Fréttablaðið - 06.08.2010, Blaðsíða 42

26 6. ágúst 2010 FÖSTUDAGUR
FÓTBOLTI FH-ingar eru komnir á
ný inn í baráttuna um Íslands-
meistaratitilinn eftir 3-1 sigur
á Eyjamönnum í gær. FH-ingar
komust í 2-0 í fyrri hálfleik og
unnu að lokum öruggan sigur.
„Ég er sáttur við leikinn fyrir
utan fyrsta korterið þegar þeir
settu mikla pressu á okkur og
voru að senda boltann bakvið
vörnina hjá okkur en eftir það
fannst mér við spila virkilega vel
og óðum í færum og úrlitin sann-
gjörn,“ sagði Heimir Guðjóns-
son, þjálfari FH og bætti við: „Ef
við hefðum tapað þessum leik þá
hefði þetta verið erfitt, 10 stigum
á eftir ÍBV og 8 umferðir eftir.
Þá hefðum við þurft að treysta á
aðra og það væri einfaldlega of
mikill munur,“ sagði Heimir.
Eyjamenn mættu grimmari til
leiks og voru að skapa sér nokk-
ur hættuleg færi á fyrsta korteri
leiksins. Tryggvi Guðmundsson
fékk þar besta færið þegar hann
tók við sendingu frá Þórarni Inga
en Tryggvi skaut boltanum fram-
hjá markinu af stuttu færi.
FH-ingarnir vöknuðu þó fljótt
og náðu að koma sér vel inní leik-
inn og það skilaði sér á 26. mín-
útu þegar Atli Guðnason komst
með boltann upp vinstri kantinn,
átti gott skot sem Albert Sævars-
son í marki Eyjamanna sá seint
en varði boltann beint út í teig
þar sem Freyr Bjarnason átti
ekki í nokkrum erfiðleikum með
að leggja boltann í netið.
Bjarki Gunnlaugsson meiddist
á 21. mínútu en inná í hans stað
kom Gunnar Már Guðmunds-
son sem átti stórleik á miðjunni.
Gunnar Már skoraði á 42. mínútu
þegar hann tók boltann vel utan
teigs og hamraði honum upp í
hægra hornið, stórkoslegt mark.
Tryggvi Guðmundsson, gamli
FH-ingurinn, náði svo að minnka
muninn þegar hann komst upp
vinstri kantinn, framhjá Guð-
mundi Sævarssyni, Gunnleif-
ur Vignir, markmaður FH-inga,
varði þó boltann í samherja sinn,
þaðan fór hann í stöngina en
Tryggvi fylgdi vel á eftir.
Þá virtist þetta vera að stefna
í spennandi leik en aðeins fimm
mínútum síðar skoraði FH sitt
þriðja mark. En Ásgeir Aron varð
fyrir því óláni að setja boltann í
eigið net þegar hann reyndi að
renna sér fyrir sendingu frá Atla
Guðna, Ásgeir sem hafði komið
inná sem varamaður aðeins mín-
útu áður náði aðeins að setja tána
í boltann og potaði honum því í
eigið mark.
Heimir Hallgrímsson reyndi
svo að berja lífi í sína menn og
sendi menn framar á völlinn, það
opnaði vörn Eyjamanna mikið en
þótt bæði lið hafi fengið nokkur
dauðafæri náðu þau ekki að nýta
sér þau og lokatölur því 1-3.
Eyjamenn höfðu aðeins fengið á
sig 10 mörk fyrir leikinn en fengu
svo 3 í einum og sama leiknum,
spurning hvort þeir ættu að leita
af forminu sínu í Herjólfsdal?
„Það voru bara margir að spila
undir getu í dag, það voru brota-
lamir á mörgum stöðum. Áttum
í erfiðleikum með þá á mörgum
stöðum á vellinum,” sagði Heimir
Hallgrímsson, þjálfari ÍBV sem
viðurkenndi að liðið hafði saknað
mikið Matt Garner í gær.
