Fréttablaðið - 10.08.2010, Blaðsíða 6
6 10. ágúst 2010 ÞRIÐJUDAGUR
Góður ávöxtunarkostur – einnig í áskrift
*Árleg nafnávöxtun frá 15.01.2001 til 31.07.2010. Ávöxtun í fortíð er ekki
ávísun á ávöxtun í framtíð.
Áskriftarsjóður ríkisverðbréfa er verðbréfasjóður skv. lögum nr. 30/2003
um verðbréfasjóði og fjárfestingarsjóði. Rekstrarfélag verðbréfasjóða ÍV
hf. er rekstrarfélag sjóðsins. Útboðslýsingu og nánari upplýsingar er hægt
að nálgast á heimasíðu www.iv.is. Fjárfestar eru hvattir til að kynna sér
útboðslýsingu sjóðsins og þá sérstaklega umfjöllun um áhættuþætti.
@Hafðu samband við
ráðgjafa okkar í
síma 460 4700 eða
kynntu þér málið
á www.iv.is
SKIPULAGSMÁL Álfyrirtækið Rio
Tinto Alcan segist vilja auka við
starfsemi sína hér á landi. Þetta
kemur fram í svarbréfi félagsins
til bæjaryfirvalda í Hafnarfirði.
„Rio Tinto Alcan hefur sannar-
lega áhuga á að auka umsvif sín á
Íslandi,“ segir í bréfi Alcan sem er
að svara fyrirspurn frá bæjaryfir-
völdum. Tilefni bréfaskiptanna er
að frá því í mars í fyrra hefur legið
fyrir tilskilinn fjöldi undirskrifta
frá Hafnfirðingum til þess að end-
urtaka eigi íbúakosningu frá árinu
2007 um nýtt deiliskipulag vegna
stækkunar álversins í Straums-
vík.
„Þar sem áformum fyrirtæk-
isins um stækkun var hafnað í
atkvæðagreiðslu í Hafnarfirði er
bæði eðlilegt og rétt að frumkvæði
að því að setja þau áform aftur á
dagskrá komi frá bæjarfélaginu,
það er íbúum þess eða eftir atvik-
um fulltrúum þess,“ segir í svari
Alcan.
Málið hefur velkst milli bæjaryf-
irvalda og Alcan eftir að undirskrift-
irnar lágu fyrir. Bæjaryfirvöld hafa
talið að Alcan hafi ekki gefið full-
nægjandi svör um sína afstöðu en
fyrirtækið segir ekkert því til fyr-
irstöðu að endurtaka kosninguna.
Hins vegar liggi engar ákvarðanir
fyrir um það hvort eða hvernig yrði
af stækkun eins og þeirri sem kosið
var um í mars 2007. Ef til stækkun-
ar kæmi myndi fyrirtækið líklega
sækja um losunarheimildir til Evr-
ópusambandsins. Eins sé það tilbú-
ið að minnka svokallað þynningar-
svæði umhverfis verksmiðjuna eins
og bæjaryfirvöld spyrji um.
„Fyrirtækið hefur að svo stöddu
engar aðrar óskir uppi en þær að
vilji bæjarfélagsins komi fram,“ er
undirstrikað í bréfi álfyrirtækis-
ins. Sagt er að mjög hafi dregist að
senda svarbréfið við spurningunum
sem bærinn setti fram í lok mars
síðastliðinn. „Stjórnendur fyrirtæk-
isins hafa undanfarna mánuði lagt
höfuðáherslu á að ljúka endurnýjun
á raforkusamningi álversins til að
tryggja núverandi rekstur þess, en
þeirri vinnu lauk á farsælan hátt í
liðnum mánuði,“ er töfin útskýrð.
Svarbréf Rio Tinto Alcan var
lagt fram í bæjarráði á fimmtudag
en engin ákvörðun tekin um íbúa-
kosninguna. Hins vegar fól bæjar-
ráðið oddvitum þeirra flokka sem
eiga fulltrúa í bæjarstjórn, auk svið-
stjóra og skrifstofustjóra skipulags-
og byggingarsviðs, „að yfirfara
framlögð svör“. gar@frettabladid.is
Íbúar kjósi um það
sama og í mars 2007
Rio Tinto telur að ef Hafnfirðingar kjósi aftur um stækkun álvers eigi það að
vera á sömu forsendum og 2007. Bæjaryfirvöld eru enn að ákveða viðbrögð við
því að nægilega margar undirskriftir fyrir nýjum kosningum liggja fyrir.
FR
ÉTTA
B
LA
Ð
IÐ
/H
A
R
I
Í ÁLVERINU Í STRAUMSVÍK Hafnfirðingar
felldu í kosningum 2007 tillögu sem gert
hefði kleift að ríflega tvöfalda áframleiðsl-
una í Straumsvík. Í sextán mánuði hefur
legið fyrir nægur fjöldi undirskrifta til að
endurtaka kosninguna en hún er þó ekki
enn á dagskrá.
MENNTMÁL Um fjórtán þúsund
nemendur hefja nám í 37 almenn-
um grunnskólum í Reykjavík 23.
ágúst, þar af eru 1.460 börn að
hefja nám í 1. bekk.
Rúmlega 400 nemendur eru
skráðir í sex sjálfstætt starf-
andi skóla í borginni og á annað
hundrað grunnskólanemendur
stunda nám í þremur sérskólum.
