mikil
hreyfing á öllu og það er aldrei eins.
Það er því alltaf upplifun að koma að
lóninu sem er umkringt svörtum sandi
með fjallaumgjörð á eina hlið og ver-
aldarhafið á hina. Þetta skapar sam-
spil sem er einstakt á heimsvísu,“ segir
Þorvarður heillaður. Hann bendir einn-
ig á að birta og breytileg veðurskilyrði
hafi áhrif á hverja upplifun.
Í bók Þorvarðar eru því myndir frá
öllum árstímum og segir hann mikinn
mun vera á lóninu eftir því á hvaða
tíma er komið að því. „Yfir sumarið eru
jöklarnir tiltölulega hrjúfir og hvítir
og mikið líf er í lóninu, mikið af fugl-
um og selum. Þegar veturinn gengur í
garð breytast jakarnir og verða sléttari
og tærari eins og ísmolar. Fyrir vikið
koma litirnir sterkar fram í þeim og í
samspili við sólina sér maður liti sem
maður sér ekki um sumarið,“ útskýr-
ir Þorvarður en einn tilgangur bókar-
innar er að vekja athygli á fegurð lóns-
ins á öðrum tímum en hásumri. „Það er
sama hvenær þú kemur að lóninu, það
er alltaf eitthvað stórkostlegt að sjá.“
Bókin er gefin út á fjórum tungumál-
um, íslensku, ensku, frönsku og þýsku.
Þeim sem vilja kynna sér nánar mynd-
ir úr smiðju Þorvarðar er bent á vefsíð-
una www.thorri.is.
solveig@frettabladid.is
ÞORVARÐUR ÁRNASON: GEFUR ÚT FYRSTU LJÓSMYNDABÓK SÍNA
Lónið er alltaf stórkostlegt
BÖRN HEILLAST AF LÓNINU Jökulsárlónið heillar jafnt fullorðna sem unga. MYND/ÞORVARÐUR ÁRNASON
LJÓSMYNDARINN Þorvarður fór allt að
fjórum til fimm sinnum í mánuði að lóninu
á einu ári.
Elskulegur eiginmaður minn, faðir,
tengdafaðir, afi og langafi,
Helgi Felixson
húsasmiður,
Andrésbrunni 17, Reykjavík,
lést á líknardeild Landspítalans í Kópavogi þriðju-
daginn 3. ágúst. Útför fer fram frá Grafarvogskirkju
fimmtudaginn 12. ágúst kl. 13.00. Blóm og kransar
vinsamlegast afþakkaðir en þeim sem vilja minnast
hans er bent á líknardeild Landspítalans í Kópavogi í
síma 5431159.
Fríða Freymóðsdóttir
Erla Helgadóttir Tómas Guðmarsson
barnabörn og barnabarnabörn.
Minning
Svava Guðrún
Sigmundsdóttir
Svava Guðrún Sigmundsdóttir
fæddist í Reykjavík 18.
desember 1930. Hún lést á
Hjúkrunarheimilinu Grund 1.ágúst
síðastliðinn.
Foreldrar hennar voru hjónin
Sigmundur Þórður Pálmason sjó-
maður f. 3. maí 1900. d.18. ágúst
1965. og Margrét Gísladóttir hús-
freyja f. 23. nóvember 1908. d.16.
júlí 1964.
Svava Guðrún ólst upp hjá foreldrum sínum í Viðey og
Reykjavík. Hún var næst elst sjö systkina, en þau eru :
Svanlaug Esther f. 24. júlí 1929. d.18. febrúar 1992. Gift
Kristjáni Kristjánssyni f. 4. október 1918. d. 31. október
1991. Pálmar Gísli f. 9. janúar 1932. d. 14. júlí 1955.
Jón Sigurvin f. 24. september 1934. Kvæntur Helgu
Kristinsdóttur f. 6. ágúst 1939. Sigmundur Grétar f.
31. janúar 1942. d. 6. nóvember 1985. Eftirlifandi eig-
inkona hans er Jónína Valgerður Björgvinsdóttir f. 10.
ágúst 1943. Hörður f. 5. maí 1944. Tvíburabróðir hans,
Reynir lést nokkra mánaða.
Þann 18. júlí 1953 giftist Svava, Kristjáni Jóhannssyni
bifreiðastjóra frá Syðra Lágafelli f. 28. september 1929.
d. 20. febrúar 1999. Foreldrar hans voru hjónin Jóhann
Magnús Kristjánsson f.6.september 1893 d. 29.ágúst
1965 og Borghildur Júlíana Þórðardóttir f.9.júlí
1897. d.5.janúar 1971 ábúendur á Syðra Lágafelli á
Snæfellsnesi.
Fyrstu búskaparár sín bjuggu þau í Reykjavík en
síðan í Kópavogi. Börn Svövu og Kristjáns eru: 1).
Jóhann Magnús f. 21.október 1953 kvæntur Unni
Arnardóttur. Þeirra börn eru: a) Laufey f. 12. apríl 1973.
Sambýlismaður hennar er Einar Sigurður Axelsson f. 2.
september 1973. þeirra börn eru: Örn Haukur, Hrafn
Már og Þröstur. b) Fanney f. 2.desember 1981 hennar
drengur er Bjartur Snær Rúnarsson. Sambýlismaður
hennar er Guðmundur Níels Erlingsson og þeirra börn
eru: Erlingur og Unnur. c) Kristján f. 3. september 1987.
2) Margrét f. 3. maí 1957. hennar börn eru a) Kristján
Yngvi f. 7. desember 1979. Sambýliskona hans er Birna
Björk Níelsdóttir þeirra dóttir er Tanja Margrét og
stjúpbörn hans eru Elísabet Rósa, Jóhanna Ósk, Tara
Sól, Níels Þór. b) Svava Guðrún f. 26. júní 1984. 3)
Borghildur Júlíana f. 23. maí 1964. dóttir hennar er
Hafdísi Lind.
Útför Svövu fer fram frá Digraneskirkju í dag 6. ágúst
2010 og hefst athöfnin kl. 15.
BRIMBROT Oft gengur mikið á þegar stóra jaka ber upp á land í miklu
brimróti.
STÓRKOSTLEG BIRTA Jaki við sólsetur um miðjan nóvember.