„Það myndu öll lið sakna Matt
Garner ef hann er ekki að spila
með þeim, það kemur svosem
ekkert á óvart. Annars hefðum
við getað komið okkur í mjög
þægilega stöðu en einhvers stað-
ar verður maður að búast við því
að það komi tap og það kom bara í
dag,“ sagði Heimir að lokum.
- vsh
Grindavíkurvöllur, áhorf.: 773
Grindavík Fram
TÖLFRÆÐIN
Skot (á mark) 10–6 (6–1)
Varin skot Óskar 1 – Hannes 3
Horn 5–4
Aukaspyrnur fengnar 10–15
Rangstöður 4–1
FRAM 4–3–3
Hannes Þór Halld. 5
Kristinn Ingi Halld. 6
(78. Tómas Leifsson -)
Hlynur Atli Magnúss. 6
Jón Orri Ólafsson 4
Daði Guðmundsson 4
Halldór Hermann 6
Jón Gunnar Eyst. 5
Almarr Ormarsson 4
Ívar Björnsson 4
Guðmundur Magn. 4
(72. Alexander Veigar -)
Joseph Edward Tillen 4
*Maður leiksins
GRINDAV. 4–4–2
Óskar Pétursson 5
Loic Mbang Ondo 6
Auðunn Helgason 7
Ólafur Örn Bjarnas. 6
Jósef Kristinn Jósefs. 6
Scott Ramsay 6
Jóhann Helgason 5
Orri Freyr Hjaltalín 7
Hafþór Ægir Vilhjá. 6
(74. Óli Baldur Bjar. -)
*Gilles Mbang Ondo 7
Grétar Ólafur Hjart. 6
(63. Ray Anthony 5)
1-0 Giles Mbang Ondo (18.)
2-0 Hafþór Ægir Vilhjálmsson (20.)
3-0 Giles Mbang Ondo (90.+2)
3-0
Valgeir Valgeirsson (7)
KR-völlur, áhorf.: 1455
KR Stjarnan
TÖLFRÆÐIN
Skot (á mark) 19–8 (8–2)
Varin skot Lars 1 – Bjarni 6
Horn 8–3
Aukaspyrnur fengnar 7–8
Rangstöður 4–1
STJARNAN 4–4–2
Bjarni Þórður Halld. 7
Bjarki Páll Eysteinss. 6
Tryggvi Bjarnason 5
Daníel Laxdal 6
Jóhann Laxdal 5
Dennis Danry 4
(77., Ólafur Karl -)
Björn Pálsson 5
Atli Jóhannsson 5
Þorvaldur Árnason 6
Víðir Þorvarðarson 5
(80., Arnar Már Björ. -)
Ellert Hreinsson 4
*Maður leiksins
KR 4–4–2
Lars Ivar Moldskred 7
Guðmundur Reynir 6
Grétar Sigfinnur Sig. 7
Mark Rutgers 5
Skúli Jón Friðgeirss. 6
Óskar Örn Hauksson 6
(77., Viktor Bjarki -)
*Bjarni Guðjónsson 8
Baldur Sigurðsson 7
Kjartan Henry Finnb. 7
Björgólfur Takefusa 7
(77., Jordao Diogo -)
Guðjón Baldvinsson 6
0-1 Þorvaldur Árnason (13.)
1-1 Kjartan Henry Finnbogason (33.)
2-1 Björgólfur Takefusa (59.)
3-1 Guðmundur Reynir Gunn. (80.)
3-1
Guðmundur Ársæll Guðm. (6)
ÍBV 1-3 FH
0-1 Freyr Bjarnason (26.)
0-2 Gunnar Már Guðmundsson (42.)
1-2 Tryggvi Guðmundsson (50.)
1-3 sjálfsmark (55.)
Hásteinsvöllur, áhorf.: 848
Dómari: Þóroddur Hjaltalín (6)
TÖLFRÆÐIN
Skot (á mark) 13–16 (5–12)
Varin skot Albert 9 – Gunnleifur 4
Horn 8–1
Aukaspyrnur fengnar 13–10
Rangstöður 6–4
ÍBV 4–4–2 Albert Sævarsson 7 - Arnór Eyvar Ólafsson
4 (54. Ásgeir Aron Ásgeirsson 4), Eiður Aron Sigurbjörns-
son 6, Rasmus Christiansen 6, Tony Mawejje 4 (45. Denis
Sytnik 4) - Andri Ólafsson 6, Yngvi Magnús Borgþórsson
5, Þórarinn Ingi Valdimarsson 6 - Tryggvi Guðmundsson
6, Danien Justin Warlem 5 (75. Eyþór Helgi Birgisson -).