Samkvæmt tilkynningu frá
Reykjavíkurborg er undirbún-
ingsstarf fyrir skólabyrjun í
fullum gangi enda rétt um tvær
vikur í skólasetningu. -kh
Grunnskólarnir að byrja:
14.000 nemend-
ur í 37 skólum
MENNTUN Þrjár nýjar skólabygging-
ar verða teknar í notkun í Reykja-
vík í haust. Byggingarnar eru fyrir
Dalskóla í Úlfarsárdal, Sæmund-
arskóla í Grafarholti og Norðlinga-
skóla í Norðlingaholti.
Skólastarf hefur verið í bráða-
birgðahúsnæði í Norðlingaskóla
undanfarin ár, en skólinn tók til
starfa í ágúst 2005.
Kennsla hófst í hluta nýrrar
byggingar Sæmundarskóla í fyrra,
en skólastarf beggja skóla verður
að hluta til í nýju húsunum í vetur.
Stefnt er að því að fullgera húsin
fyrir árslok 2012. Skólinn varð
sjálfstæður árið 2006, en skóla-
starfið hafði áður verið í tengslum
við Ingunnarskóla.
Dalskóli tekur til starfa sem
leikskóli, grunnskóli og frístunda-
heimili í haust. Tilkynnt var um
nafn skólans undir lok maí á þessu
ári. Á þriðja tug grunnskólabarna
og 50 leikskólabörn hafa verið
innrituð í skólann, að því er fram
kemur í tilkynningu Reykjavíkur-
borgar.
Skólar verða settir í Reykjavík
23. ágúst. - þeb
Mikið lagt í undirbúning skólastarfs í Reykjavík sem hefst í lok mánaðarins:
Nýjar skólabyggingar teknar í notkun
SÆMUNDARSKÓLI Í fyrra hófst kennsla í
fyrsta hluta nýrrar byggingar í Sæmund-
arskóla. Kennsla hefst í þremur nýjum
skólabyggingum í haust, þar á meðal í
Sæmundarskóla. FRÉTTABLAÐIÐ/GVA
LÖGREGLUMÁL Lögreglumenn á
höfuðborgarsvæðinu handtóku
þrjá karlmenn sem gerðu til-
raun til að brjótast inn í fyrir-
tæki í Laugardalnum í Reykjavík
í fyrrinótt.
Mennirnir voru búnir að brjóta
rúðu og voru um það bil að fara
inn í húsið þegar lögreglumenn-
ina bar að og handtók þá alla á
staðnum.
Mennirnir fengu að gista
fangageymslur og voru síðan
yfirheyrðir.
Lögreglumenn í Laugardal:
Stóðu innbrots-
þjófa að verki
LÖGREGLUMÁL Lögreglumenn á eft-
irlitsför sáu í nótt hvar ökumaður
missti stjórn á bíl sínum og ók út
af Hafnarfjarðarvegi á móts við
Fífuhvammsveg.
Þar kastaðist bíllinn yfir tor-
færur uns hann nam staðar en þá
gaus upp eldur í honum.
Lögreglumenn náðu að slökkva
eldinn með handslökkvitækj-
um og voru ökumaður og farþegi
fluttir á slysadeild til aðhlynn-
ingar. Að því loknu var ökumað-
ur fluttur til gistingar í fanga-
geymslum, enda grunaður um
fíkniefnaakstur.
Ók undir áhrifum vímuefna:
Kviknaði í bíl
eftir útafakstur
FÓLK Stuttmynd um eldgosið í
Eyjafjallajökli er nú sýnd dag-
lega í verbúð við gömlu höfnina í
Reykjavík.
Myndin er eftir Valdimar
Leifsson kvikmyndagerðarmann
sem fór fjölmargar ferðir að gos-
stöðvunum í vor. Hann myndaði
gosið frá jörðu og úr lofti. Enginn
texti er í myndinni heldur aðeins
tónlist og myndir af gosinu.
Myndin er sýnd á lofti kaffi-
hússins Café Haítí í verbúð
númer tvö. Aðrar íslenskar stutt-
myndir eru einnig sýndar þar
daglega. - þeb
Café Haítí við höfnina:
Mynd um gosið
sýnd daglega
GOSIÐ Myndin um gosið er sýnd á
hverjum degi við gömlu höfnina.
FRÉTTABLAÐIÐ/VILHELM
VIÐSKIPTI Íbúðalánasjóður hefur
í kjölfar útboðs á íbúðabréfum
og í samræmi við breytingu á
vaxtaálagi ákveðið að útlána-
vextir sjóðsins verði óbreyttir.
Útlánavextir íbúðalána með
uppgreiðsluákvæði eru 4,50 pró-
sent og 5,00 prósent á íbúðalán-
um án uppgreiðsluákvæðis.
Í tilkynningu segir að vaxta-
ákvörðun Íbúðalánasjóðs byggi á
ávöxtunarkröfu í útboði íbúða-
bréfa sem haldið var 6. ágúst
ásamt vegnum fjármagnskostn-
aði uppgreiðslna ÍLS-veðbréfa.
Útboð íbúðabréfa:
Óbreyttir vextir
Íbúðalánasjóðs
HÚS Í BYGGINGU Íbúðalánasjóður hefur
í kjölfar útboðs tekið ákvörðun um að
halda vöxtum sjóðsins óbreyttum.
FRÉTTABLAÐIÐ/GVA
Tókst þú þátt í hátíðarhöldum
Hinsegin daga?
JÁ 12,9%
NEI 87,1%
SPURNING DAGSINS Í DAG:
Ætti að skikka bændur til að
girða sauðfé sitt af?
Segðu skoðun þína á Vísi.is
KJÖRKASSINN