FH 4–3–3 Gunnleifur Gunnleifsson 6 - Hjörtur
Logi Valgarðsson 5, (75. Hafþór Þrastarsson 6), Freyr
Bjarnason 7, Björn Daniel Sverrisson 6, Pétur Viðarsson
6, Guðmundur Sævarsson 4 - Matthías Vilhjálmsson 6,
Bjarki Gunnlaugsson 5 (21. *Gunnar Már Guðmunds-
son 8) - Ólafur Páll Snorrason 8, Atli Guðnason 7, Atli
Viðar Björnsson 6.
FÓTBOLTI Liverpool komst áfram
í forkeppni Evrópudeildarinnar
í gær eftir 2-0 sigur á makedón-
íska liðinu Rabotnicki á Anfield.
Liverpool vann 4-0 samanlagt.
David Ngog skoraði bæði mörk-
in í fyrri leiknum og kom Liver-
pool í 1-0 þegar hann skallaði inn
frábæra sendingu frá Joe Cole á
22. mínútu. Ngog átti einnig þátt í
seinna markinu þegar hann fisk-
aði vítaspyrnu sem Steven Gerr-
ard nýtti á 40. mínútu. -óój
Evrópudeildin í fótbolta:
Liverpool vann
FÓTBOLTI Blikastúlkur byrjuðu Evr-
ópukeppnina vel með sannfærandi
8-1 sigri á eistneska liðinu Levad-
ia Tallin í gærkvöldi. Riðill Blika-
liðsins í forkeppni Meistaradeild-
arinnar fer allur fram í Kópavogi
og liðið á eftir að spila við franska
liðið Juvisy Essonne og rúmenska
liðið Targu Mures. Juvisy vann 5-1
sigur í leik þeirra liða í gær.
Leikurinn var einstefna Blika-
stúlkna frá upphafi en þeim gekk
illa að nýta sér yfirburðina og ná
inn fyrsta markinu.
Fyrsta markið kom á 25. mínútu
og á endanum urðu þau alls átta.
Sandra Sif Magnúsdóttir braut
ísinn með marki úr aukaspyrnu
og lagði síðan upp annað markið
fyrir Gretu Mjöll Samúelsdóttur.
Sara Björk Gunnarsdóttir og Jóna
Kristín Hauksdóttir komu Blikum
í 4-0 fyrir hálfleik og í seinni hálf-
leik bætti Jóna við öðru marki sínu
auk þess sem Harpa Þorsteinsdótt-
ir skoraði þrennu.
„Þetta var svo sannarlega góð
byrjun. Það er búinn að vera fiðr-
ingur í manni fyrir Evrópukeppn-
inni nánast allt þetta ár eða síðan
að við komumst þangað. Það sást
svolítið á fyrstu mínútunum að við
vorum allar yfirspenntar og stress-
aðar. Þegar þetta kom þá var ekki
aftur snúið,“ sagði Harpa Þorsteins-
dóttir eftir leikinn.
„Við áttum að vera betri og viss-
um það en það var ánægjulegt að
klára þetta svona,“ segir Harpa en
hún var að leika sinn fyrsta Evr-
ópuleik og þurfti að bíða aðeins
eftir fyrsta marki sínu í leiknum.
. „Það er ekki hægt að kvarta yfir
því að skora þrennu í fyrsta leik í
Evrópukeppni,“ sagði Harpa bros-
andi. Næsti leikur Blika er á móti
rúmenska liðinu Targu Mures á
laugardaginn. - óój
Blikastúlkur byrjuðu forkeppni Meistaradeildarinnar á 8-1 stórsigri á eistneska liðinu Levadia Tallin í gær:
Harpa með þrennu í fyrsta Evrópuleiknum
FÓTBOLTI Grindvíkingar unnu 3-
0 sigur á Fram í Grindavík í gær í
fyrsta leiknum sem þjálfari þeirra
Ólafur Örn Bjarnason var í byrjun-
arliðinu. Gilles Mbang Ondo skor-
aði tvö mörk í gær og hefur skorað
7 mörk í þeim 4 leikjum sem Ólafur
Örn hefur stjórnað liðinu en Grinda-
vík hefur náði í 10 af 12 mögulegum
stigum í þeim.
Sigur Grindvíkinga hefði verið
stærri en þeir héldu í fyrsta sinn
markinu hreinu í ár, varnarleikur-
inn var afar öruggur og voru skyndi-
sóknir þeirra hættulegar. „Ég er
mjög ánægður með leikinn og stigin
þrjú, það var mjög margt jákvætt í
þessu. Við þurfum núna að halda út
þessum dampi út mótið og þá hef ég
engar áhyggjur að við föllum,“ sagði
Ólafur Örn Bjarnason, spilandi þjálf-
ari Grindavíkur, en hann byrjaði inn
á í þessum leik, sínum fyrsta byrjun-
arliðsleik síðan 2003. „Allt liðið lok-
aði svæðunum sínum og spilaði mjög
vel varnarlega séð” - kpt
Ólafur Örn Bjarnason í byrjunarliðinu í sigri á Fram:
Grindavíkursigur
FÓTBOLTI KR-ingar unnu sann-
færandi 3-1 sigur á Stjörnunni í
14.umferð Pepsi-deildar karla í
gærkvöldi.
Stjörnumenn byrjuðu betur og
komust yfir þegar um stundarfjórð-
ungur var liðinn af leiknum en þá
mættu heimamenn til leiks og skor-
uðu næstu þrjú mörk og kláruðu
leikinn. KR-ingar réðu lofum og
lögum nánast allan leikinn og því
sigurinn virkilega sanngjarn.
Það er allt annað að sjá til liðsins
og Rúnar Kristinsson er greinilega
á réttri leið með KR-ingana.
„Ég er virkilega ánægður með
leikinn hjá strákunum. Við héld-
um áfram eftir að hafa lent undir
og náðum að innbyrða sigur,“ sagði
Rúnar Kristinsson, þjálfari KR-
inga, eftir sigurinn í gærkvöldi.
Við náðum að halda boltanum vel
innan liðsins og stjórnuðum leikn-
um á okkur hraða. Eftir að við jöfn-
um leikinn kemur ákveðin ró yfir
liðið og það lá alltaf í loftinu að við
myndum komast yfir. Hlutirnir eru
líka að detta meira fyrir okkur, en
það hefur vantað í allt sumar,“ sagði
Rúnar. - sáp
Rúnar Kristinsson stýrði KR-liðinu til sannfærandi 3-1 sigurs á Stjörnunni í gær:
KR-ingar eru mættir til leiks
FRÁBÆRT MARK Sara Björk Gunnars-
dóttir fagnar hér flottasta markinu í gær.
FRÉTTABLAÐIÐ/VALLI
FLOTT BYRJUN KR er búið að vinna þrjá leiki sína á Íslandi undir stjórn Rúnars Krist-
inssonar með markatölunni 10-1. FRÉTTABLAÐIÐ/DANÍEL
BYRJAR VEL Ólafur Örn Bjarnason er að
hafa góð áhrif. FRÉTTABLAÐIÐ/STEFÁN
FH mætt í meistarabaráttuna
FH-ingar blönduðu sér virkilega aftur í toppbaráttuna með því að vinna 3-1 sigur á ÍBV á Hásteinsvellinum
í Vestmannaeyjum í gær. FH er nú aðeins fjórum stigum á eftir toppliðum Breiðabliks og ÍBV.
MÆTTIR Í TOPPSLAGINN Gunnar Már Guðmundsson og félagar í FH-liðinu sóttu þrjú
nauðsynleg stig til Vestmannaeyja í gærkvöldi. FRÉTTABLAÐIÐ/STEFÁN